الاثنين، مايو 23، 2011

وصول الثورة لمستحقيها

هل أكتب ما يقوله الاخرون؟...نعم اذا كان جيدا معقولا يصيب الحقيقة في عينها
عن "انا محستش بالتغيير" ووصول الثورة لمستحقيها قال وائل خليل

الأحد، مايو 15، 2011

نسويات ثورية

اسلمت مروة "المزة البيضاء المربرة"كما علق احد الاصدقاء لله الحمد عوضت ارتباطالمتحولات للاسلام من النسوان الفرز تالت ايضا علي حد تعليقة كنت ها اتكلم عن المنظمات النسائية ودورها ما قبل وبعد الثورة احصائيات ارقام واحداث ومواقف،سجلت فيها النخبة النسوية "خيابة"جديدة تجاه قضايا المراة من ساعة ما اقتصردورها من مجرد نشر علي قصص التحرش وتقديم الدعم النفسي للمغتصبات ثم بقدرة قادر تحولت بعض الناشطات الي قضية قومية هي لا لختان الذكور!!!
كنت ها اتكلم عن كاميليا شحاته اللي تخلي عن قضيتها قبل اعلانها في قناة"الحياة" عن ايمانها الابدي بالمسيحية و انها كانت مقموصة بس!! من الراجل طبعا قمصتها لا تعني ان برضه المنظمات النسوية لا سمعنا منها حس ولا خبر بس اهو وفروا علينا برضه الكلمتين ..
قوم طلعت فاتنة امبابة المنتفخة العيون عبير اللي برضه كانت مقموصة من جوزها! ووبدأت عصافير الحب وعنادل الغرام تنسج خيوط قصة ملتهبة بينها وبين الاستاذ ياسين صاحب التوك توك .وبعد ما مات 12بني ادم عشان خاطر عبير يحق لكل انثي في مصر تسأل هو انا مش ست ولا ايه؟؟
الحديث عن حق المرأة في الانفصال اصبح عبث في امام سلامة الوطن وسطوة الكنيسة وانتقال ملكية المرأة من يد رجل الي رجل ومن ذقن الي اخري في ظل تجاهل النسويات لتلك القضية اللي هي بالاساس قضية حرية فردية في ظل تجاهل الناشطات المسلمات من الاتهام بالتعصب وال"الحشرة"في شئون الاخر الدينية والمسيحيات يجدن حرج من الحديث عن شأن ديني مع شائك البعدعنه اسلم.
اما المزة الطليعية"بثينة كامل" قررت تخوض انتخابات الرئاسة رغم انها اقرت "انها عارفة انها مش ها تفوز" بس اهي بتكسر التابوه بتاع ترشح الستات!!
والحقيقة اناكمان بحب اتفرج علي كسر التابوهات بالطريقة المبتكرة بتاعتها انها تلبس الزي الرسمي لكل محافظة مثلا جلابية بدوي في سينا وجلابية صعيدي في قبلي وملاية لف وحلق مخرطة في اسكندرية، ومايوه بيكيني في شرم الشيخ، بدل ما توجع قلبها وتكتب لنا كلمتين في الاقتصاد ولا الامن القومي!!
سبقتها روائية اخري اسمها قوت القلوب غالبا ها تُضمن برنامجها الانتخابي جوه الرواية الجديدة بتاعتها اهو الترشيح مش نافع يمكن يزق الرواية طبعا هيئة قوت جنب هيئة بثينة متواضعة ..و بوسي خدت السوكسيه كله مع ان الموضوع شرفي شرفي واحلي من الشرفي مفيش..
اما السيدة تهاني الجبالي من مكلمة حوار وطني اللي مكلمة اخري فنصيحتي ليها ما تنيش يا تهاني صبغ جنب شعرك لان الابيض طقطق والوقت ده وقت المزز الثوريات
امس في اتصال هاتفي مع مواطنة سكندرية اسمها هبة بقناة الجزيرة تعليقا علي حبس سوزان ثابت قرينة المخلوع قالت هبة:سوزان كانت بتفصل قوانين علي مزاجها...عملت قوانين غربية ما تناسبش عوايدنا زي قانون منع الختان ربنا ينتقم منها..لازم نغير كل قوانين سوزان !!!!

كل فولة وليها كيال /محمد طه..