الأحد، أكتوبر 27، 2013

ثلاثية الاخوة داردين.

من اجمل الافلام اللي شفتها الفترة اللي فاتت وناطقة بالفرنسية هي ثلاثية الاخوة داردين,  مش معني انها سينما فرنساوي   حد يتوقع  انها الافلام الرتيبة الايقاع  المهتمة بالابعاد النفسية   يعني في صورة ذهنية كده محددة عن الفيلم الاوروبي عامة والفرنساوي خصوصا!
 هم حقيقة مش ثلاثية بس خط شغل المخرج خلاني اعتبرها كده.
المخرج جان بيير واخوه لوك مهتمين بسينما  ذات طبيعة خاصة بيحبوا  يغطوا مشاكل الشباب والمهمشين والطبقات الكادحة في اروبا, آه والله اللي بيشربوا من الخرطوم في الشارع ويعيشوا في عربيات متحركة واطفال الملاجئ الخ
الفيلم الاول  روزيتا: بيحكي عن مشاكل مراهقة شابة مهمشة عايشة في حي فقير مع ام مدمنة.
 التاني: فيلم: ذا تشايلد وبيحكي عن مشاكل شابين  فقراء رزقوا بطفل ومش عارفين يصرفوا عليه فيلجأ الاب لعصابة عشان يبيعه وتتوالي الاحداث
 والتالت فيلم الطفل  ذو الدراجة: بيحكي عن طفل  لفظه ابوه ورماه في ملجا وبتحتضنه عاملة كوافير وتستضيفة في بيتها و برضه احداث كتير بتتوالي
 شخصيا انا انبهرت بالثلاثة بس الاخير ابهرني جدا ايقاع سريع واحداث متلاحقة و وابعاد انسانية وشجن شخصيا  دمعت في احداثه في مشهد  الطفل سرق وراح لابوه يديله اللي سرقه الاب برضه طرده..الابطال غالبا مكررين يعني ها تلاقيه بيحب يجيب وشوش جديدة كممثلين  ويطعم الاداور التانية بوشوش مكررة. بنصح  بمشاهدة التلاتىة.