السبت، يوليو 14، 2007

اصغر ام....... واكبر مصيبه


حاله من الارف والزهول اصابتنا كلنا اما فقنا على خبر اغتصاب هند وحملها اللى يادوب عندها 11سنه... الحقيقه انا اكيده ان مشاعر الناس كلها واحده وسمعت اتصالا ت الناس على قناة المحور اللى بتطالب ان الجانى يتعدم او يتحرق او حتى يتقطع حتت وان العقوبه تتضاعف لما تكون الضحيه طفله... طبعا الحكايه صعبه ومؤلمه بس انا عندى عده ملاحظات

1)محدش طالب بزياده العقوبه على تجار المخدرات باعتبار ان الجانى مدمن والادمان اساس الجرايم كلها

2)الولد بعد ما هاياخد اقصي عقوبه البنت هاتعيش ازاى يعنى انا مش عارفه هما ليه طلعوا بيها على التلفزيون البنت اتشهر بيها اكتر وزمايلها فى المدرسه عرفوها وبقيه جيرانهاكمان بس بعد كام يوم الناس ها ترجع حياتها عادى وهى هاترجع حياتها تانىازاى؟؟

_فين العلاج النفسي والاعاده التاهيل للبنت دي تانى

_فين وكاله وزارة التعليم اللى ممكن ولازم تمد ايد المساعدة للبنت دى انها تكمل تعليمها فى مكان تانى وبلد تانيه بعيدعن المدرسه القديمه وتفير المساعده التعليميه لهاعشان تعوض اللى فاتها
فامريكا لما مراهقه بتخلف عيل ممكن تعرضه للتبنى بس هنا لا يبقى لازم تتوفر مصدر مالي للاسرة دى اللي ها تتحمل طفل زياده غير مرغوب فيه اصلا..الناس لازم تتكاتف انها تساعد الاسرة المنكوبه دى بدل مصمصه الشفايف

كمان المحافظه ومؤسسات المجتمع المدنى والجمعيات الاهليه وحقوق الطفل والمراة لازم تمد ايد المساعده بتوفير سكن للعيله دى بعيد عن مكان الحادث بعيدعن القريه دى يقدروا يواصلوا حياتهم فيه ولا حول ولا قوة الا بالله

هناك 11 تعليقًا:

بيدو يقول...

والله دي مصيبة بجد بس البنات والولاد مشتركين في سبب حدوثها بس افعال الولاد بتبقى رد فعل لتصرفات البنات من لبس مثير وغيره وربنا يستر ونتجوز بقى احسن تعبت
مستنيكم في مدونتي
www.shahdelkalam.blogspot.com

الطائر الحزين يقول...

السلام عليكم
كما رددت على كثير من المدونيين ان القصاص هو الحق العادل
وكفيانا كلام عن المجتمع وظروف المجتمع
والكلام اللى بيأخر أكثر مما يقدم حلول

حسبنا الله ونعم الوكيل
تحياتى

غير معرف يقول...

حسبي الله و نعم الوكيل
مسكينة هذه الطفلة
بس المشكلة موب اللحين قد ما اهيا عقب جم سنة , يعني اشبتكون عليه هذه الفتاة و هذا الجنين من حالة اجتماعية و نفسية
و شنو بيصيرون بعد 10 سنوات من الان ؟!
هل راح يسلكون الطريق اللي سيؤدي الى خراب المجتمع انتقاما من المجتمع الذي اضطهدهم و ساهم في ايذائهم
ام سيسلكون الطريق القويم الصعب
بالاخص عندما يكون الانسان مضطهد
الله يكون في عونهم يا ربي
اشكرك يا بنت القمر على البوست اللي استعرضت فيه نقاط بناءة و موضوعية

غير معرف يقول...

فعلا انتى وجهة نظرك سليمه جدا
انت استدرجتى بفكرك لاحداث مستقبليه الناس فى غفله عنها
فعلا ياريت الناس تفكر كده ويشوفوا حل
تحياتى ليكى وسلام

المونديال يقول...

السبب فى الكاية دى هوة بعد الناس عن الدين مفيش تربية صح ولا اى حاجة توجههم للصح مع تمنياتى بزيارة مدونتى الرياضيةhttp://almondyal.blogspot.com/

اسكندراني في الغربة يقول...

احنا في مصر
يعني مصلحة البنت هي اخر حاجة ممكن يفكروا فيها
يعني كل برنامج يطلعها يشهر بيها شوية
و لو ينفع كانوا حطوا صورها علي تي شيرتات وباعوها
و الي المحترم شوية حيشحت عليها في التليفزيون لله يا محسنين
ربنا يرحمنا برحمتوا

معلش بقا اول زيارة وجت كدة
بس الموضوع ينرفز

Eman Eltaher يقول...

فعلا بد الموضوع زاد و حسبى الله و نعم الوكيل
مسكينة البنت بجد
خصوصا و انها طفلة و شهروا بيها
كل برنامج بيجرى ورا مصلحته ما بيهموش فضايح الناس
انتى اتكلمتى عن الموضوع بنظرة موضوعية بحييكى عليها
و يارب ارحمنا من الناس دول و نعيش بقى ف مجتمع نضيف
يااااااااااااااارب
تحياتى ليكى

بنت القمر يقول...

الطائر الحزين القصاص فعلا حق
بحرينييه... اهلا بيكى وشكرا بس طبعا اكيد حلقه العنف مش ها تنتهى الا ما رحم ربى
المونديال .. معلش مليش فى الرياضه خالص بس الدين والقانوووون معالحمايه المجتمع...
اسكندرانى فى الغربه امال يتشهروا ازاااى والفضائيات تتنافس على حساب مين؟؟
ايمى العسل بموت فيكى بس هه مش هاقول غير كدا ومتبعاكى كويس...جودلاك بس بلاش مشاغبه اصلي بخاف عليكى,ومنتظرة الميل بتاعك

خيرالدين يقول...

مش عاوز اكون تشاؤمى بس أغلب الناس بقت كده
زى اما ناانت قلتى هتمصمص شفايفها
وبكره هتقلب فى التلفزيون تدورعلى حاجه تمصمص شفايفها عليها
وممكن يجى يوم كمان منبقاش بنتأثر بأى موقف مؤلم زى ده

بنوتة يقول...

فعلا انل مديقة اوي على البنت دي

الفقيرة إلى الله أم البنات يقول...

بنت القمر يا قمر
الحكاية طلعت مختلفه
اقراى للاميرة اوسه
http://aoossa.blogspot.com/