الجمعة، ديسمبر 05، 2008

BLACK THEMA

حاله غنائيه جميله تمتزج فيها الحاله الموسيقيه الجديدة بكلمات شبابيه هي اقرب ما توصف به"هراء لذيذ"هراء خفيف ممتع لا ثقل فيه ولا مجهود غير الابتكار والتجديد والابتعاد عن السفه والهراء المؤذي السائد في الكليبات الفضائيات ..
..كلمات من نوعيه مضايق من الرغيف مضايق من الرصيف مضايق من التكييف!!او مثل قال "فكر جديد وكله في التظبيط...! والشطارة في العبّارة!يقود الفرقه ثلاث شباب لهم ملامح نوبية اصواتهم حسنه شجيه هم:امير واحمد ومحمد و لكن الاروع من الكلمات هي الحاله الموسيقة المصاحبة!!امتلات قاعه المؤتمرات بمكتبة الاسكندرية عن اخرها لدرجه ان الثنائيات المتأخرين في الحضور لم تجد كراسي متجاورة للجلوس ملاحظه جانبية: حفله عمر خيرت لم تحظ بربع هذا الحضور من شهرين تقريبا! وكانت في الحديقه الدولية
النصف الثاني من الحفل كان لفريق اخر هو مسار اجباري وبعض الحضور خمنوا بأن اسم مسار اجباري هو الاسم الثاني لبلاك تيمابما يعني: مش ها تقدر تقوم من الكرسي!! ولكن العالمين ببواطن "الفرق "اخبروا الفريق المضلل بأن بلاك تيما فريق قاهري ومسارإجباري فريق سكندري وفي الاستراحه بين الفريقين تعصب احد السكندريين الظرفاء قائلا: الحضور دول كلهم تبع بلاك تيما جايبينهم معاهم من مصر وبعد ما فقرتهم ها تخلص ها يمشوا عشان القاعه تفضي علي مسار اجباري!!
ولكن تخمينه كان مخطئا فالحضور الذين دفعوا تمن التذكرة 15 جنيه من مدخراتهم لم يذهبوا في الاستراحه مسار اجباري: حاله غنائيه اخري تغنت باشعار سيد درويش وصلاح جاهين وعبد الرحيم منصور "طعم البيوت" زي" انا هويت وانتهيت" "او الدنيا هي الشابه وانت الجدع " ولكن تختلف في انها تلوي عنق الكلمات الطربيه لتناسب الحاله الموسيقيه الجميله جدا ايضا! تخيل مثلا ان تغني كلمات شمس الاصيل لام كلثوم علي خلفيه موسيقي بوب او جاز!!
يغني هاني مطرب الفرقه الوحيد جميع الكلمات وان كانت اخر الاغنيات دخلت ايضا في نطاق الهراء اللذيذ باغنيه لايمان البكري"مفيش حاجه" او اغنيه اوع اليمين اوع الشمال...المفاجئ بالنسبه لي علي الاقل ان فريق مسار اجباري قام بتحية فريق بلاك تيما وقاموا بغناء اغنيه لسيد درويش مشهورة"دنجي دنجي" كختام للحفل اللطيف جدا... ان تستمتع بنشوة الموسيقي وهراء الكلمات اللطيفة ودون ان تشعر بضغط ثمن التذكره علي اعصابك !
لتحميل اشهر اغاني بلاك تيما ايه يعني لما سبتيني بشكل مش معقول... انا عاوزة اسيبك من بدري لكن مكسوف اقول!!
موقع جروبهم علي الفيس بوك.. ميرسي لصديقي الفيس بوكي... اللي دعاني ليه

هناك 29 تعليقًا:

محمد الكومي يقول...

و تستمر الابداعات المصرية الخارجة عن المألوف فبعد تواص الاسكتشات التليفونية المضحكة تيجي الفرق الغريبةو تاخد الراية

عموما ماشي نستنى و نشوف يمكن يطلعوا حلوين

بس انا عموما مش انصار ني ادفع 15 جنيه لناس مغمورين يتشهروا على حسابي يعني

هع هع هع

طبعا مش راجل عندي مدونة و الكتروني و عالمي كمان

و كل سنة و انتي طيبة و عيد سعيد يا اماني هانم

mido يقول...

نحمل الاغانى ونحكم

كل سنة وانت وأسرتك طيبة وسعيدة
:)

فاتيما يقول...

هروح أسمعهم و بشكرك مقدماً
أنا جاية أقولك عيد سعيد
و كل سنة و إنتى طيبة
و أهل إسكندرية كلهم طيبين
لأنهم كدا بالفعل
تحياتى يا حبيبتى

طالب ثانوى يقول...

هسمع الاغانى انا بسمع عنهم بس عمرى ماسمعتلهم

عمرو عزت يقول...

في حفلهم المشترك في الساقية، قال هاني، من فرقة مسار إجباري:"دا ماتش الذهاب بيننا وبين بلاك تيما، والعودة حفلة تانية مشتركة في مكتبة الإسكندرية".
كنت أتمنى حضور "حلفة العودة" لأن مسار إجباري غنوا أغاني قليلة لكنها أعجبتني جدا، خاصة "اقرأ الخبر". كما أعجبني سماع أغنيات درويش،أنا هويت وانتهيت ولحن السياس، وهي تؤدى كأغنيات روك!
بلاك تيما حضورهم رائع، و"أغنية إيه يعني" سمعتها من ليلتها مئات المرات.
كلماتها ليست هراء أبداولكنها لطيفة بالتأكيد. انتظري مقالتي النقدية عن هذه الأغنية تحديدا !
:)

الطائر الحزين يقول...

كل عام انت بخير

Mohamed Hamdy يقول...

انا سمعت عنهم كتير ..بفكر اسمعهم
تحياتى ليكى

هبه يقول...

دمه خفيف فريق بلاك تيما , اسلوب جديد فى الغنى محتاجين نسمعه فعلا, بس ملحوظه على جنب كده , انتى تقصدى ايمان بكرى (مافيش حاجه ) صح؟.

زمان الوصل يقول...

كل سنه و انتى طيبه و عيد سعيد :) دى بس تصبيره لحد ما نتكلم على المسرّه أى الهاتف النقّال و الله أعلم :)

بنت القمر يقول...

محمد الكومي
============
ممكن تدفع يا محمد عشان تعرف وما تندمش انك معرفتش
وتقرر حسب زوقك
انا مندمتش واستمتعت جدا بالزات ببلاك تيما
ودفعت في محمد سعد وندمت اني جيت للحياة عشان أشوفه!!
مضحكتش وما انبسطتش
سمعت علي هيستيريا الضحك اللي بتيجي للناس في افلامه
ودخلت كتكتوت واستخسرت مش تمن الت>كرة استخسرت الهوا فيه!!
لكن لازم تعرف عشان تقدر تقرر
بلاك تيما..حاله مختلفه لزيزة
ممكن تحمل اغانيهم من الرابط كمان وتقرر
كل سنه وانت طيب
تحياتي

بنت القمر يقول...

ميدو وانت بالصحه والسلامه
شوف واحكم
خد الرابط وحمل منه
بلاك تيما
كل سنه وانت طيب

بنت القمر يقول...

فاتيما
=========
وانت بالصحه والسلامه
وكل سنه تحمل لك خير ان شاء الله
الرابط ده فيه الاغاني كلها
بلاك تيما
تحياتي

بنت القمر يقول...

عمرو عزت
============
قريت تدوينتك لان حضرتك علي الريدر عندي
في الاسكندريه الحفلات عموما اقل بكتير من القاهرة بكافه اشكالها
انا كمان كان عندي اللبس بخصوص الاسم:)
بلاك تيما حاله موسيقيه جميله ومنعشه استمتعت بيها جدا
الهراء هنا لطيف ومنعش
لكن مسار اجباري
اممممممم!!
مش عارفه حسيت الكلمات الكبيره بتاعه سيد درويش وصلاح جاهين وعبد الرحيم منصور معصورة عشان تناسب موسيقي الروك او الهيب هوب او غيره
هاني نفسه مش بيغني مرتاح حسيته بيجز علي الحروف
يمكن عشان هو شايل عبء الغنا لوحده بعكس بلاك تيما اللي الجهد متوزع علي تلات افراد كلهم اصواتهم حلوة
فهاني بيضغط علي نفسه عشان يقدم الافضل
بدليل اني معجبنيش الا اغنيه ايمان بكري
" مفيش حاجه" لان كلماتها في رأيي لايقه علي خلفيه الموسيقي
ده احساس
انتظر جديد دوما وتشرفنا انت ورضوي في الاسكندريه اي وقت
دهللتحميل الاغاني كلها
بلاك تيما
كل سنه وانت طيب

بنت القمر يقول...

طالب ثانوي
===========
كل سنه وانت طيب الاغاني كلها تلاقيها هنا
بلاك تيما
تحياتي وعيد سعيد

بنت القمر يقول...

الطائر الحزين
=============
وانت بالصحه والسلامه
واسرتك بكل خير

بنت القمر يقول...

محمد حمدي
=========
الاغاني كلها هنا يا محمد
بلاك تيما
كل سنه وانت طيب

بنت القمر يقول...

هبه
=====
:))
اه ايمان بكري غلطه غير مقصودة لان كان ورايا شله بتصفر جامد وكل شويه ازغر لهم واسكتهم عشان اسمع فتقريبا سمعت غلط لكن حملت الاغاني كلها من هنا
بلاك تيما

ميرسي ليكي وكل سنه وانت طيبة

بنت القمر يقول...

زمان الوصل
============
وانت بصحه وسعاده وفي احسن حال يا ست البنات
تحياتي

ذو النون المصري يقول...

حملت اغنيه من اغانيهم لكن الصراخ الامريكاني فيها مش مخليني اسمع صح

بنت القمر يقول...

نون
حمل حاجه تانيه الاغاني كتير خد اللينك اللي في التعليقات وكل سنه وانت طيب

Yasser_best يقول...

تحياتي

كل عام وأنت بخير

ملاحظة سريعة: تقصدين بالتأكيد عبد الرحيم منصور، ابن دندرة - بندر قنا، الذي صنع جزءاً مهماً من نجومية محمد منير

صلاح منصور، لم يكن يجرؤ سوى على ملاحقة "الزوجة الثانية"!

بنت القمر يقول...

ياسر
===========
عبد الرحيم منصور طبعا
غلطه مطبعية مريعه لا يغفرها الا ان تعلم ان نسيت المكواه في الثلاجه منذ عدة ايام:D:D من جراء السربعه واللهوجة:((

اسفه جدا
كل عام وانت بصحه وسعاده وفي احسن حال

محمود محمد حسن يقول...

بصي انا ما سمعتش عن بلاك تيما غير من البوست ده ،

عايز اقولك ان من ساعة ما قريت البوست ده امبارح ، وسماعات الكمبيوتر ما بطلتش بلاك تيما من امبارح


تجديد لذيذ جدا ، كلمات جديدة ، الحان جديدة ،

خسارة اني عرفتهم بعد الحفلة :)

الأغنية بقى بالذات بتاعة ايه يعني دي اللي انتي اخترتيها متميزة بشكل مش طبيعي

وجاية على الجرح كمان

تحياتي وكل سنة وانتي والأسرة بخير

الحرامي يقول...

بيان تأسيس العصابة
يشرفني انا الاستاذ / حرامي لص نشال

ان اعلن لكم عن تأسيس اول عصابة لسرقة المدونين

واحب اعرفكم اني خلاص بقي عندي عصابتي
واسلحتي ومفاتيحي وطفاشتي واعلن لكم جميعا عن ميثاق الشرف لتأسيس هذه العصابه

ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت


4- يتم عمل نقطة بوليس (عندي في المدونه ) لتلقي البلاغات والشكاوي والتعليقات

5- لن يتم نشر اي موضوع الا اذا كان مسرووووق يعني انا مش هكتب حاجه من عندي

6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير

HopiZ يقول...

ايه ده
انا حضرت الحفلتين
بلاك تيما و مسار - و حفله خيرت الى فى انطونيادس
مش عليزة اقولك انا اتزعقلى يوم حفله بلاك تيما عشان التأخير, بس بجد كانوا يستهلوا
و عندك حق فى نقطه ان بلاك تيما تحسيهم مرتاحين اكتر فى الغنا من هانى فى مسار
مع ان مسار اقدم من بلاك
مسار بقالهم يجيى 5 سنين و افتكر كمان ان مسار زمان كان فيها مغنى تانى غير هانى او 2
انا فاكره اول حفله رحتهالهم, كان ليهم اغنيه روعه عن ريحه اليود فى البحر, مش عارفه ليه بطلوا يغنوها
بس كانت حفله وهم بجد كنت هندم كتير لو ماكنتش رحتها
و على فكر اغنيه مسار بتاعه - ماليه الجرايد اعلانات - دى من كلمات امار , مهندسه كمبيوتر و شاعره جامده جدا و شابه ضغنتونه
و احيكى على البوست الجميل

relove يقول...

بعشق حاجة اسمها بلاك تيما
عندي معظم اغانيهم ونفسي في مصدر الاقي فيه كل ما غنو ودايما في كل جديد ليهم
زوقك رائع بجد

بنت القمر يقول...

هوبيز
==========
اهلا انتي اسكندرانيه؟؟
:)

بنت القمر يقول...

ريلاف
_____________
اشكرك... تحياتي

HopiZ يقول...

ايوووووووووووووووه يا بنت القمر
انتوا لسه بتسألوه
:)
انا اسكندرنايه جدا قوى خالص
و اشوفك قريب فى حفله حلوه تانيه قريب
بس قوليلى انتى بس
.............
و على فكر ريلاف عشان كانت بتسأل على مكان متجمع فيه حاجتهم كلها
انا هعملها مفاجأه و ابعتلها اللينك ده
بس ابقى ادعيلى بقى
http://forum.mshwarmounir.com/showthread.php?t=85