الأربعاء، أغسطس 26، 2009

ظهر مكشوف

كل الكلام والافكار والاحلام والطموحات عن الحرية والمساواة والعدل والحق في تقرير المصير

دايما بياخد "شلوت" امام قسوة الواقع وسفالته...

الشلوت ليس لأن الكلام تافها او عبيطا او بدون لازمة...

لكن لان الواقع اكثر حقارة وسفالة ويستطيع دايما ان يلعب دور البلطجي اللي يستطيع ترفيع اي مواطن شريف في شارع ضلمةفينسي حينها معاناته مع زوجته!

كل الفارق ان الشارع الضلمة لما بيكون عبارة عن واقع يلف وطن طويل عريض

في اثناء مروري علي بنزينة موبيل لغسيل عربيتي حدث مصادفه ان العامل اخد سيارة احد البهوات لتشحيمها واثناء دخوله لبيت التشحيم يحدث ان يصطدم بيه اخر بعربية البيه الاول وعلي طريقة خدوهم بالسوط لا يغلبوكم نزل من العربيه صارخا: حرام عليك يا ابني !!انت مش تفتح ؟؟

رغم انه هو المخطئ فقد خرج من البنزينه كأنه" طالع علي الزراعية"...

ثم ينصرف لان سيارته سليمة كعرص حقيقي..

في حين يجتمع كبير عمال البنزينه لترضية صاحب السيارة التي حدث ان ثقب اكصدامها_رغم ان العامل ليس مخطئا لكني عرفت ان قوانين العمل تحمل العامل الغلبان ثمن تصليح اي عربيه طالما حدث بها تلفيات وهي في حوزته!!

واذا كانت الاكصدام بحوالي 800 جنيهالي 1000 مثلاإذن فهو ثمن راتبه حوالي 6 شهور مع القشيش!!

يعني بقليل من الفذلكة يمكن القول ان المؤسسة الرأسمالية "البنزينة" تمص دم العامل المسكين براتب هزيل اعتمادا علي البطالة وعلي ما سوف يعوضه بجنيهات البقشيش

لكنها لاتؤمنه ضد الاخطاء البشرية وتستطيع ان تسلمه كلقمة طريه ليفتك به صاحب العربيه الذي لعب دور الشخص الاكثر عرصنة واتصل باللواء الفلاني ليخبره عن "حادث تصادم"!! في بنزينة موبيل سموحه دوران إيمانويل ليثبت حقه رافضا التصالح مع العامل !!

العمل الذي يحيا ظهره مكشوفا فيتلقي الضربات في بطنه وحلقه ايضا وتدهسه الاقدام!

تذكرت وقتها تدوينة عمرو عزت عن الحرية والحق في تغيير الاسم والدين وبلد الاقامة

وعن اللذين يحلمون ويتخيلون انفسهم وقدانتصروا لارداتهم الحرة وحقهم في اختيار مصيرهم وكيف ان الواقع يهبط بطموحات واحلام البشر الي حدها الادني الي يجعلهم يتسولون لقمة العيش و يقبلون اقدام البهوات فيكون الحديث عن الكرامة والحرية والخيال حديثا منتهيا ...

هناك 14 تعليقًا:

.:.-=- ELGaZaLy-=-.:. يقول...

صباح الوجع..

المثير للدهشة مش الى هرب..ولا الى عايز حقة..لا اتصالة بلواء شرطة علشان يقف ضد حد اكيد اكبر معارفة امين شرطة..
ورغم ان الحادثة مش مقصودة عادى يعنى مش يحاول يسال على البنى ادم الجميل الى جرى..لا بيحاسب حد هو واثق انة مش هايعرف يرد..تحيا مصر

Empress appy يقول...

طيب وهو كان محتاج يتصل بحد ما هما فرموا التانى خلاص حق ايه بقى

مـحـمـد مـفـيـد يقول...

اولا احييكي علي بوستك الرائع
الازمه فينا احنا
والله فينا احنا في تطبيقنا لللمفاهيم والمعايير

اميرة بهي الدين يقول...

الدنيا بايخه لما نتآملها بجد
ومافيهاش عدل خالص
لكن ماعندناش حل غير اننا نعيشها ونحاول تغييرها وبس خلاص

tamer.sala7 يقول...

طيب يا ريت علي كدة وبس

في اشارة مرور بولكلي عند ليزا بيلا كدة

واحدة فرمت بياع عيش معدي بالعجلة علشان تفادي خطأ من احدي البهوات كان بياخد غرزة علشان يعدي الاشارة قبل ما تقفل وفي الاخر البيه اللي بياخد غروة خلع والست اللي فرمت الواد وعجلته مشيت والاسعاف جت شالت الواد الغلبان

من غير ما اي حد يوجه للست اي كلمة ولا حتي ظابط المرور اللي كان واقف وحاضر الحادثة من اولها

كل ده ليه ؟؟؟
علشان طنط اللي كانت سايقة العربية حاطة علي عربيتها شعار نادي القضاة

يا مراكبي يقول...

بوست بيوجع أوي .. والعنوان كمان بيفسر نفسه .. واللي له ظهر ما ينضربش على بطنه

قد ايه بيكون مؤلم جدا ان الشعارات الجميلة تصطدم بالواقع المرير بالشكل ده .. قمة الظلم والإجحاف

الراجل اللي خبط السيارة ونزل بمنتهى الصفاقة يزعق وبعدين جري .. ظالم

والبيه اللي رضي بمنتهى الإستهبال انه يلبس التهمة للراجل الغلبان مع انه شايف الحقيقية .. هو كمان ظالم

غير ان البيه التاني ده كمان عارف انه مش هيقدر عالبيه الأولاني .. لكن يقدر عالراجل الغلبان

معرفش الناس بتفكر ازاي؟ ضميرها مستريح كده ازاي؟

ده انا لو خبطت عربية وهي راكنة .. باسيب تليفوني لصاحب العربية عشان يكلمني واشوف ايه اللي ممكن اتحمله .. مش يمكن يكون سواق غلبان؟ وانا في الأصل اللي غلطان

لله القدرة والعظمة

واذا استدعتك قدرتك على ظلم الناس .. فتذكر قدرة الله عليك

يمهل ولا يهمل

غير معرف يقول...

شئ مؤسف .. اعتقد معه اننا احيانا نحتاج الى ضبط زوايا اخلاق

عشان مايحدفش عالضعيف

تحياتى ..

مش هاجى تانى ..ده كلاكيت تانى مرة

فيه كلاكيت كمان تالت واخير

تــسنيـم يقول...

انا يا أماني شاهدة على موقف أوسخ منه إمبارح في عز النهار و الصيام


و متفقة معاكي إن اللي له ضهره ما يتضربش على بطنه وإن حتة مخبر مصدي مالوش تمن يقدر يشبح بواب عمارة ويسب له و لأهله و لأي حد يتدخل ألف ملة ودين عشان يعرف يكلم الباشا بتاعه ويقوله رجالتك بتتهزء من شوية خولات يا باشا

فينزل الباشا في عربية حكومة و يجي ياخد البواب و اللي يتشددله عشان يتربوا.. ليه..؟ عشان ضهرهم مكشوف يا أماني

Miso soup يقول...

البلطجة هي سمة اساسية من سمات الانسان .... يمارسها الانسان علي انسان اخر و تمارسها دولة علي دول اخر .... للاسف الدارونية حقيقة من حقائق الحياة

Unknown يقول...

اولا هي يثبت مش يرفع
ثانيا عامل البنزينه بيقبض في الشهر في حدود 500 جنيه غير التبس اللي بيتأرجح من 30 لحد 60 حسب المكان والبنزينه يعني مش لدرجه 6 شهور خالص مالص

ثالثا ايناكي من هذه الحادثه هل لما الواحد بيشوف حاجه غريبه اليويمن دول بيتحسس موبايله علشان يلقطها وينزلها علي الفيس او تدوينه موقف زي ده اكيد اول حاجه جت في دماغك شكل البوست القادم ولا عزاء لعامل البنزينه
كلنا بلوجسبوت

Enbee يقول...

العزيزة،،

تهاني على المدونة المتميزة التي تعرفت عليها متأخرًا جدًا.. وتهاني الأكير على الموسم السنوي لاستعادة الاسكندرية بريقها!!

تعليقًا على البوست المؤلم .. أهدي إليك تدوينة قديمة ... بها نفس الجرح .. رغم أن المشكلة قد انتهت على خير والحمد لله .. إلا أن بوستك ضغط على الزر ليظهر هذا البوست إلى الافق
http://enbee-world.blogspot.com/2006/01/blog-post_30.html

وهذا
http://enbee-world.blogspot.com/2006/11/blog-post.html

وبوست بتعبير كاريكاتوري عنوانه :إللي ليه ضهر ما ينضربش على بطنه ...http://enbee-world.blogspot.com/2007/05/blog-post.html

تحياتي العطرة

Enbee يقول...

بالمناسبة... المرشد في القصة الأولى كان أخي

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

غير معرف يقول...

زوارى الاحباب فيلم عجميستا من احلى الافلام فصيف2007فبلم يبان انه اكشن لكنه فكرة جديده مختلفه عن افلام الحب والقصص الممله المكررهكنت رايحه وانا عارفه ان شريف رمزى قايم بدور صياد ومش عارفه كنت متوجسه لان ملامح وجهه اجنبيه وابيض يعنى مش شكل صيادين خالص لكن الحقيقه بهرنى باحساسه العالى اما التلات بنات مى ودنيا وريهام فملهومش لازمه خالص فيلم تشم منه ريحه البحر وهوا العجمى... شوفوه ما يفتكمش
























..

أنارتها بنت القمر في 6/22/2007 01:09:00 ص 0 انواركم روابط هذه الرسالة



رسائل أحدث الصفحة الرئيسية
الاشتراك في: الرسائل (Atom) About Me

بنت القمر
انا= انا
عرض الوضع الكامل الخاص بي









هههههههههههههههههههههههههههه
واضح انك اتطورتي جدا
شايفه الفرق ؟؟
مابين اول تدوينه وحاليا
وانا بحب ربنا يا رضوي نياه نياه نياه