الأحد، ديسمبر 27، 2009

فيمينيزماويات

غريب ان تعاني الفيمانيزماويات العربيات من الاضطهاد والقهر
والاتهام بسوء السمعة وبالفشل الدريع
رغم ان مطالبهن عادلة
والجميع يقف خلفهن للتأييد او للتحرش

هناك 12 تعليقًا:

على باب الله يقول...

الفيميزماويات هم الوحيدين الذين يرون أن مقاومة التحرش تشتمل على ممارسات أخرى أبعد من مجرد إرتداء النقاب

عين فى الجنة يقول...

الفيمينست الحقيقية لا تهتم بالزواج اصلا فهى تؤمن بحقها فى النشوة على حد تعبير نادين من غير جواز ولا دياولو

عدى النهار يقول...

حلوة تركيبة البوست ده
:)

أحد المعلقين على المقال الثاني اللي ردت فيه على منتقديها ، قال لها إنه إتفق مع أخوه وإتنين من أبناء عمومته على إنهم يلبوا طلبها و يتزوجوها

بنت القمر يقول...

علي باب الله

-----
... يعني انا مكنتش بتكلم عن التحرش اصلا
!
انت تقصد انها بدل ما تقاوم التحرش بالنقاب تروح تعاشر اربعة
؟
!هو مفيش حلول لمشاكل المرأة غير كده يا كده
!

بنت القمر يقول...

راجي
=====
كل واحد ليه مفهوم فن الفيمينست ومش اي واحدة مهتمة بقضايا الامرأة اللي هي من وجهة نظري حقيقية جداا
تبقي نادين بدير
!

بنت القمر يقول...

عدي النهار
===============
قرين المقالين والاتنين اسخف من بعض والتاني جت تصلح بيه الاولاني عكت اكتر
!!!
ده العالم الغربي اللي بنتخذه قدوة يعني وبنضرب بيه الاماثل ما زال يؤمن بالعلاقات الاحادية مش بالخلتبيص... العيب عالمصري اليوم بجد
حاجه تقرف.... عندنا بنات بتموت من الختان وبنات شهادات ميلادها بتتزور وتتجوز وهما اطفال وستات بتتحرم من حق العمل والتعليم ونساء بيحرمن الميراث ودي بتتكلم في هبل
!

اميرة بهي الدين يقول...

من قال ان هذه تمثل الفيمينيست !!!
ثانيا .. ساعات يجيبوا ناس كده يعملوا دوشه ويقولوا كلام فاضي علشان الناس تستسفز اساسا ضد القضيه الحقيقيه اللي تتوه في الهيصه .. يعني نقول قضيه المرأه والختان والتمييز ضد المرأه في القانون يقولك بس بقي وانتم عايزين تتجوزوا 9 ويابتوع نادين مش عار ف ايه !!!
سيبكم منهم كلامهم فاضي وزباله ومايستحقش يترد عليه !!!

زمان الوصل يقول...

عندنا بنات بتموت من الختان وبنات شهادات ميلادها بتتزور وتتجوز وهما اطفال وستات بتتحرم من حق العمل والتعليم ونساء بيحرمن الميراث


الكلام ده مابقاش يبيع !! و الجريده فيها محرّرين بيوتهم مفتوحه و رئيس تحرير عاوز تابلوب و عاوز يغيّر عربيته و إبنه كان فى الثانويه العامشه السنه اللىّ فاتت يعنى زمانه داخل جامعه خاصّه السنه دى :)

يا مراكبي يقول...

:-)

بوست محتصر جدا جدا بس معبر جدا جدا .. يمكن أحلى حاجة في البوست ده تعليقك إنتي هنا

:-)

هو آه صحيح فيه مشكلة جنسية طبعا في المجتمع الشرقي كلة والكل ساكت عليها وبيغلي .. بس خلينا الأول في الأهم فالأهم .. يعني خلينا نخلص المشاكل الرئيسية اللي بتعاني منها الأنثى في مجتمعاتنا قبل ما نفكر في المشاكل اللي فيها رفاهية

غير معرف يقول...

فيمينيست يتصف بها كل معنى بقاضايا المرأة المتعلقة بالمساواة .. سواء نساء أو رجال .. وأنا من بينهم

أنا لم أر هذا المقال من زاوية اعلامية جريئة فى مجتمع مغلق الى حد ما.. او نزعة للشهرة واحداث فرقعة بموضوع جديد مثير ينتهى فى الغالب بنصيحة واحدة "اختشى عيب" لان كل الاديان والتقاليد و ..و ..

لكننى بحثت فى ثنياته عن اجابة حقيقية للسؤال الذى طرحته فى النهاية .. ماذا لو وقع الملل ؟ لأن هذه حقيقة تحدث حتى لو انكرناه .. نساءا قبل رجال

وقد كنت طرحت قبلا نفس المعنى فى مقال على

http://cherry0000.blogspot.com/2009/02/blog-post_21.html

شرفنى الكثير من الاصدقاء بالزيارة والتعليق .. لكن القضية ظلت لم تحل

شوية هجوم من هنا .. وبعض التأييد لمن يتقمصون الشجاعة والجرأة

لكن صدقينى هى قضايا حقيقية فى وقتنا هذا لم يعد يصلح لحلها الردود التقليدية المعلبة التى لاتسمن ولا تغنى من جوع

كلمتين فى سطرين كتبتيهم .. شفتى الردود قد ايه؟

غير معرف يقول...
أزال المؤلف هذا التعليق.
قلم جاف يقول...

لكن للأسف .. النوع دة من الفيمنينيزاويات هم الأعلى صوتاً والأكثر تواجداً وحظوة في الميديا سواء الميديا الحزبوطنية أو المالسياسية.. همة واجهة النشاط والمتحدثين الرسميين واللي بيحددوا سقف المطالب ، اللي بيؤمنوا بإن المنصب غاية مش وسيلة ، وبيحبوا يناضلوا على مستوى القمة مش على مستوى القاع.. يهمهم إن المرأة تبقى قاضية أكثر ما يهمهم إزاي تنجح أكثر كسائقة تاكسي.. رغم إن المشاركة الحقيقية في المجتمع وتمكين المرأة يكمن في مشاركتها على كافة المستويات مش بس في المهن اللي فيها "وجاهة اجتماعية"..