Jean-Michel Folon

لأنه ليس لي رواية فيما يحدث،لكن المدنية اصبحت اضيق من علبة الكبريت، والحرية صارت كذبة عارمة ،وانا اسيرة حرائق لاتنتهي
ابحر معها و ابحر

جرامافون

عندما تريد الابحارفي موجات من الاثير حيث عالم من الانغام الراقية دون ان تبتر متعتك الاعلانات التجارية او مداخلات المتصلين السمجة ،ترشف المتعة بنهم وهدوءفقط!
حيث يمكن ان تستمع الي نينا سيمسون ثم الي موال شفيقة ومتولي و صباح فخري ثم تنتقل الي ابداعات سيد درويش اغاني محمد منير ثم الشيخ إمام كأنها المرة الاولي لتلك الموسيقي ان تتسلل الي اذنك وتنساب اللي روحك مع نسمات الصيف الباردة
يشرف علي تجربة راديو "جرامافون" شابان هما أحمد كمال وعبدالله غنيم

،يقول غنيم: عن شروط المادة المذاعة أن تكون فقط مادة حلوة ومنسية فكرة التجربة ظهرت في ابريل وتم عمل السايت في شهر مايو وبدأ البث في يونيو صفحتهم الفيسبوكية تنوه عن المادة المذاعة والتفاعل عن طريق الموقع مباشرة،لا شروط للمادة المذاعة سوي ان حلوة ومنسية هكذا ببساطةأن تكون لنخبة السميّعة حيث لا يكن ان يبحر علي امواجهم" التوامر والعوامر" كما يقول غنيم اما الحلم ان نتنقل علي موجة اف امو تكون مؤسسة نشر مزيكا وفن بشكل عام مثل المورد .

نحن نتنفس حرية ...ولا نزرع الارز

النظام ما سقطش بصراحة النظام مش ها يسقط لا بخلع مبارك ولا الغاء ملف التوريث ولابكنس الطبقة السياسية الفاسدة، الجيش انحاز للثورة او انحاز لمصلحته وتماسك مؤسسته ؟؟جدل بيفكرني بــ هل الملائكة ذكور او اناث؟

من اسبوعين تم لوي دراعي عشان ادفع رشوة في مكتب شهر عقاري سموحة,من الاستاذ جمال دراعي ما اتلواش بس استهلكت وقت واعصاب كتير جداً ده حصل بعد الثورة بشهرين!
زي ما حصلت الاحداث الطائفية بعد الثورة بتلات شهور، الناس اللي حمت بعض في الميدان رفعت علي بعض السلاح وقطعوا الطريق وحاصروا بيوت ربنا!

النظام ده عشان يسقط لازم تغيير جذري مش الوزرا ولا المحافظين ولا المجالس لازم مذابح زي الثورة الفرنسية لمده 12سنة..يعني نغير الشعب كمان، طبعا طرح غير عقلاني بس ده اللي ها ينتج أجيال تانية تتربي في ظل هيبة القانون بعد ما مبارك خرب كل حاجة في عهده.

كان في برنامج علي الجزيرة مباشر مصر عم محمد كان غير سعيد بالثورة لانه اسعار الاسمدة الزراعية غالية جدا بالتالي ارباحه من زراعه الذرة قليلة وبتروح لملاك الارض والحكومة محتاجة وقت طويل تحارب مافيا الاسمدة الازراعية، قريب عم محمد"غلّوش" عليه وارتدي مسوح "الفلاح الفصيح" قال: بس طبعا احنا بنشكر الثورة كفاية اننا بنتنفس حرية! عم محمد رد انه بيتمني يزرع الارز عشان بيكسب كويس ويغطي مصاريف الارض..
عم محمد مش مهتم بالدستور اولا ولا بحملة البرادعي ولابنسبة الاخوان في المجلس ولا بتكتلات الليبراليين ،عم محمد نفسه يزرع رز لانه لما زرعه في 2008 اخد شهر سجن.لانه تجرا علي زراعة الارز في ارضه!!

الحكم عقابا ليه وانتصارا لمافيا استيراد الرز ،واللي اخده الفلاحين بعد الثورةوعد بالعودة الي زراعة القطن المصري الذي حرموا من زراعته!الكن مازال الرز حلماً!
في اجتماعات المجلس مع الثوار لن تتم مناقشة مشاكل عم محمد ربما لان عم محمد عمره ما زار التحرير ومطالبه غير ثورية
خلينا نفتكر الكلام عن وصول الثورة اللي مستحقيها

سؤال الحلقة هو في علاقة بين انقسام قوي الثورة حاليا وحالة التخوين والاتهام وجداول المطالب المختلفة والغير توافقية وبين 1971 وانقلاب السادات علي مراكز القوي والاطاحة بيهم استعدادا لحرب اكتوير رغم انه كان اول من القي بيان الثورة!؟

نورت يا قطن النيل