الثلاثاء، يوليو 24، 2007

تخاريف...............تدوينيه

هل الرب الإله ذكر؟؟؟هل قدم احدهم الاثبات على ذكورة الله أم هو أسقاط السلطة الذكورية على مفردات الأسطورة ا بقىدابالذمه تعليق !!!!!!! ا
تصدقوا انى قريت نفس التعليق فى كذا مدونه..حد فاهم حاجه؟؟؟؟ انا اول ما ابتديت ادون بديت زى الجميع بالقرايه وكنت بروح اقرا للناس اللى تعليقاتها تدل على ثقافه او دماغ عاليه و لكن الحقيقه لا الثقافه ولا الغرابه معناها الشطط واللسعان للدرجه دى؟؟؟يعنى ايه على قد فهمى ان التعليق واكيد كلكم قراتم نفس التعليق لنفس الشخصيه في كذا مكان !!!معناه المجتمع الذكوري منيل ماشى وفيه قهر للمراة ماشي..كدا موز موز موز ...وبعدين ايه دخل ربنا فى الحكايه؟؟؟؟؟!!!ولا هبل وخلاص؟؟؟؟!!!ا

اللى نعرفه عن ربنا انه( لم يلد ولم يولد ولم يكن له كفوا احد) وانه من خلال وصفه اذاته سبحانه قال حليم بصير رحمن...الخ
يعنى بصفه التذكير لحكمه يعلمها.. وهو اعلم بذاته سبحانه وتعالى....اختى المدونه اللى عارفه نفسها انتى بقي عايزة ايه حضرتك؟؟؟؟وايه علاقه التعليق دا بواحده بتكتب انها رايحه مصيف ولا واحد كاتب برنامج تلفزيون شافه!!!! ولا حول ولا قوة الا بالله

هناك 47 تعليقًا:

اسكندراني اوي يقول...

يا عزيزتي
انا رحت البلوج دي وشفت صاحبتها كاتبه ايه
من غير تجريح ولا اي حاجه نصيحه محدش يروح هناك
كلام لا يقبله عقل ولا دين ولا حتى منطق
والمصيبه الاكبر
اني لقيت على تلك الشاكله كتييييير اوي هناك
ولقيت برضه من حبايبنا اللي بيحاول يفهم ويعرض وجه النظر الدينيه الصحيحه
بجد نطلب لهم الهدايه ايا ما كانت ديانتهم

الله المستعان على ما يصفون

Unknown يقول...

مدونتك جميلة يا بنت القمر يا أسكندرانية طبعا بنات أسكندرية لازم يبقوا بنات القمر

و أنا بحييكى بجد على طرحك للموضوع ده و كنت على وشك أنى أعمل زيك بس أنا رحت قلتلها الى فيه الفايدة فى مدونتها
حنقول أيه ربنا ينور بصيرة الناس الى من النوع ده و يهديهم
المضحك بأه فى الموضوع و الى أستفذنى و خلانى أروح و أعلق عندها
أنها نشرت فى البوست خبر خطوبتها !!!!

همس الليل يقول...

انا اتشرفت بوجودى فى مدونتك اللى بصراحه دخلتها لانى لقيتك من اسكندريه
لكن لقيت عندك عقل كويس ودماغ حلوه
انا بصراحه مدخلتش ولا اعرف مين صاحبه تلك التدوينه

لكن فى كتييييييييير بيتكلمو بالاسلوب دا
وعالم التدوين مثل الكتب
فيها الجيد وفيها الردىء

فخذى منه ما يفيدك او ما يستهويكى
واتركى ما لا يستهويكى
فطالبى الهبل كثر
هههههههههههههههه
سلام ليكى يا اسكندرنيه

mohamedgado يقول...

كل اللى اقدر اقوله ان ده جهل دينى فوق الوصف
وسوق ادب مع الله بصراحه مش قادر اتخيل ان ممكن اى انسان يجول بخواطره افكار شيطانيه زى دى
ولا قادر اتخيل اذا كان حد ممكن يكتب عن كده الا اذا كان ناتج عن مرض نفسى وجهل وتخلف
ربنا يهديهم
بس برضه انا كنت اتمنى منك انك تتجاهلى الموضوع وماكونتيش تكتبى عنه
يعنى من باب كفايه اللى احنا فيه
ودول فى منهم كتير اوى
انا بصراحه ماشوفتش المدونه دى لكن متاكد انه فيه كده
وفى النهايه بحييكى
وسلام

بنت القمر يقول...

اسكندرانى اوى يارب يهدينا جميعا
.
.
عاليا حليم اهلا ياقمر خطوة عزيزة طبعا تتخطب ان شاء الله يديهاواحد من المجتمع الذكوري يطلع عليها النجيله هى صحيح مش كانت قالبه على المجتمع الذكورى ولا ايه؟؟؟
همس الليل اهلا بيكى
انا اللى اتشرفت بيكى فعلا كتب رديئه ومستفزة
..
..
محمد جادو برضه اهلا بحضرتك بس انكار ماتعتقد خطؤة وتسجيل موقف افضل من تجاهله ..
..
تحياتى

Eduardo Waghorn يقول...

Salaam from chile, Southamerica!
I admire very much arabian culture, my grandparents from my mum was from Syria...
Please, visit me and send a comment, even an arabian:)
shukran!!

nael eltoukhy يقول...

بصراحة مدونة هايلة

فعلا فعلا انبسطت بيها لاقصى درجة

تدل على عقل وذوق وفهم وذكاء فعلا


تحياتي عليها


طبعا اقصد المدونة اللي انتي بتردي عليها هنا
مش اي مدونة تانية

ههههههههههههه

مدونة هايلة فعلا



صباح الفل

Eduardo Waghorn يقول...
أزال أحد مشرفي المدونة هذا التعليق.
سندباد يقول...

دي اول زيارة لمدونتك تحياتي ليكي جدا
بالنسبة لموضوع البوست انا اول مرة اسمع عن الموضوع ده
وربنا يمهل ولا يهمل

صاحب البوابــة يقول...

مدونتك رائعة وسعدت بإكتشافها للغاية

تحياتي ولا تقلقي فالزمن كفيل بإظهار الحق من الباطل

فى القلب يقول...

أنا مبسوطه بأكتشافى مدونتك
بصراحه استمتعت بكل المواضيع
وكلامك فى الموضوع ده مش محتاج أى تفكير ان كلامك صح
ربنا يهدينا ويهدى الناس التانيه ويسبتنا

عروس البحر يقول...

بصراحة كلامك مقنع مية في المية و وجهة نظرك صحيحة
تحياتي

م يقول...

ناس كتير مبسوطين انهم اكتشفوا مدونتك
هى مدونتك كانت فين؟
انا كمان مبسوط انى اكتشفتها
مدونه حلوه
الفكره اللى انتى بتنتقديها موجوده ومتكرره والبنت اللى بتتكلمى عنها اللى انا معرفهاش جايز نفسها فى سنه سجن ولا حاجه عشان تطلع منه نجمه وضحيه ومضطهده وكريم عامر وهكذا
ماحنا فى ايام ما يعلم بيها الا ربنا
عقول تعبانه فعلا
تحياتى ليكى

غير معرف يقول...

بصى يا ستى

بعيدا عن التناول الدينى
بكل بساطة ومن الفترة اللى انا قضيتها هنا أقدر أقولك حاجة على أد فهمى للوضع
ان الالحاد بقا مجرد موضة ليس الا
بمعنى ان كل واحد عاوز يتقال عليه مثقف ومن الاستاف الأمامى
يعلن الحاده وبكل قوة
رغم انه مش مقتنع به
لكن للوجاهة الثقافية ولزوم الوسط الثقافى ليس الا

عارفة انك حتستغربى من كلامى
لكن صدقينى دة اللى اكتشفته
الملحد دلوقتى مش ملحد لمجرد ايمانه بفكرة الالحاد أو اقتناعه بالمذهب نفسه
لكن لمجرد الوجاهة والظهور وان الناس تشاور عليه وتقول ياااه دة ملحد يبقا لازم مثقف ودماغه عالية

نفس وضع حنين صاحبة المدونة واللى أنا نفسى أشك أنها بنت أساساااا
لأنها بتكتب بنفس اسلوب واحد مدون كنت بأقراله زمان حتى بنفس العقلية والمبادىء والتمبليت
لكن لم يجد له قرّاء وهو ذكر
فاتجه الى الاختباء خلف اسم أنثوى ليلهث وراءه القراء ويصقفوا لحد ما ايديهم توجعهم ان فيه بنت فى مصر بالعقلية الفذة دى
بكرة لما تقدمى هنا ورجلك تاخد عالبلوجات وتعرفى الشخصيات والكتابات
حتعرفى تفرقى بين كل بصمة والتانية ازاى

عموما
كلام المدونة حنين لا يخرج عن كونها استعراض معلومات ووجاهة ألحادية ليس الا
وفى النهاية هو صاحب المدونة نفسه غير مقتنع بالمذهب اللى بيتواجة بيه

لما عملت عندى الاعلان دة قريت البوست وحضرت رد زى اللى كتبتهولك هنا تقريبا
لكن فى النهاية قبل ماانشره قلت دة كلام فاضى وميستاهلش الرد
وهى حرة تكتب اللى هى عاوزاه
واللى مقتنع بيها برضة هو حر
وبلاش وجع دماغ لأنى حأنفخ فى قربة مقطوعة
لأن زباين الالحاد كتير...وزباين قراءة المحظورات أكتر...وانتى تعرفى طبعا ان المحظورات فى الثقافة العربية هى الدين والجنس..... وطول ما بتخوضى فيما يخص الالة أوينتقص منه ويثبت اعلاء شان الانسان واعتباره الانسان هو الالة المؤلة فى الأرض يبقا حيرفعوا عداد الزوار وعدد التعليقات والرجل تاخد عالمطرح هناك

ارجو ان فكرتى تكون وصلت
تحياتى

===============
سؤال برىء

انتى زورتى مدونتى همسات هاربة؟؟
اصل الصورتين اللى فوق دول هناك برضة

(وش بيغمز)
=============
رجاء تانى

يا ريت تعملى صفحة التعليقات فى صفحة ملحقة فى المدونة مش فى صفحة لوحدها لأنها تقيلة اوى والتعليقات بتتطير من اللى الانترنت ضعيف عندهم زى حالاتى

تــحـوتــمـــــس Thutmose يقول...

فكرة الله الذكر تعبر عن فكرة موجودة في الوجدان الجمعي البشري منذ البداية

و انا ممكن اقول انها انعكاس لفكرة الرجل القوي الجبار الشديد الحاكم شديد البطش

و الذي في نفس الوقت يتراحم و يغفر في احيان قليلة ينتظرها محبوه و الذين تحت سيطرته بشوق كبير لكي يرحمهم فيها و يدركون ان رحمته هي استثناء و بطشه هو القاعدة
و مش بس عارفين لا دول بيحبوه عشان كده في نوع من الدونية الطينية او العنصرية الذاتية او القهر الذاتي

بمعنى اخر

الله ذكر لان الله جبار و متكبر

و الانثى ارقى من كده و ارق من كده و اذكى من كده

تحياتي

بنت القمر يقول...

نايل الف شكر واهلا
:
يندباد ميرسى شكرا لزوقك

صاحب البوابه اهلا وتشرفى مدونتى انا جديده فى التدوين اهلا بيك
:
محمد الهنداوى سواء كان دا ايمان وفناعه حقيقيه او رغبه فى الشهرة
فان ما ينفع الناس فيمكت فى الارض والباقى فيذهب غثاء

بنت القمر يقول...

شهروزه... المحترمه بجد مش ها تصدقى مقدار سعادتى بزيارتك دا واولا.. تانيا حكايه الشهرة دى عندك حق فيها انا كمان بكره ممكن اكون قاتله ومجرمه والحوادت تنشر صوري!!! عندك حق تصدقى ان خالى فى كندا مهاجرعارف حكايه كريم عامر ومتعاطف كمان معاه... انا مكنتش عاوزة اقول اسمها ولا اديها اهميه ولحسن ترفع على قضيه فى الامم المتحده انى ضد حريه التعبير او معاديه للساميه!!! دا بالاضافه ان المدونه مليانه باسفار اليهود والمزمار الفلانى والسفر ايه العلانى تقلش البت سيرينا اهارونى ولا جولدا مائيراذا كان الهدف رفع عدد الزوار فانا اكرم واشرف لى انى اعمل مدونه قصص اطفال اوكيف تزينى حمامك بشرائط الساتان !!!!!ا

اخيرا وحياه رحمه ابويا طب وحياه زيارتك الغاليه من غير معاد انا عمري ما شفت همسات هاربه دى وكمان انا ضعيفه جدا فى تكنولوجيا التدوين وحتى مش عارفه اعمل رابط صوتى ولا اغير التمبليت بتاعي انا اكتب بس!! ويا ريت انا املى وحد يكتب هههه!!!
ومنعا للتشابه انا شلت الصوره عشان تتاكدى انا احب اكون مميزة
تشرفينى بالزيارة دائما اختى الفاضله
سعيدة اوى اوى بيك
اختك بنت القمر

بنت القمر يقول...

تحوتمس المحترم
الحقيقه بقالى ساعه اقول ارد ولا مردش وارد ازاى بايجاز
بالنسبه لحكايه الوجدان البشرى الجمعي فانا الحقيقه معرفهاش بس لعتقد انها عدت على فى الكليه ولكنها كومبليتلى دفرنت عن قناعاتى وثوابتى الايمانيه واللى اقرب لى من حكايه الوجدان الجمعى اصل انا مواليد السبعينات مش من ايام الوجدان الجمعى دى وزى ماتقول كدا ان قناعاتى هي عقلى الذى لايجد هدفا من الدخول فى نقاش فلسفى عقيم اجده تطاولا على ربي وحكايه الرحمه والبطش فدا في قناعتى قدر الهى ومن لم يرض بقضائى فليهرب من تحت سمائى سمعتها دى قبل كدا؟؟مش عارفه حضرتك بتفكرنى بفيلم ال باتشينو مش فاكرة اسمه اللى كان شيطان وبيحكى عن الانسان اللى بيبع روحه للشيطان واعذرنى على جهلى اعتقد فاوست كان بيتكلم بنفس المفردات؟؟؟
حكايه ان الله وصف نفسه بصفات بصيغه المذكر فدى مشيئته العي القدير
اقبلها ودا فوة مش ضعف
وحكايه الانثى الارق ما ترسولكوا على حل هى اصل الغوايه والمكر والنجاسه ولا الرقه والرحمه عشان لوحتوا دماغى وخصوصا ان كتب الاسرائيليات اللي تصف المراءة باحقر الاوصاف زى اللى فى المدونه اياها..
فعلا انا من طين وكمان من نور وهى طبيعه خلق الانسان حسب قناعتى الايمانيه خلق الله الانسان من قبضه طين ونفحه نور الله ومهمه الانسان ان يرتقي بذاته من الرغبات التى تشدة للطين الى السمو والترقى ليصل الي النور
اخيرا اعذرنى اخى الفاضل اصل انا مش من ايام الوجدان الجمعي لكن سيادتك تحتمس وقديم بقي ويمكن تعرف عنى لكن قناعاتنا مختلفه كليه وشكرا
ودمتم والسلام عليكم
تصفيق حاد!!!ا

تــحـوتــمـــــس Thutmose يقول...

عزيزتي بنت القمر

ردك بيدل على جانب ايماني ميبانش في تساؤلك عن حتمية وجود الله

و انا بصراحة مبهور باني كنت فاكر نفسي برد على تساؤلك البعيد عن وجهة نظر الدين بحسب ما تراءى لعقلي المتواضع و اذا بيكي بترفضي ردي من وجهة نظر ايمانية دينية

فمتهيئلي غريبة مش كده ؟؟

و بتقوليلي مش عاوزة اخش حوار فلسفي عقيم مع ان سؤالك سؤال فلسفي بالدرجة الاولى

و حاجة بس كمان اي جدل في الدنيا ممكن يكون عقيم الا الجدل الفلسفي السفسطائي لانه بيعتمد على تحليل كل الامور لاصلها و النظر الى الدوافع الحقيقية المجردة و الحقيقة ان علم الفلسفة هو اكتر علم بيقترب من الحقيقة في رأيي و رأي الكثيرين و الجدل الفلسفي هو افضل طريقة لتفسير وجود الدين مثلا و انتشاره بين البشر

تحياتي

nael eltoukhy يقول...

بالنسبة لأسفار اليهود في مدونة حنين فهي تورد منها لأجل نقدها يا بنت القمر، يعني لو عيب ان الواحد يقرا في كتب اليهود علشان ينقدها، والا هيبقى اسمه سيرينا اهاروني، ياريت حد يقول لنا

اعتقد مش عيب ابدا ان الواحد يقرا في الكتب المقدسة لغيره الا لو كان خايف على دينه الضعيف، واعتقد انك تعتقدين ان الاسلام ليس دينا ضعيفا


وبعدين ممكن اوي اي حد بيطرح اسئلة مختلفة نقول عنه طامح للشهرة وعاوز يتشهر وما الى ذلك، دا ممكن طبعا، لكن علينا الاول اننا نرد على اسئلته ونناقشه ونكشف عدم المنطقية في كلامه

هل دا حصل مع حنين هنا في المدونة دي؟ ابدا


حكاية انك مش عارفة الانثى اصل النجاسة ولا اصل الرقة بيتهيالي ممكن نعرفها من نقاش حر، بيتهيالي ممكن نشوف اصل المرأة في الكتب المقدسة في التوراة والانجيل والقرآن ونشوف ازاي ابتدت تتوصف؟
طبعا دا حرام اننا نبص على القرآن علشان ننقده وفي نفس الوقت حرام اننا نبص على التوراة والانجيل اصلا علشان ميبقاش اسمنا جولدا مائير او سيرينا اهاروني

وبالتالي مش هنعرف اي حاجة ابدا. ومش لازم نعرف. اللي عاوز يعرف بيسأل. واللي مش عاوز يعرف مش لازم يسال

المسالة بسيطة جدا

bahry يقول...

الاخت السكندرية
جارة القمر
تحياتي ليكي
الحقيقة انا واحد من الناس بتخنق أوي لما أدخل مدونة من بتوع المحظورات والاقي فيها ناس بترد وتناقش وتنظر وهاتك يا أحاديث وأيات قراءنية وأدلة
صراحة باعتبر دا نوع من أنواع العبط
لانه ليس كل ما يعرف يقال وليس كل ما يقال حضر أهله وليس كل من حضر أهله ذالك مكانه

الافضل من وجهة نظري دعي النار تأكل نفسها وتتحول تلقائيا لرماد تذره الرياح

والملاحظ في الايام القليلة السابقة هو افول عدد لا بأس بيه من مدونات المراحيض والمواخر

الغريب جدا قوي خالص
ان الاخت الظريفة ديه
تكتب في الكتب المفضلة لديك
القرآن الكريم

شفتوا عبط قبل كده بالشكل دا

يلا ربنا يهدي

بحري من اسكندرية

Ayyam يقول...

لم أقتنع بكلام مدونه حنين وأتفق مع الأخت العزيزه شهروزه أنه ربما يكون رجلاً..على إيه حال من المقبول أن تكون مختلفاً عن الأخرين ولكن يجب أن تفكر بصوره سويه ومنطقيه وخصوصاً أذا كنت تتحدث عن المنطق والمساواه والذكر والأنثى...لم يغضبى ما كتب ولكن تعجبت لتصفيق الكثيرين له أو لها..وهنا أتسائل هو ليه لما أحد المدونين يعلن أنه أنثى نجد كل الذكور وقفت على رجل واحده؟ بصراحه الموضوع ده يستاهل النقاش فيما بعد

بنت القمر يقول...

تحتمس
يا لهوووى انا سالت ايه ؟؟ مين فين؟؟ ليه؟؟انا ردى مفهوش اى سؤال الحكايه ببساطه انا مؤمنه بالله!!!بكل بساطه مش عشان اهلى لقننونى كدا ولا انا بقول زى اللببغان ولكن انا وانا شخصيا وغير معظم الناس عندى فى حياتى الخاصه ما يؤكد ايمانى بالله وانه موجود وحاسس بينا وشايفنا وتسمع عن العداله الالهيه اهى دى انا شفتها بعينى ايه رايك؟؟
ما تقولنيش ما لم اقله انا مؤمنه بعقلي وقلبي... بس كدا مش لازم اؤلف لك كتاب لماذا انا ملحد ولماذا انا مؤمن عشان تصدق ومش لازم تصدق اى حاجه اصلا خليك قضى حياتك فى الفلسفه يمكن توصل لشئ يس صدقنى لوجالك مرض او حادث مفاجئ هتلاقي نفسك عايز تقول يااااارب؟؟؟ وركز على كلمه عايز دى مش مضطر لكن معناها انك فى حاجه تقول يا رب ليه لان تصور الحياه من غير رب ننتظر عدله وعفوه هى الجحيم المطلق
والسلام عليكم
تصفيييييق حاد

بنت القمر يقول...

....مسيو نايل
انت تعتقد انها تعرضها للنقد انا لا اعتقد انا بقى حره مزاجى كدا ومشفتش غير كدا ولا نقد ولا حتى ايمان لكن على راى شهروزة مباهاة الحاديه
اللى عايز يقرا هو حر !! واللى عايز ينقد كمان حر
بس هى مقالتش كدا وبعدين ما شاء الله الثقافه التوراتيه جت منين؟؟اصل انا تعليمى حكومى منحط...و اصل والنبى عشت وشفت بتوع المجتمع الذكوري بيتخطبوا زينا ويجوزوا ودبل وزفه والحاجات البلدى البيئه دى طب مش لازم يكون هناك شكل اجتماعى ارقى للفلاسفه العظام دول؟؟؟
الاسلام مش ضعيف ولا المسيحييه ولا اليهوديه حتى البوذيه مهما كان اسمها اديان او رسالات اوعقائد لان استمرار الفكره والدين دليل نجاحه واحتياج الناس ليه بغض النظر عن حال اتباعه
اخر نقطه مش محتاجه اعرف اصل المراءة لان الله جعلها اصل الحياه والامومه..والا يكن الانتاج البشرى دا كله منحط لان كلنا رجال ونساء من بطن امراءةمش كدا برضه يعنى انا بصراحه شايفه نفسى احسن من رجاله كتييير اوى ودا يكفينى
طب عارف دا كلام فارغ ليه لان حياتنا فى مصر لاتحتمل هذا الترف واللغو واخيرا لولا اختلاف الاذواق لبارت المدونات اللى عاجبه هناك براحته واللى عاجبه هنااهلا بيه بس يدفع حق المشاريب ههههه
والسلام عليكم
تصفبق حااااد

بنت القمر يقول...

بحري.....زى ما بتقول العرب صح لسانك فعلا دع النار تاكل بعضها بس انا قلت اهوى عليها عشان تولع اكتر شويه... تحياتى واحترامى
وخطوه عزيزه

بنت القمر يقول...

ايااام
اهلا بيكى ممكن لما حد يقول انه واحده الباقى يقف على رجل واحده بس مش من النوع بتاعى اصل انا رذله ومسحوبه من لسانى و دماغى مصفحه والعياذ بالله خليهم يصقفوا جهل او عند ربنا يهدى الجميع
تحياتى واحترامى وخطوة عزيزة

Alexandrian far away يقول...

تحياتي يا بنت القمر
وأنا في المدرسه زمان كانت ميس أبتسام الوكيله الله يرحمها بتقول لنا دايما: بلاش طلبة الصف الأبتدائي يروحوا على فصول أعدادي أو ثانوي
وأنا أردد لك ولأسكندراني قوي وعاليا حليم وغيرهم نفس النصيحه
بلاش تلاميذ صفوف أبتدائي يروحوا عند مدونات ..يووه قصدى فصول أعدادي أو ثانوي

تــحـوتــمـــــس Thutmose يقول...

بنت القمر

هل الرب الإله ذكر؟؟؟هل قدم احدهم الاثبات على ذكورة الله أم هو أسقاط السلطة الذكورية على مفردات الأسطورة


انا قصدت سؤالك ده و الي هوا بالطبع تساؤل فلسي يحمل اسقاطات فلسفية

و عموما انا مش عاوز اناقشك في معتقداتك انتي بالتأكيد عندك كل الحرية
بس سيبيني اجاوبك على حاجة قولتيها عليا من اني لو حصلي حاجة هقول يا رب

الحقيقة انا لو حصلي الف حاجة هقول يا مصر يا بشر يا طبيعة يا حقيقة

مش هقول يا رب

ده عن نفسي

تحياتي مرة أخرى

ibn_abdel_aziz يقول...

تذكير اللغة لا يعني تذكير معناها دائما

بمعني ان الله فريد
لا هو ذكر ولا انثي
وان تذكير اللغة في وصف الله
لا يعني تذكيره في الجنس و الاصل والحقيقة

فالذكر هو الذي له اوصاف جسدية ونفسية معينة
والانثي هيي التي لها اوصاف جسدية ونفسية معينة

ولان الله " ليس كمثله شئ" لذا فهو ليس بالذكر وليس بالانثي
وليس بالانسان ولا بالجان ولا بالملاك ولا بالحيوان ولا بالنبات ولا بغير ذلك مما نعلم او لانعلم

صيغة التذكير في وصف الله توجد في الاديان الثلاثة
اسلام - مسيحية - يهودية


وهناك من خاطب الله بصيغة التأنيث في اديان شرقية اخري

وهناك من خاطبه بصيغة احادية الجنس
اي انه لا ذكر ولا انثي

وفي الاسلام
حسبما أعرف
وصف الله واسماؤه شئ موقوف
هو كما هو ولا ندري لماذا ولا كيف
:)

هي لغة

الموضوع تم نقاشه من قبل كثيرا بين اتباع اديان كثيرين
وهو من باب الرفاهية الفكرية من وجهة نظري ولكنه مهم احيانا لما له من اسقاطات ساعات حول ما يسمي بذكورية الاديان وهو نقاش مهم لان تطبيقاته مهمة

والله اعلم

ولا اري ان النقاش في هذا الموضوع مهم او غير مهم ..اري انه نقاش له وزن...لا ينبغي الحكم عليه مسبقا اصلا

ولا احبذ ان اتهم اي انسان بنقص الايمان او التلويح بتكفيره لمجرد انه ناقش موضوعا كهذا كما فعل بعض المعلقين


علي فكرة
اكتبي براحتك حتي في المواضيع اللي ممكن تكون شائكة
حرية التساؤل والكتابة
شئ مهم جدا


وعلي فكرة الالحاد مش موضة ولا حاجة
:)
زي ما اعتقد فيه حد قال كدة


الالحاد موجود من قديم الازل

اكرمكم الله
:)

غير معرف يقول...

نهار ابيض
والله ما كنت باقصد اى حاة بموضوع الصور اطلاقاااا
ولا كان قصدى انك تحذفيهم
لية طيب؟؟؟
بالعكس
انا فرحت لما حسيت ان حاجة عندى عجبتك

طيب دة حتى أخونا ذوالنون المصرى شافط كل الصور اللى عندى ومش مخلى
بس بيشير للمكان اللى أخدهم منه بصراحة
الشهادة لله الراجل مقصرش فى دى بيقول الصور من مدونة همسات شهروزة

الموضوع مش موضوع تميز اطلاقاا لأن الصور مادة متاحة للجميع
أنا كنت بأهزرمعاكى بدليل كلمة وش بيغمز فى الآخر

بجد زعلتينى لما حذفتيهم وفهمتينى غلط

غير معرف يقول...

معلش نسيت أقول حاجة تانية يا عزيزتى فى موضوع المباهاة دة
اللى ممكن يتفهم غلط


انا معنديش أى مشكلة اطلاااااقااااااا أن حد يبقا ملحد أو بوذى أو زرادشتى أو لادينى حتى

اطلاقااااااااااااا

دى حرية شخصية محدش له انه يتدخل فيها على الاطلاق

لكن لو رجعنا لمعتنقى المذاهب دى الأوائل...الالحاد مثلا وليس حصريا
حنلاحظ أن محدش منهم اتفنن فى تتفيه أو التهجم على الديانات الأخرى كما يتباهون هم بهجومهم على كينونة الخالق فى الكتب السماوية

بالعكس
كل همهم اثبات نظريتهم من خلال ملاحظاتهم والأدلة اللى اتبعوها واقتنعوا بيها دون اهانة او تسطيح او تتفيه ديانة او مذهب آخر...ومحاولة مشاركة المتلقىّ فيها كطريق لاقناعه واما اتبعهم او استمسك بمذهبه وهو وحريته
يعنى ايمان كامل بحرية الاعتناق والعقيدة وكل واحد حر

والمذهب او الاتجاه فى مفهومهم مكانه القلب والروح اما بين الناس فالتعامل الانسانى مع الناس على اختلاف دياناتهم ومعتقداتهم هو الموجود بس وآخر نقطة هى النظر للخلفية الدينية لمن أمامه....يعنى كانوا ناس دماغهم عالية اوى
مش المتباهين الموجودين دلوقتى


لكن اللى بيحصل دلوقتى؟؟؟؟؟
عكس كل ما كان ينادى به المعتنقون الأوائل تماماااا
مما يدل لك على انها فعلا منظرة ليس الا

بنت القمر يقول...

اسكندرانى فار اواى... وانا فى ابتدائى كنت بحب اصحب الناس الكبيره بس دلوقت مش عارفه مالهم؟؟
تحوتمس السؤال مش ليا دا لمدونه لاتخصنى انا نقلته منها وبعدين انت هنا بتتكلم بطريقه غير مدونتك ليه انا مردتش هناك عشان
لغه السباب والشتيمه لاتناسبنى!!
:
:ابن عبد العزيز فعلا الالحاد فكر قديم بس دا ما يمنعش يكون موضه
:
ا

بنت القمر يقول...

شهروزة القمر انا اتشرف انى انقل منك اللى قبلك بيوم يعرف عنك بسنه بس انا لسةعارفه ان انتى شهروزة هممسات ودا من البرفيل بتاعك انا فاكرة همسات واحدة تانيه وربنا ما يجيب زعل ابدا ياقمري تحياتى ومحبتى بس دا ان دل يدل على توارد ازواق اتفاقها اختى الفاضله
تحياتى ومحبتى

Monzer يقول...

هي الناس ده عايزة ايه
مش فاهم بيدورو فى ايه
وشاغلين نفسهم بايه
وهو احنا لسه عندور ونشوف ونسال
ونجادل
ونشغل بالنا

فعلا فتن كقطع الليل الظلمة

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

dr.D يقول...

مشهلاقي أحسن من تعليق شهروزه أقوله

اسكندراني اوي يقول...

سيدتي بنت القمر
اعرف انه من غير الائق ان ارد على تعليق في بوست لا يخصني
ولكن اسمحي لي ان اكسر هذه القاعده هذه المره ولكي الحق في حذف التعليق الخاص بي اذا رايتي انه غير لائق


Alexandrian far away

اولا انا لست في الصف الابتدائي كما يخيل اليك فالحمد لله تركنا صفوف التعليم من فتره طوييييييييييييله
والان نحن من نعلم سيدي الفاضل
ثانيا نصيحه ميس ابتسام كانت بتقول فصول اعدادي وثانوي يعني فصول تعليميه واعتقد ان بلوج حنين ومن على شاكلتها ليست للتعليم بل هي للتشويه ثالثااعتقد ان سبعه وثلاثين سنه هي عمري منا عشرون عاما من الحياه العمليه كفيله بان تعلمني الى اين اذهب وماذا اقرا ولست في حاجه الى نصائح من احد خاصه فيما يتعلق بامور العقيده
رابعا اود ان الفت نظرك الى اني قد اديت فرضه الحج واعتمرت اكثر من ثمانين مره
والحمد لله اؤدي ما عليا من فروض انا لا ادعي اكمال ولكن انا مسلم وموحد واعتقد ان زيارتي لمثل تلك المدونات لا تدنس ديني في شيء
خامسا وللعلم فقد قرات العهدين القديم والجديد وانا في سن التاسعه عشره والحمد لله مازلت على مبادئي وقناعاتي الاسلاميه
سادسا اشكر لك نصيحتك

اختي بنت القمر انتي في حل من ان تبقي على التعليق اذا رايتي انه غير مناسب
تحياتي

Alexandrian far away يقول...

عزيزى أسكندراني قوي
أنا رديت عليك عندي في المدونه

بنت القمر يقول...

السيد الفاضل/ أسكندراني قوي
مبدئيا أنا لم اقصد شخص بعينه بقدر ما قصدت الموضوع كله، فما طرحته حنين مع كل هوامر يتعلق تطور فكرة الإله وأنعكاس القيم المجتمعية لجماعة بشرية ما على تصورراتهم الميتافيزيقية ومن ضمنها تخيلهم لصورة الأله أو الرب، موضوع يناقشه علم الأنثروبولوجي منذ زمن بعيد جدا طبعا الحقيقه أن حنين ومع كامل أحترامي لم تحسن مناقشة الموضوع أو تعميقه، لكنها طرحته، الطريف كان الرد المدهوش الساذج لبنت القمر وهو عادي طبقا للايمان السطحي الأعتيادي، وسعادتك مع أنك بتعلم وحاجج وعامل تمانين عمره برضه رديت رد مسطح ورغم أنه كلامها لا يقبله دين طبعا إلا أن العقول يمكنها أن تناقشه وتحلله وتتعامل معه، كثيرا ما راقبت حوار ما بين مؤمن وما بين متشكك أو ملحد ودائما ما كنت أضحك على ضحالة رؤية المؤمن وعجزه عن الدفاع عن موقفه
ليه؟
لأنه يخشى ويرتعب من تحرير عقله والتعامل بحرية مع القضية المطروحة بدلا من الردود المعلبه أو الهستيريه أو المحذره
عرفت ليه بقى انا أفتكرت ميس أبتسام؟

بنت القمر يقول...

الرد السابق لاخى الكساندريان اواى ربما منعه الحرج من نشرة عندى مباشرة بس مفيش مشاكل وانا اتحلى بكامل المرونه والهدوءومعنديش لاعقد ولا حساسيه سمحت لنفسى بنشرة

بنت القمر يقول...

كويس انى عرفت رايك انى ردى طريف وساذج طبعا اشكر زوقك انك ما قلتش كدا عندى بس عادى جدا انا معندبش عقد الراى والراى الاخر...
لكن كان مفروض تعرف ان الفضول ها يخلينى ادور اعرف ايه اللى ما ينفعش يتقال!!!
اولا انا لما كتبت عند مدونه حنين مجبتش سيرة مين صاحبتها لان الهدف مش الدخول فى جدل فكرى ولا التشابك مع الاخرين فى معتقداتهم دا اذا كانوا بيعتقدوا بيها اصلا .ولكن كانت حاله نقد للكلام المذكور والذي اعتقد انه من باب لفت النظر او القاء حجر فى البحيره
يعنى دايما المختلف يشد العين
لكن العادى والسائد مهما كان قوى وحقيقى ممكن يكون غبى وتقليدى فاهم ؟؟؟ يعنى لما اقول ان الشمس بتطلع من الشرق وبتغرب من الغرب فدا عادى رغم انها حقيقه كونيه هامه واكيده لكن اسال من نوعيه السؤال بتاع الاخت حنين ها اكون بت نابغه من اللى بتطرح مواضيع فلسفيه هدفها الاجابه عن اسئله ميتافيزيقيه راقيه مهمه لتطور العقل البشرى المهم...
لو نا قشنا سؤال حنين ها نوصل لايه ممكن انا اكون سازجه لان معنديش اجابه لكن اكيد مش طريفه ولا بضحك لان من قال لااعلم فقد افتى احسن ما اتفلسف فى اسئله محدش يملك يقين اجا باتها انا اليقين عندى هو الايمان مش من باب العجز لكن من باب ان دا مالا يقبل النقد عندى وبعدين ممكن افهم هى حطت السؤال ومدتش اجابه ايه الهدف من الطع التعلبق دا فى اى مدونه بتتكلم عن اى شئ مش دي غاويه شهرة ةلا تيقى ايه..؟؟ متقولش دا سؤال ميتا فيزيقى دا كلام متشدقين بالثقافه والكلام دا مليان فى كتب الواحد بجنيه على رصيف النبى دانيال ادام المركز الثقافى الفرنسى ممكن اوى اعمل منة كوبى وبيست وابقى البت المختلفه ذات الاسئله. بس انا مش مدعيه ثقافه.. ولا عايزة معجبين ومريدين مختلفين ومدعين برضه انا انسانه بسيطه كل ما املكه اجابه على هذا السؤال ما وصف الله به نفسه من خلال القران ودا لايوجد ما يثبت عكسه من ادله عقليه مش كدا برضه؟؟ يعنى محدش عندا اجابه...
ليه بقى المؤمن سازج وحافظ ومش قادر يحرر عقله هو المفروض يشك فى كل حاجه عشان يبقى قوى هو القوة هى الشك والضعف هو الايمان دا كانت مرحله من الثقافه ايام السبعينات موضه الغرب دلوقت تجاوز مرحله التشكيك دى حتى بوش والغرب المسيحي بتحركهم ايدولوجيات ومرجعيات دينيه وبيدوروا على الغيبيات ونهايه العالم وهرمجدون والحملات الصليبه واحنا بننكر على الناس ابمانها ونقول عليهم سازجين ومضحكين وعندهم ضحاله فى الرأى وعاجزين عن اثبات موقفهم!!!ا
شكرا مع احترامى وتحياتى !!!

2:11 AM

mohand يقول...

السلام عليكم


اولا بحييكي جدا جدا جدا

دا في البداية

وأحب اقولك ان المدونات دي تدخل علشان بس تشوفي فكر الناس دي ماشي ازاي
ولو عندك رد عليهم تردي

بس خدي باللك

هما بيقولو يا حرية وهما مش مؤمنين بيها اصلا

يعني حاولي تعارضيهم كده

يا سلام بقي هتلاقي صفات التصقت بيكي بشكل فظيع

اشي هدامين
متعفنين
متحجرين
متاخرين
ظلاميون
جهله

والحاجات اللي بيزايدوا عليها وكأنهم يملكون الحقيقة

بس ولا يهمك ولا يهزك

كوننا مختلفين عنهم لا يعني اننا متخلفين


وعلي فكرة
تخلف تعني عودة للوراء وللماضي

وهما بيطالبوا اننا نرجع لزمان ايام ما الناس كانت بتمشي عرايا
ومكنش فيه رب ولا اديان

هي حنين لسه مكتبتش عن موضوع العري ده
بس اكيد هتكتب
دال التسلسل الطبيعي ليهم

تحياتي

اسكندراني اوي يقول...

للمره التانيه حعمل مداخله على تعليق
شكلك كده مش حدخليني هنا تاني
ههههههههههه
mohanad
بجد اللي كتبته دا هايل وخاصه اسلوب الهجوم على من يعارضهم

تحياتي ليك ويبدو انك على علم باساليب هؤلاء وشطحات افكاره م
بس كده كفايه لحسن بنت القمر حتحلف ما تدخلني تاني

بنت القمر يقول...

اسكندرانى اوى
اهلا بيك اخى اى وقت تعمل مداخلات البيت بيتك وبعدين احنا دفعه واحده اولى ابتدائى زى ما قالواعجبت لك يازمن...
وش اصفر بيجز على اسنانه...(
تحياتى لك

اسكندراني اوي يقول...

اشكرك يا بنت القمر بجد الف شكر
كريمه ومن بيت كرم

اولى ابتدائي دا مين فشر

mohand يقول...

السلام عليكم

:D:D:D:
يعني رديتي علي اسكندراني اللي كان بيرد عليا اساسا

ومردتيش عليا

ماشي يا ستي

ان شاء الله كلكم تكونوا بخير
تحياتي

غير معرف يقول...

هذه الكلمات ليست مجرد "لسعان" لكنه منهج جديد يقدم عليه الغرب ويذهب إلى عبادة المرأة النثى، ونعوذ بالله منهم
لو لا حظتي كل مناهج التغريب تأخذ نفس الاتجاه
الحديث بمناسبة وبدون عن المرأة وحقوقها وكأننا في مجتمع يهدر حق المرأة
وكأن رسولنا الكريم لم يوصنا بها
وكأننا لا نعرف أنهن القوارير فنحافظ عليهن ونحترمهن، ونرفق بهن
وكأن من يتعامل بمفاهيم مهينة مع المرأة لا نحتقره في مجتمعنا المسلم
هذه ببساطة يا ابنة القمر مفاهيم جديدة يروج لها تيار جديد شيطاني
شكرا لك على الموضوع