ليه ها اكتب المرة دي بالعامية؟ لأنه مفيش اي سبب اكتب بالفصحي !!
طيب وليه كتبت بالفصحي قبل كده_ مش عارفه.!
وليه بغيّر؟غالبا طالبة اني ارغي عن نفسي ومع نفسي!
وطبعا انا مش بحلم بالنحوي
لكن يسيطر علي شعور بالعداونية.
مش عدوانيه شريرة_ لكن اشبه ما تكون بالايمان العميق بفكرة العين بالعين.
فكرة التفويت والتطنيش طول عمرها بعيده عني ومش محببة.
مغرمة باثبات المواقف ودفع الاتمان. حاجه كده شبه فيلم سفن بتاع براد بيت_ اللي فيه الراجل المختل كان بيقتل اصحاب الخطايا السبعه
وكان في بنت جميله قطع لها مناخيرها وخيرها يطلب لها الاسعاف وتعيش مشوهة او يسيبها تموت وهي اختارت تموت!!
مش عارفه ليه بقي حاسه اني بقيت بافكر كده.
معنديش استعداد اتهاون ولا اتفاوض خالص ومع الوضع في الاعتبار انه ده ممكن يكون صح او غلط.
مكلف او غير مكلف_ مش مهم .... طبعا باخد علي دماغي يعني الموضوع مش سهل وبيطلع عيني في كده!
المهم انه مريح في النهاية..
بعض الرزلات والضغوط والمواقف ببان حياديه فيها.او خضعت تماما للظرف الحالي
لكن ده مش حقيقي انا سيدة اللاحياد في الحقيقه.. بكون باخد وقت بفكر جدا في الموقف السليم اللي يريحني.
طيب ايه الجديد ايه الفكرة_ الفكرة ... مش عارفه الفكرة!
لكن الاكيدان الحياة مش بتقدم حلول سهلة ومريحة من غير اتمان..
حتي اصحابي اللي فضلوا يخادوا مواقف مهادنة ومريّحة فضلوا القاء المواعظ علي نفسهم..
انه يا بخت من بات مظلوم .واو دع الخلق .او طنش تعيشّّ!
في الحقيقة انا برضه شايفاهم زي اللي مسك العصاية من النص اول ما انكسرت كان علي راسهم..!
الحياد في مواقف كتير اكثر المواقف سلبية وحقارة. بجد يعني يلعن ابو اللي فهم الناس ان الحياد حاجه كويسة وطيبة وشيك.
لا الحياد شيئ مبتذل. الحياد زي طعم المية من الحنفيه شهر يولية تثير الغثيان_ يعني مفيش حاجه من غير تمن
حرية من غير تمن.سعاده من غير تمن . امومه واستقرار من غير تمن . نجاح عملي وفلوس من غير مقابل.
كل نفس بناخده الحياة بتقايضنا عليه!
يبقي بقي نيجي بعد كل ده بنتحاسب عليه نيجي بقي نخيب عشان نرضي الاخرين لا بقي!!
تبقي الناس عامله زي اليابانيين كده متفرقهمش عن بعض...
الموقف هو اللي بيخلي للواحد بصمة في الحياة.. يخلي ليه طعم !
مهما اختلفت مع غيرك في موقف علي الاقل بتبقي فاهمه وعارفه وجايز كمان تحترمه!
وقادر تحدد خياراتك معاه وتجاهه بصورة سليمة
هناك 45 تعليقًا:
بس العنوان بالفصحة :)
معلش بكتب من الموبايل و كتابته صعبة في الحروف
ميدو
=========
انا مستخفية التدوينه اصلا
فقلت اعمل لها ثقل بعنوان كبير
:D
ضيفي اللي مسح تعليقه
========================
_ اشكرمرورك
وتعليقك
انا لوهلة شكيت انها الفصحة
:D:D
على طريقة العين بالعين .. هاكتب بالعامية
الحقيقة ان هناك نظرية سيكولوجية اسمها التجاهل .. صاحبتها دكتورة اميريكية مش متذكر اسمها ..
هى بتتكلم عن نعمة مؤداها إن تجاهل أشياء كتيرة نعمة فى حد ذاته .. وان ربنا جعل النسيان راحة راحة ونوع من تنفيس العقل عن ضغوط وتوترات ..
ليه .. لأن الانسان مش معقول هايفضل واقف على شبايره ومتحفز طول الوقت ليخذ مواقف فى أمور ممكن ماتعنيهوش
الرسول عليه السلام بيقول من حسن اسلام المرء تركه مالايعنيه ..
أما اذا طلب منه رأى أو موقف فهنا السئولية تجاه نفسه تقتضى ذلك
ايه السبب يا سيدتى .. السبب بسيط جدا .. وهو أن ماتراه حقيقى وصائب مية فى المية قد لايراه غيرك كذلك بنفس النسبة
هونى على نفسك لأنى عارف ان تأملك للأمور وعقلك شغال بمنتهى القوة والعنف طول الوقت
النداء الثالث والأخير .. اننى ارسلت اليك ميل أرجو أن يكون قد وصلك ..
أعتقد أن الحياد لازم علشان نقدر نفكر بوضوح .. و هو مرحلة بتيجي قبل مرحلة الإنحياز .. اللي هي مختلفة تماماً عن التعصب ...
أعتقد أن الإنحياز الصحي هو الإنحياز بحيادية .. يعني الإنحياز المبني على قرار مأخوذ بحيادية , يقبل المراجعة و النقد و الرأي الآخر .. لأنه إنحياز و مش عصبية
على الطلاق ما أنا فاهم حاجة من اللي كتبته ده
كنت سأقول رأى مقارب لرأى الأستاذ "شريف" .. ليس من الضرورى أن يكون للإنسان موقف فى كل الأمور و القضايا .. ليس فقط لأنّه يحاول الالتزام بالحياد وليس فقط لأن القضيه قد تكون غير هامه بالنسبة له .. لكن لأنّه قد يكون غير قادر أصلا على الوصول لموقف أو رأى فيما يُعرَض عليه و ينتظر ما قد تضيفه الأيام لمعارفه و خبراته بهذا الشأن كى يصل لقرار و أنا شخصيا أقضى وقت طويل جدّا فى التفكير بعض الأمور دون قدره على الوصول لرأى قاطع فيها :(
شوفي ياستي
معرفش ايه اللي وقفك في طريقي
غير الغسيل بتاعك منه لله ... Read More
انا بكره الحياه
وباعتبره استهبال
اللي مش عايز ياخد موقف ولا يدفع تمنه يقول اصلي علي الحياد
وطبعا هو ولا محايد ولا نيله هو واخد موقف ومش عايز يزعل طرف من الطرفين اللي ( اسم الله ) هو محايد بينهم
جبن يعني .. خسه تقولي ... حسابات ممكن
انا بقي ريحت راسي ... اللي يبقي محايد معايا في موقف لازم يتاخد فيه موقف يبقي خلاص هو خد موقف ضدي وحقير مش عايز يقولي وبلاش دوشه
الناس مش عايزه تدفع تمن الاستهبال - لا تدفعه بقي لانها بتستهبل
انا بافكر كتير قوي علشان رد فعلي الاول غبي ومتسرع
لكن بعد ماافكر سلامتك - مافيش حياد ... Read More
ولا سكوت ولا سكون
وطبعا انت ست العارفين ايه اللي بيحصل لي
( مالك عصبيه كده - الدنيا مابتتاخدش قفش - بالراحه طيب بتزقي ليه - حرام عليكي نفسك ) وكلام خايب من ده
اضحكك -
انا خلاص مش عايزه حد ياخد موقف - لكن اللي مش حياخد الموقف اللي انا مستنياه منه من غير مااطلبه منه يبقي براحته بقي
شفتي انا ديمقراطيه ازاي ... Read More
والله يخرب بيت الغسيل !!!!!!!!!!
ملحوظه - مافهمتش ان انوراكم دي يعني تعليقاتكم
مش بقولك - ماليش في التكنولوجيا
أن يكون للمرء موقف أفضل كثيرا من أصحاب المواقف الرمادية التي لا طعم لها
لكن في نفس الوقت .. ومع إننا نذم الحياد أيضا .. إلا أن الموقف الخطأ يكون أسوأ من الحياد .. وأكثر إستحقاقا للذم
الإصرار على الخطأ بدافع أن نكون غير محايدين (غير رماديين) غير محمود بالمرة
تصحيح لازم
انا قلت باكره الحياه
طبعا انت فاهمه ان قصدي بكره ( الحياد الحياد )
لحسن كده تبقي حوسه في المعني
الحياد ما هو ألا موقف مبدئى ، يتحول بعد دراسة القضية إلى الإنحياز المطلق لصاحب الحق
هي مسألة دفع الأتمان دي والقدرة عليها بل وإدراكها ! تعرفي ان بعض آخذي المواقف في الكبيرة والصغيرة والفاضية والمليانة بيتمنوا لو استطاعوا التريث في بعضها لأنهم لم يدركوا بالضبط التمن اللي هيدفعوه
بينما
كثير من التريث وتقليب الأمور ووزن الرأي ألف مرة قبل وضعه قيد التنفيذ قد يضيع الكثير .. الكثير من كل شئ
التوازن مطلوب
دي باقي الهرتلة :)ا
بصراحه أنا مسحت التعليق بعد دقائق من كتابته ﻷنى وجدت أنها تنطيطه مالهاش لزمه.."فصحى" ولا "فصحة" ماتفرقش..أخطائى اﻷملائيه لاتعد ولاتحصى فلاداعى للتنطيط..ولكنى لاأغفر لمن يكتب "إنشاء الله" ﻷنها دليل جهل مطبق..الطريف أن تأتى من واحد (أو واحده) بيفتى ف الدين..ولا يعرف الفرق بين "إنشاء"..مثل إنشاء شركه أو حزب وبين "إن شاء" من المشيئه...أما فضيله الحياد..فهى فضيله تخلصت منها من زماااان جدا...تحياتى..خالد
خطوط كتير داخلة فبعضها هنا. هو فى الغالب مافيش حد محايد فى نظرته للأمور أو بمعنى أصح مافيش حاجة إسمها رأي محايد. يمكن الفعل أو رد الفعل تجاه أمر ما يبدو محايد لكن الرأي! ماعتقدش. طبعاً التراجع عن إتخاذ موقف معبر عن قناعة صاحبه أسبابه كثيرة ومش كلها واهية أو مشينة خاصة فمجتمع أعصاب ناسه مشدودة وكل شىء فيه متوتر وبيقول ياخناق
ربنا يستر ومساحة الخنقة ماتوصلش لأكتر من كده
حلو اوي الكلام ده ، انا طول عمري بقول اني ما بعرفش انام وليا حق بره، متعود لما حد يهينك لازم ترد له الإهانة، لما حد يتكلم معاك وحش لازم تتكلم معاه وحش، لما حد ياخد حقك لازم تروح تاخد حقك منه، مفيش حد بياخد موقف إيجابي او موقف جريء إلا وبيكون مبسوط ، حتى لو ما عرفش يوصل للي هوا عايز يوصل له لكن على الأقل بيكون مبسوط انه مش سلبي ، انه مش جبان وحقير ،
تحياتي
انا من النوع الدائم الطناش و نادرا ما احتك في حياتي باحد لان الاحتكاك حسب رايي يولد الضغائن غالبا و في الاغلب اذا كنت ساخسر بعض الاشياء التي يمكنني التنازل عنها فانا افضل ذلك عن خسارة صديق او خصامه
حياة من كثرة مشاكلها مذمومه فعلا
تحياتي
شريف
========
حلو واقف علي شبايره دي اول مرة اسمع الاكسبريشين ده
الحياد ليه له علاقه نهائيا بان الواحد يفتي في اللي ما يفهموش
لاحظ انا قلت
==================
بعض الرزلات والضغوط والمواقف ببان حياديه فيها.او خضعت تماما للظرف الحالي
لكن ده مش حقيقي انا سيدة اللاحياد في الحقيقه.. بكون باخد وقت بفكر جدا في الموقف السليم اللي يريحني.
=======================
ده معناه اني طالما معنديش اي معطيات احكم صح علي موضوع اكيد مش ها اخد موقف
الحياد اللي اقصده اني يكون عندي موقف محدد تجاه شيئ ما شخص ما موقف ما واخفيه ولا اعلنه مصلحه يعني
او لعدم التورط وده اللي بسميه موقف مبتذل
نورت وانا رديت النداء الحمد لله
:))
علي باب الله
============
ولا طلاق يا عم مش مهم تفهم
:))
انا فهمتك
وكلامك صحيح تماما
انت تقصد علي ما اعتقد يعني ان انت بتحكم في الاول دون الانحياز لجبهة او موقف ما بتحكم علي الامور بعقلك وده شيئ طيب
الحياد اللي اقصده هو ما بعد بناء الموقف يعني مرحلتين مختلفتين
المهم نورتني
زمان الوصل
===================
انا متفقه معاكي جدا انه طالما الانسان معندوش عوامل ومعطيات لازم ما يتسرعش في الحكم علي الاشياء والآخرين
لكن لما يكون عندك موقف انت متأكده من صحته وسلامته
وتؤثري عدم التورط وتفضلي الهرب بعيدا عن المواجهة ودفع تمن الموقف ده يبقي ده هو الحياد المذموم اللي اقصده
:)
نورتيني
اميرة بهي الدين
======================
معلش خليتك تجيبي التعليق ونصه يدلدق منك
بس يا جميله هو ده بالضبط اللي اقصده
وهو ده اللي عاوزة اقوله ومفيش كلام يترد بيه علي تعليقك الجميل العفوي
:)
اسعدني مرورك يا صديقتي الجديدة
مراكبي
================
طبعا الموقف الخطأ مش حياد الموقف الغلط اللي صاحبة بيصر عليه يبقي غباوة وذاك موضوع اخر
:)
تحياتي
ابن المليونير
============
ده المفروض مش اللي بيحصل
:(
اشكر مرورك الاوزل شرفت المدونه
بسبوسة
===========
طبعا الحياة مش فتحة صدر
بس اللي عاوزة اقووله_لما بتختاري حريتك بتدفعي تمن من استقرارك
لما بتختاري استقرارك
بتدفعي تمن من حريتك
لما بتختاري شغلك بتدفعي تمن من راحتك
لما بتختاري كرامتك بتدفعي تمن من مصالحك
مفيش حاجه من غير تمن
التوازن اللي تقصديه
هو قليل من كل شي وده ذكاء اجتماعي محمود لانك بتختاري قناعتك في الاخر عن بصيره وانت راضيه وفاهمه بتعملي ايه
ابو فارس
===============
:D:D:D
والنبي دي انقح من ديكهي
انا ممكن اكتب حرف بدل واحد تاني جنبه في الكيبورد
لكن حرف غلط صعب اوي
ومن عجائب نظامنا التعليمي ان بنتي ذات الثلاثةعشر خريفا في تعليمنا المصري
والتي تنتسب الي مدرسه راهبات_تدرس بالفرنسية"المفروض انه تعليم محترم يعني
كا زالت تسالني هي مسيرة ولا مثيرة
اصتف ولا اصطف
!
اسعدني مروك يا ابو الفوارس
اما لينك مدونه شهروز الجيده هتلاقية متعدل في الصفحة الرئيسيه لمدونتي
بالرغم انها مقله الان في الكتابة لظروف الزواج والامومه
معلش كل شيئ يتمن
حفظك الله من الحياد دوما
نورتني..
المشاعر لا تعترف بفن الحياد لانها لا تتعامل الا بمنطق الانفعال ..... وهنا تاتي مرحلة ادارة المشاعر من خلال العقل حتي لا يتحول الانسان الي ثور هائج يمضي في الحياة بلا رابط او رادع ....وهنا تاتي مرحلة الاختيار وصناعة القرار ... والاختيارات دائما من الصعب ان تكون شخصية ...او فردية وعلي هذا فان الحياة ليست حيادا مجردا او انحيازا خالصا .... فلابد احيانا من الحياد والانحياز والانصياع ايضا .... ولكن لابد من التوازن , فالحياد الكامل قد يتحول الي انصياع والعكس صحيح ... والانحياز المطلق قد يتحول الي انصياع كامل
وهنالك نظرية نفسية تقول ان الانسان يظل طول حياته يبحث عن نقطة الاتزان اللاحقة لصدمة الولادة
وشكرااااااااااا
المسألة مش حياد أو لا حياد ، ده شيء يتوقف على الموضوع و صلتك به ، مش ممكن الواحد يسمح بشيء غلط يمسه و يبقى على الحياد ، و ده من مصايبنا العامة ، و في نفس الوقت في أشياء الأفضل تسيبيها إياكش تولع ، ولا تحرقي إنتي دمك .
على فكرة غيابي الفترة اللي فاتت خلاني أفتقد مدونتك جدا ، لأنها تبقى مختلفة .
عدي النهار
==============
الراي زي ما قت لا يمكن يكون محايد طالما وجد قد لا يكون موجودا لعدم وجود معطيات ومبررات لتواجده
لكن طالما وجد راي فهو ينحاز الي قناعتك او مصلحتك اوي اي كان
لكن طالما وجد_فهو امانه تحملها تجاه نفسك قبل الاخرين
المجتمع ذو الاعصاب المشدودة لجام علي حرية الراي لكن لو تبادلت الموقف مع الاخرين فقد تتمني جدا ان ينصفك الاخرين
مهما كانت ضريبه التي سيدفعونها من اجل انصافك
مش واضحة انا صح؟؟
:))
محمود حسن
=========
جميل جدا ومتفقين
اشكر مرورك الكريم
ذو النون
==========
اختيارك.... طالما مرتاح كده
!
اشكرك
غير معرف
============
الانحياز الكامل انصياع مطلق
عجبتني
:)
ارجو ان اتشرف بمعرفة اسمك لو تكرمت بالتعليق مرة اخري
واشكرك علي كل حال
احمد كمال
============
الحياد لا يكون فيما يخص الانسان ولكن في يخص الاخرين هو الحياد المذموم الذي اقصده وطبعا تولع المهم مش بينا
:)
اهلا بيك مرة تانيه في عالم الكتابة والحمدلله انك بخير سعدت جدا بمرورك وبعودة تدويناتك للظهور علي الريدر
وانتظر جديدك ان شاء الله
تحياتي
استمري بالفصحى لأستطيع أنا من الكويت وغيري من العالم العربي يفهم كلامك. العامية تجعلني أفكك كلامك كلمة كلمة، لأخمن مراد "زي" أنك لم تريدي بها ملابس!
بما ان هذا التعبير قد اعجبك الانحياز الكامل انصياع مطلق..... وعلي الرغم ان هذا التعبير من مبتكراتي الا انني لست من مؤيدي مدرسة التعبير والتوصيف والتي يستخدمها السياسيون دائما في العمل علي غلق الدائرة الفكرية للاشياء بصورة تجعل الاختيارات محدودة واحيانا مستحيلة مثلا
الحزب الوطني القديم ابان الاحتلال البريطاني القديم كان له شعار علي الرغم من المعيته وفخامته الا انه لايخلو من سذاجة وهو ..... لا مفاوضات الا بعد الجلاء
فهذا الشعار يعتبر موقف وانت تعيبين علي الاشخاص معدومي المواقف ... الا ان هذا الموقف والفراغ سواء .... حيث انه اذا ماتم الجلاء فما الداعي الي المفاوضات
ولو نظرنا الي الشيوعية حيث كانت تروج الي فكرة تلاشي الطبقات وزوال السلطة والوصول الي الذروة التي تؤدي بالبشرية الي حالت الشيوعية البدائية وزوال الملكية الخاصة .... من اجل هذه التعبيرات قامت حروب وازمات وثورات وليست مجرد مواقف بسيطة ...... ولكن في حقيقة الامر كل هذه الحروب والمغامرات قامت علي احلام غاية في السذاجة
خلاصة القول ان الحياد احيانا خير من افتعال الازمات بحجة اتخاذ المواقف
الزيني بركات
وشكرااااااااااااااا
انا رايى الشخصى ان مفيش اصلا حاجه اسمها حياد .. الانسان دايما متورط سواء اراد او لم يرد فى اتخاذ قرار يميل لليمين اواليسار . اما الحياد فا ده وهم بنوهم بيه نفسنا لكن فى قراره نفسنا بنكون متحيزين
تحياتى
سيدتى..أستمرارا للحوار الطريف حول اللغه ياريت تلقى نظره على ماكتبه الصديق العزيز د.أسامه القفاش بخفه دم أسكندرانى مالهاش حل
http://kaffasharticles.blogspot.com/
...تخياتى ومودتى..خالد
فيه احيانا التفويت يكون من حسن العقل---
كثير جدا بيكون الجدل حول ارساء مبدأ بيأخذ جهد ووقت كبير من ان الانسان ينفذ المطلوب منه
واحيانا الانحياز لا ينافى الحياد لانه ممكن يكون لفكرتين نفس الدرجة من الصحة لكنى أميل لاحداهما
لا يضيع الدنيا الذين مع , ولا الذين ضد , يضيعها المتفرجون
ده الرائع بهاء طاهر فى احدى رواياته , أعتقد انها "قالت ضحى"
كتبت التعليق بالفصحى , من باب الرخامه
:)
كتبت التعليق بالفصحى , من باب الرخامه
:)
الحياد قد يكون مذموما احيانا ومحمودا احيانا اخري
امر يستحق التفكير
والمواقف الحازمة اكثر طلبا
ولكن عن اللزوم
تحياتي
ابوفارس
============
اشكرك علي الرابط حطيت المدونه علي الريدر
اشكرك
الطائر الحزين
==================
فكرتين لنفس الدرجه من الصحة! امممممممممم
صعبة شوية
محمد الهنداوي
==============
ميرسي يا دكتور
ايه المشكله اني اتحمل رخامات الاخرين
عادي
:))
تحياتي
كوتشيا
=============
اشكر مرورك
تحياتي
إرسال تعليق