الأحد، سبتمبر 27، 2009

ريحة يـــــــــــود

ليس اغرب من الاندهاش من مشاعر البشر تجاه بعضهم او تجاه الاشياء والاماكن سوي_ الاعتراض علي تلك المشاعرأومحاولة تفسيرها او السخريه منها!

"ريحة يود"هي محاولة لتجميع كل الاشخاص والكتابات التي تتحدث بشغف عن مدينة واحده من الساكنين بها او المغتربين عنها !!.

"ملحوظة مهمة" المدينة هي الاسكندرية وليست" تل ابيب"! كتابة عن المدينة بشكل عفوي وحميم وصادق ومرتجل _لم يدعي أي اصحابه انه كاتب او أديب ولم يقدم نفسه علي انه الروائي الشاب الصاعد الواعد!!

ان يتوجه مجموعة من البشر بمشاعر هو الي مدينه او مكان ما يحمل خصوصية بالنسبه لهم مثل توجيه شخص ما حنينه الي قطعه ملابس أو زجاجه عطر كتاب قديم ليس لانه الافضل ولكن لانه الاقرب الي ذاته_عادي يعني!

ونتذكر سويا ما قاله طيب الذكر"عادل امام: بلدي طنطا واحب اعيش اونطه... ما علاقه ستايل الشخص في الحياة بربطه بمدينته المفضلة طنطا؟؟؟ لا اجابة!

اما عن الاشتباك مع تلك الفكرة او السخرية منها او اتهام اصحابها بالتعصب والانحياز فهو ما نفاه صاحب الفكرة قائلا: الاسكندريه كمرفأ للفنون بوجودها المميز فى أحضان البحر المتوسط،و توغلها فى الزمن صانعة و مصدرة للفنون داخل و خارج مصر و تأثيرها الفعال فى خلق جو كوزموبوليتانى يتخطى جميع الأجناس و العنصريات!

و يخلق تشكيلة متفردة فى بوتقة تجمع الأديان و الأجناس و الفنون.

وهو ما رد عليه طيب الذكر الآخر مصطفي شعبان في فيلم" مافيا" حين قال: انت بتحب امك مش عشان هي احسن ست لكن عشان هي امك..!

ايها الجمع المعترض الساخر دعونا نحب امنا"براحتنا"... نحب مدينتنا ونكتب عنها لا تمارسوا علينا دعاوي الحسبة الفكرية والثقافية لاتتقمصوا روح" يوسف البدري" ولا تخرجوا غلكم علينا نحن نكتب عنها او حولها نكتب علي جدران الشوارع دعونا نحيا بحرية " واللي متغاظ مننا يعمل زينا!

السخرية هنا فقدت بهجتها وكما قالت صديقة:

الآن فقطْ احسستٌ بمأساةِ المُهرّجِ حين يُفرغ دَمَه في عرُوق النكتة ولا يضحكُ احدَ

هناك 5 تعليقات:

karim يقول...

اولا اريد ان اعلمك ان من اشد المعجبين والمغرمين بالاسكندرية, مش عارف ليية بس هى فى شىء مختلف, بالنسبة لحب المكان او الوطن دة شىء طبيعى بس لما الام بتضرب ولادها على طوول ومش مديالهم اى خير يبقى الجهود امر طبيعى. ودة وضع بلدنا الحالى والسابق وربنا يستر ومايكونش المستقبل كمان, تحياتى

أومي مة يقول...

هو في اصلا زي اسكندرية
اصل بعيد عنك يا اماني، القاهريين حقودين
لازم نكون كده، ما هو لما مالقيش متر واحد اقدر اقف فيه على الكورنيش واستمتع مثلا بشكل النيل في حتة عدلة ومصاريفها على ادي يبقى لازم احقد عليكوا وعلى جمال بحر اسكندرية
ده طبعا على سبيل المثال لا الحصر
تشويه القاهرة وطمس كتير من معالمها بيقابله روح اسكندرية القديمة اللي باحس وانا فيها اني خرجت بره الزمن
ويا سلام بقى على جامع المرسي ابو العباس، يا سلام على بحري كلها، وكأني هاشوف دلوقتي حالا الملايات اللف والطرابيش معدية
بصي مهما يقولوا انا باشوفها اجمل مكان في مصر ونفسي جدا اعيش فيها
فالحل الاكيد هو
فكك منهم :)

خمسة فضفضة يقول...

السلام عليكم ورحمة الله وبركاته


كل سنة وانت طيبه يا مونمون ومبروك المدونه الجديده

تصحيح في فيلم مافيا اللي قال بتحب امك دي هو حسين فهمي مش مصطفي شعبان :))




ألا هو ايه اللي اشعل فتيل الحرب :-D



سلام

سومه...مجنونه فى بلد عاقل يقول...

بصراحه ان اسكندريه احب المناطق لقلبى وعلى فكره كنت حنزل عنها بوست عما قريب
بس هى اتغيرت شويه فعلا عن زمان حاجه من اتنين يا اتغيرت للاحسن بس احنا عشان بنحن للماضى شايفينه وحش يا اتغيرت للوحش بس احنا فقدنا القدره على التمييز بين السىء والجيد

ayman_elgendy يقول...

لو لم اكن... لوددت ان .....

مودتي