الثلاثاء، مارس 09، 2010

بنجّني..شكراَ

في كتابة ناعمة ساحرةقوية في لغتها وصورها. تسحرك وتبنجك وتشدك. تحببك في العربدة اوالكفرواي بلا ازرق .بتخلق لك حالة يستحيل تحصل عليها في الواقع كتابة بتسحبك زي الصاحب السو انت بتكون عارف انك بتتسحب وبتبذل مجهود عقلي رهيب في المقاومة. عارف ان ده _ مغرز يعني_بس برضه مبسوط انك بتتسحب ومستلذ القراية برضه!

وفي قراية توجعك تخنقك تدوخك تمرمطك تجيب يوزك في الارض تفرم دماغك وانت بتجّمعها تحس ان صاحبها بيكرهك وعاوز يذلك وبيسخر منك .بيعاقبك انك بتقرا له رغم كده بتكمل عشان ميولك الماسوشية بتغليك وفضولك بيجننك ابن اللذينة ده ها يوصلك لفين وايه اخرتها

وانا انتصر للمتعة الشخصية في هذه الحاله وافضل النوع الاول

هناك 13 تعليقًا:

زمان الوصل يقول...

أنا اليومين دول باقدّر جدّا أى شئ له علاقه بالبنج !! فيا سلام أمّا يمون الشئ ده كمان له علاقه بالكُتُب و القراءه !! فيه عناوين ترشّحيها من الصنف الأوّل؟ :)ا

sham3on يقول...

مينفعش ارشح انا؟

زمان الوصل يقول...

اتفضّل طبعا :) ده لو السؤال موجّه ليّا يعنى

sham3on يقول...

جربي تلاته في قارب لجيروم
جربي عيال الله لشيخ الوراقين
جربي واحد ضد الجميع لادريس علي
جربي بعض تدوينات بنيكه شاي ذات المغزي للكاتب الكبير شمعون
الاجابه ليكي يا ست زمان الوصل

زمان الوصل يقول...


جربي بعض تدوينات بنيكه شاي ذات المغزي للكاتب الكبير شمعون


:)))
من غير ما تقول أنا جرّبت فعلا و لقيتها حاجه عال العال .. عجبتنى أوى "أمنيات قبل معرض الإسكندريه" و "شمعون كسّاب" دى ضحّكتنى على غير توقّع :) أتوقّع لك مستقبل باهر .. أكيد هابُص إن شاء الله على الحاجات اللىّ رشّحتها

راجى يقول...

النوع التانى الذ

يا مراكبي يقول...

:-))

بصرة

فعلا في النوع التاني من القراءة بألاقي روحي مصر ومتحمس إني أكمل تعذيب نفسي لحد آخر المقال أو الموضوع عشان أشوف آخرتها .. نوع من أنواع جلد الذات والعقاب النفسي كده

:-)

ذو النون المصري يقول...

انا ايضا اميل الي الامتاع في الكتابه و ابحث عما يمتعني عملا بنصيحة انيس منصور اكبر بائع متعه في الكتب علي الاطلاق

جاد الربيع يقول...

فعلاً، أنا كمان بأحبّ الكاتب اللي يجي يحطّ ايده على كتفك و يقولّك تعال أحكيلك حكاية، لكن في نفس الوقت هأستاء جداً لو حطّلي تعبيرات مكرّرة بأكون واخدها حقن من ساعة ما بدأت أقرأ

مش معنى دا إنّي هأقفل الكتاب لو لقيته مثلاً بيذلّ دين أهلي على ما يديني معلومة أو حدث مثير، مهمّ، أو تفاصيل عن حاجة، بالعكس هأقراه و أنا هادي هادي هادي، أقفل الكتاب، ألعن منظره و أروح أفتح التّلاجة آكل زبادي

:)

:) QŁp 7āZēŋ يقول...

يا سلاااااااااااام
هو فين البنج ده حتى شاحح من السوق ودكاتره الاسنان مكنزين عليه :D
مدونه اكتر من جميله تحياتى ومودتى

شاب مصري مفروس يقول...

اكيد احسن حاجة الواحد يستفاد من الاتنين
واهو كله بثوابة ومفيش حاجة بتخسر
تحيتى القلبية

norahaty يقول...

أحب الأولى أكثر
مش ناقصة وجع
قلب أو نفس
عندى كتير!

قيس بن الملووووح يقول...

نحن في حاجه الي ارائكم في رسائل القراء بعد ان دخلت المنطقه الملغومه