رغم اني بعتز "بقدمي"جدا وبعتبرها شيئ مهم ومحترم زي ايدي او شعري اووداني وليست اقل احتراما ولا قيمة الا اني بتحرج اديها لعاملة الباديكيور واللي اكيد _مهنة شريفة من غير شك، ومن غير مزايدة او ادعاء برضه بعتقد وبشكل شخصي ويمكن يكون غلط ان استغلال حاجه الاخرين عشان اخليهم يعملوا اللي مش ممكن يعملوه لولا وطأة الاحتياج للفلوس شيئ غير ادمي.زي تنظيف وتدليك رجلينا مثلا
هناك 11 تعليقًا:
;))
مش شخصي اوي
كتير فكرت في كدة وخاصة بعد تجربة قديمة ونال مني نفس الحرج ونتيجة الاعتزاز فعلا بهذا الجزء الحيوي فإنني اتكعور على نفسي للاعتناء به
متهيألي مثالية
بافكر احيانا ان ممكن احداهن تكون بتمارس دة بشغف وانها بتكون سعيدة لما تطلع في الاخر لوحة جميلة تبهر الزبونة
واحيانا بافكر انه مادام الجزء دة زيه زي الايد والشعر طيب لازم يبقى فيه مساواة
:))
بس فعلا بتفوقني مسألة استغلال الاحتياج دي وتخليني ارجع للكعورة
كلاً ميسر لما خلق له
الدنيا كلها احتياج ومبنيه على احتياج كلاً منا للأخر ولو استغنينا لفسدت الدنيا ووقفت من فورها
صعبان عليكى ان حد بينظف لك رجلك امال حال عامل المجارى يبقى ايه !! يروح كل واحد يصلح مجاريه بنفسه بقى
متفكريش انه استغلال فكرى انه رزق رزقها ورزق اللى وراها ربنا جعلك سبب يوصل لها بيه ولو كل قادر امتنع وعمل مشابهات بنفسه سواء للتوفير او لأستحيائه الفقير يجوع
صباح الأنوار القمرية
يا أمانى
ازيييييك
اولا افتكرت فورااااااا مشهد من فيلم ميرفت امين و ناهد شريف
لما كانوا ساكنين ف حارة و جامعة واحدة
و واحدة انتهازية فباعت نفسها
و بقت هانم ..
و التانية تمسكت بالمبادىء
فملقتش شغلانة غير باديكيرة
و قعدت قصاد الهانم ... الجارة و الزميلة القديمة عشان تحصل المواجهة
شوفتى الفيلم دا ؟؟
بصى
انا متفقة مع بثينة و معاكى
الرجل زى اى عضو تانى
و يفترض الا يسبب ذلك حرجا لأى حد
اللى بيشتغل الشغلانة دى
والمستفيد منها كمان
بس للأسف الحرج متبادل
طب ما الدكاترة بياخدوا فلوس
ع الوظيفة اللى بيها بيمسكوا الاجزاء دى م الجسم و اصعب منها ..ليه معندناش نفس الاحساس دا ناحيتهم ؟؟
عشان المهنة و البرستيج ؟؟
بس متهيألى
الواحد لو تعامل مع الحكاية عادى لن يستنكفها
او يستشعر حرجها
هتكون وظيفة عادية
زى اى حاجة تانية
و مفيهاش حساسية من اى نوع
لكافة اطرافها
قصره بقى
م الآخرررررر
انتى وحشتينى
و بوسات و حضونات
يا نور القمر
كنت باقيس حالة تقدم بلد من تخلفها بحجم وجود نوعية معينة من الأعمال. من ضمن هذه النوعية مهنة ماسح الأحذية. شكلها لايدل على أي صفة طيبة لمجتمع منتشرة فيه لكنها موجودة ، وإن كان الشباب الصغير بعيد عن ممارستها فيما شاهدت. وجودها يعني حاجة من يمارسها للمال ولم يجد غير هذه المهنة ، علشان كده مساعدته على أداء مهنته وإكتساب فلوس منها شىء مطلوب. كل ما نستطيعه هو أن نعامل القائم بهذه المهن معاملة طيبة
بس الفارق كبير بين مهنة ماسح الأحذية ، ومهنة تنظيف وتدليك الأرجل. يعني دي داخلة فى دائرة المساج و التجميل. وده عمل بيتم فى مكان مخصص له ممكن يكون مجهّز بما يسمح بأداء المهنة بشكل يحفظ لمن تقوم بها كرامتها
بس ممكن يغير الشعور دة هو احترام الحرص على العمل الشريف، على الأقل مافضلتش إنها تشتغل باديكير في صالون رجالي، رغم إنه متاح وأكيد فلوسه أكتر.
حملة مقاطعة التلفزيون في رمضان 2010م
هذه حملتنا لهذا العام ، أقدمها لكم للوعي وتوعية الآخرين ، أرجو منكم دعم نشرها في النت ابتداء بموقعكم وشبكتكم الخاصة
الراعي الحصري لهذه الحملة
DejaVu Press
www.dejavupress.blogspot.com
يسعدني استلام أية اقتراحات أو آراء لدعم الحملة بالرد على موضوع الحملة
مرفق لكم رابط الحملة الرئيسي به كل الرسائل التي لكم وضعها في موقعكم الشخصي أو مدونتكم ، علَّها بكم وبنا تلقى حصادها المرجو
http://dejavupress.blogspot.com/2010/07/boycotttv-ramadan-campaign-2010.html
* * * * * * * * * * * * * * * * * ** ** * * *
BoycottTV Ramadan Campaign 2010
I present to you this year's campaign for mass edification. Please, help support spreading it web wide starting from your own sites and networks
Exclusive Sponsorship of this campaign
DejaVu press
www.dejavupress.blogspot.com
Any suggestions and/or ideas to support the campaign are very welcomed. Just comment on the topic of the campaign
Follows, is the main link to all messages of the campaign
http://dejavupress.blogspot.com/2010/07/boycotttv-ramadan-campaign-2010.html
كل شئ هو مهم واوله مظهرنا واناقتنا .. وجمالنا أيضا
ففى اعتقادى ان كل شئ هو نعمة من الله من واجبنا وسعادتنا أيضا أن نبديها فى أحلى صورة
ثانيا هذا ليس شيئا محرجا بل يحتاج لمهارة عالية
أنا كمان بأحس بنفس الشعور ده ، رغم إني مش بعمل باديكيور بس بأحسه لما أشوف المنظر في الكوافير .. ومع عامل النظافة في الشركة اللي بييجي يكنس المكتب وأنا قاعدة ساعات .. ويفضي سلة مهملاتي . بتوجعني الحكاية دي .. وأحاول كتير أقنع نفسي إن أكيد ربنا مش مخليهم حاسين باللي أنا متخيلاه ..
موضوع مهم على فكرة
وده من الموضوعات النادرة في الحياة اللي ليهم وجهين متضادين
أولهم هو فكرتك انتي عن استغلال احتياج الآخرين .. وده صحيح من وجهة نظر انسانية
وثانيهم .. هو ان الانسان اللي بيعمل في اي مهنة كانت هو في النهاية بيقدم الخدمة دي عشان الأحر وعشان يقدر يعيش .. والا هيجوع
الطبيب هو أحسن مثال للنقطة التانية دي .. هو بيقدم عمل انساني ومع ذلك ما يقدرش يستنكف عن أخذ الأجر والا هيجوع
لازم نتعود على اننا محتاجين خدمات بعض .. ومقابل أجر هنحتاجه .. طبيعة الحياه كده
إرسال تعليق