الأربعاء، نوفمبر 10، 2010

عن الانتخابات

تنويه واجب:قبل قراية التدوينة لازم تقرا كلام دماغ ماك.

منطقة الرمل في اسكندرية الدايرة الانتخابية اللي بتبعها مترشح فيها الوزير المحجوب وهو محافظ الاسكندرية السابق ويقال والعهدة علي الراوي انه اسمعلاوي_ سلم لي عالتوزيع الجغرافي_ اما دائرة محرم بيه فنزل فيها الوزير مفيد شهاب_برضه مش اسكندراني ولا شرب من بحرها_ لك ان تتخيل بقي منافسين مستقيلن اوتبع احزاب نازلين قدام منافسين مرشحين من الحزب الوطني لا وكمان وزرا:-)) بطولة ورجولة ولا مصارعي التنين في في اليابان!!
الصبح عرفت ان صديق فيسبوكي محامي وصاحب مركز حقوق انسان تم رفض اوراق ترشحه لدايرة محرم بيه قام رفع طعن ضد سيادة الوزير لان اوراقه غير قانونية!! ممكن تقرا اسباب الطعن!!
انا اطمنت بما اني متابعه موضوع الانتخابات كويس جدا انه ممكن انتخب ببطاقة الرقم القومي، مش شرط البطاقة الانتخابية وانا متابعه الموقف لاخر فيمتو ثانية ،لحد ما اخد قراري ومتحملة جميع سمّ ّالبدن من اصحابي القائمين علي حملة خلي عندك صوت"ياللي معنكش دم"!!
بكل روح رياضيةمع كل محبتي ليهم ولحماسهم وتحفظاتي علي الاسم..
واوعدهم ان الموضوع قيد الدراسة..

ممكن تضغط عالصورة هتلاقي خبر نكته..... بعد الضحك ممكن تحمل رواية البصيرة لساراماجو ازاي تشارك في الانتخابات بصوت ابيض وايه ممكن يحصل لو اهل مدينة اجتمعوا ان اصواتهم تكون بيضاء!!


هناك 6 تعليقات:

قلم جاف يقول...

في قناة دريم يهللون لترشيح المحجوب بشكل مبالغ فيه..

وأعتقد أنه من السخف أن يرشح محافظ نفسه لتولي عضوية مجلس الشعب ، والتاريخ خير شاهد..

لم تعرف بورسعيد محافظاً أكثر شعبية من الراحل الكبير "السيد سرحان".. لكنه لم يفعل شيئاً .. ولم تعرف الدقهلية التي أشرف بالانتماء إليها محافظاً أكثر شعبية من الراحل الكبير "سعد الشربيني" ولم يقتنع الناس بمردوده فلم يرشحوه لدورة ثانية..

الفرق بين العمل التنفيذي والعمل السياسي رهيب ..والسيء فيما يخص "المحجوب" أن وزارته بدت وكأنها لم تعمل ، تنسيق منعدم بين المحافظات ووزارة الحكم المحلي التي تبدو خارج نطاق الخدمة بثلاثين كيلومتراً على الأقل.. والمصيبة أن من يقررون ترشيح المحافظين مهما كانت إنجازاتهم لا يعون تلك الحقيقة التافهة التي يعرفها رجل الشارع العادي..

ذو النون المصري يقول...

احنا خارج مصر مهتمين جدا بكل اللي بيحصل في ارض مصر
نرجو الاستمرار في المتابعه لاخر فيمتو ثانية
كل عام انتم بخير

محمود المصرى يقول...

بسم الله الرحمن الرحيم

اولا كل سنة وحضرتك طيبة
ثانيا الف مبروك الشكل الجديد للمدونة انا لما دخلت قلت اكيد جيت مكان غلط ز
ثالثا بالنسبة للأنتخابات فأعتقد ان موضوع الرقم القومى دا لمواليد 1982 فما بعده لكن قبل كده لازم يسجل اسمه .
رابعا هو فى انتخابات؟

بنت القمر يقول...

قلم جاف
.............
بعد فترة من التدوينة حصلت احداث ابو سليمان مع شركة املاك
ولكن الله يفعل ما يريد
حظه اهله مش اوي المحجوب وادينا في انتظار النتايج
تحياتي

بنت القمر يقول...

نون المصري
-----------
ترجع بالسلامة
متابعاك ومتابعه ذكريات رحلة الحج
مودتي

بنت القمر يقول...

محمود المصري
___________
وانت بالصحة والسلامة يارب الشكل الجديد يكون اريح
الموضوع انتهي.... الموقف سيئ جدا
تحياتي ومودتي