عيونها واسعة نجلاء مكحلة اما بشرتها فسمراء نيلية ترتدي بندانا تجمع بها شعرها الي الخلف فهي مناضلة لا ينبغي ان تسقط في حضيض الاهتمام بتلك التفاصيل الانثوية! المكان اجتماع لمناقشة ازمة اليسار الطرح النخبوي والمظهر المختلف الانعزالي السرد التاريخي ومحاولة لاستشراف الحاضر الفتاة تمت العشرين او تجاوزتها بقليل جدا قالت معرفة نفسها للحاضرين بدون مقدمة: انا رضوي* من الاشتراكيين الثوريين ايوا احنا اللي حرقنا الاقسام...كان لازم لانه كان مطلب شعبي!
ويحمدوا ربنا اننا محرقناش مول سان ستيفانوا عشان ناخد حق العمال الغلابة من الطبقة الراسمالية اللي بتستغلهم وبتسرق عرقهم..
ساد شيئ من الصمت..وتابعت مالو مظهرنا انا كنت بقابل العمال في ابو قير وماكنوش بيستغربوا مظهري بالعكس مرة ادوني" اسدال" وصليت معاهم...سالها المحاضر اشتراكية ثورية وبتصلي؟!
تذكرت فجأة لطفي لبيب وهو يقول تنظيم شيوعي في سادتا ابتدائي:)
*الاسم غير حقيقي
Cossacks never say die! = Казачем�.mp3
هناك 9 تعليقات:
أول مرة أعرف إن اليسار ، مش التيار الشيوعي ، ليه في "العنف" و"الشغل الشمال" - كلمة بيطلقها البعض على الأعمال الإجرامية عموماً- الصورة المنمقة الظريفة لليسار بتتشقلب رأساً على عقب لما بنلاقي التطرف بقى جزء من طريقة تفكير اليسار المصري المثالي جداً جداً جداً..
فيه تطرف في طريقة تفكير ناس في اليسار ، زي ما في أي تيار تاني ، وعادة الناس اللي بتبقى في "قاعدة" أي "تنظيم" أو من عوام المنتمين لأي تيار الأكثر عاطفية واندفاعاً وتطرفاً ولكن إذا كان التطرف موجود في تفكير القاعدة ، فهو جزء من دماغ القمة .. القمة اللي بتفخر بعد كدة بإنها كانت راديكالية متطرفة .. واللي يراجع كلام ناس كتير من "التجمع" في حواراتهم التليفزيونية ممكن يلمس دة..والله أعلم..
وانا اتفق مع قلم جاف فى كل حرف!
من الخبال الاعتقاد فى الحلول الجذرية،لأن الأمبريالية العالمية مش مول و مش محل،الامبريالية نظام و مؤسسات كبرى،و سبل محاربتها هى المقاطعة و الانتاج،مش الحرق و التدمير،و احب افكر اى حد شايف نفسه بياخد حق الغلابة من سان ستيفانو،فهو شرد غلابة غيرهم من العاملين فيه،لو انت جدع اوى اعمل مول اكبر منه و شغل ناس اكتر،و ساعتها سان ستيفانو هيلم عزاله و يطفش!
انا اكره اقصى اليسار كما اكره اقصى اليمين،يسارية مفقوعة من اليساريين!
الكلام ده بجد؟
انتي حضرتي فعلاً حاجة زي كده وحد بيتكلم بالطريقة دي؟
عموماً بغض النظر عن حقيقة الموضوع ده من عدمُه، كل النخب الحاليين سواء كانوا يساريين أو يمينيين أبدوا حقارة وفراغ فكري لم نتوقعه على الإطلاق، وأظهروا أيضاً عدم حرص على البلد خالص، ولا تعنيهم في شيء أصلاً، اللي يعنيهم هو مكانهم ونصيبهم في التورتة وبس :-(
دعوة لاحياء البلوج من ثاني لأنه فعلا كان يفجر و يظهر الكثير من المواهب، و الأعمال الراقية
قلم جاف
التجمع دول ناس حبوبة جدا ولطيفة دي ناس مستأنسة":))
برونيت
مروك لطيف..:))
يا مراكبي
حصل فعلا..مفيش مبالغات..وغلاوتك
:))
كارول
ميرسي ..اشكرك
:))
تحياتى -- إلى من يقول أن التغيير يكون سلمى --- أقول له - أنت واهم - ومتى ستخلى السادة بإرادتهم عن ظاموالهم للأجراء
إرسال تعليق