الأحد، يونيو 24، 2007

انا .......ومدونتى




وبعد شهور من تصفح المدونات وبعد تفكير مرير وحبه اه وحبه لااعمل مدونه ولا بلاش طب بلاش ؟؟ بس ليه بلاش اعمل مدونه ولالا؟؟ والحقيقه ان السؤال الاصعب هو يا ترى المدونه دى هتبقى شبهى ولالا؟؟كنت ولسه خايفه موت اني اكتب حاجه متبقاش شبهى او متعبرش عنى وحبه الحريه اللى كنت هامنحهم لنفسى ياترى صادقه فيه ولالا وطبعا كل الاجابات دى لسه ملقتهاش المهم قلت اهو ابدا وخلاص وزى ما تيجى مش هاخسر كتيثر وبدأت الخطوات الاولي لعمل المدونه اللى هاحاول اديها اكبر كم من نفسي ومن روحىويارب تكون واحه هاديه للجميع وسعيدة باقتراحتكم وتعليقاتك....بنت القمر

هناك 3 تعليقات:

radwa osama يقول...

اكتبى زى ما انت عاوزة ..يمكن كتابتك تعرفك على نفسك اكتر وتكتشفى ان نفسك هى اللى شبه كتابتك ..الكتابة نعمة من نعم ربنا على الواحد ..اكتبى عن كل حاجه بتحسيها وحتما هتلاقى ناس تشاركك فى ده ..اجمل حاجه اننا نلاقى ناس شبهنا بتحس بنفس اللى بنحس بيه ..وكاننا بننفى عن نفسنا صفة الغرابة اللى بعض الناس بيتهمونا بيها ..مبسوطة انك عملتى مدونة..استمرى

اسكندراني اوي يقول...

حلوه ولذيذه
وعلى فكره خطوه جميله وحتخلي في ترابط بينك وبين ناس ما تعرفهمش
اديكي حتشوفي وتجربي

ربنا معاكي

Tamer7na يقول...

انا مش عارفة لية انتى كدة خايفة من فكرة الكتابة فى المدونة
لو صممتى تكتبي اللى جواكى من غير تكلف و بتلقائية اكيد هتكون المدونة دى زيك نمام و شبهك