كل سنه وأنا طيبه

حبيبتي بنت القمر

كل سنه وانتي طيبه عدت 2007 عادي مفرحتيش كتير

وجايه 2008 ومنتيش متوقعه تغيير كتير عادي!!مجرد ايام واسامي بس

عارفاكي عاقله لابتبالغي في احلامك وتوقعاتك

ولا عاوزة ترمي نفسك في بير الاحزان

لكن برضه عشان انتي تستحقي الافضل اتمني لك كل خير وسعاده

اوصيك بصحتك

كلي واخرجي واتفسحي متنسيش دواكي

امشي علي البحر زي ما تعودتي خليه يغسل همومك ويريح قلبك

متضغطيش كتير علي نفسك يا روحي عشان كل شئ يبقا صح

مش لازم كل شئ يبقا صح ولا عمرك ها تقدري

متروحيش مكان ما بتحبيهوش وما تكلميش حد ما بتحبيهوش

ولو زعلتي سيبي دموعك تفر مش عيب

بلاش تاخدك الكرامه

فكيها علي نفسك

انا عارفه انك قسيتي كتير علي نفسك التلات شهور اللي فاتوا

هوني عليها بقا

فرحي نفسك بهديه ساعه ولا عطر ولا حتي بوكيه ورد

اتمسكي بابتسامتك واعصابك في وش الطوفان

طوفان الغضب والحسد والبلاده

خليكي زي ما انتي دايما قمر في السما عالي متتجريش لمهاتراتهم

مضيعيش احلي ايامك هدر

دا العمر واحد ملوش تاني

متخليهمش يسرقوه

بحبك

كل سنه واتي بخير يا اطيب واحن قلب

*****************************

لو تسمحولي كتبت لكم كتير

وحسيت اني لازم انهارده اكتب لنفسي

وكل سنه وانتوا بالف خير وصحه وسعاده

!!!!كلهن زعلانات

اثناء مروري علي مدونات الصديقات

لاحظت اهتمام وحزن جامد علي اغتيال رئيسه وزراء باكستان السابقه بنظير بوتو

واصل اسمها بلا نظير

وعلي اختلاف توجهاتهن

كن كلهن زعلانات كانها حلمهن واتوئد

اقرا عن العزيزة اوي حفصه

والعزيزة برضه لست ادري

العزيزةكمان بيلا

العزيزةبرضه شهروزة

لم الاحظ اي اشارة للخبر في اي مدونه رجالي
بنفس كثافه

المدونات النسائيه

التي

ذكرت الخبر

كانها رئيسه وزراء نياو نياو


كان كلهم لا يعنيهم او كأنه كابوس وراح


التفسير ها احتفظ بيه لنفسي


والملاحظه ها اهديها للجميع

تحديث

مقصدش الحزن تحديدا

مجرد الاهتمام

يعكس حاله رفض

وحسره علي الراحله

الحاج تاايه

قناه العربيه الاخباريه:موسم الحج من انجح المواسم هذا العام وخصوصا بعد توسعه مني.....متصدقهاش دي قناه سعودي اما ل ها يقولوا ايه

قناه الجزيرة:مفيش اخبار عن الحج.....ما تستناش اصلا الجزيرة معندهاش مراسل في السعوديه يغطي اخبار الحج.

الفضائيه المصريه في شريط الاخبار....حاج اندونيسي يصاب بحاله هياج وينهال طعنا علي بقيه الحجاج....لازم تستغرب لان مفيش ولا قناه تانيه علقت علي الخبر ده ولا جابت سيرته اصلا..

خبر غريب جدا بقا

احصائيه علي حالات التوهان في الحج

بتقول الاحصائيه من الاخوة السعويين عشره الالاف حاج مصري واخددينلي بالكم من النامبر تايهين في انحاء مكه ومني وبقيه المشاعر

اقل البعثات في الحج توهانا هي البعثه الايرانيه واكترها تنظيما لم تسجل ولا حاله تقريبا

الخبراء يندهشوا بشده من توهان الحاج المصري اللي يا اما بيضيع باسبورة او بينسي مكان الفندق او اسمه او بيتاخر علي ركوب الاتوبيسات بتاعه شركته او او لانه عربي مصري ازاي يتوة ويوصل الي الشرطه في الاخر

والحاج الايراني الذي لايجيد العربيه بيسلك زي العفريت وزيه التركي والاندونيسي

التحليل هو زي ما هما قالوا مش انا

يرجع الي الضغوط النفسيه والعصبيه الشديده التي يتعرض لها الحاج المصري في حياته وتزيد قبل طلوعه الحج بشده وبتخليه يتوه في بلد عربي وهو بيكلم عربي

الرقم تاني هو 10 الالاف حاج مصري تايه

بس

افلام

شكري:يا عادل مفيش ادامنا طريق تاني

عادل:ازاي اللي بنعمله دا حرام

شكري:لا احنا مضطرين وربنا قال فمن اضطر غير باغ ولا عاد فلا اثم عليه

عادل:بس احنا مش مضطرين نتاجر في السموم

شكري لا احنا مضطرين عشان عضه الفقرصعبه

شكري: قيم والمبادئ اه لكن عضه الفقر لا صدقني منستحملهاش

عادل يعني مش حرام

شكري صدقني مش حراام

حسين فهمي ومحمود عبد العزيز

فيلم العار

****************************************

تبا لهؤلاء الحالمون يرهقوننا دوما باحلامهم

احد قاده الاسكندر

فيلم الاسكندر الاكبر

****************************

غدا هو اليوم الاول في بقيه ايام حياتك

الراوي/امريكان بيوتي

***************

فريد شوقي:تسمحي لي ازاي جوزك يعمل كدا ويطلقك دا غبي؟

سعاد حسني :ليه

فريد شوقي:انالو منه احطك في قصر واقفل عليكي ومخليش حد يشوفك ابدا!!!!اابدا!!!!ا

غيري انا بس

فيلم لعبه الحب والجواز

***************************

لطفي لبيب:احنا عاوزين نشتري الشقه بتاعتك

عادل امام ومين قالك اني ها ابيعها؟

لطفي لبيب:احنا بنعرف كل حاجه هي كام متر

عادل امام:300 متر:لطفي لبيب:شوف عاوز فيها كام

عادل امام بس دي شقه امي وابويا

لطفي لبيب:وايه يعني

عادل امام:المشكله انت بتحسبها بالمتر وانا بحسبها بالمشاعر والذكريات

فيلم السفاره في العمارة

يتبع

***********************************************

عيد حسني مبارك!!!ا

اخدتولي بالكوا من صلاة العيدفي شرم الشيخ التي حضرها الرئيس

الرئيس العيد ده واللي قبله بيصلي اخر صف

ومش بيجيبوا عليه الكاميرا لا في الركوع ولا السجود

تقريبا يعني تقريبا عوامل السن منعته

كما ان جنبه شويه ناس اقل انهم يكونوا حتي ناس عاديه هما بودي جارد علي فتوات

الريس في السنين السابقه كان بيصلي اول صف ورا الامام عدل

والصورة بتكون طوليه بتبين رجله وراسه السنه دي الكاميرا علي وشه بس

مجرد ملاحظه

طبعا مفيش مشكله في العجز اطلاقااا

لكن هو مش بوش بيمرض برضه

وجاله سرطان قولون وعمل عمايه وهو في الحكم

عادي

ليه بقا عندنا المرض مش عادي هه

نفسي افهم

ولا الريس دا سوبر مان

غريبه اوي

في ليالي حليم

حين اضائت اشاره المرور بالاحمر وتوقفت بالسياره علي بعد امتار من البيت في حي الوزاره وعلي جانبي مبني الحزب الوطني القديم والانيق كانت الريح تعوي والشبورة
تلف المكان الشارع خاليا الامن بضعه ماره يجرون سريعا خوفا من نزول الامطار
الهواء كان مخيفا كأنه سوف يقتلع الشجر والبشر من اماكنهم وفجأه دفع الهواء بسله كبيره للقمامه في وسط الطريق من الجهه المعاكسه في طريق السيارات التي كانت حتما ستصدم بها محققه كارثه
كنت استمع حينها الي عبد الحليم حافظ يقول
الليالي ...الليالي
من بعدك والي جرالي
سهرني الشوق غربني الشوق
دوقني الشوق طعم الحرمان في الليالي
في رائعته المفضله لدي حاول تفتكرني
وفي افضل مقاطعها
كان حراس مبني الحزب الوطني يرون امامهم سله القمامه الكبيره ولا يحركون ساكنا
ينتظرون سيارة مسرعه لتصدم بها فقط!!!ا وكان وظيفتهم فقط في حمايه المبني وارواح البشر لها رب يحميها

فجأه
فتاه انيقه صغيرة تقريبا في العشرين
ترتدي حجابا انيقا وبالطو شتوي لا يقل تمنه عن الفين جنيه
تعبر الشارع وتحاول سحب السله الكبيره التي تفوق وزنها اساسا
سحبتها في اتجاه الرصيف لتحمي السيارات القادمه
وتابعت سيرها في هدوء بعد ان مسحت يدها بمناديل من حقيبتها
سلبيه حراس الحزب وايجابيه الفتاه
كانتا مفارقه
وكأن روح عبد الحليم كانت حاضره وكأنها ابت الا ان يكون كل شئ في موضعه
وان تضيف لحدث بعضا من الاناقه والانضباط من زمن ولي
كان صوت حليم لايحتمل بجواره
النداله والسلبيه الحاضرتان بقوة في الموقف فظهرت الفتاه في المعطف
كانها ملاك ليل
يحمي المارة
************************
كل سنه وانتم جميعا بخير

هلاوس

عارف يارب اكيد عارف ابليس كان معايا امبارح واول امبارح والله

كان رايح حفله وقالي تعالي معايا دي ناس كلها لطيفه وشياطين صحابنا معرفه

قلت له بذوق:سوري مش فاضيه انهارده عندي مشاغل طحن شغل في البيت وكدا يعني طبعا كنت بتهرب

برق عنيه وزغر لي وقال:مفيش اهم مني انا الاول.وبعدين مش هأخرك.دا أنا حبيبك

قلت له:طب أنزل أنت دور العربيه وأنا ها أحصلك كنت عاوزة اوزعه

قالي:انتي بتاعتي ومش ها اسيبك انهارده انتي موصوفالي بقا وضحك

اتخنقت منه وقلت :ياعم حل عني راح متعصبو ضربني بالقلم ولوي دراعي ورا ضهري

وقالي هو انا فاضيلك اتلمي بقاورايا شغل كتير وراجعلك تاني جهزي روحك و متنسيش نفسك

محدش يكلم سيده ابليس كده!!ا

بصراحه خفت جدا لاني حسيت البيت ضاق اوي وبقا خنيق

جريت اقفل باب الشقه كان بيدخل من الحيط اقفل الموبايل فضل يكتب لي علي المرايا والسقف

ويوسوس في ودني

اجي انام الاقيه معايا علي المخده وكمان في الحلم

أعمل ايه يارب؟؟ طب عارف امبارح عمل أيه معايا؟ جالي وانا نايمه وثبت لي امشاط رجليا وكان عاوز يخنقني صحيت من النوم وعيطت جامدو قريت قرآن يارب مش عارفه اخلص منه ازاي

شوف حل فيه بقا يارب

خلقتنا عشان تمتحنا وخلقته عشان يغوينا ويفتنا

طب والنبي يا رب وحياه حبيبك محمد واليوم الكريم اللي احنا فيه تعفيني بقا من الاختبارات دي..انا مش حملها...

انا ضعيفه اوي خليه يبعد عني انا عارفه انك كرمتني اوي بلاش بقا تمتحني وتفتني ما بحبش اسقط

يعني تقريبا لو ينفع طالبه استثناء...

!!!دا انا طول عمري ناجحه ارجوك يا رب اتوسل اليك

انا تعبانه وانت عارف عندي امراض العصر كلها قرحه معدة ومرارة وخفقان قلب وكمان عارف اني خدت مهدأ

وبرضه مرتحتش كنت بقوم ناسيه أسمي وهو قالي كدا ها انسيك اسمك!!!ا

بحاول اعمل كل شئ صح ومظبوط لكن هو بيقولي دلوقت تعالي نهرب سوا انتي مش مؤمنه

انتي كدا كداداخله النار

وتعالي بقا نفرفش ونروق حبه

ولا عاوزة تخسري كل حاجه قاعده مستنيه الجنه يا فالحه

وقعد يضحك عليا جامد وانا برضه بعيط

وانت يارب بتقول يجري الشيطان منكم مجري الدم في الوريد

طب اعمل ايه افضي شراييني واوردتي من الدم الشيطاني عشان اخلص طب اجيب دم تاني منين؟

ما كده ها اموت وتحاسبني وتقولي يا منتحره يا كافره واخش النار برضه

ماما بتقولي ما تفكريش كتير كتر التحليل والفلسفه ها تلحس مخك وتقصف عمرك!!ا

خليكي علي البركه

طب انا عاملا ادور علي البركه بتاعتها اهه

دلني يا رب اعمل ايه؟

ارجوك ارجوك...

....أتوسل اليك بكل كتاب ونبي تنقذني قبل حدوث مكروه

عبدتك المستغيثه

ايوة خدااااامه

نقلا عن جريده الوسيط السكندريه العدد الحالي والسابق

********************************

فورا لمطرب مشهور عامله نظافه لديها خبره برعايه الاطفال والمسنين واعمال المنزل

راتب1500جنيه تليفون 5522453/0104697605

*****************

فورا لشيخ اماراتي عامله نظافه جاده تجيد اعمال المنزل والمطبخ بمرتب2000 جنيه ت0121108560

**********************************

مطلوب لاسره عربيه عمله نظافه للعمل بالقاهرة والغردقه يشترط تفرغ راتب 2000 جنيه ت

0121108560

******************

فورا لنجمه سينمائيه عامله نظافه 1800 جنيه تجيد رعايه الاطفال ت0182603122

********************************

شيخه كويتيه تطلب فتاه تجيد اعمال المنزل بمرتب مغري جدا جدا ت0121122709
مع الاعتذار لصديقتنا تمر حنه

وبدون تعليق!!!ا

ثرثرة فوق النيل

في زياره عائليه الي محافظه الي محافظه مجاورة التقيت صديقتي المدونه حسب اتفاق مسبق رتبناه تليفونيا

التقيتها فن نقطه مشهورة بالبلده تقرب امتار قليله من النيل مشينا سيرا علي الاقدام اليه وجلسنا في كازينويتبعه حديقه كانت الشمس ساطعه والجو دافئا خلافا ليومين ممطرين بشده سبقا المقابله

كانت ترتدي تاييرا من الجينز الازرق وحجابا انيقا ممتلئه قليلا تضع ما قل من الزينه كانت تشبه اي بنت اخري في البلد لاتستطيع تمييزها عن غيرها الاانها كانت مشرقه نشيطه متحمسه لها عينان لامعتان حادتان ونظرات ثاقبه متحديه ذكرتني بنظره شاديه في فيلم عتريس وفؤاده حين فتحت الهويس لتخرج المياه لاهل البلد ومتحديه عتريس وسطوته وحين اخبرت صديقتي بذلك ضحكت طويلا وردت :الله يكرمك شاديه مره واحده..اخبرتها اني لم اقصد الجمال ولكن نظرة التحدي نظره التحدي التي يصعب نسيانها

جلسنا علي كورنيش النيل والشمس تلقي بأشعتها علينا وكأنها بخلت بدفئها علي سكان البيوت

كانت مرحبه ودودة اصرت علي اعارتي نظارتها الشمسيه حين لاحظت اني لااستطيع مواجهه اشعه الشمس

وبقيت النظاره معي الي نهايه اللقاء تحدثنا عن المجتمع واحوال المرأه تكلمنا في الدين والحجاب والقضاء والقدر ناقشنا صلاة الاستخاره واحوال القلب تكلمنا عن الفيس بوك واخبار المدونين وانطباعاتنا الشخصيه ولم يخلو الامر من نميمه طبعا..كانت متحمسه مليئه بالنشاط وحين كنت افضح لها مكنونات نفسي وابثها بعضا من همومي كنت في حاله يأس من كل شئ واي شئ لاطاقه لي للقتال ولا رغبه في الصراع كنت اردد فقط مفيش فايده

كانت متحدثه بارعه ومنصته جيده محاورة ممتازة ومقنعه وان لم يخلو النقاش من كثير من نقاط الاختلاف كالعاده اشعرتني براحه وألفه وان كانت عيونها تدور في كل اتجاه تلاحظ ما يجري حولنا تنظر فيكل ناحيه لم تقطع حديثي الا حين قالت لي شايفه ا لعصفوره نزلت دوغري علي سطح النيل تلتقط سردينه عشان تاكلها ورجعت تطير تاني!!ا

ومره تانيه حين اشارت لي علي مركب صغير تتشارك زوجه وزوج في قيادته..في اشاره واضحه للمساواه البسيطه غير المفتعله ولا المتشنجه بين الست والراجل في قياده دفه حياتهما

وكانها ابت ان تنحصر في نقطه او زمان او مكان واحد كانت معي ومع كل شئ محيط لا تفوتها شارده

اصرت بكرم بالغ علي عزومتي علي مياه غازيه واوصلتني بكرم بالغ ودعتها وانصرفت شاكره لها كرمها وفي الطريق كنت افكر هي العصافير بتاكل سردين مش السردين ده بحر مش نيل؟؟

____________

لقائي مع شهروزة

صور نادرة من فلسطين...حتي لاننساها

صور الحرم الابراهيمي من الداخل والخارج

في الطرقات المؤديه الي الحرم الابراهيمي كل المحلات مغلقه نتيجه التواجد الرسرائيلي

سوق البلده القديمه مغلقه بسبب الاحتلال

اهل الخليل يحافظوا علي اسواقهم من القمامه التي يلقيها عليهم المستوطنين اليهود بوضع الشباك

قد وصلنا الى الحرم الابراهيمي ..ستستغربون وتتعجبون من نقاط التفتيش ..بوابات الكترونية ..بوابات حديدية دوارة للداخل والخارج ..والتي يتحكم بها الجنود ..يفتحونها ويغلقونها على اهوائهم ..

نقطه التفتيش الثانيه بوابات اليكترونيه..تضع كل ما معك علي الشباك الصغيروتدخل كل ما معك ويتم سؤالك هل معك شئ مخالف. انظر الفرق بين النقطه الاولي والتانيه خلف النساء ومع ذلك يتم سؤالك هل معك سكين او شئ مخالف

نقطة التفتيش الثالثة ..بوابات الكترونية ..بتحط كل اللي معك على الشباك مرة اخرى ..وتدخل

هذا الحرم من الداخل وفيه مقمات كثيره واضرحه كثيره القبور موجوده تحت المسجد هناك فتحه عليه تسمى الغار الشريف

وهذا الغار الشريف طبعا مقفل عند النزول فيه ممكن مشاهدة قبور الانبياء وال ابراهيم


مقام السيده ساره..زوجه ابراهيم الخليل


نجد اولا مقام سيدتنا سارة زوجة ابراهيم الخليل ..


وهذه المقامات تباعا ..

مقام سيدنا اسحاق

هذه صورة مقام سيدنا اسحق والمنبر


مقام السيده رفقه زوجه سيدنا اسحاق


مقام سيدنا ابراهيم الخليل

مقام سيدنا ابراهيم

باقي المقامات مثل مقام سيدنا يعقوب ..وسيدتنا ايلياء .. ومقام سيدنا يوسف ..موجودين في القسم اليهودي !!!!!ان اليهود قسموا الحرم قسمين ..يفتحون القسم المغتصب منه للمسلمين اربع جمع رمضان ..ايام الفطر والاضحى ..في ذكرى الاسراء والمعراج ..وذكرى المولد النبوي .بهذا الباب الحديدي ..قسموه الى قسمين ..
ا

طبعا هذه التشديدات الامنيه كلها حدثت من بعد مجزرة الحرم الابراهيمي والتي قام بها مستوطن يهودي امريكي من سكان مستوطنة كريات اربع واسمه ((باروخ جولدشتاين)) في 25/2/1994 اثناء سجود المصلين لصلاة الفجر في شهر رمضان فدخل عليهم وهو يحمل بندقيه رشاشه وقنابل يدويه وبدأ باطلاق النار على المصلين مما ادى الى استشهاد 29 مصلي على الفور وجرح العشرات واكملت قوات الاحتلال العدد الى الى 50 شهيد خارج الحرم الابراهيمي وعند نفاذ الذخيره منه قام اثنان من المصلين بضربه على راسة حتى قتل واستشهد الاثنان على ايدي الجيش الاسرائيلي المجرم باروخ جولد شتاين صاحب المقوله التي كان يرددها كثيراמחר אני ארכם מה הוא אסלאם שלכם !' غدا سوف نريكم ما هو إسلامكم ' على فكره الاذان ممنوع في الحرم الابراهيمي يوم السبت بسبب العيد الاسبوعي عند اليهود