الجمعة، ديسمبر 28، 2007

!!!!كلهن زعلانات


اثناء مروري علي مدونات الصديقات
لاحظت اهتمام وحزن جامد علي اغتيال رئيسه وزراء باكستان السابقه بنظير بوتو

واصل اسمها بلا نظير

وعلي اختلاف توجهاتهن

كن كلهن زعلانات كانها حلمهن واتوئد



العزيزةكمان بيلا

لم الاحظ اي اشارة للخبر في اي مدونه رجالي
بنفس كثافه
المدونات النسائيه
التي
ذكرت الخبر

كانها رئيسه وزراء نياو نياو


كان كلهم لا يعنيهم او كأنه كابوس وراح


التفسير ها احتفظ بيه لنفسي


والملاحظه ها اهديها للجميع
تحديث
مقصدش الحزن تحديدا
مجرد الاهتمام
يعكس حاله رفض
وحسره علي الراحله

هناك 51 تعليقًا:

عدى النهار يقول...

طبعاً عندما يكون مرورك على مدونات "صديقاتك" لن تلاحظى أى إشارة للخبر على مدونة رجالي

لكن أنا لاحظت مدونة هوامش صاحبها كتب عن الخبر ويمكن لو دعبستى شوية تلاقى أكتر

المهم.. أنا قرأت المدونات التى أشرت إليها والغالب أنه لم تتناول صاحبتهن الخبر من منطلق أن بنظير بوتو إمرأة ولكن من منطلق إستخدام العنف وما يمكن أن يؤول إليه مصير باكستان بسبب الأوضاع السياسية والأمنية هناك

بنظير كانت رئيسة حزب لا أعتقد أن أحداً يشك فى أن غالبيته الساحقة رجال وكانت رئيسة وزراء لفترتين ولم أقرأ تعليق واحد على خبر إغتيالها فى المدونات أو الجزيرة أو بـ بـ سـ كتبه صاحبه من منطلق أنها إمرأة

مش المفروض إننا نفسر كل حدث من منطلق رجل مقابل إمرأة. الأمر فى أغلب الأحيان غير ذلك تماماً

lonely يقول...

الموضوع موش موضوع رجل وامراه الحكايه اهتمامات واختلاف اتجاهات
ولكل اهتماماته

Marvel يقول...

قد يكون السبب انك تبحيث في مدونات اصدقائك...لكن عامة هناك الكثير من المدونين الذكور اللي زعلوا عليها وعلى باكستان

الموضوع ليس له علاقة بهرمونات الذكورة
:DD

هناك مثلا د. اياد حرفوش
http://eharfoush.blogspot.com/2007/12/lady-cowards.html

و sandmonkey
http://www.sandmonkey.org/2007/12/27/benazeer-bhutto-assassinated/

وهناك ايضا ضاكتور خالد..لكنه كان فرحان لاغتيالها!!!..ربنا يهدي
http://www.sandmonkey.org/2007/12/27/benazeer-bhutto-assassinated/

شـــــهــــروزة يقول...

اطلاااقاااا

مفيش اى ربط بين كونها امرأة وبين حزنى عليها

لكن حين تتابعين شخصا" بصورة شبة يومية
وتعرفين خلفيته الكبيرة والصغيرة
وما تعرض له
و تحدياته لكل ما واجه

وكمان
محاربة النظام بالكامل له ولأفكاره وتوجهاته
بخلاف عداوة تنظيم مفزع كالقاعدة له

فى النهاية حدوث مثل هذا فى بلد ضخم ذو ثقل مثل باكستان
العملاق الاسلامى النووى الثانى بعد ايران؟؟؟؟؟؟؟

دة اللى فعلا صدمنى

باكستان لم يظهر فيها العنف ولا اعمال الارهاب والتفجير الا حين استعرب نواز شريف واتبع سنّة حكامنا البواسل فى الالتصاق بالكراسى والمناصب

شعب غير معتاد على الدكتاتورية
ولا على تكرار وجة الحاكم رغما عنه
ولا على لوى الدراع

فجأة انتزع من هذا الشعب كل ديموقراطيته و عاداته
وصارت محاولات التدجين ولوى الدراع هى شغل برويز مشرف الشاغل
وربما استعان بخبرات عربية تعاونه فى دفة الحكم ، بحكم لامؤاخذة التعود

حزنى وصدمتى على بيناظير ليس لكونها امرأة

ولكن لمعرفتى لسيرتها كانسانة مثابرة
قوية
حتى بعد حملها جثث الأهل والأحباء
معافرة
قامت كسد منيع فى وجة الاعاصير و فيضانات المؤامرات والتكسير ضدها
كادت أن تحنى هامات أباطرة الدكتاتورية فى بلدها

مثل أعلى
للرجال والنساء على حد سواء
وربما لشعوب يجب ان تتعلم معنى الحرية
حتى وأن ألصقوا سيرتها بأمريكا ونيتها لإجتياح باكستان سلميا" وهذا مستبعد نوعا" ما


الاصلاح لا يحتاج لرجل أو امرأة
وحين ذكرت أنها سطرت اسمها جانب من سبقوها فى كتب التاريخ
ذكرت رجالا أكثر مما ذكرت من النساء

تحياتى

Ragi يقول...

ازاى ؟ لقد حزنت عليها جدا لانها كانت شخصية متفردة وان حامت حولها شبهات كثيرة الا انها واحدة من النساء المسلمات اللاتى اجبرن العالم على متابعة اخبارها سواء لما كانت فى الحكم او فى السجن او فى المنفى
رحمها الله

اسكندراني اوي يقول...

سيدتي

بعد عودتي من العمل يوميا اول حاجه اعملها اخد لفه على قنوات الاخبار العربيه منها والغربيه الناطقه بالانجليزيه

انا لم استوعب الخبر في الاول
وبعدين قعدت اسمع وفهمت اللي حصل

واتسمرت مكاني لحد ما اعلن خبر وفاتها رسميا

وقتها بس لم اتمالك نفسي من البكاء
الموضوع لا يمت بصله لكونها امرأه او رجل

الموضوع حزن على انسان راح ضحيه لمبادئه
ولان شويه اشخاص لا يعرفون غير لغه الدم هم من يقومون بهذه الاعمال القذره
اما الحزن فهو عميق عمق الجرح اللي تركته بوتو في قلوب الباكستان كلها

تلك الدوله اللتي يسعى اعدائها الى جعلها دائما مشغوله داخليا في حروب طائفيه

كان الله في عونهم
مع جم احترامي لكي ولرجاحت عقلك
لقد جابك الصواب يا سيدتي في ملاحظتك


اسف للاطاله
تحياتي

Bella يقول...

مرحبا بنت القمر

الحق يًقال هناك الكثير من التدوينات الرجالي التي تحدثت عن اغتيال بي نظير بوتو وكتبت عنها الكثير والكثير منها ابدى حنا كبيرا لاغتيالها

كنت قد اضفت عدد كبير من هذه التدوينات على الريدر الخاص بي بالامس

وللاسف عندما اضغت تدوينات اليوم عدد كبير من اضافات الامس ذهب

سأحاول ان اتي لك بلينكات بعض هذه التدوينات

سأعود للتعليق على الموضوع مرة اخرى

تحياتي

Bella يقول...

شوفي مثلا هذه التدوينة قرأتها منذ قليل وهي غير التدوينات التي قرأتها بالامس وحزن اصحابها لموت بي نظير

http://al-7reya2000.blogspot.com/2007/12/blog-post_28.html

صاحبها عبر عن حزنه لموت بي نظير بطريقة مختلفة

Bella يقول...

http://eldeenweldenameet.blogspot.com/2007/12/blog-post_28.html

وهذه تدوينة اخرى لصاحب القلم المستنير قلم جاف

وهذه تدوينة اخرى

http://7ntklm.blogspot.com/2007/12/blog-post_29.html

واخرى

http://wa7edzah2an.blogspot.com/2007/12/blog-post_28.html

الطائر الحزين يقول...

باكستان

لبنان الجديدة

ربنا يستر

Gid-Do - جدو يقول...

عزيزتى

يقول المثل المصرى ـ ياخبر بفلوس .. بكرة يبقى ببلاش

ايه الربط بين المثل وبين موضوع تدوينتك اشرح وبايجاز شديد ـ الغالبية من الرجال حينما يجلسون سويا خاصة فى بيت احدهم الكلام فى السياسة بيكون جزء من الدردشة زيه زى اخر نكتة ولا اعتقد ان الكلام فى السياسة بيفرض نفسة فى اى جلسة حريمى ـ وانت ست العارفين الستات فى جلساتهم بيتكلموا فى ايه

وبناء علية اى متابع للاحداث فى بلد زى باكستان كان لابد ان يتوقع اغتيال السيدة بوتو لانها الوحيدة بين زعماء المعارضة اللى ممكن تغير اللعبة السياسية فى باكستان علشان كدة كان خبر اغتيال السيدة بوتو بالنسبة للرجال ـ رغم انه عمل اجرامى قذر ـ كان من نوع ياخبر بفلوس بكرة يبقى ببلاش على اساس انه كان متوقع حدوثة ان عاجلا او اجلا لاى متابع ولو من بعيد جدا لما يحدث فى العالم ـ تحياتى

mohand يقول...

السلام عليكم
تفتكري فعلا اننا الرجاله يعني
خايفين يحصل كده في مصر ويكون فيه بوتو مصريه؟

عارف انك مقولتهاش
بس كلمة كانه كابوس وانزاح يدل علي كده
والله اعلم بنيتك برضه

بس معتقدش ان في مصر هيكون في زي بوتو
لان والدها تقريبا اعدها للمكان ده
الله يرحمة

بس عارفه معتقدش ان حد فرح لموتها
ممكن يكون في شخصيات مش في دماغهم اساسا
لكن اللي فعلا حصل اني زعلت
بس بعدها بساعه ضحكت

لان جمهورية مصر العربيه بعتت برقيه تعزية للرئيس الباكستاني في الفقيده
دا علي اساس انه زعلان انها اتكلت

سبحان الله بياخد العزاء فيها ال

يا مراكبي يقول...

إزاي بقى؟ فيه مدونات رجالي طبعا إتكلمت عن الموضوع وعلى سبيل المثال لا الحصر هوامش مصري ومع نفسي

جانبك الصواب في الربط بين الإنحياز للرجل ضد المرأة وبين تجاهل خبر إغتيال بنظير بوتو اللي هزنا كلنا فعلا

وعموما .. الخلاف لا يفسد للود قضية

بنت القمر يقول...

عدي النهار
انا لاحظت اهتمام الصديقات
لكن انا بعدي علي المدونات ككلها
والريدر بينزل كل جديد
يعني انا بعرف جديدك اول ما بينزل من الريدر
مش من المرور لاني مسجلاك عليه
وقائمه المفضلين عندي رجال وسيدات
مفيش عنصريه خالص
لكن الملاحظه ان الاهتمام كان واضح عند السيدات الصديقات
اقرا تعليق جدو
ومهند
تحياتي

بنت القمر يقول...

لونلي
ممكن اقبل تفسير حضرتك بس ليه الاهتمامات بالخبر امتر عند الصديقات مش الاصدقاء معقوله صدفه!!!ا
اهلا مرورك الاول
تحياتي

Tarek يقول...

See this link too.

بنت القمر يقول...

مارفيل
اهلا مرورك الاول
اوعدك اقرا الروابط
بس ادي حضرتك بتقول
الاخير فرحان
انا بتابع الجميع وما تقدرش تنكر برضه ان الاهتمام النسائي اكتر
يمكن في حزن انساني عادي ويمكن لاشعوريا في حاله الم بس عقلهن الواعي مش عاوز يقر بكده
يتهيألي
تحياتي

بنت القمر يقول...

شهروزة
***********
باكستان لم يظهر فيها العنف ولا اعمال الارهاب والتفجير الا حين استعرب نواز شريف واتبع سنّة حكامنا البواسل فى الالتصاق بالكراسى والمناصب
***************
فصيحه والنبي يا اش مالك بقا ومال حكامنا انتي بتفولي علي باكستان
الراجل يلزق تلاتين سنه
يختي حرام عليكي
انا كنت متأكده بشده انك ها ترفضي الربط بتاعي
بس تفتكري في عقلك الباطن وفي نظرتك اللاشعوريه مش كنتي تفرحي اكتر لو كانت عاشت
واكتر تفرحي لو قدرت تحقق احلامها
لو قدر لها العمر ان يطول وكنتي ها تعتبريها مثل؟؟
مش كنتي ها تحسي بالغيرة علي مصر ان معندناش زيها ولا تتمني لنا زيها؟؟
تحياتي

بنت القمر يقول...

راجي الكل حزن عليها
وانا كمان بس في رأيي ان في حاله من لامبالاه رجاليه شويه واعتقد ان لاشعوريا في رفض
رفض ان ست مسلمه تبقا رئيسه وزرا وخلي بالك ده لاشعوريا
طب انت تقبل رئيسه وزرا ست
بجد وفكر كويس قبل ما تجاوب
لو قلت اه تقبل تبقا
زير يشتغل معاها؟؟
تحياتي

بنت القمر يقول...

اسكندراني وي
افهم من تعليقك ان الانجليزي بتاعك بيرفكت!!ا
ماشي يا اسكندراني
لو زعلت عليها وانا زعلت وهما زعلوا
وهن زعلن
مين انفعل بالخبر وافرد له البوستات اكتر؟؟
الستات
ولو نكروا انهم بيحلموا بيها وبيغيروا علي مصر اننا معندناش زيها
ارجع لردي علي راجي
واسأل نفسك نفس الاسئله
تحياتي

بنت القمر يقول...

بيلا
اطلالتك مشرقه
قريت الشعر بتاع حريه الفين
واعتقد انه شعر حزين مهدي اكتر للراحله اكتر من كونه حزن خاص عليها
طب بلاش ده ولاده
انتي منفسكيش في بناظير مصريه
بجد بجد
ولو رئيس وزراء سابق او معارض سابق مات كنتي ها تحسي بنفس العور برضه
يتهيألي
وده يتهيألي
اننا بنحلم كلنا بست كده تتحقق وتناضل وتوصل وان شاء الله تموت
بس تتحقق
يتحياتي

بنت القمر يقول...

بيلا انا كمان بتابع قلم جاف اوعدك هاروح اشوف
منورةتاني ودايما

بنت القمر يقول...

الطائر الحزين
كلنا لبنان يا طائر
وهي مصر مش لبنان؟؟
ماهي لبنان طبقي مش طائفي
ربنا بستر
منور

بنت القمر يقول...

جدو العزيز اوي
ليه كده ياجدو؟؟
ليه؟؟
يعني احنا مخنا في الطبيخ والباميه وخلاص حرام كدا يا جدو؟
طب الباميه دي سياسه والنعمه؟
الباميه غلت والكوسه ب4 جنيه
ليه يا جدو بمناسبه بوست الطعميايه بتاعك
عشان البنزين غلي
الله يخرب بيتهم
غلوة ليه
عشان الدولار
وشالو الدعم
مش كل ده سياسه
يعني مش كل ده عشان خاطركم وخاطر اكلكم
يعني نكلم في السياسه نبقا وحشين ومسترجلين ما نكلمش نبقا قعدات حريم فاضيه وانتو اعلم بقا بتتكلموا في ايه؟
يا لهوي غلبنا نرضيكم ازاي
هموما اقرا ردي علي بيلا وراجي
وكمان تعليق مهند
منور يا جدو

بنت القمر يقول...

مهند
عشرة علي عشرة علي عشره يا مهند
طب والنعمه امتياز مع مرتبه الشرف
اهو ده اللي عاوزة اقوله تماما بس مضتش اقوله مش خوف بس سبتكم تستنتجوه
وعشان كدا سامحتك علي بوست فتحيه رئيسه جمهوريه
ومفيش في نفسيتي اي سواد منك ولا حاجه
وارفع لك القبعه
لشجاعتك في الاعتراف باعماق ذاتك عشره من عشرة
منوووووووور وقولهم

بنت القمر يقول...

يا مراكبي
انت صح بس كلنا رغم زعلنا بنكتب من زاويه خاص اقرا تحليل مهند وردي علي راجي وبيلا
منور

بنت القمر يقول...

طارق شكرا
ما هي دي معظم اللينكات اللي جبتها اشكر مرورك الاول تحياتي

Bella يقول...

بنت القمر

كنت احب بي نظير بوتو ومعجبة جدا بقوتها وهي بالفعل تعتبر إمرأة حديدية بمعنى الكلمة وهذا ماكان يعجبني فيها

عن نفسي لااعتقد ان المناخ القائم في مصر يمكن أن يفرز بي نظير مصرية لان المجتمع يستكثر اصلا على المرأة ان تتحدث في السياسة واذا فكرت وتحدثت فيها اعتبرها مسترجلة وعاملة فيها بتفهم

وباقي التعميمات اياها التي تعودنا عليها في مجتمعنا القمعي

عموما وصراحة لااحب ايضا ان تتولي امرأة رئاسة وزراء في مصر

ليس لعدم مقدرة على تولي المنصب ولكن حتى لاتتحمل اخطاء جميع من سبقوها وعند اول منعطف سينهشها الناس وستجدي ان الشعب المستكين الذي لايهش ولا ينش والحكومة واكلة عشاه بمجرد ظهور واحدة ست سيحملها كلها اخطاء النظم السابقة ويعتبرها هي سبب البلاء الذي حل على مصر من ايام الفراعنة

بي نظير وجدت في مناخ مختلف والشعب الباكستاني على مافيه من عيوب دول العالم الثالث ولكنه يختلف عنا كثيرا وصراحة اشعر انهم أكثر استنارة بدليل اختيارهم لها مرتين من قبل

أما نحن

فحدثي ولا حرج

وكلمة عتاب لجدو

معقول ياجدو هذا رايك في المرأة ؟؟

HafSSa يقول...

انا لسه كنت حقولك ان يحيي كان زعلان اوي عليها و عرفت ده من الفيسبوك لقيت عدى النهار كاتب عنه

بصي يا ست القمرات
انا زعلت عليها اولا كشخص اتقتل بيدافع عن رايه
ثانيا عشانها شخصية عامة و لها اتباع
ثالثا و ده نوعا ما تحيز مني يمكن عشان هي ام
فحسيت ان الامومة و الانوثة بتغتال في كل واحدة فينا قررت تثور بغض النظر عن اهمية قضيتها
نفس الوقت ده السنة اللي فاتت كتبت انا و شهروزة و اخروووووووووووووووون عن مقتل صدام و بالرغم من كوننا نختلف على افعاله لكن اهتمامنا به
لكن يمكن عشان بلانظير مكنتش بنفس خطورة صدام فمحصلش اهتمام بالخبر و يمكن كمان عشان محصلش بطريقة مستفزة
و خ\اخيرا
يمكن احنا متنا حسيا خلاص لكن التدوينات دي حلاوة روح
:D
تحياتي

Gid-Do - جدو يقول...

العزيزة بنت القمر

بيقول المثل المصرى ـ ياما فى الحبس مظاليم ـ وانا من مظاليم الحبس حتى شوفى تعليقى وشوفى ردك

انا قلت فى تعليق

ـ وانت ست العارفين الستات فى جلساتهم بيتكلموا فى ايه ـ انتهى

وكان رد سيادتك

ليه كده ياجدو؟؟
ليه؟؟
يعني احنا مخنا في الطبيخ والباميه وخلاص حرام كدا يا جدو؟
طب الباميه دي سياسه والنعمه؟
انتهى

انا مجبتش اى تلميح من اللى حضرتك قولتية انا تركت الكرة فى ملعبك وانت اللى قولتى ـ والكلام فى البامية حسب معلوماتى يبقى كلام فى الاقتصاد

وعلشان متفهمش غلط انا منحاز بطبعى للبنات وبالتالى الى السيدات ومعنديش اى حساسية ابدا ان المرأة تقود ـ كنت لعدة مرات مرؤس من الناحية الادارية ـ وليس من الناحية التقنية ـ لسيدات وانسات بعضهن فى سن ابنى البكر وكنت دائمامتعاون معهن حتى يؤدين مسؤليتهن ولاارى اى غضاضة فى قيادة المرأة اذا كانت مؤهلة لهذا ـ

وهناك فى رائى الشخصى فرق شاسع جدا مابين ادارة المرأة لكبرى المؤسسات والشركات وادارة الدولة من الناحية السياسية لسبب بسيط جدا وهو ان ادارة المؤسسات والشركات مهما كانت ضخامتها مبنية على العلم والشفافية اما السياسة فكلها غش وخداع وكذب ومؤامرات ومصالح وشلل وسلطة حتى قى اعرق ديمقراطيات العالم ـ وارجو مراجعة تاريخ السيدة تاتشر رئيسة وزراء بريطانيا السابقة ـ وحتى السيدة بوتو وهى اول من اعترفت بحكومة طالبان فى افغانستان فى العالم ولم يشاركها هذا الاعتراف سوى دولتين فقط ـ رغم انها خريجة جامعة اكسفورد البريطانية وتعلم مدى جهل هؤلاء الطلبان ولكنها السياسة ـ

اغتيال السيدة بوتو عمل اجرامى بشع وقذر وهذا يثبت ان من يشتغل بالسياسة لابد ان يتاثر بكل ما يدور فى اروقة السياسة والسيدة بوتو نفسها اتهمت انها حرضت على اغتيال احد معارضينها

اهذا يكفى دفاعا عن رائى اقدمة لك وللعزيزة بيلا ـ ام تردن المزيد؟

Gid-Do - جدو يقول...

العزيزة بنت القمر

ارجو قراءة ردى على تعليقك الذى تركتية فى مدونتى على تدوينتى ـ طعمياية ـ وكل عام وانت بخير بمناسة العام الميلادى الجديد

الصارم الحاسم يقول...

أدعوكي لقراءة تدوينة د.خالد من مصر المأروصة عن هذا الموضوع



معلش هيكون قاسي شوية بس صدقينا ما لوش علاقة بكونها ست او راجل
(:


سبت لك تعليقان في موضوع عيد حسني مبارك وموضوع هلاوس


تحياتي

DantY ElMasrY يقول...

لعلمك رغم ان مدونتى مش مدونة خبرية sلكن كنت حريص على نقل الخبر لواحدة من أهم المدونات بالموبايل علشان تنشره كخبر بعد حدوثة بدقايق وانا لما عملت كدا كان فى بالى بوتو المناضلة الإنسانة وكونها رمز وقيمة نفتقدها رجالا ونساءا
لكن بردك فى ناس نظرت للموضوع بالطريقة اللى لفتت نظرك
فكلامك لا يخلو من صواب ولكن ليس بشكل عام
عندى سؤال :نفسر بإيه تبنى القاعدة للحدث ؟
اعتقد ان القاعدة تنتظيم برهن بما لا يدع مجالا للشك على ظلاميته بل ان هناك من مشجعى القاعدة من أيد قتلها لأنها شيعية ؟؟؟؟؟؟؟؟؟؟؟؟؟؟؟؟؟؟
لسه بدرى أوى علشان العرلاب يبقو بهايم
أعزى نفسى فى الفقيدة طالبا لها الرحمة والغفران

ذو النون المصري يقول...

حقيقي انا ايضا لاحظت نفس الملاحظه و عرفت سبب الامتناع الذي ادركتيه
جايز لانهن بنات و هم رجال فالاهتمام كان قاصرا علي الرجال فقط
لكن انا شخصيا لم اكتب في الموضوع لاني مشغول جدا بموضوعات اخري و لا توجد لدي النيه للكتابه عنها ايضا
لاني اكره التكرار و رايت الكثير كتب عنها
تحياتي

عدى النهار يقول...

عن نفسى لم أكتب عنها لأن أكثر من تدوينة كتبت عنها فإكتفيت بالتعليق فى بعضهم وعبرت فيهم عن رأى السلبى نحوها بسبب مواقفها التى تجاهلتها التدوينات التى أشرت إليها - ممكن تقرأى تعليقى عند لست أدرى

تعرفى إنها عادت لباكستان بعد إتفاق مع مشرف برعاية أمريكية وأن ثلاثة أشخاص من كبار حزبها إستقالوا إعتراضاً على إتفاقها مع مشرف وأن الزعامة فى حزبها يتم توارثها ويتوارث معها رئيس الحزب قوة ذو الفقار على بوتو حتى لو كان - رئيس الحزب - ضعيف ومواقفه على النقيض من ذوالفقار بوتو

شىء آخر أحب أوضحه وهو أن إغتيال السياسيين والعسكريين غير جديد على باكستان ولا علاقة له بنواز والقاعدة التى أنكرت علاقتها بإغتيال بناظير

تسلسل غريب للأحداث.. ذو الفقار بوتو بدأ مشروع القنبلة النووية ونواز شريف أول من أجرى تفجير نووى بكل ما تطلبه ذلك من جرأة وقوة وثبات وبناظير وعدت الغرب بتسليمه الوصاية على سلاح باكستان النووى

نييجى بقى لموضوع الست والراجل..
إرجعى لموقف الناس فى مصر من نهى الزينى و ما قاله فيها الرجال قبل النساء - لي تدوينة عنها هنا

darsh يقول...

اتفق تماما مع وجهة نظر عدى النهار متهيألي ان الموضوع فعلا لا ينبغي أن يؤخذ على أساس رجل وامرأة وليس كل شيء في الحياة من هذا المنطلق وإلا لماذا تطالب النساء بحرية المرأة

أقصد يعني انتي كده اللي بتعملي الفرق لما بتحطي وجهة نظر رجالية وأخرى نسائية وده مش حقيقي

تحياتي

Lasto-adri *Blue* يقول...

اطلاقا يا بنت القمر
انا مازعلتش عليها عشان هى بنت يعنى وكدة
انما عشان كان نفسى اشوف حد زيها بصراحة عندنا
بنت بقى ولا ولد مش مشكلتى

حزنى عليها.. على الانسان
مش على نوع جنسها
:)

واتفق مع الجميع.. ان فى تدوينات رجالى كتير كتبت عنها.. بل انى عرفت الخبر فى الاصل من صديق مدون.. قبل ما عرفه من "زينوبيا"

Dr Emad يقول...

ياستى متزعليش نفسك
والله احنا زعلانين على الهمج اللى انتشر ده
وعلى الاسلوب الدموى اللى انتشر فى الدنيا
وبعدين دى انسانه
مسلمه
اتقتلت غدر
انا زعلان جدا جدا
وحزين على الاسلوب الفظيع اللى ماتت بيه

مكانتش تستاهل كده


بس قضاء ربنا



الفاروق عمر نفسه اغتيل داخل المسجد وهو بيصلى

بنت القمر يقول...

بيلا
طيب انا كمان اتفق معاكي في كونها امرأه حديديه ده كلام جميل
عدي النهار كاتب تعليق عند ست ادري
وليه تقييمه الخاص ابقي بصي عليه
وكمان اتفق معاه اذا كانت السياسه بغيضه ومالو
اهو برضه جربت اتحلفت واتفقت مع طالبان ومالو السيايه فن الممكن
لكن احنا فين بقا وهما فين وليه هما اكتر استنارة لقبواهم ست رئيسه الوزرا
يعني هما مولودين كدا
مش ممكن الاستناره مش جينات لكن محاوله المجتمع تغيير نفسه وعقبالنا
اما انك متحبيش ست تتولي في مصر
ايه يا بيلا ليه؟؟
ليه يا بيلا عشان العك بتاع اللي قبلها ميجيش علي دماغها ؟
ومالو يا بيلا
ما ييجي ما يسيبونا نعك حبه
من نفسنا مش كفايه عليهم هما عك ولا ايه ناخد دورنا يمكن نصلح المايلاكل سنه وانتي طيبه

بنت القمر يقول...

حفصه
ست الستات
حلوة اوى متنا حسيا ولا ايه دي
ايه البلاغه دي
طب والنبي كنت لسه عاوزة اقولك نفس الكلمه
يمكن في الميل بقا وعليكي خير
لما ربنا يأاذن
بقا انتي زعلانه علي الامومه والانوثه
طب والنعمه انتي عسل
ايه يا صفصف الرومانسيه دي ده اللي انا ربيتك عليه؟
مكنتش متوئعه منك كدا؟؟
انتي رومانسيه بقا وحساسه
لا حول الله ولسه عايشه؟
معلش انا كنت زيك كدا وخفيت
يا بنتي دي دنيا بلااااك خالص
مينفعش فيها كدايلا بقا
ها ترمي قزايز من البلكونه ولا لا؟مينفعش كدا عندكوا
بصي
لو نفسك ترمي قزايز عشان راس السنه ارميها في راس اللي يضايقك واهي مصلحه برضه
تبقي ضربتي عصفورين بحجر
احتفلتي وفشيتي غلك
كل سنه وانتي بالصحه والسلامه يا رب

بنت القمر يقول...

جدو
الحقيقه لا اخفيك خبرا اني مكنش عندي المام قوي بتاريخ السيده بوتو
ولكن اتفق معك ومع عدي النهار انها دخلت برجليها عالم السياسه القذر
وحين تكون سياسيا تخلع توب الاخلاق علي الباب
ديه حقيقه
طيب امال انا زعلانه ليه عليها اقولك
واحد هي امرأه نموذج للقوة والتحدي
نموذج للصلابه وفي مجتمع مسلم
وكمان القياده
سيبك بقا من طالبان وكدا
كمان في يعني شعوور قوي بالغيرة علي مصر ان احنا معندناش زيها
واحده جامده كدا وسياسيه ومن ايام شجرة الدر بس يا جدو
دي حاجه كون انك معندكش مشكله انك تبقا تحت قياده مؤسسه تراسها ست ده جميل خالص
انت راجل متحضر طحن يا جدو
اما حكايه الباميه والاقتصاد طيب يا جدو ما هو الاقتصاد سياسه برضه
والسياسه اقتصاد
ادارة البيت والاولاد سياسه
ادارة شبكه العلاقات الاجتماعيه سياسه للاسره
مش كدا ولا ايه ولكن انا مش زعلانه منك خاااالص ياجدو
كل مدون ومندونه زار مدونتك ميقدرش غير يعزك ويحترمك
ربنا يديك الصحه ويخلي المدام واولاد وتفرح بشريف وياسمين يا رب
كل سنه وانت طيب

بنت القمر يقول...

الصارم الحاسم
اشكر مرورك الاول
اشكر مشاركتك ونصيحتك تحديدا اللي في بوست هلاوس
واوعدك ها احاول اعملها منور
تحياتي

بنت القمر يقول...

دانتي المصري
اهلا مرورك الاول يا عزيزي
بما ان حضرتك قريت التعليقات وردوده معلش اقرا ردي الاخير علي بيلا وجدو
ها يشرح لك وجهة نظري اكتر
اه وتعليق مهند لا يخلو من طرافه ان الريس بعت يعزي فيها مشرف
طب تخيل بقا لو ايمن نور مات ومشرف بعت يعزي الريس فيه تبقا نكته
قال بيقولوا البروتوكول كدا
منور تحياتي

بنت القمر يقول...

ذو النون المصري
كل سنه وانت طيب
طيب كويس ان حد لاحظ معايا نفس الملاحظه اهو يعني مش بتوهم
كفايه اوي اللي انكتب عنها
ركز لنا انت بس في تلخيصات الكتب
ملعبك المفضل
انت بارع في المجال ده
ومتنساش هديه لمريم راس السنه
تحياتي

بنت القمر يقول...

عدي النهار
سيبك بقا من بوتو وباكستان انا قريت موضوع نهي الزيني
وقريت لها مجموعه قصص قصيره
قويه جدا
وجريئه جدا
لو انت مش عارف انه نهي مش ممكن تتخيل ان هي اللي كتبتها
جرأة وقوة وعمق وكشف للمستور في اعماق اي مرأة
اشكرك وكل عام وانت بخير وصحه
حاول تدعبس علي القصص
تحياتي

بنت القمر يقول...

darsh
هي مش وجهه نظر ست وراجل هي ملاحظه فقط انا لاحظتها وسجلتها اللي يحب يوافقني اوكيه واللي لا عنده وجهه نظر تانيه برضه ماشي
انا سبت لكم التحليل
وعموما التعليقات تكشف وجهه نظر اصحابها وردي عليهم يكشف اللي محبتش اقوله في الاول
تحياتي
وكل سنه وانت طيب

mohand يقول...

السلام عليكم
اوبز
هو انتي كان جواكي سواد من ناحيتي
امال ايه بقي الاختلاف في الرأي لا يفسد للود قضية
دا طلع يفسد ويسد كمان

ماشي يا ستي


علي فكرة
بوتو مكنتيش ناصعة البياض يعني
واعتقد انها زي الباقيين
مستغلة مواقف ليس اكثر


حاجه كمان
معتقدش تماما ان طالبان او القاعدة هما اللي قتلوها
ودا لسيناريو الاحداث الاخيرة قبل موتها
----------------
اه صحيح اقري اخر بوست عني في مدونة الباحث عن الحقيقة
السواد هيروح خالص ان شاء الله

بنت القمر يقول...

لست ادري
منورة يا جميله
بصي اديكي قلتي انتي خصصت بوست عشان انفعلتي بالخبر
ونفسك تلاقي نموذج كدا مصري
بلاش نقول كلام سياسه هي بين ايدين ربنا يحاسبها
لكن مش انتي متفقه معايا علي انها نموذج قوي فرضت وجودها
في بلد اسلامي
هما بيقولوا عنها كيت وكيت
طب والنبي احنا ليه معندناش ست كده عندها اقدرة علي التحقق
في مجال غير التمثيل والغنا والرقص
افهم بس؟
عندها موهبه القياده
ليه مجتمعنا لسه بيحارب نمذج زيها
وبيقتله من بدري
ليه لسه في الفوبيا ديه
انك تكون تحت قياده ست ومش كدا بس
دا انت تدين لا بالولاء
بس وعشان كدا شفت الموضوع من الزاويه دي
وكتبت ملاحظتي
وسبت لكل واحد حريه تسجيل موقفه ورايه
تحياتي وكل سنه وانت بصحه وسلامه
وسعاده وحب

بنت القمر يقول...

در عماد
اهلا مرورك الاول
والله انا مش زعلانه خالص
ها ازعل علي ايه ولا ايه؟؟
يلا الله يرحمها
انا بس لاحظت اهتمام نسائي اعلي وحاولت اسيبكم تفسروة واحتفظت برايي لنفسي
واخيرا اتنا قشت مع الكل في التعليقات بعد ما كل واحد قبل او رفض ملاحظتي بحريه
كل سنه وانت طيب

بنت القمر يقول...

مهند
مكنتش قريت كتير عنن تاريخها
وما يهمش اذا كانت ناصعه البياض ولا لا
اعتقد في عالم السياسه
مفيش بياض خالص
ولكن كونها قدوة في القياده والتحقق واثبات النفس هو ما ميزها
عقبال واحدة مصريه زيها
وده لا شعوريا اللي تثر في من كتبن عنها
قياده حزب مرتين في بلد مسلم
تحياتي

Ragi يقول...

من داخلى لا احب ان اعمل تحت امرة امرأة
ولكنى مررت بالتجربة وليست على مستوى الوزارة او رئاسة الوزارة ولكن على مستوى وكالة الوزارة وكانت تجربة مليئة بالشد والجذب بسبب التحديات اللانهائية بين الموقف الذكورى والموقف الانثوى ولكنها كانت تجربة جميلة فى مجملها