السبت، يناير 03، 2009

كلمتي لمن؟

بين سيل الاخبار المؤلمة ومع كل تلك التحليلات وكل تلك المواقف بخصوص احداث غزة_ليه مكتبتش عن غزة؟؟
يبدو الامر سيئا انا لا اقول كلمتي ولا احدد موقفي!
هكذا يبدو الامرولكن لما ولمن اقولها
للقارئ الذي قد يواقفني احيانا او يختلف معي
وما الفائده اصلا..
ا
إذا كانت كلمتي حبيسة الحيرة والالم والعجز
فقط ما افرزته الاحداث علي الصعيد الوطني هو الكشف عن امواج الخلاف والكره
التي يحملها الجميع
للجميع من كل التيارات
ماهي كلمتي؟؟ !
مع حماس او ضدها مع فتح المعبر او ضده مع زعامة مصر وريادتها او من يلعن ابو الزعامة ويلعن الانتماء
وصولا الي من يقسم علي حنيه اسرائيل وهبلها لمداوتها الجرحي الفلسطينين
او الذي يرفض التعاطف مع القضيه اصلا{مشاكل مسلمين} قد لاتخص الاخرين..
وفرغها من اي مضمون انساني من الاساس !
احب بلادي واتحيز لها ولا انسي انتمائي القومي والعربي هل يبدو الامر متناقضا الي هذا الحد؟!
_لقطة اخري
في خضم شلالات الدم افواج القتلي تمرليلة راس السنة اقبع ليلتها في الفراش
اتنقل بين فضائيات اوطاننا العربيه

اشاهد الدرفيل "انجي علي: بفستانها السواريه القصير
تستمع بانسجام الي وائل جسار كأن شيئا لم يكن ولا يكون
او اشاهدالاراجوز احمد ادم يلقي نكاته ورغم ان الحلقه مسجله لكن كان غريبا ان لا يتم بث اي اشارة الي الاحداث االمجاورة
حتي عرضا
اعتقد وانا مصلوبة يبين كل تلك الالتزامات والواجبات الحياتيه والاسريه
اني ايضا لست افضل من الجميع ...

فقطعااعيش اليوم بكل تفاصيله السخيفة واخشي الغد بكل ابهامه وغموضه1
تساءل صديق هما مش ها يعملوا اوبريت عن غزة؟!... وذكر اخر ان اغنية لتامر عن غزة في الطريق
هكذا الامر! اذن ورغم سخرية التساؤل الا انه تماشيا مع الاحداث_ فقد تم عرض الاوبرت القديم الخاص بمجازر اخري
الامر بنمتهي السهولة اذن احزان شخصيه يتبعها وطء فوقهالاكمال المسيرة
ومآسي انسانية نجتر فيها الاوبريتات السابقه لمآسي سابقة!!
لاجديد اذن هي فقط موجات من الاحزان تعلو ويقتلها الوقت فتهبط قليلا
كأن الامر سياط من الالم نتلقاها وحين نستوعبها ويهدا صراخنا قليلا نستعد لتلقي اسواطا جديده
وجميع المسكنات جاهزة

وجميع الفضائيات مستعدة وجميع الاوبريتات موجوده
فلا جديد اذن
فلمن اقول كلمتي


هناك 17 تعليقًا:

misha و lado يقول...

هذه الدرفيل وامثالها ليسوا بشر اصلا ليلاموا علي افعالهم
بغض النظر عن اي ايدولوجيات اعتقد انة من الصعب علي اي (انســان) طبيعي انه يحتفل او يمارس حياتة بشكل طبيعي وفي اطفال بتتقتل علي بعد 700 كم منه
وكان من الممكن جدا ان يكون الاطفال دول اطفاله هو شخصيا الا الصدفة فقط التي جعلته يقع جغرافيا داخل حدود بلد يتحكم فيه الخونة والفاسدين.. اللي قتلة الاطفال دول شايفين انه لسه مجاش عليهم الدور دلواتي للقتل
لانهم كده بيستفيدوا منهم اكتر وهم عايشين

غير معرف يقول...

كلماتك اوجعتنا

وزاد منها الاحساس المرير بالعجز

وهو العجز عن التفكير يا قمر

أقول لك .. قولى كلمتك لله

الخنساء يقول...

كل يوم أقوم بفتح صفحة جديدة أقرر فيها الكتابة عن غزة ثم أجدني عاجزة فعلا عن التعبير وأبرر لنفسي ألا هدف من الكتابة

فلا حكومات تهتم برأينا ولا هيئات استطلاع للرأي سوف تقيس مداى رضانا او سخطنا والأهم لدي ان لن أقول شيئا مختلفا عن البقية

أمتلئ غضبا وحنقا وألما لمانراه من المشاهد وألعن المتاخذلين صباح مساء وادعو عليهم

ربنا المستعان!!

بالمناسبة كثير من قنواتنا لا يعول عليها ففي رمضان حيث تصفد الشيطان تنهض شياطين أقوى وأخبث منهم وتزيد جرعات العروض صباح مساء وبلا حياء من شهر فضيل ولا من الصائمين
والآن في ظل ظروف صعبة وأوقات حرجة لا تحرج ابدا من اكمال جدول برامجها وبلا حياء ويساعدها مرسلي الرسائل النصية الذين تعرف منهم مدى نجاح تلك القنوات في إلهاء الناس حتى في الاوقات الصعبة

لنا الله !!

bluestone يقول...

طيب وايه فايدة الكلام اصلا؟؟؟
ماهو من اول يوم للضرب وفيه اسهال مدونات وشلال مقالات ودعى وصلاة ونواح ولولة وشوية ومظاهرات

لازمته اييييييه

النهاردة اسرائيل بتنفذ فعليا (واحنا قاعدين نتكلم) اجتياح بري كامل لغزة
يعني سيطرة كاملة على غزة
وبكره تسلمها لفتح ويمكن تسلمها للاشراف المصري

واكلي يامصر
وابعتي طاقة يامصر
واحكمي يامصر
وشيلي الطين يامصر

واصغري يا فلسطين
تشرمذمي يا قضية

وساعتها زي دلوقتي
مش هيبقى فيه القضية الفلسطينية
هيبقى فيه المشكلة الحدودة وقضية غزة

مش هيبقى فيه فلسطين
هيبقى فيه فتحستان واقليم غزة المارق :)

يبقى لازمة الكلام ايه يا اماني؟؟؟

ملعون ابو فتح على حماس
على تجار الدم والسلاح والمصالح كلهم

ويا غلب البني ادمين
وياقلة الكلام

غير معرف يقول...

نشكر لكم حسن تعاونكم فى الدعاية المجانية لمدونة مصري

حـنــّا السكران يقول...

هو تامر رح يغني عن القضية؟ إذا صح هذا الكلام فأرجو نشر الخبر على نطاق واسع و ذلك لرفع الروح المعنوية العربية .
ـ الواحد بيكتب و يقول من القهر يا أماني ..أنا لما بكتبت حاجة و بنشرها .. بشعر بعد شوية اني بقيت أتفه من الأول و أكثر عجزا من الأول . و انه الناس بتموت و أنا قاعد هنا بمارس رفاهية التحليل و الكتابة و الكبس على أزرار الكيبورد . و مع ذلك .. لازم نتكلم و لازم نكتب ..هم بيكتبوا و بيتكلموا . حتى مبارح شفت عند نوارة في شاب ناقل تعليق لواحد اسرائيلي كاتبه في مكان ما .. بيوصف كيف انحرقت نخلة صغيرة في حديقة جيرانه , بسبب الهمجية الفلسطينية ,. بيوصف الحالة بمأساوية و كأنه واقف على أطلال مدينة مدمرة و كل ناسها مقتولين قدامه .. هم بيكتبوا ..و نحن لازم نكتب حتى لو شفنا انه كلامنا ما بيقدم و لا بيأخر .
ـ شو يعني درفيل ؟ دلفين يعني ؟ طيب الدلفين كويس و مسلـّي و مسالم جدا و ذكي كمان .. على عكس الرقّاصات الفاشلات اللي بيقدموا البرامج على شاشاتنا العربية .

بنت القمر يقول...

ميشا ولادو
==========
اعتقد اننا وصلنا في اختلافنا الايدولوجي والفكري الي درجة من الغباء بتعمينا حتي عن مصالحنا كمختلفين
الدرفيلة لم يكن مطلوبا منها غير قليل من الاحتشام
والاحتشام هنا مش احتشام لبس
لكن احتشام تصرف واحترام فقط لحرمة الموت ولجلال الموقف
تحياتي

بنت القمر يقول...

شريف
=======
كلمتي وشكوتي اللي الله والي اصدقائي هنا
نتشارك في تحمل قسوة تلك الايام
دمت بخير
تحياتي

بنت القمر يقول...

الخنساء
=======
اهلا بيكي اول زيارة
كلنا في نفس الموقف لنا الله فعلا
اشكر مرورك وتحياتي

بنت القمر يقول...

بلو العزيزة
=================
تعبت من التحليلات والتخمينات والتكهنات
عاوزة اسمع الاخبار منقاه ومفلترة من الاحداث
تعبت من الشد والجذب بين التمزق بين الانتماء الوطني والقومي
ورغم تماس الاتنين بشده وتقاطعهما كثيرا
الضرب بيحصل علي ابوابنا مع دوله حاربناها وحارتنا 50 سنه
بتطمع في ارضنا ولسه ها نحاربها
مش عارفه ليه الناس عاوزة تفصل بين الانتمائين بموس حاد
يا مصر يا العرب
كأن الاتنين لا يمكن ان يجتمعا
كان الحديث عن الامن العربي خيانه لمصر
كأن الحديث عن مصر اولا خيانه وكفر بامتدادنا القومي {الاضطراري علي فكرة} لانه ما ينفعش نعزّل} ونسحب مصر علي الاتحاد الاوروبي مثلا
يعني احنا منقوعين في المنطقه وتعاملنا مع قضاياها فعل اضطرار وليس اختيار
تحياتي

بنت القمر يقول...

An Egyptian
=================
العفو يا عزيزي ولسه!
انتظر المزيد من الدعاية انت تستحق يا رجل
:)

بنت القمر يقول...

حنا السكران
طبعا تامر ها يغني هو يعني تامر اقل وطنيه مني ومنك
طب اهو الاوبريتات طلعت من الادراج
حاجه عظيمه جدا الاوبريت ووراه طوفان الكليبات
كله شغال يا عزيزي
زورونا فضائياتنا العربيه
تجدوا ما يسركم
- الدرففيل= الدولفين
طبعا مع الاعتذار للدولفين
:(
ربما هو كناية شعبيه عن السمنه
لكن المطلوب هو تعبير عن السمنة وغلاظه القلب والاحساس
وزي ما قلت لميشا
لدرفيلة لم يكن مطلوبا منها غير قليل من الاحتشام
والاحتشام هنا مش احتشام لبس
لكن احتشام تصرف واحترام فقط لحرمة الموت ولجلال الموقف
تحياتي يا جو
دمت بود

lastknight يقول...

أنتظر تشريفك لمدونتى .. أظن لدى تحليل للموضوع

محمود المصرى يقول...

بسم الله الرحمن الرحيم

هو لسة فى حد محتاج حد يفهمه ويوعيه بخطورة اللى بيحصل فى غزة وبضرورة مساندة اهل غزة وفلسطين ؟
الموضوع واضح جدا جدا جدا .
لكن اللى يغيظنى بقى ان واحد مالوش اى لازمة فى الحياة يطلع يقول هو احنا لاقيين ناكل علشان نأكلهم معانا؟ يا حمار هو حد قالك تأكلهم ولا تدفع من جيبك؟ بس دخل المساعدات الاجنبية بيع لهم بضاعتك يا سيدى وخليك زى التاجر اليهودى مش لازم تبقى انسان مخلص ومتعاون .
عذرا بس كلام الاستاذة بلو ستون بيدفعنى للرد لو الرد على الاعضاء ممنوع حضرتك تقدرى تحذفى الرد كله
استاذة بلو ستون :
بداية قطاع غزة كان مسئولية مصرية كاملة منذ حرب 48 , ومن اضاعه هو مصر فى حرب 67 , والتى بالمناسبة لم تكن حربا من اجل فلسطين , وبالتالى مسئولية ارجاعه كانت تقع على مصر , لكن مصر طبعا مالهاش فى الكلام دا , واحنا مش هانختلف على النقطة دى , لكن هناك حد ادنى من ادراك ابعاد الامن القومى المصرى - حسب ما الجماعة الغارقين فى الوطنية ما بيحبوا يقولوا - وهذا الادراك يستلزم منا دعم غزة ورفع مقومات الصمود لدى الفلسطينيين , وعلشان ماخدش يفهمنا غلط بنقول مصر ماتدفعش ولا مليم من جيبها تدخل كل حاجة بفلوس , وتدخل المساعدات الانسانية اللى جاية من الخارج برضه , اما الطاقة فبدل ما تدى الاخوة البعدا الغاز والبترول بتراب الفلوس تبيعه للفلسطينيين بالفلوس , وبدل ما احنا عمالين ندور على اسواق لادخال بضائعنا ادى سوق من قرابة الاتنين مليون هايستوعب كل انتاجنا الغذائى المتسرطن والصناعى الفاسد فى جميع مجالاتهم الحياتية واحنا الكسبانين ماديا وكمان كسبانين امنيا .
يعنى يا استاذة ماحدش قال اكلى يا مصر ولا شيلى حاجة على دماغك اللى بيتكلم بيقول خليكى محترمة يا مصر , عيب ان مصر تكون محترمة؟

Ahmed Kamal يقول...

لا أجد ما أقوله أكثر مما كتبته عند عصفور المدينة ، و الكتابة عن الموضوع ليست واجبة إلا إذا وجدت لديك رسالة ما تودين أن تعبري عنها لقراءك

تحياتي لك

Alkomi يقول...
أزال المؤلف هذا التعليق.
بنت القمر يقول...
أزال المؤلف هذا التعليق.