الجمعة، مارس 06، 2009

حول هروب ابو الهول الي فرنسا

يقول المحاضر انه لا يمكن ابدا محو أي داتا من اي سي دي او ديسك او من هادر اي جهاز كومبيوتر الي الابد الذاكرة لا تمحي للابد. وأن هناك دائما برامج تستطيع استدعاء اي داتا ممسوحة الي الابد..
وان الطريقه الوحيده لمحو داتا للابد هي التحطيم او الحرق!
_برغم من روعه فكرة ان يستيقظ بذاكرة نظيفه ونقيه من احقاد والالام الماضي لكن الاروع ان تبقي الذاكرة حاضرة كي لا ننسي عظات الماضي ودروسه. في الوقت المناسب
فالعالم لا يتسع لانقياء الذاكرة والقلب
.
- اتابع قصة حياة اسمهان المسلسل لان قمة الشغف ان اشاهد كإمرأة "عادية" حياة امرأة اخري"غير عادية" كل تلك الاثارة التي لا تعادلها اثارة اخري كل القدرة علي القفز علي الحواجز. التي لا استطيع تخطيها .
كل القوة والاصرار علي التحقيق والتحقق.كل الشجاعة علي مصارعة المجهول والقدر...
ربما اكون ايضا اكثر قوة وشجاعة وقدرة لاصارع نفسي ونزقي ورغباتي وجموحي يوما بعد يوم.
تفسد المتعة.... اداء سلاف ذات الوجه الناعم و الجسد الغض البض المرتاح الرجراج الهزاز الرخو_ الذي لا يشبه ابدا وجه اسمهان الحاد وجسدها المسنون كانها عود من نار .
تبدو سلاف في ركضها ساحبة اكوام اللحم وكتل الشحم في نصفها السفلي بربات البيوت عقب الولادة "وشرب الموغات"
في حين تتقاطع اسمهان معي في اننا مجبولتان من نار

اسوأ ما أمر به هو فقدان القدرة علي الدهشة عدم وجود شيئ مدهش يسبب لي حالة من الاختناق والكرب_ توفر القراءه احيانا او التعرف علي اخرين او مواصلة اكتشاف عوالم جديده في الموسيقي والرسم علاج مناسب لذلك الكرب الذي لا يزول التنقيب عن شيئ مدهش ومبهر وخلاب يستهلك وقتا كبيرا..... التنقيب عن اشخاص مدهشين وخلابين ومبهرين يستلزم التعثر في في اخرين غاية في الملل والسأم.
يشغلني البحث عن سيكلوجية "الاستغفال" أو "الاشتغال"المنتشرة بين اصدقائي. وبين محاوله كبح تلك الرغبةالخفية الشريرة في الاستمتاع او الشماتة. حين اراقب بعض تلك الدعامات السمجة.الي غضبي حين اكون احيانا في موقع الضحية.
شاهدت امس برنامج اسمه برنامج"اشتغالة"علي OTV تقوم المذيعة بدور ال"مشتغلة" بضم الميم فتطرح سؤال علي المارين في الشارع: ابو الهول لما فكر يهرب كان بيحب مصر؟؟
وتسال اخر: ايه وجه التشابه بين هروب ابو الهول من مصر وهروب كابتن حضري؟؟
يرد "المشتغل" بفتح الغين الاتنين حضرتك بيدوروا علي مصلحتهم؟؟
! وتسأل اخري" بتحبي ابو الهول؟ فترد: طبعا لانه معندناش الا ابوهول واحد؟ فتسالها مرة اخري : حتي لو عرفتي انهم ظبطوه بيهرب من صاله كبار الزوار وكان ها يروح في فرنسا ؟؟
فترد الضحية: اه طبعا ده كان غصب عنه؟
وسواء كانت المواقف حقيقية وهؤلاء الضحايا علي هذا القدر من "الهطل" والمذيعة قدرت تشتغلهم او المواقف مفبركه فتكون OTV نجحت انها تشتغلنا كمشاهدين!
هدية التدوينة اضغط الرابط

هناك 28 تعليقًا:

mido يقول...

الجسم الغض البض الهزاز الرجراج______ :)) كل ده في سولاف__ بس أنا مشفتش المسلسل

mido يقول...

و كمان بتشوفي او تي فو _ ده لوجو القناة نفسها _البيضة:)

زمان الوصل يقول...

أحيانا عدم قدرتنا على الاندهاش ممكن نعوّضها بالفرجه على اندهاش و انبهار الأطفال بأشياء باتت مملّه و مألوفه بالنسبة لنا :)

بيقولوا مش مهم أوى التطابق الشكلى بين من يؤدّى شخصيه شهيره و بين الممثل .. حسب ما فهمت "أحمد زكى" مختلف من حيث القوام عن "عبد الناصر" بس الأهم التقمّص و الإحساس .. و ربّما لأنّى لم أشاهد المسلسل مش قادره أحكم جيّدا
لكن اللىّ أقدر أحكم عليه بضمير مرتاح أن برنامج "اشتغاله" هذا فيما يبدو من البلاوى التى تبتلينا بها "أو تى فى" من وقت لآخر و أنتِ لكِ الجنّه إنّك قدرتِ تستحملى و تتفرّجى عليه :)

mido يقول...

بليز شوف

يا مراكبي يقول...

وأبو الهول ده طلع من صالة كبار الزوار زي ممدوح إسماعيل برضه؟

مهندس مصري بيحب مصر يقول...

طيب أمانة عليكي بقى لو تعرفي تكلمي أبو الهول يضبطنا في فيزة الإتحاد الاوربي يبقى كتر خيرك
:)

Empress appy يقول...

مع حبى لسلاف وكرهي طبعا لاسمهان مش عارفه ليه
بس لازم تتوقعى الاستغفال ده اذا كنا احنا بنستغفل نفسنا ساعات ايه الجديد بقى
البرنامج ده اتذاع فى رمضان بتاع اوه تى فى وليه صديق شغال فيها كلمته ووعدنى يجيب ليه تليفون المذيعه والايميل والمعد
بس طبعا بما عارف مقدما ان بعد المكالمه والايميل ممكن يبقى فيها رفده من الشغل قرر يلتزم الصمت فتره معايا
بس حلفت مش هفوتها ليه لان البرنامج سمج وغبى ومبيظهرش غير غباء الناس اللى بتحاول ترد
التلاتين حلقه تابعتهم مفيش غير واحد يوحد ربنا قالها ايه اللى انتى بتقوليه ده انت بتتكلمي صح يعنى او اسالتك صح وساعتها نطيت للسقف من الفرحه لان اكتشفت ان فيه حد لسه بيفهم

إبراهيم شعبان يقول...

يقولون أن الإنسان سمي إنسان من النسيان،و رغم ذلك يبدو أن برامج الاستدعاء تعمل على ذاكرته هو الآخر لأن العالم كما تقولين لا يتسع لأنقياء الذاكرة و القلب.

التدوينة جميلة جداً..تحياتي

Amira يقول...

انا كمان موضوع الفارق الشكلي الكبير بين أسمهان و سولاف كان مضايقني

بس انا بحب سولاف و شايفاها قمر

المسليل كان جميل
بس فعلا سولاف كان لازم تخس شوية

المسلسل خلاني عايزه اقرا كتاب عن اسمهان

برنامج اشتغاله ده بيستفزني جدا
اتفرجت عليه مره و لم أكررها

تحياتي

خمسة فضفضة يقول...

السلام عليكم ورحمة الله وبركاته

حاسه ان كل حياتنا عباره عن سلسله لا متناهيه من الاشتغالات فالرئيس والحكومه والمعارضه كمان بتشتغلنا وحتي برامج التليفيزيون والمسابقات الوهميه وكووووووووووووووووووول حاجه عباره عن اشتغاله كبيييييييييره وعايشين فيها

برنامج اشتغاله ده اعتقد انهم مظبطين مع الضيوف لان مش معقول يكون فيه ناس بالهطل والعبط ده مش ممكن ابدا

مش باقلك بقينا عايشيين في اشتغاله كبيره

ربنا يرحمنا بقي


سلام

DantY ElMasrY يقول...

البرامج التليفزيونية فقط لملء الفراغات بين الإعلانات
بما فيها نشرات الأخبار
ييجى واحد بايخ يسأل :طيب ممكن يملو الفراغات بموسيقى أو مواقف كوميدى
أرد عليه إن المادة التلفزيونية ليها دور تانى
هو إدخال الجمهور حظائر المشاهد لماهدة الإعلانات
البرنامج الكويس بيدخلوا بيه الجمهور الزري....أقصد الحظيرة
والبرنامج النص نص لملء الفراغات بين الإعلانات
من كتاب المتلاعبون بالعقول
بتصرف

على باب الله يقول...

رغم أن حكاية ( أنا كنت بقول كده برضه ) قد تكون في الحقيقة إشتغالة غير قابلة للإثبات في حالة عدم وجود شهود إثبات .. إلا أني مضطر أقولها

" تفسد المتعة.... اداء سلاف ذات الوجه الناعم و الجسد الغض البض المرتاح الرجراج الهزاز الرخو_ الذي لا يشبه ابدا وجه اسمهان الحاد وجسدها المسنون كانها عود من نار .
"
أنا كنت بقول كده برضه : )

----

بنت القمر يقول...

ميدو
======
كل ده مش مدح.......... المسلسل كان علي النيل دراما ولسه خاص
حاول تقرا عن قصتها وقصة المسلسل
بخصوص او تي في انا بشوف كله نفسي حلوة ومرارتي كاوتش:))

بنت القمر يقول...

زمان الوصل
============
الدهشة متعة لايمكن ان يعوضها شيئ لا يمكن ان تري العالم بعيون الاخرين ولا ان تشبعي من افواه الاخرين
في اشياء في الحياه اجمل واعظم
يجب ان تختبريها بنفسك
بخصوص الجنه قولي يا رب عشان النظام هنا مش عاجبني
:D:D
نورتي

بنت القمر يقول...

ابو الهول
============
قصدي يا مراكبي:)) مقالوليش... انا سايباه يسمع حسك بالخير في الجيزة من يوم ما كنت هناك
:)) اخر مرة

بنت القمر يقول...

مهندس مصري
========
لا والله عليك وعلي المذيعة هي اللي صحبة معاه وعارفه موبايلاته:P

بنت القمر يقول...

APPY
==========
ما هو غالبا يا ابي المحطه بتستغفل الناس علي غرار الكاميرا الخفيه... او حيلهم بينهم
بس لو وصلتي للمذيعه ما تكلميهاش.... تفي في وشها
:)))
نصيحه دعبسي علي قصه حياه اسمهان
نورتي

بنت القمر يقول...

علي الصبي
=============
تقصد ايه ببرامج الاستدعاء


تحياتي واشكرك

تــسنيـم يقول...

ياريتنا كنا نقدر نلغي الذاكرة... لأننا مبنتعلمش يا مينو


:)

ذو النون المصري يقول...

مش مقتنع ابدا باي ممثله ممكن تقوم بدور اسمهان او اي ممثله تقوم بدور اخري علي اي حال لاني من البداية لا اقتنع بالتاليف الذي غالبا ما يقلب صاحب الشخصيه الي ملاك
...........انا لم اري مسلسل اسمهان لاني لم اعد اتابع مسلسلات منذ زمن بسبب الملل
بالنسبه للاشتغالات فاكبر اشتغالات في التليفزيون الان هي اتصل ب 0900
حتي القران ادخلوه لمجال الاشتغالات الان...................

بنت القمر يقول...

فريده
===========
مش عاوز تخس عاوزة تولع.......... جمال الوحش حاجه والتعبير عن الروح وتقمصها شيئ تاني
واحده بتشتغل مع المخابرات
طول النهار ضحك ودلع ولا لازم يكون في نوع من الحده والتوتر برضه يظهر
-
اشتغاله امبارح خبطت صدفه فيه
كان بيسالوا ليه البطريق بيخون مراته بعد العشرة دي كلها؟؟
:(((

بنت القمر يقول...

فضفضه
---------
:((
عصر الاشتغال للاسف

بنت القمر يقول...

دانتي المصري
================
تصدق انها نظريه
البرنامج الكويس بيستغفل المشاعدين ويشتغلهم عشان يدخلو الزريبه
والبرنامج الحقير لمئ الفراغ
نظرية برضه
بس تصنف اشتغاله بايه خصوصا اني قعدت في قعدة لقيت الناس هلكانه من الضحك عليه؟؟
وممكن يسوق اعلانلات بالعبيط
اعتقد انه جمع كلا السوأتين
زق المشاهدين للحديقه بالاضافه اللي حقارته برضوا
تحياتي

بنت القمر يقول...

علي باب الله
===============
غير مضطر للاثبات يا عزيزي اصدقك تماما
او لو كان الامر بالعكس فمن يهتم
اذا كنت "بتشتغلني":))
تحياتي

بنت القمر يقول...

تسنيم
===========
مش الغاء
اجازة بس :))
للراحه مش اكتر !!!اعتقد النوم هو الاجازة الموقته
نورتي

بنت القمر يقول...

نون المصري
============
المسلسل كان شيق لانه المعلومات المتاحه اصلا عن اسمهان قليله جدا
التحيز كان طبعا موجود لصالح الشخصية
في علاقتها مع ازواجها واخواتها
وعلاقتها بالمخابراات الالمانية والانجليزيه
تحياتي

إبراهيم شعبان يقول...

بصراحة أنا مستغرب جداً من سؤال حضرتك،و أحيلك إلى الإقتباس التالي من تدوينتك:
( وأن هناك دائما برامج تستطيع استدعاء اي داتا ممسوحة الي الابد..)

بنت القمر يقول...

معلش يا علي......... انا خلطت بين برامج استدعاء الاحداث في الذاكرة البشريه او ذاكرة الكومبيوتر.......... مع الحديث عن برامج التلفزيون الللي نالت الاهتمام الاكبر من المعلقين
تحياتي