السبت، يونيو 06، 2009

هما الكفار جم منين!!

هي: هو سيدناآدم كان مسلم؟؟
أنا: إزاي يعني؟؟
هي:مش كان بيعبد ربنا؟؟ مسلم يعني؟؟
أنا: آه
هي: وستنا حوا مسلمة أكيد... عشان هي مراته...
أنا:آه
هي: هما خلفوا ولادهم مسلمين طبعا..
أنا: آه ..اكيد كل واحد بيكون زي مامته وباباه
هي : وطبعا كل

ولادهم خلفوا أولاد مسلمين بعد كده
أنا:.......
هي: أمال الكفار جم منين؟؟
أنا: اكيد في ناس بطلت تسمع كلام مامتها وباباها...!ا

هناك 24 تعليقًا:

Bastawisi يقول...

أدم و حوا مسلمين ازاى قبل ما القرأن ينزل على محمد؟؟
مش هانبطل جهل بقى؟!

بنت القمر يقول...

بسطاويسي
=======
الاسلام هنا بمفهوم الايمان بمعناه الواسع"الاديان الابراهيميه في مقابل الكفر بمعني عبادة الاصنام
ايه اللي خلا الناس المؤمنة بإله واحد تقرر تكفر وتاخد موقف عقائدي مختلف التحول هنا جه منين
=
بي اي
لو غلطت تاني ها اعذبك
اتفقنا
!!

Bastawisi يقول...

اسمها مؤمنين بالله مش مسلمين ياريت تختاري ألفاظك بدقة و بلاش فرض الدين عالبشر بالعافية.

محمود محمد حسن يقول...

هههه حلوة اوي وعجبتني
:D

غير معرف يقول...

بسطويسي

كلمتي مسلم و إسلام معناهم أن تقبل و ترضى بقلبك و عقلك بالإيمان بالله الإله الواحد و بمشيئته....مسلم مش معناها إتباع رسالة سيدنا محمد...و عليه كل الأنبياء هم مسلمين لأنهم كلهم كانوا بيدعوا الناس لعبادة الإله الواحد

Bastawisi يقول...

ياأخ غير معرف اسلام معناها الانقياد والخضوع والإذعان والاستسلام و ليس التقبل و الرضى و الايمان بالله.

بنت القمر يقول...

بسطويسي
===========
لو مااسملتش ها احط السيخ المحمي في قفاك
طالما مش عاوز تفهم!!
:)
وبعيد مش عاجبك الاسلام ولا ايه!... ده حتي حلو وكويس
:P:P

Bastawisi يقول...

ياريت يااخت بنت القمر تتكلمي بأدب و ذوق زى مابتكلم انا كده.

غير معرف يقول...

و يا سيد يسطويسي الخضوع و الإذعان و الإستسلام لله زي ما بتقول معناها تقبل و الرضى و الإيمان بالله و مشيئته و أوامره وإلا إزاي تكون بتعبد الله من غير ما ترضى و تخضع لألوهيته و مشيئته؟؟؟

Bastawisi يقول...

لا ياأخ غير معرف الاذعان شيىء و القبول شيىء

الاذعان مثلا ان اضع سيف على رقبتك و اطالبك بالايمان و ده عن غير اقتناع

القبول هو اني اديك كتاب مثلا و اقولك اقرا و ياتقتنع او لا تقتنع و فى الاخر تقتنع بالفكر اللى فى الكتاب و تقبله

هناك فرق و كان اولى بيك انك تعرف فى العربي اكتر مني لانه لغتك كعربي

غير معرف يقول...

إذعان معناها أن تضع السيف على رقبة الإنسان؟؟؟ كلام غريب فعلا؟؟ يعني إنت لو مؤمن ببوذا و قبلت أنه هو إله هل كون إنك تذعن لتعاليمه و أوامره هل ده معناه إنك مغصوب على إتباعه عن غير إقتناع؟؟؟

أظن إنك بتتكلم في شئ تاني غير اللي أنا بأتكلم عنه

Bastawisi يقول...

ألاذعان انك تقتنع بعد ما حط السيف على رقبتك
كلامي واضح و بلاش المراوغة الصبيانية

الصارم الحاسم....يوما هل أكونه يقول...

بمنتهى البساطة الاخت بنت القمر مسلمة مثلنا وفي الاسلام الذي نؤمن به وفي القرآن ان جميع انبياء الله من آدم الى محمد صلى الله عليهم وسلم اجمعين كانوا مسلمين

كونك مصدق هذا ام لا...تؤمن به ام لا ده راجع لك...لكن ده ايمان واعتقاد كاتبة المدونة ...وتنقله ايضا عن افراد الحوار المنقول



وَقَالَ مُوسَى يَا قَوْمِ إِن كُنتُمْ آمَنتُم بِاللّهِ فَعَلَيْهِ تَوَكَّلُواْ إِن كُنتُم مُّسْلِمِينَ


وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا حَتَّى إِذَا أَدْرَكَهُ الْغَرَقُ قَالَ آمَنتُ أَنَّهُ لا إِلِـهَ إِلاَّ الَّذِي آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ


وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنتَ السَّمِيعُ الْعَلِيمُ
رَبَّنَا وَاجْعَلْنَا مُسْلِمَيْنِ لَكَ وَمِن ذُرِّيَّتِنَا أُمَّةً مُّسْلِمَةً لَّكَ وَأَرِنَا مَنَاسِكَنَا وَتُبْ عَلَيْنَآ إِنَّكَ أَنتَ التَّوَّابُ الرَّحِيمُ


فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ


فَلَمَّا أَحَسَّ عِيسَى مِنْهُمُ الْكُفْرَ قَالَ مَنْ أَنصَارِي إِلَى اللّهِ قَالَ الْحَوَارِيُّونَ نَحْنُ أَنصَارُ اللّهِ آمَنَّا بِاللّهِ وَاشْهَدْ بِأَنَّا مُسْلِمُونَ


قُولُواْ آمَنَّا بِاللّهِ وَمَآ أُنزِلَ إِلَيْنَا وَمَا أُنزِلَ إِلَى إِبْرَاهِيمَ وَإِسْمَاعِيلَ وَإِسْحَقَ وَيَعْقُوبَ وَالأسْبَاطِ وَمَا أُوتِيَ مُوسَى وَعِيسَى وَمَا أُوتِيَ النَّبِيُّونَ مِن رَّبِّهِمْ لاَ نُفَرِّقُ بَيْنَ أَحَدٍ مِّنْهُمْ وَنَحْنُ لَهُ مُسْلِمُونَ

غير معرف يقول...

بقى الإذعان هو إنك تقتنع بحاجة بعد حط السيف على رقبتك!!!!! و بتقولي إني أنا اللي بأعمل مراواغات صبيانية!!!! ههههههه....الحقيقة إن كلامك إنت اللي مليان مراواغات و غير منطقي كمان...يعني أنا لو مسكت لك مسدس و قلت لك يا إما تعبد النملة يا إما أقتلك و إنت اترعبت و قلت لي خلاص هأعبد النملة معنى كده إنك إقتنعت أو حتى ممكن تقتنع بعبادة النملة؟؟!..اعذرني لكن ده كلام ساذج و اللي يصدقه يبقى بيضحك على روحه....عموما إنت حر إنك تصدق اللي عايزه

غير معرف يقول...

ثم منين في الأول بتقوللي إن الإذعان إني أحط سيف على رقبتك و أطالبك بالإيمان و ده عن غيرإقتناع و منين دلوقت بقى الإذعان هو انك تقتنع بعد ما حط السيف على رقبتك؟؟؟؟ لا فعلا واضح إن أنا اللي بأعمل مراواغات صبيانية!!!!

Bastawisi يقول...

معناها انك اقتنعت تحت تهديد السلاح و سمناها اذعان(اسلام) مش اقتناع
لو واصلت المراوغات الصبيانية دي هاضطر انسحب من المناقشة.

بنت القمر يقول...

غير معرف
ممكن تدخل باكاونت بتاعك من فضلك
!

Bastawisi يقول...

طيب ياسيدي سيبك من اللى قلته كله و ركز معايا:

الخضوع و الإذعان و الإستسلام لله ليس التقبل و الرضى و الإيمان بالله و مشيئته و أوامره لأن:
الاذعان انك تخضع رغم عن أرادتك
اما التقبل ان تقتنع بأرادة حرة

متفق معايا ولا مش متفق؟؟

غير معرف يقول...

معلش يا بنت القمر أنا أسفة ما عنديش أكاونت...حاولت كذا مرة أحط إسمي بس التعليق برضو بينزل بغير معرف و نسيت أحط إسمي في الاخركتوقيع...عموما أنا إسمي لانا

و يا سيد بسطويسي حضرتك مش بتناقش أصلا لأنك بتقول كلام غير منطقي و غير مترابط و متناقض و ما لوش معنى أصلا!!!!! إنت بتحاول تقنعني إن كون إنسان بيتصرف تصرف تحت التهديد ده معناه إن الإنسان ممكن يكون مقتنع و مؤمن باللي بيعمله؟؟؟ بذمتك إنت مصدق الكلام ده؟؟؟ لو مصدق يبقى معلهش إسمح لي أقولك بما إني المفروض أعرف لغتي زي ما حضرتك قلت فأنت مش فاهم معنى كلمة إقتناع و أنصحك تدور على معناها أو تسأل أي واحد من العرب اللي مفروض إنهم بيعرفوا لغتهم

غير معرف يقول...

الحقيقة لأ مش متفقة معاك لأن الإذعان لأوامر الله و الخضوع و الإستسلام لمشيئته يقتضي إنك تكون مؤمن بيه من الأساس و الإيمان بالله بيقتضي إنك تكون مقتنع بوجوده و تعاليمه مش خايف منها!!!!


لانا

Bastawisi يقول...

أيه ده انتي بنت؟ طيب ماقلتيش ليه كده من الاول؟ انا اسف اني كنت خشن معاكي شوية.

عموما براحتك و ده رأيك و انتي حرة فيه بس انا شايف ان الاذعان(الاسلام) يختلف عن القبول(الايمان) ولا يمكن ابدا ان انسان يذعن و يقبل فى ذات الوقت.

شكرا على وقتك و المناقشة الجميلة :)

غير معرف يقول...

لا أبدا ولا يهمك...و عموما شكرا لوقتك برضو :)

لانا

Mrs Siwon يقول...

اقولك انا الكفار جم منين بعد طبعا سنين لما آدم و حوا ماتوا كان فيه في ذريتهم اكيد ناس صالحين و مؤمنين و بعدين ماتوا فجتلهم فكرة انهم يعملوا اصنام للناس الصالحة دي عشان يفضل ذكراهم معاهم و مش ينسوهم و بعد مده من الزمن هما كانوا بيعظموهم اوي و كانوا بيبالغوا في تعظيم الاصنام دي و ده ادى الى الشرك بالله ... و هنا كان بداية الكفر .. بعدين انتي بجد لما تقعدي لوحدك كده تفكري في الكون و تبصي على تكوينك و خلقك مش بتذهلي من الخلق ده و من الصنع ده اكيد ده مجاش لوحده و فيه واحد قادر هوا اللي خلقه بغض النظر انتي دينك ايه مسلمه و لا يهودية و لا مسيحية و لا حتى كافرة بدون ملة هتحسي بجد ان ده اكيد واحد غظيم عمله مش مجرد تفاعلات و بس و بجد انتي لو قريتي في القرآن صح و جمعتي الادلة مع الحقائق التي يتكون منها الكون هتفهمي ان رب الكون ده عظيم.. دي وجهة نظري المتواضعة انا لسه بنت في مرحلة المراهقة معنديش قدر كبير من المعرفة بس ده احساسي و ده اقل حاجة عارفاها و مقتنعه بيها ... شكرا

Mrs Siwon يقول...

اقولك انا الكفار جم منين بعد طبعا سنين لما آدم و حوا ماتوا كان فيه في ذريتهم اكيد ناس صالحين و مؤمنين و بعدين ماتوا فجتلهم فكرة انهم يعملوا اصنام للناس الصالحة دي عشان يفضل ذكراهم معاهم و مش ينسوهم و بعد مده من الزمن هما كانوا بيعظموهم اوي و كانوا بيبالغوا في تعظيم الاصنام دي و ده ادى الى الشرك بالله ... و هنا كان بداية الكفر .. بعدين انتي بجد لما تقعدي لوحدك كده تفكري في الكون و تبصي على تكوينك و خلقك مش بتذهلي من الخلق ده و من الصنع ده اكيد ده مجاش لوحده و فيه واحد قادر هوا اللي خلقه بغض النظر انتي دينك ايه مسلمه و لا يهودية و لا مسيحية و لا حتى كافرة بدون ملة هتحسي بجد ان ده اكيد واحد غظيم عمله مش مجرد تفاعلات و بس و بجد انتي لو قريتي في القرآن صح و جمعتي الادلة مع الحقائق التي يتكون منها الكون هتفهمي ان رب الكون ده عظيم.. دي وجهة نظري المتواضعة انا لسه بنت في مرحلة المراهقة معنديش قدر كبير من المعرفة بس ده احساسي و ده اقل حاجة عارفاها و مقتنعه بيها ... شكرا