السبت، يونيو 16، 2012

حل البرلمان المصري/ فقر الخيال


ليه اعضاء مجلس الشعب ما اعترضوش علي حل اول مجلس شعب منتخب بارادة حرة واقل نسبة تزوير.. مش بس الاخوان ولا السلف كمان الاربعه وتلاتين وفدي والكتلة والوسط والعدل والثورة مستمرة؟؟
ازاي كانوا (بعضهم) بيطعن في شرعية مجلس هو عضو فيه اساساً؟؟طب كنت مستمر وبتحضر جلسات وتقبض مكافئات ليه يا قذر من مال الشعب.! ازاي سلموا اصوات 30 مليون مصري وقفوا في الطوابير في الزبالة ...الاخوان مشغولة في الانتخابات "مثلا" فين البقية؟؟؟مع ان واجبهم قدام الشعب اولي من التزامهم قصاد مرشح حزبهم؟ ازاي اروح انتخبهم بعد كده؟ ليه ما اعتصموش قدام الدبابة اللي قدام المجلس والناس اكيد كانت ها تنضم ليهم؟ليه ما عملوش اعتصام جماعي في الميدان وحركة ثورية كده عملوا اول جلسه في الهواء مع الشعب اللي انتخبهم؟ ايه الانسحاق العجيب دا والتسليم المهين ؟؟ ايه فقر الخيال دا؟رئاسة ايه بقي كده واحنا متاخدين في تلاتين دوكه اصلاً

هناك 4 تعليقات:

يوسف يقول...

مين قال إنهم استسلمو؟!
مجلس الشعب سينعفد يوم الثلاثاء القادم إن شاء الله.

يا مراكبي يقول...

ليه؟
عشان الحقيقية المرة هي إن الكل بيمثل، ما فيش حد قلبه على مصر زي ما هو ظاهر في العلن كده، الحقيقة ان الكل يهمه مصلحتة وبس

قلم جاف يقول...

ماهو لو اعتصموا حيتفهم دة على إنهم ما انتفضوش إلا لمصلحتهم..

رغم إن الكل بلا استثناء شغال علشان مصلحته!

محمود المصرى يقول...

بسم الله الرحمن الرحيم
اتصور ان التيار السلفى تعرض لظلم بين فى هذا البرلمان فقد مثله من لا يستحق تمثيله , حزب النور اصغر بكثير من تطلعات السلفيين , وان شاء الله سيتم تصحيح هذا الوضع فى اقرب انتخابات
القوى العالمانية سكتت على حل البرلمان لأنها توقعت ذبح التيار الاسلامى خلال ايام قليلة وبالتالى انفرادها بالساحة السياسية فلا مانع من التضحية بعشرات المقاعد من اجل مئات المقاعد .
اعتقد ان الاوضاع الان اختلفت بعض الشىء .