الخميس، أغسطس 23، 2007

الخدعة!!!ا


فوجئت كما فوجئ الاخرين بما حدث فى مدونه حنين واعلان صاحبهابكونه رجل فى اوائل الخمسين وليس فتاة فى السابعه والعشرين

وايه يعنى؟؟؟ راجل ولا بنت ما تفرقش.. بس لاتفرق الحقيقه. ان لى شهور قليله جدا فى عالم التدوين وقد هالتنى الافكار الغريبه فى تلك التدوينه من كوكتيل ثقافي ردئ. حبه خربشه فى الدين على حبه حقوق مرأة وشويه افكار اقل ما توصف به انها سوء أدب مع الله كوكتيل ماسخ عديم القيمه

الحقيقه الافكارحق اصيل لاصحابها وانا لما اشرت اليها قبل كدا وقلت انى انقدها كنت اقصد نقد طريقه العرض وليس الفكرة نفسها

فقد كانت التوليفه غير متجانسه باهته شممت فيها بسذاجه طفله مالم بشمه قدامى المدونين ليه؟؟؟؟لانه حينما تستقطع جزء صادم من تدوينتك وتقذف به فى تدوينات الاخرين فأنك تقول لهم تعالوا شوفوا افكاري انا هنا!!!!!!ا

الحقيقه بقالي يومين افكر ست ولاراجل خلاص انتهينا بقي خلصت.لكن المصيبه فى المجتمع لهذا الحد هش وضعيف ما على اعدائه مثلا الا التخفى خلف قناع فتاة جميله فى السابعه والعشرين لها عيون حالمه ووجه ناعم وتنشرسمومك وتجد من يتبناها ويستميت فى الدفاع عنها مكونا جيشا من المعجبين والاتباع المخلصين.......ء
فيلم المصير كان ابن رشد يقول الافكار لها اجنحه فهل افضل الا جنحه هى امرأة جميله
هل كانت تلك الافكار لتجد من يتبناها لو كانت من رجل فى الخمسين؟؟ مش عارفه ليه افتكرت المسلسلات المصريه وهى تقدم الاسرائيليات متخفيات خلف اسماء عربيه صغيرات بوجوة جميله شقراوات يخططون لاصطياد الشباب المصري لدفعه للهجرة او الزواج او لنشر الايدز بينهم

ياة اد كدا المجتمع دا هش اى بنت جميله صغيرةبافكار مشوشه رديئه ومباهاه الحاديه على راى الاخت شهروزة افكار فيها سوء ادب مع الله والكتيبه خلفها رغي رغي رغي

وحينما تنجلى الحقيقه تكون الصدمه اذا كان الايمان بالفكرة ما يهمنيش صاحبها ولا الاسم اللى وراها لكن اذا كان اللى يهمنى اللى وراها يبقى مش مهم الفكرة كله حلو وراقي تقدمى اى غثيان وثرثرة فارغه تقذف به في عقول الاخرين اذا كنت فتاة جميله صغيرة

الفتاة الجميله تعبر الشارع اولا الفتاة الجميله تحصل على دور قبل دورها الفتاة الجميله الصغيرة تحصل على تخفيض فى اسعار مشترياتها اكتر الفتاة الجميله نؤمن بما تقول حتى لو كانت بتقول ريان يا فجل!!! ها يكون اعظم كلام!!! عييييبها تروح حنين ويجى غيرها المشكله فى العقول وطريقه التفكير بهذا الشكل عارعلى العقول اللى كدا

واخيرا القانون لايحمى المغفلين
وليكى ربنا يامصر

هناك 35 تعليقًا:

اسكندراني اوي يقول...

عارفه هو لو واثق من افكاره وقناعاته كان واجه بيها الدنيا كلها
لكن على ما يبدو انه اختار التخفي خلف اسم بنت لانه عارف تماما ان افكاره لن تلقى قبول لو طرحها هو بنفسه
احيانا دس السم في العسل برضه بيكون شغلانه صعبه

والاعصعب منها ان تجدي من يتعصب لها ويستميت في الدفاع عنها

والمكابره والمغالطه والهلفطه

نهايته اهي صفحه وراحت لحالها
بس دا يدي البعض درس

ولعلهم يكونو قد استوعبوه
عارفه ايه هو الدرس
ان مش دايما مناهج الاعدادي والثانوي هي الصح

ههههههههههههههههههههه

Alexandrian far away يقول...

بما أني قاعد فاضي في المكتب وزهقان أسمحوا لي أحكي لكم حكايه كانت بتحكيها لي ماما ربنا يطول لي في عمرها
وهي مرتبطه جدا بموضوع البوست ده
الحكايه بتقول ايه
كان يا ماكان كان فيه عيله من ست وبنتها الوحيده وكانوا فقرا جدا مش لاقيين حتى مية البطيخ، وفي يوم الأم كانت بتشحت لقت راس فسيخه لسه طازه ودتها البيت وقالت لبنتها الكبيره تاخد بالها منها لحد ما تروح تشحت شوية لمون وطماطم ورغيفين، وراحت، لكن البنت جري ريقها على الفسيخ وكانت جعانه جدا فقامت أكلت راس الفسيخه لوحدها رجعت أمها لقتها أكلتها صوتت وقالت لها بقى كده تاكلي الفسيخه وأمك لأ؟
وقعدت تكرر الجمله دي لحد ما طقت ماتت وأخر كلمه قالتها : كده يا بنتي تاكلي الفسيخه وأمك لأ؟
المهم البنت لأنها جميله جدا ربنا بعت لها أبن حلال متريش أتجوزها، وفي يوم بعد سنين وهي واقفه قدام شجره في جنينة الفيلا الريح هزت الشجرة وسمعتها بتهمس بين الغصون: كده يا بنتي تاكلي الفسيخه وأمك لأ؟
توته توته خلصت الحدوته
حلوه ولا ملتوته؟

أه
أبله أبتسام الله يبشبش الطوبه الى تحت راسها كانت بتقولنا دايما : بلاش تنقلوا الواجب من بعض
تحياتي القلبيه

اسكندراني اوي يقول...

كده في ربع جنيه مخروم صحيح عندك

احسبي عليكي كام واحد
وتحيااااتي

غير معرف يقول...

شممت فيها بسذاجه طفله مالم بشمه قدامى المدونين ليه؟؟


أوبجيكشن

انا شامة من زمااان
لكن مقولتش حاجة لأنها متخصنيش من قريب ولا بعيد

ومحتمل يكون فيه تفريعات تانية

تشاو دلوقتى


===================

Alexandrian far away

الله يخرب بيت ابلة ابتسام اللى جايبه لك الكلام

خخخخخخخخخخخخخخخخخخخ

بنت القمر يقول...

اخى المحترم اسكندرانى اوى
مش العيب بس فى اللي بيتخفي ورا اسم بنت عشان يدس السم فى العسل
العيب فى الناس تبيع دماغهالاي حد ثم تنقلب عليها فجأة لان زى ما قلت الايمان كان مش بالفكرة لكن بالشخص وبعدين انا لو تركت الناس تقيمنى كان زمانى يمكن انتحرت من زمان... على فكرة الاطفال فى مرحله الابتدائى ممكن يكون عندهم فراسه تغيب عن الكبار
تحياتى

بنت القمر يقول...

الاخ المحترم فار أواى
بما أنى قاعده اطبق الغسيل وزهقانه ودماغى عمال تتصارع فيها الافكار ايهما افضل هل مواجهة الغطرسه بمثلها والكبر بمثله وداوها باللاتى كانت هي الداء ام التمسك بفضيله الصبر الذي أذا زاد عن حده انقلب الى رذيله هل التمسك بالصبر والعض على النواجز وحتى يقضي الله ما فى امره افضل رأيت ان لاادخل معركه خاسره
والله المستعان
الرساله وصلت لكنها اخر طلقات المعركه الخاسره ومالو فش غيظ ومالو جر شكل ماشي!!!ا
تحياتى لوالدتك العزيزة

بنت القمر يقول...

شهروزة العسل تحياتى لك يا قمر مكنتش اقصدك انت بقدامى المدونون فهمتينى غلط ذكائك لا خلاف عليه ولا انازعك لكن انا كتبت بوست تخاريف تدوينيه قبل ما نتعرف
اعترف لكى انتى الاشطر ولكن هذا البوست زدت فيه عن ما اتفقنا عليه سابقا وانتى عارفه لننا عندنا توارد افكار شديد ان االايمان اذا كان بالفكرة فهو ثابت لكن الايمان بالشخص ايمان هش ضعيف سرعان ما ننقلب عليه اذا خدعنا في الشخص
يا لهوووى قلنا كل الكلام دا كله على الماسنجر انهاردا طب بعيده ليه؟؟؟
اصل بعزك موت ومش عاوزة اشمت العوازل فينا
خخخخخخخ تحياتى ليكى وحشتينى من العصر لدلوقت!!!ا
اورفوار

بنت القمر يقول...

صحيح المثل بيقول من جه دارك جاب الحق عليك بس لامتى

Eman Eltaher يقول...

انا بجد متأسفة على تأخيرى و بجد انتى اللى وحشانى و وحشتنى مدونتك و الله

بجد غريبة اوى اللى متخفى ورا بنت ف ال 27 !!!!! يخرب عقله
طب اشمعنى بقى 27 ؟؟؟؟؟؟؟
شفتى الدقة اللى انا فيها ؟؟؟

و الله صدقينى الناس دول بيبقوا مش قادرين يواجهوا المجتمع و غالبا بيكونوا مرضى
و ربنا يعفينا و يحفظنا
أمين
و ربنا يستر و ملاقيش نفسى كمان يومين راجل ف الستين من عمره
و اطلعلكم بممفاجأة مذهلة ...... انى انا بقى فريد الأطرش
و لا عبد الحليم !!!!!!الله يرحمهم و يحسن اليهم
ههههههه
و الله المدونين اللى زيه دول عايزين الحرق
و خصوصا اللى بيخربشوا ف الدين على تعبيرك الحلو

تحياتى ليكى

بنت القمر يقول...

شهروووزة لما تصحى ز تيجي تشوفى التعليق ابقي روحى شوفى طاقه جهنم اللى كنا بنكلم عنها امبارح خخخخخخ صحيح سمعتى عن قومجى قبل كدا اصل انا ما سمعتش غير قومى؟؟؟ عامله زى سفرجى وجزمجى وطبلجى خخخخخ ربنا بيسلط ابدان على ابدان نشوف بقى الجدعنه وعلى راى اللى قال العداله الالهيه
خخخخخخخخخ

Alexandrian far away يقول...

الأخت العزيزه بنت القمر
أمي بتسلم عليكي وبتقولك أنى بأعاكسك عشان أسترضيكي
خلاص بقى قلبك أبيض
وأنا الصراحهمش هاين عليا زعلك وحقك عليا يا ستي لو شديت عليكي في الكلام
ما يبقاش قلبك أسود بقى
أنا علقت عندك الأول وبأحاول أفوق عشان أشوف الحفله ألى عندي ومحتار الصراحه أبدأها منين لكنما تخافيش عليا
أنا عجوز في المواضيع دي
خلاص بقى؟
صافي يا لبن؟

غير معرف يقول...

ان صحيت أهوو
وفتحتها أول واحدة حسب التوصيات أهووو


هى فين الطاقة بتاعت جوهنم والقومجية دى؟؟

===================

عاوزة بس أقول كلمة محشورة فى زورى من أول يوم اتصادمت بالموضوع دة

وموضوعك أنتى وأسكندرانى فار أواى اللى كتبتوه ثبت فكرتى

أن من يدعى العمل على احترام والدفاع عن حقوق المرأة والعمل على النبش فى القضايا المغيبة للمرأة
وتغيير نظرة المجتمع لها

ويقوم يتخفى وراء حياة أنثوية كاملة بمكالمات وارتباطات ألخ ألخ الخ

يبقا انتهك وانتهاك كبير وصارخ لفكرة تغيير مفهوم الشرقيين للمرأة

طالما هو على يقين أن من سيقرأ للاسم الأنثوى لمجرد أنه أنثوي
يبقا انتهك قيمة الأنثى فى الليلة كلها

وترك المغزى الحقيقى للكتابات وجعل من يجلس خلف الأزرار ويتابعها لا يتخيل الا الجسد الممشوق والنهود الندية والأرداف المستديرة
وتتم المتابعة والتأييد والتصفيق بفعل العامل الهرمونى الشهير

حتى لو قالت أن الشمس تشرق من مستشفى العباسية

فى رأيي أن دة انتهاك صارخ للمرأة نفسها...ورفض للعقل المفكر أيا" كان جنس من يفكر به
سواء رجل أو امرأة

==========================

أنا اللى باموت فيكى يا بنتى والله
بس اعمل اية فى كونيكشنات العالم التالت؟؟
الله يخربل بيتها السلكة وسنينها
تيجى فى الوقت دة وتسقط منى

============================

Alexandrian far away

أنا بأحترمك أوى بالمناسبة
البنت دى قلبها أسود غطيس
لكن أنت كدة سديت عليها طريق السواد

على الله بقا أشوفها بتتكلم كدة تانى
هاااااااااااة

وربنا ياخد أبلة ابتسام مرة واتنين وتلاتة

اللى جابت لنا الكلام و كل دة من تحت راسها

نياااهاااهااااا

بنت القمر يقول...

اوكيه فار اواي
مكنتش ها اقبل غير كدا
ولا اقل من كدا
بس الاعتذار!!ا
المهم ان عدتم عدنا
تحياتى وربنا المعين على حفله التنظير اللى عندك من مختلف الوان الخضار
قصدى القوى الفكريه
تحياتى

بنت القمر يقول...

شهروووزه
ماشى يا هانم اناسواد؟؟؟
طيب مخصوم منك المصروف
ولا فيش تلفزيوون
ولانت
ولادش
ولا اكل
ولا شرب
وتقفي على رجل واحده من الضهر للعشاء
انا هااوريكى السوااد على اصوله
تحياتى يا قمر
امواااه

بنت القمر يقول...

ايمان الطاهر
ماهى الدقه اللى انتى فيها ها تجبلك الكافيه وانتى كمان وحشانى اوي بصي يا ستى فى المجتمع الذكوري المعفن بتاعنا يعنى سبعه وعشرين سنه وكفايه عليكى تنتحري بقى.. يعنى ممكن تقولى سياسه جديده لدس السم فى العسل .اما انك تطلعي شاديه او فريد مبقتش حاجه غريبه .ممكن تكونى راجل بكرش!!! بس تصدقى يا ايمى انتى احلى بنت اصل انا حدسى قوى وقلبي عمره ما كدب عليا ولا عقلي نفسوا يهبطوا حبه ويريحونى بس مش عارفه مالهم
تحياتى يا عسل ومتغبيش تانى عنى
يور سيستر

catroz يقول...

انا اول مره اعرف الحكايه دى
بس ايه الغريب
ده عالم النت
طتير اوى بيستخبوا وراء ستار
المهم
منقعش فيهم
:)

غير معرف يقول...

That happened because everybody is after women age 20-35. the younger men want them, the same age men wants them and the older men want them. This is universal not only in Egypt. it is the biologically functioning age. Women at that age has always been a target. Faking it and making myself one of those targets while i am a man, of course will give you a fake good feeling. Feeling that you are desired by all. everyone is trying to approach you, everyone is trying to make you happy, everyone is chasing you, etc.It seemed to me like somebody is taking drugs to articially feel happy for a limited time.

He and She يقول...

I agree with anon. It is like drinking alcohol to forget your frustrating reality and live few happy minutes in delusion. How many people get artificial happiness ( whatever is the method) to temporarily forget their frustrating desperate reality? millions

فى القلب يقول...

ههههههههههههههىىىىىى
والنعمه طلعت دكر
والنبى يا ختشى معرف غير منك دلوقتى
عارفه
مش طلع دكر هتلاقى الزفه هى هى بس النوع أتقلب من ذكور ألى أناث

أه يانى يما مش أدره أمسك نفسى من الضحك لغايه دلوقتى
يخربيتك يا حنين
دلوقتى يا أختشى عرفت ليه هاجم الرسول صلى الله عليه وسلم
من ناحيه يعنى التعدد
غيره وأحباط بقه بعييييييييد عنك
عين بتغمز

طلع موز مش موزه يا لهوووووى

فى القلب يقول...

مش قادره يختى ألحقينى
أمسك نفسى
ربنا يحظك
ويدحك يارب
الواد أبنى عمال يقولى
هتموتى يا ماما من الضحك


ولما قرات التعليقات كملتتتتتت
بحواديت ماما وأبله


هههههههههههههههخخخخخخخخخخخخ

بنت القمر يقول...

هاى كاتروز انا ها احط لينك الصفحه للجميع اتمنى تكرار الزيارة

بنت القمر يقول...

انو نيموس على اد انجليزيتى المتواضعه كون ان المراة تكون تارجت ماشى بس المهم ان الواحد دماغخ متكنش تارجت كمان انا نقدت العرض السئ لمدونه حنين قبل كدا وعينك ما تشوف الا النور قزائف وشتائم وسخريه من كل اتجاة والنتيجه ايه اقرا موضوعى السابق تخاريف تدوينيه وانت تفهم الحكايه تحياتى متقطش الزيارة

بنت القمر يقول...

هى اند شى
معلش انا مش سريعه على الكيبورد الانجلش على ما فهمت فكرتك انت وانون هى ان التخفي وراء امرأة او شخصيه مرغوبه ومطاردة يجلب السعادة مثل المخدرات
لكن اعتقد ان الفكرة هنا مختلفه الفكرة هى تسويق الافكار
التخفي وراء ستارة مرغوبه لتسهيل التسويق فاهمنى؟
يعنى لو بتقدم دعايه للكحول او ماركه سجاير تجيب فنان شاب ناجح مشهور وسيم الناس تحبه وتقلدة عشان ينبهروا ويتلقفوا الفكرة ويبداوا يقلدوا اكيد مش ها تجيب راجل مكحكح عنده ربو يقدم الاعلان دا تحياتى

بنت القمر يقول...

فى القلب اعتقد ان احنا على اللاين سوا دلوقت الساعه تحت التعليق بتقول كدا
طيب اهلا بيكى تانى مرة يا قمر
انا ها احط اللينك بتاع اعتراف صاحب المدونه بتمنيه وجود بنت مصريه لعرض الافكار
انتى كنت متابعه موضوعى بتاع تخاريف تدوينيه قريتى التعليقات عليه؟؟
يا بنتى انا اخدت ومازلت حتى وقت قريب من اصناف اللكمات والشلاليط والصفعات
اللى يهد سور الصين لما انتقدت كتابه حنين
وكان ربنا ما يرضاش بالظلم حصل ما حصل
مش عاوزة افتح مواضيع اتمنى انساها لكن كله بالورقه ووالقلم قصدى فى التعليقات
متغبيش تانى

بنت القمر يقول...

فى القلب لكى وللجميع اللينك

http://www.blogger.com/profile/08432526218515068415

بنوتة يقول...
أزال المؤلف هذا التعليق.
بنوتة يقول...

انا مش مصدقة
ده فخ بقى
ولا ايه دي
ده من خجوله لاغة مدونته
مع ان هو مسمي نفسه حنين و حاطط صورة بنت
لالالالالالالالالالا
يا ما عيشنا و شوفنا
انا كل ما حقوله
ده ممكن واحد تاني يسمي نفسه هيفاء وهبي و يحط صورة هيفا
ههههه

الطائر الحزين يقول...

ممكن ادلى برأيى
انا لا يضيرنى شىء إن كان ولد ولا بنت ولا رجل انا اعلق على الموضوع اا كان كاتبة

هذا ان فيه ضرر فهى أو هو ضرت به نفسها

اصل تحليل الموضوع صعب يعنى مثلا لو قلنا انه خايف حد يعرفه طيب هيعرفة ازاى واحنا كلنا بتكتب متخفين يعنى مش قادر اضع يدى على سبب معين لهذا الفعل

لكن كل ما اراه الا ننزعج انفسنا زيادة عن اللزوم لان هذا لا يضيرنا فى شىء خصوصا اذا تعاملنا مع الموضوع وليس مع الاشخاص


تحياتى لك جدا

بنت القمر يقول...

نانسى وهيفا وانتى ازيك بقي

بنت القمر يقول...

الطائر الحزين
انامتفقه معاك محدش قال ندخل باسمائنا الحقيقيه ولا شخصياتنالكن ما تسوقش افكارك خلف قناع بنت حلوة بصورة حقبقه وخصوصا اذا كانت الافكار دى تحتها الف خط ولم تكن لتجد نفس الصدى لو كانت من رجل
تانيا انت بتؤمن بالفكرة اذاتها مهما كان قائلها ولا تتنكر اها لاختلاف قائلها
تحياتى لشخصك الكريم

الطائر الحزين يقول...

هذا ليس معناه موافقتى على الفعل
بالعكس هذا فى اهانة واستخفاف بالناس اولا ثانيا انتقاص من الشخص ذاتة وعدم رضا بنعمة انعمها الله علية

S H A H يقول...

اول مرة اعرف الموضوع ده
بس صدمة صحيح

انا خايف كل اللي عندي دول يطلعو رجالة

بس واضح ان اللينك اتشال

في بس تعريف بشريف الصيفي بس مفيش لينك لمدونة حنين

موضوع جميل

تقبلي مروري

بنت القمر يقول...

شاه اهلا بمرورك اللينك دا فيه الاعتراف اقرا البروفيل كويس

غير معرف يقول...

حقيقي مصدومه يابنت القمر
بشكرك علي التوضيح
مش فاهمه ليه الناس تكدب و تتخفي مايكونوا صرحي
حد قالهم يكتبوا اساميهم الحقيقيه؟
بس مش فاهمه عني يكدب علي الناس و يدعي انه بنت ليه
نفوس ضعيفه بجد
شكرا علي توضيحك الحقيقه

غير معرف يقول...

بصي يا بنوتة القمر
يطلع راجل يطلع ست هو حر؟؟ لأ طبعا أنا مش موافقه علي المبدأ ده
لأن أنا لما أبص عند أي حد وأتشد لموضوع بيتكلم فيه وخاصة لو كان فكر لازم هيسيب فيه أثر وممكن من غير ما نتقابل ولا نتعرف يكون بيننا حوار فكري محترم وبالتالي إفادة وده في حد ذاتة أحترام بغض النظر عن كوننا أتفقنا أو أختلفنا
لم أعلم سببا لكرهي الشديد لشخصية حنين هل لتطاولها وأفتعالهاوكلامها في الدين بصوره ساذجة وجاهلة لا تتعدي تجميع الداتا.. أم لأنها فعلا كانت غير حقيقة وكان ذلك ظاهرا؟؟..
لا أعلم وأقر بأني أسفة لا أقبل أن أحترم كلامتك أيها الشخص وأنت في قرارة نفسك وأنت وحيد وبعيد تجلس وتسخر مني ومن كل من يقرأ لك
المفترض أن صفحه علي النت تعبر عن فكر صاحبها والعلاقه بين ما في قلبه وما يدور في عقله وبين أصابعه التي تكتب ليس عليها رقيب فالمدونه هي مساحة الحرية الوحيده علي هذه الأرض لذلك أشاركك رأيك ورأي كل من يتألم من الكذب والنفاق
سلام