الأحد، أغسطس 26، 2007

بين مصر والكويت .........مع اسفي




ولو انى اكره السياسه كراهيه الموت واجدها خبيثه مقبته ولكن اتابعها احيانا فى صمت وترقب
كان الخبر البارحه الذي استفزنى والقي بي على من عزفت عنها وعاهدت نفسي بتركها لمن هى معلقه فى رقابهم الى يوم الدين ليحاسبوا على من جنت يداهم
هو استقاله وزيرة الصحه الكويتيه اثر تجاوزات خطيرة فى مستشفى الجهراء وملف علاج المواطنين بالخارج الخبر يشبه ما نفرأة احيانا فى اليابان واوروبا وبقيه خلق الله المحترمين
تقدم النائبان وليد الطبطبائى وفايز المسلم عضوى البرلمان الكويتى باستجواب لكشف مخالفات الوزيرة ادى الى استقالتها او اقالتها
تفاصيل الخبر اعلق عليها فى عدة نقاط منفصله انقلها لكم بكل حسرة على حالنا
اولا:وزيرة الصحه فى الكوبت على رأسها امرأة ولا عزاء لنساء مصر الللاتى عقمن فيما يبدوعن انجاب وزيرة فى وزارة مهمه وكان اخرنا وزيره التامينات ووزيرة تصدير الخادمات
الكويت الذى ننظر اليه كبقيه الكويت مجتمع حديث بلا خلفيه سياسيه قويه ولا حركه برلمانيه حيث ان الكويت اسست كدوله من حوالى اربعين سنه بس مجتمع عائم على بركه نفط مغلق ومتحفظ بصبغه بدويه لكنه ارتضى وجود سيده على منصب خطير مثل وزاره الصحه ولهم برلمان منتخب مش صوريا بين التيار العلمانى وكتله الاخوان المسلمين او ما يطلقون عليع الاسلاميون
وشرائح مدنيه اقل عددا ينتج عنها فوز الاسلاميون!!! ييجوا الاسلاميون عبر ممثليهم ينا قشوا قضيه فساد فى قطاع الصحه وتقوم الحكومه يهتموا ويتحركوا ولا يضعوا الاستجواب فى الادراج تتناقش الوزيرة وتتحاسب ما قالوش اصل دول اسلاميون يحمدوا ربنا انهم وصلوا البرلمان وكفايه عليهم كدا
القياده السياسيه استوعبت ان الاختلاف مع الاسلاميين لايمنع رفض اداؤهم اذا كان موجها لمحاربه الفسادوالحفاظ على حقوق الانسان الكويتى
اخر ننقطه هى استقاله الوزيرة التى حسب الروايات تلكأت في تقديمها فأجبرت على تقديما فيما بشبه الاقاله والنائبان المنتصران على شاشات التلفزيون"الوززيرة اقيلت ولم تستقل لسوء ادائها"ياه يا مصر امتى بقي نشوف مسئول كدا بيتحاسب يا عظيمه يا عريقه يا ولاده مالك بتتباعى حته حته ياللى اولادك بياكلوا طعام مسرطن و قمح بالسوس ويركبوا قطارات متهالكه لاتذهب بهم الا الى الاخرة امتى بقى يكون عندنا سياسه محاسبه عشان كل واحد على كرسي يعرف انه خدام للشعب بس اللهم انى احسدك يا كويت!!ا
كنت محضرة بوست تانى خالص بس الخبر كان ضاغط عليا جدا قلت اؤجل الاولانى عشان اضايقكم معايا شويه!!!!ا

هناك 22 تعليقًا:

اسكندراني اوي يقول...

اه ياني
قولي و احبسي دمنا زياده ماهو محبوس
سمعينا واحرقي دمنا بزياده
تعالي شوفي معنى وقيمه الانسان في قطر
من كل النواحي
اللي حصل في الكويت ده من باب احترام قيمه الانسان
احنا مش محترمين انسانا جوا
يبقى ازاي نطالب الاخرين باحترام
المخلوق اللي بره

ولا عزاء للمصرييييييين

الطائر الحزين يقول...

متجبيش سيرة الكويت فى الوقت اللى احنا فيه دة بعد قضية التعذيب والتهاون المصرى المخزى

امتى هيطلع عندنا مسئول ايا كان ويقول مش هاقدر اكمل انا مش قادر اعمل حاجة فى التحديات الموجودة

ويقول مستقيل

وعندئذ ادرك شهريار الصباح وأذن الديك طبعا ده خيال

غير معرف يقول...

شفتى فيلم التجربة الدانماركية لما عمنا امام جة يستقيل من منصبه؟؟

رئيس الوزرا قال له دى سابقة وأول مرة تحصل فى تاريخ الجمهورية
أو ربما فى تاريخ مصر المنحسر حاليا فى الربع قرن الأخير
وهو الفترة المحسوبة من تاريخ مصر الحديث دلوقتى

على رأى حضرة رئيس الوزراء برضة فى فيلم الارهاب والكباب
خخخخخخخخخخخخ معلش طالبة معايا الليلة أفلام
ان الهرم ممكن يتشال من مكانه ولا تتشال الحكومة وا تستقيل

يا حبيبتى كان أولى شيل الوزراة او الوزير فى حادثة قطار الصعيد الشهيرة اللى حتفضل ملطخة جبين رئيس البلد دى طول العمر


هم حيعملوا اية بـ80مليون بنى آدم؟؟؟؟؟

الكويت اتنين او اتنين ونص مليون باين؟؟؟؟؟؟؟؟؟
لازم يحافظوا على السلالة يا بنتى عندهم علشان مينقرضوش
اخنا بقا الانقراض علاج لمشاكلنا
فيقرضونا رويدا رويدا

وحبة حبة يا ملاوانّى

momken يقول...
أزال المؤلف هذا التعليق.
momken يقول...

انتى بتقريش جرايد ولا ايه

قام السيد الاستاذ الدكتور فاروق حسنى وزير ال.....الثقافه بتقديم استقالته للدكتور احمد نظيف رئيس مجلس الوزراء وذلك بعد ان اخطاء وتحدث فى موضوع لا يعنيه ولا يعرف عنه شىء الا وهو الحجاب

من جانب اخر
قام السيد وزير التموين بتقديم استقالته بعد فشله فى السيطره على الاسعار التى الهبت كاهل الشعب الى عايش لحد دلوقتى باعجوبه

ومن ناحيه اخرى
قام السيد وزير الدخليه بتقديم استقالته وفضل الجلوس فى المنزل بعد فضائح التعذيب على ايدى ضباط الشرطه

وفى خبر عاجل
قد تقدم السيد وزير الخارجيه بستقالته
بعد فضائح السفارات الخامله وما تعانيه الجاليات المصريه فى الخارج
اخر هاما لاقاه فريق النادى الاهلى فى السودان
وما لاقاه المواطنين المصرين من تعذيب فى اقسام شرطه الكويت

جائنا البيان التالى
تقدم السيد الدكتور وزير الصحه باستقالته بعد تدهور حاله مستشفايت التامين الصحى
وايضا سطوة المستشفيات الخاصه فى مصر وسرقتها اعضاء المرضى وبيعها فى سوف قطع غيار البشر

بكل اسف النشره دى شوفتها فى الحلم
ولا استطيع حتى ان احلم به مره اخرى
احننا فى عالم التوريث
اقصد العالم التالت
البوست بتاعك جامد جامد جامد
رهيب جميل جدا
تحياتى

He and She يقول...

kalamek laze3 wa gameel

اسكندراني في الغربة يقول...

مرة في شات معا واحد سويدي قالي جملة شايفها مهمة
قال احنا لسا شباب و انتوا عجزتوا
احنا جايين و انتوا مروحين
الترجمة العربي للجملتين دول: انحنا خلاص بتموت
كبرنا على التعليم و خبرتنا مشوهة
لو شايفة انة كلام يأس و احباط شوفي الامثلة دي
احنا عمرنا 7 الاف سنة ومفيش ديانة مدخلتش عندا
بس لما يطلع حاجة اسمهت بهائية منعرفش نتعامل معاها لا بالقبول ولا بالرفض و لسة قضية معلقة
احنا عمرنا 7 الاف سنة ومفيش نظام حكم مطبقش عندنا
بس لسة مش عارفين نسيب الاخوان يوصلوا الحكم ولا نسيب الحاكم يموت على الكرسي
وهكذا
انحنا كبرنا وعجزنا وخرفنا
:(

بنت القمر يقول...

اسكندرانى اوى
لو فيه نظام محاسبه ورقابه كل واحد ها يعمل اللي عليه
كمان قطر يلا... وماله عقبالنا
تحياتى

بنت القمر يقول...

الطائر الحزين
او اهل الكويت بيحترما ناسهم واحنا لا يبقي عقبالنا بس احنا بقى زى القرع لما ييجوا سياح نحترمهم اوى ولما نطلع برا يبهدلونا والدنيا عارفه على سبيل المثال جرائم عائله الفاسي فى مصروالقانون منهم فين طب يا رب نعمل زيهم

اسكندراني في الغربة يقول...

مبروك على ال نيو لوك الجديد
:)

بنت القمر يقول...

شهروزتى
اه هيا الفكرة كدا يقرضونا حبه حبه منك نستفيد فكرة والله
الهى اللى يجى على الغلابه تنقرض رقبته من الكبير فيهم للصغير كشفت راسي ودعيت عليهم محصلناش حتى الكويت بس بقولك مين ملاوانى دا؟؟ انا معرفوش
خخخخخخخخخ

بنت القمر يقول...

ممكن شكرا ويارب نصحى في يوم احلامك تبقي حقيقه
تحياتى

بنت القمر يقول...

هى اند شى شكرا........تحياتى

بنت القمر يقول...

اسكندرانى متغرب
قريت تعليقك كذا مرة فعلا احنا عاوزين ما نكبرش للدرجه ان احنا نخرف ويجيلنا زهايمر ننسي فيه حقوقنا ومحتاجين نظام قانونى ومحاسبي قوى عشان الناس دى تعرف التزاماتها ووظيفتها
بالنسبه للوك مستغرباه موت حاسه انى في بيت غير بيتي بجد هو مريح للزوار بالنسبه للون الازرق

Esmat يقول...

بنت القمر
مدونتك اكثر من رائعة اشكرك على البوست بس اتوجعنا لان فى مصر الدنيا سداح مداح اللى
القانون عندنا فى مصر له روحين روح خاصة بالحزب الوطنى وكل رجاله الشرفاء جدا جدا
وروح خاصة بالمعارضين وباقى الشعب الوحش
لامساس بوزير مهما يعمل لانه تبع الحزب
والحزب دائما مايغفر لرجاله ويساندهم
ويقف جنبهم لانهم سبق وقدموا فروض الطاعة
الا وهى نحن نحافظ على السيادة المصرية
ولو على حساب كل الشعب المصرى
يذهب الشعب وتبقى السياده
واه واه
وتحيه طيبة لك

XXX يقول...

متعرفيش ملاّوانى يا جاهلة؟؟
خخخخخخخخخخخخ

دة أشهر من كوفى عنان فى زمانه

مبتشوفيش مدرسة المشاغبين؟؟
الأستاذ ملاّوانى اللى جننوه وخلوه كلما يتزنق يخلع حاجة

نيااهااهااااااااا


===============

بالنوسبة للنيولوك
فهو كميلون
حاسة وانا هنا انى سمكة صفرا او حمرا عايمة فى معاميق البحر الأزرق المصطف بالشعاب المرجانية
يعنى بيدينى احساس بالطرااااوة

مبروووك النيوكلوك

وحشاني من امبارخ
خدشى دى دلوقتشى
أموواااااااااة
ومن غير بيولوجيات
خخخخخخخخخخخخخخ

EGYPT EYES يقول...

فعلا هي أمرأه بمئة رجل أعجبني جدا تصريحها انها تعتبر نفسها مسئوله عن ماحدث ولو كنت مكان رئيس الوزراء كنت رفضت استقالتها
أهي دي وزيره مش زي المهرجين بتوع الحج نظيف
مدونتك حلوه تحياتي

بنت القمر يقول...

esmat
اهلا بيكى نورتى المدونه وشرفتى صاحبتها بنت اليكس الغاليه عارفه يا اسمت بزعل لوي لما حد يشتم مصر وخصوصا ان كان مصري بجد البلد دى محدش عارف قيمتها ولا احنا نستاهلها كما تكونوا يول عليكم اكيد احنا وحشين عشان كدا ربنا مش بيدينا الا حكام شبهنا اه واه واه تحياتى
متقطعيش الزيارة سويتى

بنت القمر يقول...

شهروزتى الجميله او لالالا مين ملوانى دا ومين المشاغبين ياي معرفهمش ياي انتى يا بنتى مش عارفه انى ثقافتىايطالي ما انتى مش سامعهه داليدا خخخخخخخ
على راى اختى فى القلب الله يحظك
_____________
اهو حبه الطراوة سبب اختياري التيمبليت دا لان يا اختى خنقه جدا وبلاس بوس كتير الله لا يسيئك يحرق البيولوجى وسنينه
__________________
رئيسه رابطه المود الكحلى والعضو المؤسس
بنت القمر

بنت القمر يقول...

ايجبت ايز
هو ايه بنقول ست بميت راجل الكلمه دى بتقتلنى الست والراجل نوع بشر واحد اللي عنده ضمير فيهم نرفع له القبعه ونحترمه واللى يمسك منصب عام ويقصر يستحق ياخد على عينه
اهلا بمرورك ويارب المدونه تنال اعجابكم دايما

فى القلب يقول...

يا ستو هانم
من جاور السعيد يسعد
ودول دلوقتى فى حما الأمريكان فلزمن حتمناً ولابد
يعملو زيهم ويتعدوا منهم

أمال من عاشر القوم أربعين يوم

أنما أحتى يا ختى السرطان هو ألى بيحكم
وبرده نقول من عاشر
السرطان
يايكلو يا يجيلو

FOrty يقول...

بدأتى المدونه بانك بتكرهى السياسه و بتعتبريها خبيثه كلام فيه كثير من الصحه لكن على الرغم من ذلك الكره الذى قد يشاركك فيه الكثير من الناس و البعض الاخر قد يخاف من السياسه لانها بتودى الناس وراء الشمس الا انه لابد من التعامل معها و بها و هو ده الفرق بينا و بين غيرنا طول ما الاغلبيه مش بتشارك و محرمه يبقى اللى قاعد قاعد و اللى مش عاجبه يشرب من البحر طب و امشى ليه هو انتى اللى جبتينى امشى فقط لما اللى جابنى يزعل مني مش كده و لا ايه