الاثنين، ديسمبر 24، 2007

الحاج تاايه


قناه العربيه الاخباريه:موسم الحج من انجح المواسم هذا العام وخصوصا بعد توسعه مني.....متصدقهاش دي قناه سعودي اما ل ها يقولوا ايه

قناه الجزيرة:مفيش اخبار عن الحج.....ما تستناش اصلا الجزيرة معندهاش مراسل في السعوديه يغطي اخبار الحج.

الفضائيه المصريه في شريط الاخبار....حاج اندونيسي يصاب بحاله هياج وينهال طعنا علي بقيه الحجاج....لازم تستغرب لان مفيش ولا قناه تانيه علقت علي الخبر ده ولا جابت سيرته اصلا..
خبر غريب جدا بقا

احصائيه علي حالات التوهان في الحج

بتقول الاحصائيه من الاخوة السعويين عشره الالاف حاج مصري واخددينلي بالكم من النامبر تايهين في انحاء مكه ومني وبقيه المشاعر

اقل البعثات في الحج توهانا هي البعثه الايرانيه واكترها تنظيما لم تسجل ولا حاله تقريبا

الخبراء يندهشوا بشده من توهان الحاج المصري اللي يا اما بيضيع باسبورة او بينسي مكان الفندق او اسمه او بيتاخر علي ركوب الاتوبيسات بتاعه شركته او او لانه عربي مصري ازاي يتوة ويوصل الي الشرطه في الاخر

والحاج الايراني الذي لايجيد العربيه بيسلك زي العفريت وزيه التركي والاندونيسي

التحليل هو زي ما هما قالوا مش انا

يرجع الي الضغوط النفسيه والعصبيه الشديده التي يتعرض لها الحاج المصري في حياته وتزيد قبل طلوعه الحج بشده وبتخليه يتوه في بلد عربي وهو بيكلم عربي

الرقم تاني هو 10 الالاف حاج مصري تايه

بس

هناك 34 تعليقًا:

Bella يقول...

كل سنة وانت طيبة
ويارب تكوني قضيتي عيد سعيد

الحقيقة موضوع بعثة الحج المصرية من الامور التي تدل على طريقة تعامل حكوماتنا المتعاقبة مع المصريين
صحيح لم تحدث هذه البهدلة بنفس الدرجة السنوات السابقة
ولكنها حدثت هذا العام لان الحكومة الحالية وصلت لدرجة لم تصلها حكومات قبلها في التفنن في إساءة معاملة المصريين في الداخل والخارج

وتصحيح بسيط

قناة الجزيرة لاول مرة منذ خمس سنوات تسمح لها السلطات السعودية بإرسال بعثة لتغطية مناسك الحج

وللحق كانت تغطيتهم من اروع التغطيات التي شاهدتها حيث خلت من اللت والعجن المشهور بها مراسلي القنوات المختلفة من تسليم الميكروفون لفلان زميلي من قناة كذا وهات يادش

الحقيقة كانت التغطية على اعلى مستوى من الحرفية

اما قنواتنا الارضية والفضائية فالحمد لله لم اعد اشاهدها منذ فترة طويلة لدواعي صحية خوفا على مرارتي من الفقعة

تحياتي

بنت القمر يقول...

بيلا
وانتي بالصحه والسلامه وكل سنه وانتي في احسن حال
اعتقد ان التليهين المصريين من بعثه الحج الرسميه بالاضافه الي شركات السياحه والحجاج الفرادي
اللي قصدته من هدف في كتابه البوست هو حاله التوهان وسببها هي يا تري فهلوة من المصريين ولاضغوط نفسيه ولا ايه بالظبط
تانيا كل ما شفت الجزيرة كان تعليق صوتي فقط من المذيع علي خلفيه صورة الحجاج مشفتش مراسلين بس انتي اصدق يمكن كان فيه وما شفتوش
بس حتي التغطيه الصوتيه خلت في رأيي من القيمه الحجاج مشوا من هنا راحوا هناك وخلاص مفيش رصد للسلبيات ولا الايجابيات ولا الحوادث العاديه وفي رأيي برضه ممكن لو زي ما بتقولي يكون خوف من السعوديين لا يرجعوا يطردوهم تاني
وعموما اهو دا المتاح
الجزيرة والعربيه فقط
والباقي سكي واردمي
تحياتي
اشكر مرورك

Bella يقول...

التوهان كان بسبب استهبال بعثة الحج المصرية بالاضافة للنصب والنهب من شركات السياحة المصرية ايضا

ولو حصل اي تقصير من الجانب السعودي فيكون بتشجيع من الحكومة المصرية لان السعوديين كغيرهم اصبحوا متأكدين تماما ان المصري لاقيمة له عند حكومته ولن تأخذ له حقه لو له حق

يعني مابين تأشيرات الحج المضروبة
ضيفي عليها الاسعار المريبة التي تجنيها شركات السياحة وقمة الاستغلال والنهب لان الحكومة تقسم عليهم التأشيرات
وفوضى الحجز ورمي الناس في المواني والمطارات بسبب رعونة شركات السياحة ايضا

فكل مصائب الحجاج هذا العام لم يكن للسعوديين اي يد فيها

بالنسبة لتغطية الجزيرة لاتنسى ان السعودية تلككت لهم ومنعتهم لمدة خمس سنوات بحجة مهاجمتها للنظام السعودي

فلو حدث وتحدثت عما يعانيه المصريين هناك فسيحدث مشكلة على الجانبين

ستجدد السعودية منعهم ولن يكون هناك امل في اصلاح الامور بين القناة والحكومة السعودية

وفي نفس الوقت ستقوم قائمة منتفعي الصحافة عندنا ويفتحوا النار على عدوتهم الاولى قناة الجزيرة متهمين اياها بتشويه سمعة مصر وباقي الكلام الفارغ المعتاد من فشلة الصحافة عندنا كالعادة

وسيتم التضييق على فريق الجزيرة الموجود بمصر

الحقيقة انا لاحظت اوقات يتم عمل تقرير عن امر معين في مصر ويتم عرضه وقد لايتكرر مرة اخرى
وقتها اشعر انه حدثت ضغوط عليهم لعدم تكرار التقرير

وهذا تكرر كثيرا مع فريق مكتب الجزيرة في القاهرة
واعتقد انهم يقابلون مضايقات كثيرة هنا في مصر

لكن بصراحة عجبتني طريقتهم في التغطية اكثر من قنوات اخرى كان الرغي فيها اكثر

تحياتي

خيرالدين يقول...

السنه دى سمحوا للجزيره بالتغطيه بموفد
ولانها اول مره فكان لازم التغطيه والاراء تكون من نوعية حكمة الداخليه السعوديه والتسهيلات والحاجات دى

فالتغطيه بصراحه كانت منعدمه

خمسة فضفضة يقول...

السلام عليكم ورحمة الله وبركاته

كل الاستهبال والتتنطيش مش بيحصل الا مع حج القرعه ، وكانهم بيقولولهم علي اد فلوسكم
كمان لو شركة السياحة محترمه بيبقي كل حاجه ماشيه تمام التمام

السنه الي فاتت كانت شركة السياحه اللي طلعت معاها قمة في الاحترام وبصراحه ما قصروش معانا في اي حاجه والله كان ناقص يطوفوا ويسعوا بدالنا

بس المشكله ان فيه كتير شركات مش بيبقي همها الا المكسب وخلاص وما بتهتمش براحة الحجاج ولا خدمتهم وهما دول اللي بيحصل من وراهم المصايب

علي فكره قريت ان عدد الحجاج المصريين التايهيين 7798 بس مش عشرة آلاف
:-D

احمد الجيزاوى يقول...

كل سنه وانتى طيبه
وبنسبه لحجاج
الموضوع اكبر من كدة كمان دول سبوهم فى عرفه من غير محد ينزلهم والسعوديه هى التى اجبرت تجيب اتوبسات من عندها
يعنى الحكومه مش خيفه من الدعوة الحجاج عليه هناك خلاص فجرت لدرجاتى عموما اكيد 10 الف حاج حسبنه على الحكومه فىعرفه وفى مكه اكيد هيكون هناك تاثير لى الدعاء ان شاء الله
يتغير الحال
احمد الجيزاوى

mohand يقول...

السلام عليكم

لا حول ولا قوة الا بالله

عشان ينبسط عم نظيف

Hypatia يقول...

احنا مفضوحين ومتجرسين فى كل حته وسمعتنا طين

لا حول ولا قوه الا بالله

كل سنه وانت طيبه

عدى النهار يقول...

وفيها إيه لما 10 آلف حاج يتوهوا؟ ماحنا عندنا كتير.. يمكن آن الأوان إن الناس تفكر تحج فى الأماكن اللي تعرفها عشان ماتتوهش وأهو توفير عملة برضه
فوضى بعثات الحج المصرية


بالنسبة بقى للتعليقات - علشان مايبقاش فى غيظ يعنى - الأمر بسيط

حولي الكيبورد إنجليزى
شفت و واو
a
شفت و زين
name
شفت و واو
شفت و ظاء
a
شفت و زين

حولى الكيبورد عربى وإكتبن الإسم مكان الكلمة
name

^ H@fSS@^ يقول...

عشرة تلاف بس؟؟
ده حتى قليل
بس يا ستي فكرك يكونوا تاهوا ليه
كانوا ضاربين بانجو مثلا و لا شامين كودافين؟
يعني بجد مثلا مروا على مثلث برمودا شفطهم
ايه الخيابة اللي احنا فيها دي
فطستيني من الضحك يا قمر

اسامة يس يقول...

ايوه كلامهم صح مهمه تايهين اساسا في مصر يعني هيفوقوا في بلد تانيه...
في بلدهم حيث الهم والحزن والغم ممسك بهم... وحيث الاهمال والفساد .. وحيث وحيث ووو

كيف بعد كل هذا نطالبهم ان يكونوا منظمين او على قدر من الوعي....

نسأل الله السلامة...

دمت بكل ود..
خالص تحياتي

بنت القمر يقول...

عزيزتي بيلا
بصي بالنسبه للجزيره كدا مش مختلفين
اما بالنسبه للسعوديين احب اقلك ان في حاله استياء عامه من الزحام وكمان متنسيش ان الحج بقا بالنسبه لهم مصدر مهم جدا للدخل زي البترول
ميدوش تأشيرات ليه بقا
ما هما برضه بيلهفوا فلوس الفيزا واشغالات الفنادق والاتوبيسات والمطاعم وروج بالهبل
وواضح في رأيي ان الحكايه قلبت بطمع
منورة

بنت القمر يقول...

احنا
تابع بقيه التعليقات
وردودها
بالنسبه للتغطيه انا والله كل ما افتح الاقي راحوا من هنا ورجعوا من هناك وعملوا كيت ورموا الجمرات وخلاص دا بالنسبه للجزيره اما العربيه
فأنيل
الجهود الخارقه لحكومه خادم الحرمين والطيارات والمستشفيات
كأنهم بيصرفوا عليهم من جيوبهم منور

Bella يقول...

عزيزتي بنت القمر

بالنسبة للتأشيرات هم مش بيمانعوا يدوا مصر تأشيرات

اعتقد انهم محددين لمصر حصة معينة كل سنة

المشكلة بتحصل عندنا هنا في توزيع التاشيرات

يعني السفارة السعودية بتسلم التاشيرات لوزارة الداخلية التي بدورها بتقوم بتوزيعها جزء على الحكومة ونواب المجلس والاحزاب وخلافه

وجزء تاني بيوزع بين شركات السياحة ويسيبوهم بينهم وبين بعض يتصرفوا في اسعار الرحلات بناء على اتفاقات وعمولات وخلافه

حتى فيه شركات سياحة لاتنظم رحلات حج ولها نصيب بتاخده وتبيعه لشركات تانية وتاخد المبلغ مكسب بدون تعب ولا غيره

وهكذا

ولما بتكتر الايدي الوسيطة في التوزيع بيرتفع الثمن

الحل يكون في زيادة حصة مصر من التاشيرات

وتوزيع التأشيرات بطريقة محترمة في مصر بعيدة عن الاستغلال والمهزلة اللى بتحصل والحكومة بتشارك فيها

اصل بمناسبة ايه يعني يكون لنواب المجلس حصة في التأشيرات اللهم الا المتاجرة فيها
او خدمة ناس على حساب ناس تانية وكله بتمنه

وهكذا

بنت القمر يقول...

خمسه فضفضه
وعليكم السلام ورحمه الله يادكتورة
منورة اول زياره
ومبروك اللوك الجديد للمدونه
احلي من الاصفر
وش بيغمز اصلي متابعه
اما بالنسبه للحج فكتير بيقولوا ان حج السنه دي من اسوأ السنين بسبب الزحام ودا كان علي الكل سياحه وقرعه وفرادي
وقله الاتوبيسات
صفوت حجازي كان بيعيط سابوة في مني بدون اتوبيس هو والف مصري في الطل
يعني تكدس وقله مرافق
حظ بتوع السنه دي
كمان الاتوبيسات استغلت الزحام ووصل الكرسي اكتر من ستين ريال
واديكي هاتسمعي من الجايين الموسم ده
متحرميناش من تكرار الزياره تحياتي

بنت القمر يقول...

مدونه انا بحبك يا مصر
التقصي مش من مصر بس يا عزيزي ولا من شركات السياحه بس
من اسباب كتير جدا بعضها متعلق بالجانب السعودي والاخر من مصر
كمان لاحظ ان حاله التوهان دي اعتقد انها ترجع الي فهلوة وعدم تنظيم الحاج المصري
اشكر مرورك تحياتي

بنت القمر يقول...

مهند
وعليكم السلام
عم نظيف مش فارق معاه خالص
ويمكن يقولوا ما الي معاه 35 الف يحج يبقا طماع راخر زي بتوع الباخره الي غرقوا
بس بجد اقرا بقيه التعليقات وردودها
منور وعيد سعيد

بنت القمر يقول...

نسرين بسيوني
احنا مش مفضوحين احنا غلابه
وفهلويه
ومش منظمين
ولازم يبقا حالنا كرب
تحياتي

بنت القمر يقول...

عدي النهار
كل سنه وانت طيب
مش مشكله عشره الاف يتوهوا ولا الف يغرقوا ولا ستميه يتحرقوا في القطر
امال مين وايه المشكله للناس رب يحميها وللرب بيت يحميه
بالنسبه لطريقه اللينك
حاسه كمان حبه ها تقولي انتهي الدرس يا غبي
ههههههههههه
انا بشتغل كوبي وبيست من الطريه الاوالا نيه
لان الطريقه دي بدايه اللينك اللي بكون عاوزاه بيكونش فيها herf=
بيكون الجزء ده برضه ناقص عموما اهي دي شغالا
اشكرك
وش مكسسسسسوف ومحرج

بنت القمر يقول...

حفصه هانم
ست الستات
لا مش ضاربين بانجو
ضاربين هم وغم وقله قيمه
وحاطين تحويشه العمر في الحجه
واللي واخده فلوس شوار بنتها والي واخد حق بطانيه ومكنسه
هههههههههههههههه
لازم ينسوا اساميهم ويقعوا بين رحي الاستغلال السعودي وسندان نصب بعض شركات السياحه وتطنيش حكومتهم
اللي اصلا عاوزة تخلص منهم
وبتقول الهي يروحوا ما يرجعوا
منورة يا ست الكل

بنت القمر يقول...

osama
طب والله عندك حق ما كله مبنج هنا
وبجد التحليل بتاع التوهان لا يخلو من معقوليه
الناس دي حطت شقا عمرها لاداء الفريضه
او اجلوها لحين جواز البنت والولد
وماشيين تايهين عمالين يحبقوا ويدبقوا
لازم ينسوا اساميهم
واسماء الفنادق واوتيلاتهم
وينسوا روحهم اكيد مضغوطين ومستغلين لاقصي درجه هنا وهناك
اشكر مرورك بشده
كل عام وانت بخير وصحه وسعاده

بنت القمر يقول...

بيلا
عندك حق في كل ما قلتي
بس برضه في تقصير من هناك مش بس غلو الاسعار بسبب زيده الوسطاء
لكن بقا في طمع سعودي طحن واسئلي العائدين هذا العام
عن اسعر الاتوبيسات وتكدس الخيام الغير طبيعي
واختفاء الاتوبيسات بعد مني راجعي ردي علي 5 فضفضه
وعموما منورة المكان
بشده
تحياتي
اشكر مرورك

القلم السكندري يقول...

كل سنة وانتي طيبة

ومتخافيش علي المصريين

هيرجعو هيرجعو ان شاء الله

اللي يشرب من مية النيل لازم يرجع لها


تحياتي

الطائر الحزين يقول...

ربنا يرزقنا الحج

توهان توهان

بس نحج

اكيد هنلاقى حد يدلنا

احنا لم يعد لنا اى هيبة

تحياتى

عين فى الجنة يقول...

ده تواهان بالمزاج
يعنى تزويغ يعنى موش عاوزين يرجعوا تانى
هو فى انصح من المصاروة؟

يا مراكبي يقول...

أنا حجيت السنة اللي فاتت مع الحملات الكويتيه وكان معايا مراتي

لفت نظري إن أغلب الدول بتكون إلى حد كبير منظمة ومستعدة للظروف وبيستفيدوا من الخبرات السابقة تماما

أما عن البعثات المصرية فحدثي ولا حرج

وبلاش نغمة "أصل الحجاج بيكونوا ما أعرفش إيه" .. هو صحيح أغلب المصريين فوضويين بطبعهم .. بس اللي بيحصل من البعثات ده مسخرة .. ما تلاقيهاش في بعثات أفريقية مثلا

Unknown يقول...

الحجا كل سنة فى حوادث و كوارس و الى تاه و الى أتسرق فى الفندق اوضاع تحرق الدم حتى فى العبادة يا ربى

و أيه الخبر الغريب بتاع القناة المصرية ده ؟ اهو ده الى حاجة تضحك

Unknown يقول...

انا قريت بوست ليالى حليم و علقتلك فيه

بنت القمر يقول...

القلم السكندري
اهلا بحضرتك ما هما لازم يرجعوا
واكيد ها يرجعوا بس حرام يتبهدلوا
في بلد غريبه وخصوصا ان في ناس عمرها ما ركبت طياره
او مبتعرفش تقرا وتككتب
عموماكل سنه وانت طيب
اشكر مرورك

بنت القمر يقول...

الطائ الحزين
ربنا ينولك ما تتمني
بس من غير بهدله
عشان تستمتع بالفريضه وميكونش اداء واجب وخلاص
وتجد الروحانيه اللي بتدور عليها وممكن تصرف فيها تحويشه العمر
ومتقعش بين طمع السعوديين ونصب شركات السياحه
وتطنيش حكومتك
تحياتي

بنت القمر يقول...

اجي اهلا مرورك الاول
توهان بالمزاج حرااام عليك وها يستفيدوا ايه من التلطيم علي الشركات ومكاتب الشرطه والفنادق بدون دليل
ها يستفادوا ايه منتفويت لتوبيساتهم
هي اصلها مش امريكا ها نقول
عوزين يبلطوا ويكسروا فيزا كان زمان
حتي باسبوراتهم بتكون مسحوبه يعني حتي ميقدروش
يطلعوا بره مكا والمدينه
تحياتي

بنت القمر يقول...

يا مراكبي
تقبل الله حجك
المصريين فوضويين
اتفق معاك
بشده في الحج وغيره
البعثات الافريقيه
والعائدين هذا العام بيشكروا اوي في نظام حجاج دول شرق اسيا
نظام زنضافه وادب
معلمينهم كل حاجه وبيمشوا مكلبشين في بعض
عشان التوهان
احنا بقا
ابو الفهلوة
بيشتغل
تحياتي
وكل سنه وانت ووزجتك بصحه وسعاده وتكرروها ان شاء الله

عين فى الجنة يقول...

انتى بقى موش عارفه ان فى ناس بتعيش فى بيوت مغلقة عليهم لمدد طويلة جدا بدون خروج للشارع فى مكة والمدينة من رمضان للحج ومن الحج للحج العام التالى ويجلب لهم الطعام والشراب بمعرفة ناس قائمين على خدمتهم
هذا موجود ومتكرر والباسبور يتعمل غيره دى حاجة بسيطة خالص

اسكندراني اوي يقول...

انا لما حجيت سنه 94
كنت في السعوديه ايامها وبالتالي كنت من حجاج الداخل

مش من المفترض ان اللي طاله يحج يكون معاه دكتوراه
امال ايه فياده المنظمين
للاسف ان بعثات الحج المصريه بتستغل الظروف وبتفرض على الحجاج اوضاع في منتهى السوء

طبعا مش حتكلم عن بعثات الحج الخاص اللي ب 50 الف وطالع لان دول وضع خاص

انا بقول ربنا يكون في عون حجاج القرعه والحملات العاديه

اهمال وسوء معامله وطنااااش كبييييير من الساده المسؤلين

كان الله في عون الناس اللي وضعهم القدر بين ايادي ناس ما عندهاش ضمير

على فكره انا حاولت اعلق على هذا البوست في حينه لم يمكني الانترنت من ذلك لان حاله الكونكشن كانت تصعب على الكافر
ههههههههههههههه

تحياتي