حبيبتي بنت القمر
كل سنه وانتي طيبه عدت 2007 عادي مفرحتيش كتير
وجايه 2008 ومنتيش متوقعه تغيير كتير عادي!!مجرد ايام واسامي بس
عارفاكي عاقله لابتبالغي في احلامك وتوقعاتك
ولا عاوزة ترمي نفسك في بير الاحزان
لكن برضه عشان انتي تستحقي الافضل اتمني لك كل خير وسعاده
اوصيك بصحتك
كلي واخرجي واتفسحي متنسيش دواكي
امشي علي البحر زي ما تعودتي خليه يغسل همومك ويريح قلبك
متضغطيش كتير علي نفسك يا روحي عشان كل شئ يبقا صح
مش لازم كل شئ يبقا صح ولا عمرك ها تقدري
متروحيش مكان ما بتحبيهوش وما تكلميش حد ما بتحبيهوش
ولو زعلتي سيبي دموعك تفر مش عيب
بلاش تاخدك الكرامه
فكيها علي نفسك
انا عارفه انك قسيتي كتير علي نفسك التلات شهور اللي فاتوا
هوني عليها بقا
فرحي نفسك بهديه ساعه ولا عطر ولا حتي بوكيه ورد
اتمسكي بابتسامتك واعصابك في وش الطوفان
طوفان الغضب والحسد والبلاده
خليكي زي ما انتي دايما قمر في السما عالي متتجريش لمهاتراتهم
مضيعيش احلي ايامك هدر
دا العمر واحد ملوش تاني
متخليهمش يسرقوه
بحبك
كل سنه واتي بخير يا اطيب واحن قلب
*****************************
لو تسمحولي كتبت لكم كتير
وحسيت اني لازم انهارده اكتب لنفسي
وكل سنه وانتوا بالف خير وصحه وسعاده
هناك 15 تعليقًا:
كل سنة وانتى طيبة وبالف خير وصحة وسعادة
سنة جديدة سعيدة عليكى
السلام عليكم
وماله اكتبي لنفسك مش عيب
ما انتي اصلا عامله المدونة لنفسك
كل سنه وانتي طيبه
بس ايه حكايه دواكي دي ؟
علي فكره ليا تعليق في البوست اللي فات متجاوبش
ليا حق عرب
الا اذا جاوبتيه بقي
سلام
كل سنة وإنتى وأسرتك طيبين وبخير.. كويس إن الواحد يجيب لنفسه هدية على الأقل يضمن إنها على مزاج اللي هاتتقدم له
:)
هو صحيح لنفسك بس كأنك كتبتى عن كل و احد فينا
حتى نفسك مشاركينك فيها لزقه تقولى ايه
كل سنه و أنتى قمر منور فى سماء المدونات
و الدنيا كلها
اولا كل سنه وانتي طيبه
وربنا يجعلها سنه سعيده عليكي وعلى احبابك واسرتك يارب
طبعا لازم تكتبي لنفسك وتقوليلها اللي لازم يتقال
احيانا التحدث مع نفس بيحل نص المشاكل والنص التاني يحله البحر
الف سلامه عليكي من اخدان الدوا
شفاكي الله وعافاكي
ديزرت كات
وانت طيبه وبالف صحه وسعاده والسنه الجايه في احسن حال وتتحقق كل احلامك
مهند
وعليكم السلام
فعلا كنت عاملا المدونه لنفسي بس مع الوقت بقيت في علاقه نفسيه بين كل زواري وقرائي وكل شخص بيسيب لي تعليق
بقيتم اخوات بجد كل واحد وواحدة متعودين يزوروني ليهم معزة
واتمني للجميع الخير
رديت عليك البوست اللي فات ما بين ردي علي جدو ويا مراكبي
دور بس تاني
وحق العرب بقا ليا
كل سنه وانت بصحه وسعاده
عدي النهار
حلو ان الواحد يجيب لنفسه هديه
ويعيد علي نفسه
ويكتب لنفسه بوست
حاجه جميله
خالص
عشان يدلع روحه ويقدر يستحمل و يعيش
يارب انت كمان واسرتك بخير وصحه وسعاده
في قلبي
انا كتبت لنفسي
ووصيتي للجميع
لو حد الدنيا قست عليه
يرحم هو نفسه
ويصالحها ويطبطب عليها
ويهاديها والله مش انانيه خالص
ولا غرور لكن يعني كدا بنقعد نراضي الدنيا كلها طب نراضي رروحنا بقا حبه
كل سنه وانتي والمان والولاد بكل خير وصحه وسعاده
اسكندراني
وكل سنه وانت طيب وبصحه وسعاده
يحفظك يحفظ حوائك الفاضله
شافانا الله جميعا
شويه متاعب معده فقط
لكن بتقلب الحياه جحيم
المشي عموما راحه نفسيه
وعلاج لكل داء
اشكرك
عطشان والدنيا مطر والعين ما تشبع نظر مشتاق يا احلى بشر كيفك يا نور القمر ؟
السلام عليكم
هاخد حق العرب برضه
بصي كويس بين ردودك الاخيره علي التعليقات ليا تعليق
شوفية هتلاقيه
غير التعليق الاول خالص
ومستني حق العرب
عروس البحر
ماشي يا سكر منورة
كل سنه وانتي بصحه وسعاده
مهند
اسفه مخدتش بالي خالص
ورديت في البوست السابق
تحياتي
إرسال تعليق