الخميس، فبراير 14، 2008

تفاحه سابقه

لم تكن فاكهتي المفضله يوما
احضرتها للبيت سنوات ولم اتذوقها
فضلت فواكه اخري
لم اشعر يوما تجاهها بود
كانت مجرد شيئا مغرورا عنجهيا
باهظا بلا قيمه
قاطعتها بلا ادني رغبه فيها
اليوم التقطت ثمرة
كانت نديه
مسكرة مع بعض المزازة المحببه
تعجبت من نفسي لماذا زهدتها سنوات
لماذا اخذت منها ذلك الموقف؟!
لماذا حقدت عليها وتجاهلتها؟!
ربما كرهت غرورها
وصنعت اسناني فيها جرحا غائرا
اظهر لحمها الابيض
وجعلها تنزف سائلا سكريا
اليوم انتقمت منها!!ا
قبرتها في معدتي!!ا
تجاور الخبز والماء..
صارت اليوم بلا ادني ميزة
مجرد تفاحه سابقه!!ا


هناك 18 تعليقًا:

عروس البحر يقول...

خدي كيلو تفاح هدية مني ليكي عشان البوستات الجميلة دي
تحياتي

عروس البحر يقول...

خدي كيلو تفاح هدية مني ليكي عشان البوستات الجميلة دي
تحياتي

راجى يقول...

بالهنا والشفا ، بس وبما انى خلبوص والمدام الخاصة بى كل يوم تفرك ودنها الشمال واحيانا اليمين احب اسالك اشمعنى التفاحة والمعروف انها سبب خروج ادم من الجنة يعن اللى جت على بالك ؟ ممكن والله نفتش شوية عن المكنونات المندفنة فى اعماق الانا المتوارثة من ايام لما حواء ضحكت على ابليس علشان يخرج ادم من الجنة علشان تستفرد بيه على الارض قبل الجنة ما تتملى بالحور العين ؟

زمان الوصل يقول...

ابتسمت و أنا أقرأ وصفك للتفّاحه -سابقا- بالمغروره !! طيب و هى ذنبها إيه بس :) فكّرتنى بالطاووس المسكين الذى يصفه البشر بالغرور و هو شكله حلو خلقة ربّنا طيب يعمل إيه بس ينتف ريشه !! :)

DantY ElMasrY يقول...

التفاح اكتر فاكهة اوروبية
يمكن علشان كدا صديتى منها
عقد استعمارية يمكن
بس لما كلتيها لقيتيها حلوة خالص مالص وسهلة الهضم
ماتحكميش بالظواهر
وصدقى نصف اللى بتقريه
وربع اللى بتسمعيه
وشكى فى اللى بتشوفيه بعينك

جمهورية مصر العربيه يقول...

اول زياره ليا وكنت جايب معايا ورد
بس لو اعرف ان انتى بتحبى التفاح اوى كده كنت جيبت معايا والله
بهيه هتستناكى باذن الله

Nsreen Bsunee يقول...

يااااااااااا
دايما كده التفاحه الجميله المغروره المعتزه بنفسها لما بتتاكل بتفقد قيمتها بس لازم تتاكل هى اتخلقت عشان تتاكل
سبحان الله وصفك بينطبق على حاجات كتير بس اللى ورد على بالى من اول قراءه هى علاقه الراجل بالتفاحه-الست-الجميله المغروره المعتزه بنفسها


هم هم هم

خلاص مبقلهاش قيمه التفاحه اللى بعدها بقي

:(

بنت القمر يقول...

عروس البحر
ميرسي يا حياتي
اشكرك

بنت القمر يقول...

راجي
التفاح اخذت منه موقفا بلا سبب وهو دليل علي ضيق الافق وتتخين الدماغ
وملوش اي دعوة بالغوايه
اما حكايه اكلتها فدي لو ها نكلم نفساويا
كانت رغبه عميقه في الانتقام وفش الغل في اي حاجه
حتي لو تفاحه!!
تحياتي
استاذنا

بنت القمر يقول...

زمان الوصل
زمزم العزيزة
ايوة ذنبها هي السبب
متأنزحه كده والكيلو ب12 جنيه ومالو العنب برقبتها والله عموما انا كسرت كبريائها وذليتها
عقد بقه
رغبه فيسحق اي شيئ مغرور
عنجهي بلا قيمه
فلسفه برضه مش كده يازمزم
منورة
تاخدي تفاحه تفشي غلك؟؟

بنت القمر يقول...

دانتي المصري
والنبي بشك في صوابعي
الله يكرمك
هو حضرتك لو لاحظت الموضوع اصلا كله عقد في عقد
عقده غلوها بلا سبب مقنع
عقده الرغبه في اذلالها عشان تبطل انزحه علي اخواتها
الرغبه في فش الغل
يعني عقد في عقد وكمان بشنيطه
بس المهمالحاله جيم
منور دانتي

بنت القمر يقول...

نسرين بسيوني
ايوووة
ايه الفلفسه دي يا اختي
هو كدا ما احنا كل يوم بنتاكل مش بيقولك كل يوم تفاح تفاح زهقنا طيب
والله لانفش غلنا في التفاح عشان ميلاقوهوش
لا بجد قعدت كتير ما اكوللهوش بلا سبب فضلت العنب اكتر وعجيب هو الانسان الذي يأخذ موقفا ويصر عليه بلا ادني سبب الا انه مجرد اخذه وخلاص
منورة نوسيوكل فلانتين وانتي بصحه وسعاده والسنه الجايه اشوفك دكتورة
عليكي واحد
وش بيضحك ولسان مدلدل

بنت القمر يقول...

حمهوريه مصر العربيه
مصر مرة واحدة؟؟
عموما اهلا وها ابص فورا عشان غلاوة بهيه

زمان الوصل يقول...

المدوّنه دى فكّرتنى بالمدوّنه التى تحدّثتى فيها عن الحيوانات و مقارنة صفاتها بالإنسان
صفات يخلعها الإنسان على الحيوانات من وجهة نظره هو بينما الحيوانات غير معنيّه بالموضوع :)

عموما يا ستّى ألف هنا و بدل التفاحه باصى لى خوخه !! أنا باحب الفواكه الغير شعبيه :)

بنت القمر يقول...

زمزم انا عارفه انه ملوش زنب
بجد بس مش تفتكري افتعال شجار مع تفاحه وثم التهامها فعل حميد اكتر من افتعال هذا الشجار مع اخرين ثم قتلهم
تاخدي برقرق كمان ولا توت يا سلام عليه منورة زمزم تحياتي

زمان الوصل يقول...

تمام :) بصراحه المدوّنه دى عجبتنى أوى فكرتها الجديده ..

dina يقول...

بوست جميل...ما احنا كدا ساعات بتبقى في حاجات كتير حوالينا و مش واخديين بالها انها حلوة

بنت القمر يقول...

زمزم
اهلا بيكي ومبسوطه انه عجبك
*****************دينا
اهلا اول مرور
فعلا كانت حلووة وفشيت غيظي فيها
منورة