الخميس، فبراير 21، 2008

Post of the day


بوست أوف ذا داي هو المنحه الابويه التي ينتظر الكثيرون الحصول عليها
هي الهبه والوسام الذي يرغب الكثيرون في اقتنائه
وليس لي اعتراض علي المانح ولا الممنوح
فقط نظرة علي حال التدوين وهل هو نافذه للروح لتحلق ؟؟
أم هو مسابقه نبحث فيها عن الافضل مثل مسابقات الطالب المثالي واجمل فصل!!
حين نبحث عن كبير واللي ملوش كبير يشتري له كبير!!
هذا الكبير يمنحنا بعضا من عطفه وأعترافه فنكون نحن بذلك صغارا ننتظر أن يربت علي أكتافنا
ويعطينا الوسام وهو
Post of the day!!
من البعض من استحقه مرة أو مرتين
حسب اقترابه من دائرة النور أو من صنع القرار وحاز الرضا السامي
الذي يحل داخل التدوينه عبر جمله قصيرة جدا
مستر سمايل ضاحكا
والجمله السحريه Post of the day!!
بغض النظر عن قيمه التدوينه التي تتراوح بين الامتياز احيانا والركاكه احيانا
آخرين مازالو ا يحسّنون الطبخه
ويقتلون أفكارهم ويرهقون عقولهم بحثاعن سر اللعبه في منح يوست اوف ذا داي؟؟
حين نثبت اننا شعب أبوي مركزي دائم البحث عن كبير للقعده وكبير للعائله!!
ننتظر ابدا ان نشعر بكياننا الخاص عبر أعتراف الاخر
وعبر عيونه ومن ضغطه كيبورده الخاص
ننتظر وننتظر
********************
تحديث:عبر وصف هذا الكلام بأنه حاد وقاسي وعميق وغير مباشر وغير جارح
تم وصف هذا البوست بأنه post of the day!!!


هناك 32 تعليقًا:

خمسة فضفضة يقول...

السلام عليكم ورحمة الله وبركاته

صدقت مازلنا شعب ابوي يحتاج الي كبير العيله اللي بيلمه حواليه

راجى يقول...

قمرة
انا عاوز انقل لك الموتو
motto
من مدونة شباك لصاحبها الفنان الذى اعتقد ان اسمه عماد فهو يقول
انا لا أمتلك موهبة الكتابة و لكنى أستطيع أن أخط كلام فاضى ليعبر عما أحبة و عما أكرهة
النهاردة كتب بوست جديد ، عارفه اخر بوست كتبه كان فى 12 نوفمبر 2007
وفى بوست اخر قديم كتبه فى 28 اكتوبر 2007 كتب ما يلى
people aren't very talkative 2 in the morning...
thats fine by me
i don't have much to say anyway





حيث ان معنديش حاجة اقولها و حيث انى مقضي المرحلة دى من حياتى فى الفرجة ... اسمحولى اشارككم حاجة تستاهل تتشاف
فيلم أسترالى قصير booth story إخراج : Kasimir Burgess و Edwin McGill


موش عارف ليه عقلى راح لمدونة شباك لما قريت البوست بتاعك ده
ياريت تروحى تقري عند شباك
http://shebak.blogspot.com/
من اجمل المدونات من الناحية الفنية
تحياتى لكى

زمان الوصل يقول...

هو الواحد بيعرف "البوست أوف ذا داى" إزّاى؟ حابّه أتفرّج على بوستات فائزه :)

Bella يقول...

والله يابنت القمر انا كمان نفسي اعرف سر الخلطة
يعني ايه في الطبخة بيخليها تستحق

موضوع ممتاز
ولطالما خطر ببالي هذا السؤال وخصوصا ان التقييم ذاتي جدا من صاحب المدونة ولاتوجد معايير موضوعية معينة لتحديد سبب وجود هذا البوست دون غيره

عدى النهار يقول...

الأمر لايخرج عن كونه رأى شخصي لمدون فى بوست قرأه وأعجب به وأراد لفت نظر زواره لذلك البوست.. مش أكتر من كده متهيألي

اسكندراني اوي يقول...

هو في ايه

تقريبا الافلونزا سيحتلي دماغي لدرجه اني مش فاهم حاجه ولا مؤاخذه

أحمـــــد علـــــــى يقول...
أزال المؤلف هذا التعليق.
أحمـــــد علـــــــى يقول...

برافو عليك.. تحليل فى الجون
مبروك عليك الجايزة ورضا كبير العيلة عنك.

ذو النون المصري يقول...

قريت عن موضوع بوست اليوم دي كذا مره
و احيانا اكون في مدونه الاقي التدوينه اترشحت من مدون كبير باعتبارها بوستا ليوم
لكن الموضوع صراحه لم يثير لدي اي اهتمام علي اساس اني مبدونش لغرض التحليق او شيء من هذا القبيل
انا ادون كهوايه و كرغبه مني في التنوير و الافاده و الاستفاده
..................
الريدر بيتحدث ازاي
كمان مره
لاني الظاهر بليد قوي

Desert cat يقول...

وعلشان كل واحد فينا محتاج لقائد وصل حالنا للى احنا فيه دلوقتى
تحياتى

ادم المصري يقول...

كلامك فعلا في الصميم
.
.
اعتقد ان السبب في كدا هو التربية في مجتمعاتنا واللي دايما بتحسس الواحد مننا بالنقص في اشياء معينه مش هيكملها الا لما يكبر او يحقق شيء معين
.
.
للولد او البنت هناك اشياء ممنوعه لا يكتسبها الا عندما يكبر
والكبر هنا غير محدد بسن معين او حتي بمستوي نضوج فكري معين
.
.
ونتيجة لكده
اعتقد ان الاغلبية منتظرين بتقالهم برافوا
والله وكبرت وبقيت تعرف الشيء الفلاني
.
.
انا لا استثني نفسي من ذلك اطلاقا
فانا واحد من هؤلاء
.
.
تحياتي والسلام

Lasto-adri *Blue* يقول...

يابنيتى العزيزة...
أحمد شقير من الناس اللى بقدرهم بصراحة... يعنى هو قدر فى فترة صغيرة انه يجمع حب وإحترام ناس كتير
هو طريقة تعبيره مختلفة وفكره ناضج الى حد كبير...

لكن بعيدا عن الرسيمات والأمور الشخصية
لموضوع
post of the day
أو خلافه...
زى التعليقات كدة
الناس تفضل واجعة دماغها ليل نهار... وفى الآخر -حقيقى- كلام فاضى مالوش لازمة قوى.. يعنى مش ح يزيدك شرفا مثلا أو رفعة... انما بيعمل حالة نعنشة نفسية.. ومنها يتضخم فى نفسو الناس
ما علينا
بصى... سيبك من كل دا خاااالص.. وعيشى حالة روقان التدوين
سيبك من كل البروبجندات اللى حاصلة على الساحة وحاولى تتعلمى منه وتفيدى لو تقدرى ولو ما تقدريش ع الأقل تعبرى عن نفسك براحتك

ولا خلطة سرية ولا أى شئ
دى حالة شخصية.. وشخصية بحتة
أوقات بتكون عميقة وتستاهل.. وأوقات عادى يعنى... مش فارقة قوى

:)
على رأى معتز الدمرداش... خليكى كوووول ورحمة الله وبركاته
:P

بنت القمر يقول...

فضفضه
وعليكم السلام
شفتي يا فضفضه لازم حد يدينه علامه الايزو لازم كلير يطبطب علي كتافنا عشان نفضل صغيرين... ونطلع لسانا للصغيرين التانين اننا الافضل

بنت القمر يقول...

راجي العزيز
أما انا عندي دلوقت في هذة المرحله الكثير ليقال.........
حالا ها احط شباك علي الريدر واتابع واحاول اربك بين كلامه والبوست ده ميرسي راجي
علي فكرة
ما فهمتش الموتو
لكن يمكن افهم لما اروح هناك تحياتي
راجي

بنت القمر يقول...

زمان الوصل
عشان انتي غاليه يا زمزم جبت لك اللينكات
وحواي انتي تفهمي وتربطي
http://shahzad12.blogspot.com/2007/11/blog-post_08.html
http://tayarawara2.blogspot.com/2008/02/blog-post_13.html
http://el7aramlek.blogspot.com/2008/01/blog-post.htmlhttp://shahzad12.blogspot.com/2007/11/blog-post_08.htmlhttp://shahzad12.blogspot.com/2007/11/blog-post_08.html
طيارة ورق وشهروزة
ويا مراكبي
زبيده الحرملك
منورة زمز
تحياتي

بنت القمر يقول...

بيلا
بصي
يا بيلا
التقييم شخصي ومش ممكن اتنين يجتمعوا من الف تدوينه بتنزل كل يوم ان ده الافضل اصلا مستحيل يكون في افضل
فاهماني لان كل افضل في افضل منه
وانا بشارك صحابي في قراءاتي عن طريق الريدر
بقول يا جماعه ده الافضل من لنكاتي
لكن اللي بيضايقني ويحرق دمي لما تيجي الجمله السحريه يقوم صاحب البوست يموت نفسه من الشكر والعرفان بالجميل وشويه وها يبوس التراب انه بقا بوست اوف ذا داي
رغم لن ممكن يكون جاله اربعين تعليق يشكر في ما كتب
اشمعني بقا بوست اوف ذا داي دي بقا لها مفعول السحر يمكن عشان ارضاء للغرور البشري اننا بقينا افضل الافضل
فسريلي انتي
منورة بيلا

بنت القمر يقول...

عدي النهار
معلش اقرا ردي علي بيلا
وبعدين
اذا كان رأي شخصي مجرد رأي فرد طب يفرق ايه عن اي تعليق يشّكر في البوست وليه الجمله دي يتباهي البعض انه حصل عليها مرة او اكتر ّّ!!!
صديقه مدونه عرفت انها نزلت بوست جديد من بوست اوف ذا داي ولما قلتلها قالت بكل فخر مش اول مرة؟؟!!
تحياتي

بنت القمر يقول...

اسكندراني
اقرا اللينك والتعليقات ورودودهاوانت تفهم
الف سلامه
منور

بنت القمر يقول...

احمد علي
الله يخليك يعني عندي حق
منور
بس تفتكر انه راضي اعتقد انه مندهش اكتر
تحياتي

بنت القمر يقول...

نون المصري
انت حاله خاصه ربنا يخليك تلخص لنا كتب وتفيدنا وسيب الشهرة للي عاوزها
الكتابه نافذه للروح مش مسابقه للقصه القصيرة
الريدر
اول تدخل من ريد مور اللي داخل الكليب وتدخل بالميل والباسوورد بتوعك
تانيا ها تدخل علي صفحه الريدر الداخليه علي الشمال خالص هتلاقي كلمه هوم
home
تحتهاall item
وجمب الاول ايتم رقم
كليك عليه
ده رقم التدوينات اللي انت لسه مقريتهاش وها تكون كتير
اول ما كليك
هاتنزل علي اليمين في مربع
مثلا بنت القمر بوست او ذا داي
كليك عليه برضه
ها تتفتح البوست
تحته دوغري كلمه share
وجمبها mail
دوس شير لو عاوز البوست يظهر علي الكليب
لو وحش سيبه وبعد ما تخلص قرايه
هتلاقي مربع فوق خالص مكتوب عليه
mark all as read
يعني كله اتقرا
تاني يوم تلاقي نازل بوستات اجدد
تحياتي نون

بنت القمر يقول...

ديزرت كات
بقينا ولا العيال الصغيرة والله يا قطه
اخبار اتصالات ايه؟؟

وطمنيني
تحياتي

بنت القمر يقول...

ادم المصري
معنديش اي مشكله مع اي مدون
بس الحقيقه اي تعليق من اي حد يساوي اي تعليق من حد تاني
عشان كده مش قادرة افهم معني السحر للكلمه دي بوست اوف ذا داي والحقيقه هنا انا مش بنتقد الاستاذ شقير اللي بحترم مدونته وكتابته لكن متغاظه من الناس اللي لما بتحصل علي هذ ا لبوسام شويه وها بزغرطوا او يتباهو بشده انهم حصلوا عليه
وهو في النهايه مهما كان انسان محترم ومدون قديم ولكن في النهايه هو مجرد فرد
واحد
تحياتي

بنت القمر يقول...

لست ادري العزيزة
انا كمان بحب خط الاستاذ شقير بس اللعبه كلها مش عجباني
هذا الاحساس الابوي بتقديم افضل وافضل الافضل كأننا في مسابقه احسن فصل
وهذا الشعور الرهيب بالامتنان والفخر لما البوست ياخد بوست اوف ذا داي كأن الناس اللي علقت كلها مش ماليه عين صاحب البوست
وكله كوم
الا بوست اوف ذا داي
عجبت لك يا زمن
وبعدين انا كووول والله بس بصراحه مش قدك يا لست
يعني احنا بنكتب عشان نفك علي روحنا مش اكتر
وبعدين ممكن يحصل نوع من التواصل ونعرف بعض
ماشي كل ده جميل
لكن مش مسابقه
عشان يكون في لجنه تحكيم ومتسابقين وافضل وافضل الافضل
سيبك انتي منورة

Bella يقول...

مش عارفة صراحة اقول لك ايه
بس اللى اعرفه ان ده مجرد راي شخصي

حتى لعلمك وجود البعض على الريدر الخاص بالآخرين مسالة ذوق شخصي بحت
وكمان قائمة المدونات الموجودة على مدونة اي حد ذوق شخصي بحت
ومش شرط مثلا ان سين من الناس مش موجود في قائمة المدونات اللى على مدونتي اني لااتابعه

انا طبعا باتكلم عن نفسي كمثال

انت عارفة انا باتابع مدونات كتيرة جدا على الريدر عندي
وعندي كمان الريدر الخاص بعدد من الاصدقاء
ويمكن متابعتي الاصدقاء اكتر من متابعتي لمدونتي نفسها


يعني باختصار الامر لايخرج عن كونه مجرد راي شخصي وفيه ناس بتسعدها الحاجات دي وبتفرق معاها
وناس تانية لا

يعني هل يضايقك لو جيتي مدونتي مثلا ومالقيتيش لينك لمدونتك عندي؟
ولا هل انا يضايقني لما الاقيكي بتردي في مدونات الناس وعندي لأ

الامر كله حرية شخصية وحسب حالة الشخص لاني ممكن جدا اكون متابعة مدونتك بس مش بارد عندك كتير

مش عارفة كلامي واضح ولا لا

هو يعني شوية غير مترابط بس يارب اكون عرفت اوصل اللى عايزة اقوله

بنت القمر يقول...

بيلا العزيزة
بالنسبه لي مجموعه الفيفوريت اللي علي جنب دول اوائل الناس اللي تابعتهم احيانا بضيف ليهم
ولكن الريدر بتاعي في عدد اكبر اعتقد يمكن وصل 70
وفي ناس تانيه بتابعها خفيف
لكن ال70 بتاابعهم كويس
اللي مضايقاني ان ان التدوين نافذه للروح طاقه تعبري فيها عن أفكارك
مش مسابقه
عشان يكون في افضل وافضل الافضل
مدونه صديقه تباهت انها حصلت علي بوست اوف ذا داي مرتين
رغم ان اي تعليق بساوي اي تعليق اي اشاده تساوي اي اشاده من اي زائر انتي يا بيلا متبعاني
وانا كمان وانا متأكده من كدة
وده شيئ جميل لكن الغير جميل حاله الهوس والفرح المهووس من بعض اصحاب التدوينات لما بيحصلوا علي الوسام الرفيع وان كان رأيي ان بعض كتاباتهم تعبانه اوي
طب ايه الفرق لما حد يقوا ان ده بوست اوف ذا داي
أخر يقول ان الكلام ده مش ظريف
الفرق ان احنا دخلنا دائرة الرأي الخاص
الا اذا شفنا الاستاذ شقير في مرتبه اعلي وده اللي قصدته بالابويه
وبالكبير الذي ننتظر عطفه
فهمتيني

cabotsha يقول...
أزال المؤلف هذا التعليق.
Lasto-adri *Blue* يقول...

مش قادى ايه بس يا بنتى! وهو أنا مين اساسا
عموما أظن بيللا قالت اللى كان نفسى فيه..
وصدقينى كل دا تعب على الفاضى... ويكفيكى إنه إنتى مستريحة للى انتى بتعمليه على البلوج بتاعك...
;)

عمر الناس ما كانت مبسوطة

دنــــيــــــا مـحـيـرانـي يقول...

تحليل رائع
بس هو يستهل يكون كبيرنا

karakib يقول...

هو نوع من التشجيع
انا مش شايفه اكتر من كده
او نوع من المشاركة
لما باشوف حاجة عجباني باقول للناس عليها
زي بالظبط اللينكات اللي علي الجنب في مدونة اي حد فينا
ليه عجبتني المدونه دي بالذات دونا عن الباقي و عايز الناس تشوفها ؟ لأن ده رأيي الشخصي
ممكن انت تخشي علي لينكات لمدونات عندي ما تعجبكيش
و ممكن تعجبك
و ممكن اكون حاطط شوية لينكات عندي لمجرد انه الناس دي اصحابي
بس ده ما يمنعش انه في لينكات لناس عمري ما شفتها و لا حتي اتكلمت معاها علي النت
مافيش حد فينا محايد للنهايه يا بنت القمر

بنت القمر يقول...

لست أدري
العزيزة
فعلا هو كلام فاضي ومش عارفه وزعلانة ان البعض فهم أن ده هجوم علي احمد شقير
ليه بالعكس؟؟
الحكايه كلها ان محدش كبير حد ولا حد افضل من حد احمد شقير مدون محترم وكتاباته قيمه زي قلم جاف زي بيلا زي ناس كتير
بس السحر اللي الناس بتتسحرة من الكلمه وشويه الدمعه ها تنط من عيمهم هو ده اللي بيخنقني
انا شايفه اني بشيد بأي بوست بصورة جماعيه عن طريق الريدر
ومش بقول ان ده افضل الافضل
عارفه الفكرة ايه يا لست
اقولك
هو نوع من الامتنان الذليل
بصراحه اللي بلاقيه في بعض المدونات لما يطلعوا وخصوصا انه مع احترامي الاستاذ شقير مجرد ومدون زي زينا مش لجنه تقييم ابدا ومجرد بني آدم عادي حكمه مش قرآن يعني لكن عشان هو مشهور ومدونته معروفه وزوارها كتير وطبعا طلع في الدستور فحصول اي بوست علي بوست اوف ذا داي يضمن نوع من الشهرة
وحكايه الشهرة دي بقا سخيفه طحن
وعموما
علي رأيك خلي الناس تنبسط يمكن أنا بقا اللي غلط وعندي حبه كبر زياده
منورة لست

بنت القمر يقول...

دنيا محيراني
شكرا
بس التدوين يا دنيا مش مسابقه
ولا احنا في الكشافه عشان يبقا لنا ريس
منورة يا دنيا

بنت القمر يقول...

كراكيب
تسمح لي انقل لك فكرتي من ردي علي تعلق لست ادري
************انا كمان بحب خط الاستاذ شقير بس اللعبه كلها مش عجباني
هذا الاحساس الابوي بتقديم افضل وافضل الافضل كأننا في مسابقه احسن فصل
وهذا الشعور الرهيب بالامتنان والفخر لما البوست ياخد بوست اوف ذا داي كأن الناس اللي علقت كلها مش ماليه عين صاحب البوست
وكله كوم
الا بوست اوف ذا داي
عجبت لك يا زمن
وبعدين انا كووول والله بس بصراحه مش قدك يا لست
يعني احنا بنكتب عشان نفك علي روحنا مش اكتر
وبعدين ممكن يحصل نوع من التواصل ونعرف بعض
ماشي كل ده جميل
لكن مش مسابقه
عشان يكون في لجنه تحكيم ومتسابقين وافضل وافضل الافضل
******
وده ردي علي بيلا
وفي ناس تانيه بتابعها خفيف
لكن ال70 بتاابعهم كويس
اللي مضايقاني ان ان التدوين نافذه للروح طاقه تعبري فيها عن أفكارك
مش مسابقه
عشان يكون في افضل وافضل الافضل
مدونه صديقه تباهت انها حصلت علي بوست اوف ذا داي مرتين
رغم ان اي تعليق بساوي اي تعليق اي اشاده تساوي اي اشاده من اي زائر انتي يا بيلا متبعاني
وانا كمان وانا متأكده من كدة
وده شيئ جميل لكن الغير جميل حاله الهوس والفرح المهووس من بعض اصحاب التدوينات لما بيحصلوا علي الوسام الرفيع وان كان رأيي ان بعض كتاباتهم تعبانه اوي
طب ايه الفرق لما حد يقوا ان ده بوست اوف ذا داي
أخر يقول ان الكلام ده مش ظريف
الفرق ان احنا دخلنا دائرة الرأي الخاص
الا اذا شفنا الاستاذ شقير في مرتبه اعلي وده اللي قصدته بالابويه
وبالكبير الذي ننتظر عطفه
**************
وكمان ردي علي لست ادري
العزيزة
فعلا هو كلام فاضي ومش عارفه وزعلانة ان البعض فهم أن ده هجوم علي احمد شقير
ليه بالعكس؟؟
الحكايه كلها ان محدش كبير حد ولا حد افضل من حد احمد شقير مدون محترم وكتاباته قيمه زي قلم جاف زي بيلا زي ناس كتير
بس السحر اللي الناس بتتسحرة من الكلمه وشويه الدمعه ها تنط من عيمهم هو ده اللي بيخنقني
انا شايفه اني بشيد بأي بوست بصورة جماعيه عن طريق الريدر
ومش بقول ان ده افضل الافضل
عارفه الفكرة ايه يا لست
اقولك
هو نوع من الامتنان الذليل
بصراحه اللي بلاقيه في بعض المدونات لما يطلعوا وخصوصا انه مع احترامي الاستاذ شقير مجرد ومدون زي زينا مش لجنه تقييم ابدا ومجرد بني آدم عادي حكمه مش قرآن يعني لكن عشان هو مشهور ومدونته معروفه وزوارها كتير وطبعا طلع في الدستور فحصول اي بوست علي بوست اوف ذا داي يضمن نوع من الشهرة
وحكايه الشهرة دي بقا سخيفه طحن
وعموما
علي رأيك خلي الناس تنبسط يمكن أنا بقا اللي غلط وعندي حبه كبر زياده

منور انتوك