العدالة الاجتماعية بين تيار حمدين وبين تحالف الجبهة الوطنية

انا صوتي للجبهة الوطنية المصرية لو صمدت للانتخابات الجاية.(اشك كثيرا) يقيني ان مشروع حمدين مختلف تماما عن مشروع البرادعي عالاقل من ناحية العدالة الاجتماعية.(راجع بند مجانية التعليم) في برنامج حمدين الرئاسي و وثيقة البرادعي.
دا غير اسباب اخري متعلقة بثقتي في شخص البرادعي اصلاواداؤه السياسي المضطرب . واعتقادي ان الدستور هو حزب مريدي البرادعي_اللي مصرين يقنعوا نفسهم وغيرهم انه اشتراكي ديموقراطي_ رغم انه غير مؤمن بمجانية التعليم مثلا مثلا_و مش البرادعي نفسه.  واعتقادي اقرب انه بديل علماني اقرب ليمين الوسط؟امبارح كان مؤتمرالتيار الشعبي بمناسبة عيد الفلاح في المنصورة حمدين ومحمد غنيم وعبد الحكيم جمال عبد الناصر. مش متخيلة الرادعي اصلا معاهم عالمنصة. احساسي ان كبرنس مراوحه مش ها تتحمل:))
يعني لو صمد الاتحاد فها يكون توزيع احزاب علي دوائر بالتالي ها يفرق معايا مين مرشحي التحالف دا في دايرتي.. زي مثلا ما تحالف الكتلة خصص دواير محددة للمصريين الاحرار(اسكندرية كلها) ودواير تانية للتجمع. ودواير للديموقراطي الاجتماعي. طبعاً انا مصوتتش للكتلة لانهم بدو عهدهم بفضيحة رشوة انتخابية علي رؤوس القوايم..بدوها كفر يعني
ادينا ها نشوف ما تسفر عنه الايام.