تاج

لو قالولك اختار عصر من عصور مصرعلشان تعيش فيه تختار اى ‏عصر و فى عهد اى حاكم .. واشمعنى ؟

ولا اي عصرربنا اختر لي الزمن ده واللي عرفته خلاص اتأقلمت عليه

اول ‏اولويه فى حياتك عيلتك ولا شغلك ولا اصحابك؟

بناتي

ايه اكتر ‏حاجه بتحبها فى رمضان؟

السكينه في الساعه الاخيره قبل المغرب

اوصف ليا ‏اجمل فطار ممكن تفطره

يكون مش فطار مجامله اجتماعيه بس مع ناس بحبهم

و انت ‏حاكم ععشان تتأكد انك حاكم ‏عادل؟

لى مجموعه من الافراد هتكون عادل؟؟ طب هتعمل ايه اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟

الي بيبوظ الحاكم سلبيه المحكوم وعدم وجود جهاز رقابي ومحاسبي

بالنسبه للعدل لازم يكون القرار جماعي مش فردي وفيه هيئه استشاريه من المتخصصين كل في مجاله والقرارات عادله وغير ديكتاتوريه ومن غير اصحاب المصالح

مين ‏أكتر اعلامي مصري بتحترمه؟

بيعجبني وائل الابراشي في الحقيقه بسيط متمكن واثق من نفسه بيملك فكرته وبيحسن انتقاء ضيوفه ربنا يشفيه عنده ذبحه وفي الانعاش

قريت ديوان عمر مصطفى صاحب بلوج تجربه " اسباب وجيهه للفرح" ‏عن دار ملامح و لا لسه ؟؟

لا لسة

لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟

هو في شغل اصلا...وخصوصا لخريجي كليه الاداب
ايه تانى بلد تتمنى تعيش فيها بعد ‏مصر؟

مش عاوزة افكر في الخاطر المرعب والمرفوض ده..سياحه اه استقرارلا

اوصف ليا ‏ترتيبات اجمل فرح ممكن تحضره

يكون فيه حب ونظام وميكونش اوبن بوفيه

بتراعي ‏كلام الناس والقيل والقال؟ لو اه او لو لا قول لى ‏ليه؟

اكيد باخد بالي ولو رفضت تققييم الناس... اكيد لا شعوريا براعي برضه

صحيت من النوم ما لقيتش الموبايل ولا الكمبيوتر ولا ‏الكاميرا الديجيتالولقيتنا ‏رجعنا لعصر الحمام الزاجل والحصنه هتكون سعيد؟

انا بتاقلم بسرعه

.. نفس اجابه عاليا حليم السعاده ‏هى؟الشعور بالرضا و التحرر من التسلط

عندك أمل ‏؟؟ أسبابك

عندي امل ممزوج بخوف من بكره

لما تحب ‏تهرب من كل شئ بتروح فين؟

معنديش رفاهيه الهرب لااملكها

امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟

خاطر مرعب ارفضه وبحاول ارميه من دماغي وعموما عندي دايما احساس ان لسه بدري وورايا حاجات كتير لازم اعملها

لما ‏بتعمل عمل خيرى بيكون ايه هو دافعك الاول؟

اكيد ربنا وكمان الانسان لازم انسانيا يكون بجوار الاخرين

بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه ‏؟

لا ما بشربش

عندي كبشه من الامراض تخليني اخاف من الهوا..ولو ست بتشرب بعيد عني دخانها عادي لكن لو في مكتب مغلق اووسيله سفر ممكن اهد الدنيا لو قاعده جمب التخين حتي

بتعرف ‏ايدك اليمين من الشمال ازاي؟

طالما الاتنين موجودين وشغالين مش مهم

ايه اكتر ‏اله موسيقيه بتحبها ؟ ؟

البيانو حبيبي

فى رأيك ليه الذوق والنخوه ‏اتعدموا؟

الستات في مصر بتربي غلط بتحمي ولادها وتدلعهم زياده ودا بينتج عنه عدم تحمل المسئوليه انعدام النخوة والكرامه

ايه ‏الحاجه اللى لو حصلتلك تبقى سعيد قوى؟؟

كل يوم من غير مشاكل بكون سعيده مج كابتشينو سماع حليم حضن بنتي هديه غير متوقعه السينما سعاده لا نهائيه وصوت عبد الباسط عبد الصمد الصبح بدري سؤال صديقه من زمن ما تكلمناش هدوم جديده عطر جديد حاجات كتير

تختار ‏يبقى عندك...ارض زراعيه ولا اجنس عربيات و لا كام عماره و لا فلوس فى ‏البنك؟؟؟؟

الفلوس تساوي كل ده

البحر و ‏لا النيل؟؟؟

بصراحه ممكن تعيش من غير بحر بس مش ممكن من غير نيل ابدا ها نشرب من البحر مثلا؟؟النيل افيد

مركب و ‏لا طياره؟؟

الطياره عباره عن كرسي بنتربط فيه وناكل اكل من غير ملح المركب مخيف احب القطار متعه وانطلاق وخصوصا القعده جمب الشباك بدون جار رزل

مجنون و لا ‏عاقل؟؟

سؤال فلسفي حب مفهوم كل من العقل والجنون

تقرأ ‏كتاب و لا تتفرج عليه فيلم؟

الاتنين بس اقراه الاول عشان اقيم الفيلم

بتمرر التاج ده لمين ؟

اللي عاوزة ياخده

الصورة من عند عاليا حليم

التاج من ديزرت كات ثم اسكندراني

الاهداء للكل والسلام عليكم