الخميس، أكتوبر 04، 2007

حتى لا ننساهم...وجوه اكتوبر

مانشيت الاهرام يوم العبور
صاحب القرار صاحب الخطه صاحب الاراده صاحب الشجاعه رجل بلون ارض مصر ونيلها ورغم كل شئ بطل الحرب والسلام

الشهيد احمد حمدي احد كبار لواءات سلاح المهندسين يقول عنه عبد الغنى الجمسى رئيس هيئة العمليات بحرب أكتوبر 1973 فى مذكراته ( تكبد رجال المهندسين نسبة عالية من الخسائر أثناء فتح الممرات فى الساتر الترابى وإنشاء الكبارى ، إلا أنهم ضربوا المثل فى الإصرار على تنفيذ المهام والتضحية بالنفس فى سبيل الواجب ... واستشهد منهم أحد قادة المهندسين البارزين هو العميد أحمد حمدى الذى أطلق إسمه على نفق قناة السويس بعد الحرب ( نفق الشهيد أحمد حمدى المشير
محمد عبد الغني الجمسي (1921 - 7 يونيو 2003) ثاني رئيس أركان للجيش المصري في حرب 6 أكتوبر 1973 (بعد إقالة سعد الدين الشاذلي)، وآخر وزير حربية
ابو غزاله تدرج في المواقع القيادية العسكرية، وعين وزيراً للدفاع والانتاج الحربى وقائداً عاما للقوات المسلحة عام 1981. ارقى إلى رتبة المشير عام 1982 ، ثم أصبح نائباً لرئيس مجلس الوزراء ووزيراً للدفاع والانتاج الحربى وقائداً عاما للقوات المسلحة منذ 1982 وحتى 1989، شارك في حروب فلسطين والسويس يونيه واكتوبر 1973, و حصل على العديد من الاوسمة والانواط والميداليات والنياشين


الفريق / سعد الدين الشاذلى رئيس أركان حرب القوات المسلحة المصرية فى معارك أكتوبر 1973 المجيدة والأب الشرعى لنصر أكتوبر المجيد


كانت قلوبنا فى مركز عمليات القوات المسلحة تتجه إلى القوات الجوية ننتظر منها نتائج الضربة الجوية الأولى ، وننتظر عودة الطائرات إلى قواعدها لتكون مستعدة للمهام التالية . كما كان دعاؤنا للطيارين بالتوفيق ، وان تكون خسائرهم أقل ما يمكن ، أن مثل هذه الضربة الجوية بهذا العدد الكبير من الطائرات ضد أهداف هامة للعدو تحت حماية الدفاع الجوى المعادى ، ينتظر ان يترتب عليها خسائر كثيرة فى الطيارين والطائرات يصعب تعويضها لقدد حققت قواتنا الجوية بقيادة اللواء طيار محمد حسنى مبارك ـ رئيس الجمهورية الحالى ـ نجاحا كبيرا فى توجيه هذه الضربة ، وما حققته فيها من نتائج بأقل الخسائر التى وصلت فى الطائرات إلى خمس طائرات فقط ، وهى نسبة من الخسائر أقل جدا مما توقعه الكثيرون ....) ـ مذكرات الجمسى

الشهيد من روي الارض بدمه لنرفع رؤوسنا للسماء بعد الهزيمه
الفاتحه والتحيه لهم جميعا

هناك 31 تعليقًا:

اسكندراني اوي يقول...

اخيرا اول تعليق من فتره
الحمد لله

طبعا لن ننساهم
هم من صنعو النصر
على الصعيدين الداخلي والخارجي

كم نحتاج اليوم اليهم والى ارواحهم لتضخ في عروقنا دماء جديده بدل اللتي افسدها ال ......اه ياني

لكي كل التحيه على البوست الرائع ده

الأميره أوسه يقول...

السادات ده كان شجاع
حتى أخر لحظه
أنا خايفه أقول كان عنده كاريزما
تيجى شهروزه تشدنى من شعرى
بس أنت حاطه صوره للسادات وبجواره
واحد شكله مش بحبه خالص
حذرى هو مين
أنما الجامسى الله يرحمه
ويرحم شهداء مصر
بس ليه أنت مش ذكرتى دورى فى حرب أكتوبر
ههههههههههههههههه

شـــــهــــروزة يقول...

هههههههههههههههه
ههههههههههههههههههه

يا أسئووس متخافيش
أنا بأحترم السادات جدااا لحد فترة ما قبل المعاهدة

الراجل دة بيلمسنى من ننىّ قلبى جدااا

الله يرحمه ويحسن إليه

===============

حتى الآن ينكر علينا أجلاف الصحراء و براميل الخليج النصر والفخر فى أكتوبر
لأنهم لا يملكون تاريخا" يتفاخرون به
ولا حاضر يتباهون به

مهما كانت الأقاويل والألاعيب والخلافات على حرب أكتوبر ورجالها
فهى بلا فخر
من أقوى وأدهى حروب القرن
وهى حق لدماء من ذبحوا فى نكستنا ووكستنا الشهيرة

ربنا يلحقنا بهم اللهم آمين

تعيشى وتفتكرى يا أمونة

عدى النهار يقول...

إدراك معنى ما حدث فى هذه الحرب يتطلب تخيل وضعنا الآن لو لم يتم ماحدث فى 6 أكتوبر من نصر

لكن للأسف كعادتنا لم نحسن إستثمار هذا النصر وللأسف أيضاً تم تشويهه بخلافات بين قادته أثناء الحرب لكنه يظل إنتصار غير عادى

بنت القمر يقول...

اسكندراني
رحمهم الله جميعا واشكر مرورك دايما ومتابعتك
تحياتي

بنت القمر يقول...

الاميره اسئوس
اميره مصر والكونغو والساحل الشمالي
طب انا بقا بقول انه عنده كاريزما
وانه فعلا كان سابق عصره وسياسي داهيه رحمه الله
بالنسبهللراجل اللي تحت ومش بتحبي صورته
يمكن هو سياسي فاشل او ضعيف وممكن البلد بتتاخر كتير بس المفارقه ان حتي اعدي اعدائه بيعترفه بنجاحه العسكري
وتفوقه
اكتبي الضربه الجويه الاولي بلوجر ها يطرطش عليكي مواقع بتحكي عن عبقريه ونجاح مبارك كقائد للطلعه الجويه وعن ادائه مهمته علي اكمل وجه
مهما الناس كرهته كسياسي لازم الحق يتقال
اخيرا وانتى بالصلاه علي النبي كنتي بتعملي ايه في حرب اكتوبر يا جنرال اوسا
هههههههههه حلوة جنرال اوسا مش كدة؟؟
الا انتى عندك كام سنه بالمناسبه؟؟
انا عن نفسي يوم حرب اكتوبر كنت بحبي علي ركبي لسه مكنتش مشيت
واوعي تحسبي لا ازعل منك
هههههههههههه
واحتياطا زعلت لان سني دا من اسرار اكتوبر العسكريه الهامه ولكن قلتها لسيادتك باعتبار انه عدي عليه اكتر من 25 سنه تحياتي

بنت القمر يقول...

اش العزيزة طحن الطحن
مش بس براميل الخليج الي بيحسدونا علي اكتوبر وبينكروه علينا للاسف الشديد بعض الاخوة المصريين
اللي بيحبوا يتشيعوا لناصر ولو علي حساب اي شئ
بينكروا النصر وبينكروا المعجزه
واقري البوست السابق كنت بتكلم علي مدونه بستعمل الالفاظ الجبسيه بتاعه الحزب الساداتي الماجور والخونه والعملا
مش بس العرب
كانهم مستخسرين فينا النصر او متتخسرين فينا الفرح والكرامه
______________
وبعدين فضحتي ماي مازر امونه امونه
ايه يابنتي
عم بلوجر عرف اسمي خلاص
منك لله انتى واوسه فضحتوا اهم اسراري العسكريه ههههههههههه
ههههههههه
مش ناقص الا رقم البطاقه
فكرتيني بواحد قريبنا فضحي ليه مواقف كدا نكته
فكريني احكي لك عليه
تحياتي يا اش

محمد الهنداوى يقول...

أولا كل سنه واحنا طيبين
بس انا مش فاهم ايه حكاية اللى بيتحيزوا لناصر وبينكروا انتصار اكتوبر
مين قاللك المعلومه الفشنك دى؟
الحرب بدأت فى يوليو 67 بمعركة رأس العش اصلا
ومفيش حد ينكر دور عبد الناصر فى اعادة بناء الجيش وحرب الاستنزاف
ومحدش يقدر ينكر دور السادات فى تكلمة المشوار
رحمة الله على الاتنين
هو احنا لازم نبقى فريقين فى كل حاجه حتى فى الفرحه؟
وكمان نحشر سيرة الخليج فى الموضوع
هما ساعدونا فى 73 وده كل الناس عارفاه
وبراميل وكلام بايخ مالوش لازمه
تقريبا عشان تبقى مثقف ومتنورلازم تشتم فى الخليج
على اساس انهم مش عرب ولا بنى ادمين يعنى

فى القلب يقول...

شكرا جزيلا لكى يا قمر على هذه التدوينه الأكثر من رائعه

ذو النون المصري يقول...

اشكرك جدا علي هذا البوست المميز لاننا فعلا قربنا ننسي حاجات كتير بسبب الوكسات المتتاليه التي تحط علي رؤسنا
كان المفروض للسادات و ابطالالنصر انهم يضمنوا لنا النصر حتي بعد مماتهم بسنوات طوال

littel angel (2alb el 2ased) يقول...

tesd2y feeky el 7'eer la2ny mashoftesh 7ad 3'eerk fe 2y blog tany kateb 3n el mwdo3 da ... ta7yaty leeky ... wa le roo7 el shohada ... wa roo7 el ab el ka2d el mesh 7yeegy zyo ... anwer el sadat

ادم المصري يقول...

كل سنه ومصر دايما بخير

الأميره أوسه يقول...

هاتى ودنك
أنا أتولدت بعدها
بس أسترى عليا الله يكرمك
هاتى المأذون
هههههههههههههههههههه

بنت القمر يقول...

عدي النهار
حالنا من غير اكتوبر كان هم بالليل وذل بالنهار
كنا هانكون زي سوريا عجله التنميه متوقفه اكتر ماهي والحجه الانفاق العسكري
مناوشات علي الحدود وحرب استنزاف قائمه وغليان سياسي اكيد وسخط شعبي
لكن من الله علينا بانتصار غير عادي
رحم الله الشهداء

بنت القمر يقول...

محمد الهنداوي
وحضرتك طيب
اول زياره وتقول علي معلوماتي فشنك!!!اشكرك بشده
لا في ناس متعصبه جدا لناصر وبتنكر نصر اكتوبر وشايفه انه مؤامره غربيه لاخراج مصر ما اللعبه السياسيه في الشرق الاوسط وتحييدها علي الاقل وفي مدونات قائمه بذاتها عشان تبخ الكلام دا انت بس اللي مش واخد بالك
تانيا انا نا انكرتش لا دور جمال عبد الناصر ولا ما اكمله السادات
تالتا
تلاخوه العرب مش براميل ولا حاجه دول ناس زوووق زوووق وهما بني ادمين زينا بس للاسف برضه حضرتك مش واخد بالك ان فريق مش قليل منهم بيكره المصريين وبرضه بينكروا النصر وخصوصا مش الخلايجه اقول لحضرتك انا دول الشوووام ودا من اقاءات ليا مع شوام كتير دا حتا واحد لبناني نعرفه دخل معانا في جدل ان اكتوبر دا لعبه بالنسبه لتحرير جنوب لبنان
ورغم ان المقارنه غير جائزه بين حرب شامله علي ارض مكشوفه وجبهه طويله ممتده الي حرب شوارع تعتمد علي الكر والفر ودا مع كامل احترامنا لحزب الله لكن الغيره بقا تعمل ايه فيها
علي فكره مسمعتش عن عبد الباري عطوان؟؟اهو دا صحفي فلسطيني كرس حياته للحقد علي كل ما هو مصري يا ريت حضرتك تبقا تتابعه واهلا بيك دايما بس من غير ما تشتبك مع الزوار الاخرين
تحياتي

بنت القمر يقول...

في القلب
ميرسي يا جميله منوراني دايما والفاتحه للشهداء

بنت القمر يقول...

ذو النون
اهلا بك الشكر واجب للشهداء عملوا اللي عليهم والباقي دورنا
تحياتي

بنت القمر يقول...

little angele
اهلا بك اشكر مرورك والفاتحه للشهداء جميعا من السادات الي اصغر جندي
تحياتي

بنت القمر يقول...

ادم المصري
حفظ الله مصر وكل سنه واحنا يارب احسن من اللي قبلها تحياتي وشكرا لمرورك

بنت القمر يقول...

اسئوس
دا انتي صغنووونه بقا
فاكره اسعاد يونس لما كانت بتقول في مسرحيه الدخول بالملا بس الرسميه
يا صغنونه يا صغنونه بكرا شئبك يجي علي نونه
هاهاها
معلش بس القافيه حبكت
القافيه دي مودياني في داهيه اليومين دول تحياتي يا قمر

محمد الهنداوى يقول...

مش بس براميل الخليج الي بيحسدونا علي اكتوبر وبينكروه علينا للاسف الشديد بعض الاخوة المصريين
اللي بيحبوا يتشيعوا لناصر ولو علي حساب اي شئ
بينكروا النصر وبينكروا المعجزه
*******
ده جزء من ردك على احد التعليقات
انتى قلتى مش براميل الخليج يعنى مش معترضه على وصف البراميل ده اولا
ورجعتى قلتى للاسف بعض الاخوه المصريين وماقلتيش بعض اللى بيحبوا عبد الناصر او الناصريين مع تحفظى على الكلمه وما اخدتيش بالك ان كل اللى بيحبوا ناصر وبيتحيزوا ليه هم بعض المصريين بالطبع وليس جميعهم يعنى ممكن تتفهم انك تقصدى بالبعض ده كل الناصريين
هتقولى ما اقصدش هاقولك ما وضحتيش
وعاوز اضيف لمعلوماتك ان بعض الناس شايفه ان ما حققه السادات بالحرب ضيعه بالمفاوضات وانه كان ممكن يحصل على نفس اللى جابته كامب ديفيد او اكتر قبل الحرب اساسا بالمفاوضات برضه
يبفى حاربنا ليه من الاصل؟
ده التحفظ انما مش الاعتراض على النصر ولا حد يقدر ينكر حاجه واضحه زى الشمس الا لو كان اهبل

****************************************************************************************************
اول زياره وتقول علي معلوماتي فشنك!!!اشكرك بشده
*********
يا ستى العفو
بس اعمل ايه ان كنت شايف انها فشنك فعلا وحظك انها جت فى اول زياره؟
ودى مش شتيمه يعنى
******************************************************************
لا في ناس متعصبه جدا لناصر وبتنكر نصر اكتوبر وشايفه انه مؤامره غربيه لاخراج مصر ما اللعبه السياسيه في الشرق الاوسط وتحييدها علي الاقل وفي مدونات قائمه بذاتها عشان تبخ الكلام دا انت بس اللي مش واخد بالك
**********
لا فيه ناس شايفه ان كامب ديفيد هى اللى اخرجت مصر من الصراع تماما ومن اى حاجه تانيه وانا من الناس دول
بس انتى اللى مش واخده بالك
وبعدين مدونات مين يعنى ومين اللى بيكتبها؟
وكم واحده؟
***************************************************************
تانيا انا نا انكرتش لا دور جمال عبد الناصر ولا ما اكمله السادات
***********
ماشى عندى دى
****************************************************************
تالتا
تلاخوه العرب مش براميل ولا حاجه دول ناس زوووق زوووق وهما بني ادمين زينا بس للاسف برضه حضرتك مش واخد بالك ان فريق مش قليل منهم بيكره المصريين وبرضه بينكروا النصر وخصوصا مش الخلايجه اقول لحضرتك انا دول الشوووام ودا من اقاءات ليا مع شوام كتير دا حتا واحد لبناني نعرفه دخل معانا في جدل ان اكتوبر دا لعبه بالنسبه لتحرير جنوب لبنان
ورغم ان المقارنه غير جائزه بين حرب شامله علي ارض مكشوفه وجبهه طويله ممتده الي حرب شوارع تعتمد علي الكر والفر ودا مع كامل احترامنا لحزب الله لكن الغيره بقا تعمل ايه فيها
*********
اكيد فيه ناس من العرب بيكرهوا المصريين
وناس برضه مصريين بيكرهوا المصريين
مش جديده يعنى
بس كام واحد؟
عملتى احصائيه او استطلاع رأى؟
اديهالى الله يخليكى
وبعدين الشوام اختصرتيهم كلهم فى واحد لبنانى؟
يعنى السوريين كمان بينكروا حرب اكتوبر؟
************************************************************
علي فكره مسمعتش عن عبد الباري عطوان؟؟اهو دا صحفي فلسطيني كرس حياته للحقد علي كل ما هو مصري يا ريت حضرتك تبقا تتابعه
*********
وليه مفترضه انى مش متابعه
لا انا عارفه وعارف انه دائم الهجوم على النظام المصرى وعمرى ما سمعته بيهاجم مصر
الا لو كانت مصر فى نظرك مختصره فى حكامها
*********************************************************
واهلا بيك دايما بس من غير ما تشتبك مع الزوار الاخرين
********
دى مش هاضمها الصراحه
يعنى ايه اشتبك؟
اتخانق يعنى؟
كان من الافضل تحطى تحذير فوق التعليقات يمنع الاشتباك مع الاخرين مع توضيح ماهو الاشتباك للى مش ( واخد باله)

كلمه اخيره انا حبيت ارد بالتفصيل عشان انتى اتكلمتى على اساس انى مش واخد بالى وكأن اى حد مختلف معاكى يبقى لانه مش واخد باله مش لان كلامك كلام مرسل بدون اى موضوعيه ولا دليل واحد
كل سنه وانتى طيبه

الأميره أوسه يقول...

محمد الهنداوى
أنت جى تذاكر
بكتب جزء من تعليق بنت القمر وبعدين
ترص شوية طوب بعده
ده على أساس أنك بتفند أرائها
لا أنت كده بتحاول تقمع فى أراء الأخرين
وبتسأل هى عملة أستطلاع راى وكمان تبعتهولك ده بقا على أساس أنها معهد الأحصاء وأن سعادتك محلل سياسى
فى أمور مش محتاجه تحليل يكفى أنك تلاحظ
تلاحظ مدى كره الأردن لينا ومعاملتهم السيئه لينا وعلى فكره أنا فى أخر بوست كاتباه عن الكوايته فى زميل أردنى
دخل ساب تعليق مفاده أن المصريين بيتعاملوا أسوء معامله من الأردن
ولو مش سامع عما يعانيه شبابنا فى بلاد
بـــــــــــــــــــراميل النفط
يبقا أنت أكيد حاطط دماغك فى الرمل
وأحتمال أنها تزرع وتجيب عربان صغيره
بصراحه لغتك فى الحوار متدنيه وفى لهجة ترفع وأصرار عجيب
والله يا رفيق أنا قابلت عرب بيعترفوا بأن المصريين بيتاعملوا بشكل وحش
فى الدول العربيه لكنهم لم وصلوا مصر أستغربوا من كرم المصريين وأنت بدافع عن أكياس الجوافه المسماه بالعرب
أنا نسيت أسألك أنت جنسيتك أيه
أنا بقا عنصريه ضد العرب
وبقول العرب جــ عرب ـــرب
وأن كلامك ماهو الا أعتراض من أجل الاعتراض
أنت سوفسطائى
وكل عام وأنت بخير

شـــــهــــروزة يقول...

محمد الهنداوى


هما ساعدونا فى 73 وده كل الناس عارفاه
وبراميل وكلام بايخ مالوش لازمه
تقريبا عشان تبقى مثقف ومتنورلازم تشتم فى الخليج
على اساس انهم مش عرب ولا بنى ادمين يعنى

*************

أة العرب فعلا ماهم الا عبيد احساناتنا قبل ما الزيت بنفجر فى اراضيهم
ولو مذاكر شوية تاريخ كنت عرفت ان البنية التحتية لكل دول الخليج من خيرات مصر وأياديها عليهم
لكنهم تفننوا فى دفن تلك الحقيقة

بعيد عنك ماس محدثين نعمة
عايشين وهم السيد المستعبد

ولو مش عارف
يبقا روحلك بعثة شهر او اتنين هناك
لو مش ندهولك بابن الخدامة او الرقاصة وبس
ابقا قابلنى
دى مش شتيمة

دى حقيقة

لو مش لسعوك ستين قفا على قفاك علشان انت بس
مصرى؟؟

نبقا وقتها لينا كلام تانى

يا ريت بصة صغيرة على موقع العربية نت
لما يتنشر اى خبر عن المصريين او حتى لو فى مصلحة المصريين

ادخل فخامتك انت وانصر بتاعك اللى خلانا فى الأملة اللى احنا فيها دلوقتى
وشوف القذارة والوساخة اللى بتترمى من بلاعات القراء العرب على المصريين او اى خبر يخص المصريين
وانت ترعف مدى حبهم لينا

عاوز تجس نبض الشارع العربى ناحية مصر؟؟؟؟؟؟؟

روح اقراالتعليقات
وعلق انت كمان بكلمة كويسة فى حق مصر
وانت تشوف ضرب المراكيب من المعلقين هناك عليك لأن كل تهمتك


مصرى

ونلتقى بعد الفاصل

قال ناصر قال

اسكندراني اوي يقول...

في لحضرتك عندي حاجه تخصك
تفضلي بزياره مدونتي

Esmat يقول...

عزيزتى بنت القمر
تحياتى على البوست
الله يرحمهم كانوا رجال عمرنا ما حننساهم
وانا ساداتيه الهوى على راى اوسى
وبوست اكثر من رائع
انا حتى الان كلما رايت صورة لانور السادات او مشهد له فى التليفزيون افرح والله زى العيال انا كنت بحبه قوى
الله يرحمه يا رب
مهما يقولوا عنه بحبه
واتمنى لك ايام سعيدة يا رب

بنت القمر يقول...

محمد الهنداوي
بما ان معلوماتي فشنك وكلامي مرسل بلا دليل ودمي يلطش واحنا رمضان ومش طالبه مناكفه مع حد وانت واخداك القوميه والعروبه
فانا اشكرك علي مجهودك في تاني تعليق
وعلي زووقك المتناهي
واستلم من اختاي اوسا وشهروزة
لانه علي راي من قال مفيش فايده
كل سنه وانت زى ما انت

بنت القمر يقول...

اسئوس تاني مره
يا قلبي قال بيقولوا مش عارفه ايه فعلا في ناس الزمن توقف عندها من 40 سنه يا لهوي علي افكار الجبس
مسمعوش عن اللي بيحصل للمصريين من اقصي الارض الي اقصاها
يا ساتر اوروبا اللي اتوحدت كلها لن تتخل عن قومياتها واعتزازها بنفسها محدش الماني في مطش كوره يقدر يحدف طوبه علي واحد انجليزى ولا انجليزي يعملها في فرنساوي بس احنا لما نتخلي عن كرامتنا عشان اوهام نستحق اللي يجرالنا
اسئوس العرب اخوتنا لغه ودين وجوار لكن الاحترام لمن يستحقه
وانا لم اجد في الوطن العربي دوله لم تكن لمصر ايدي بيضاء عليها الاوعضتها تلك الدوله وابناءها
لم اقابل عربي الا وجواه حقد علي مصر وغيرة من ابناءها وان لم يكن فتعالي وعنجهيه فضلا عن معايرتنا بفقرنا
سيبك سيبك القول ضايع
تحياتي

بنت القمر يقول...

شهروزة
بصي يا اش اقول ايه والقول ضايع دا من حقدهم علينا حرقوا المصريين في الكويت بميه النار وفي ليبيا دفنوهم احياء في بئر اليورانيم مؤخرا وفي السعوديه حبسوهم في المعتقلات اما اخوه الكفاح الفلسطينين والسوريين فصحف واذاعات وفضائيات خصصت للهجوم علي مصر والعراق عاد المصريين منها في توابيت
ورغم كدا اكيد هما بيحبونا بس احنا اللي بنتنمرد
اصل عبد الباري عطوان بيقول انا بحب مصر بس نظامها وحش ما بيلعنش ابو المصريين من ايام الفراعنه الي حكم مبارك
ويكلفنا ان نتزعم العرب في الكفاح ضد الصهاينه والا ها نكون اتخلينا عن دورنا العروبي بس ايه وهو قاعد علي الكرسي الهزاز في لندن بيقبض استرليني
بس ولادنا يحاربوا نيابه عنه
مش عارفه انا الناس بقا مالهم لو يوفروا مشاعرهم دي للمصريين بدل من دلدقه العواطف علي العرب كان حالنا انعدل بس نعمل ايه في القرع اللي بيمد دايما لبرة
قوليلي بتحبي القرع؟؟؟
هاهاها
تحياتي

بنت القمر يقول...

اسكندراني جدا
اخي الفاضل التاج وما ادراك ما التاج وعد ان شاء الله بس بعد العيد لاني بدخل سريعا دلوقت
تحياتي واشكرك

بنت القمر يقول...

اسمت
وانا كمان ساداتيه الهوي علي راي اسئوس رحمهم الله وادخلهم جناته وتحياتي علي مجهودك العظيم في مدونه الا رسولي
اما شهدائنا لاتكفي الكلمات لشكرهم بس بفتكرهم ونبص في صورهم ونترحم عليهم من علمونا معني الكرامه
تحياتي وعيد سعيد وقبلاتي الي كوكيتو بس مقاتليش لما غيرتي التمبليت عمل ايه؟؟

محمد الهنداوى يقول...

ياريت تيجى على نفسك وتقرى البوست ده
http://lewahdy.blogspot.com/2007/10/blog-post_11.html