الثلاثاء، أكتوبر 30، 2007

الحوار والتحوير....يا ارهابي يا ارهابي




الحوار قيمه ساميه بين البشر يهدف الي التقارب وينأي عن النقاط الاختلاف

اهتم بمتابعه اي شئ مايجد في امر الحوار الحوار العربي العربي

الاسلامي المسيحي

حوار الاديان

حوار الحضارات

الحوار العربي الغربي

حتي داخل الاسره الواحده حيث لابديل بعد الحوار غير الصمت الذي لا يعني سوي النهايه
لكن اذا كان الحوار لايؤدي الا الامزيد من الصراع والشقوق والشروخ بين المتحاورين تبقا مصيبه يبقا قلته احسن يعني تحاور واحد وتسأله هو انت شايفني حمار يرد لا انا شايفك حمار وغبي وكافر ومدعي ووو
المهم
يتهم العرب انفسهم بانهم سبب 11\9وانعداء الغرب لهم بدا من هذه النقطه التاريخيه ويجلدوا ذواتهم بسبب تلك الاحداث قبل الغرب مايجلدهم بذلك
____________________________

ومضات تاريخيه
كان العالم العربي والاسلامي ومنطقه الشرق الاوسط تحديدا مطمعا تاريخيا للغرب بلاش نقول المسيحي خليها الغرب للاستعماري منذ وقفت اوروبا علي اقدامها منذ الالامبراطوريه الرومانيه المستعمره حيث كانت مصر سله غلال العالم

ثم الحملات الصليبيه اللتي رفعت الصليب شعارا وكانت اغراضها الحقيقيه هواحتلال بلاد الشام ومصر

مرورا بسايكس بيكوالتي مزقت الوطن العربي اشلاء بين الوحوش الستعماريه فرنسا وانجلترا انتهاءا بسرقه فلسطين عبر وعد بلفور وارهاب اسرائيل الدوله برعايه الارهابيه الاعظم امريكا وانجلترا
انتهاءا بغزو افغانستان والعراق من اكبر قوي الاستعمار واقبحها امريكا

طيب نقول تاني

لما يجي حديحاورك يقول العربي ارهابي والارهاب المتغلغل في الفكر العربي ويدلل بحوادث 11\9 اوتفجيرات بالي او استشهاد مقاومي فلسطين وحزب الله
نسأله في حواربرئ
هو بن لادن طلع من الهوا؟ ولاجاء من كوكب اخر؟(دا علي فرض ان 11\9كلها من تنفيذ وتخطيط بن لادن وجماعته بدون مساعده ولا مؤامره ولا حاجه من الامريكان

تقوم تحاوره انت وتسأله
هو بن لادن وجماعته وفدائيي فلسطين وحزب الله غيرهم وان كانوا مش من خلفيه واحده لكن الغرب يفندهم جميعا في سله الارهابيين مش كلهم زرع لاوطان محتله مهانه ممزقه وحكومات هزيله

الم تسد الطرق امامهم للتعبير عن غضبهم ومقاومه الظلم والاحتلال الواقع علب بلادهم الا بالطريقه التي اعتبرها العالم ارهابا

يعني اليس ظلما ان ننظر الي تصرفاتهم بعيدا عن السياق التاريخي الذي عاشوة من الاف السنين لحد انهارده

وفي مرحله سابقه كان العالم يعتبرهم ابطالا مقاومين وعظماء يقتدي بهم وترفع صورهم علي الاعناق


الم تضيق فرنسا الحره المتقدمه بالحجاب الاسلامي واعتبرته رمزا سياسيا للارهاب الاسلامي يفرضوة علي مجتمعهم الحر فرنسا اللتي رحبت بجميع القوي والتيارات الفكريه والسياسيه ووالشطحات التحرريه وصور الشذوذ والالحاد

ضاقت به وليس دفاعا عن الحجاب باعتباره امر ديني ولكن باعتباره من صميم حريه المرأه انه تغطي شعرها او تلبس حتي سلطانيه في دماغها حيث لاتضر حريتها تلك الاخرين ولاتتعدي عليهم

والتي يتنافس رؤساء وزرائها علي الاكثر تشددا ضد المهاجرين العرب الافارقه كأنه موسم سباق ايهم الاكتر عنصريه وبعدين نكون كعرب ارهابيين وكمسلمين تحديدا

الم نبتلع اهانه الرسول في الصور المسيئه انشغلنا بحوارات عقيمه من نوع نشوف ونطنش عشان ما يزيدوش فيها ولا نقولهم احنا زعلانين براحه عشان مايزعلوش مننا علي طريقه عمر خالد

طيب احنا بنحاور مين وليه يعني ينفع الفقير يحاور الغني ويحاسبه ولا الضعيف يحاور القوى ولاالعربي يحاور الغربي

الاقوي دايما بيما بيحجز الاضعف في الزاويه ومنعندوش استعداد يسمعه ولا يفهم منطقه ولا يقبل المسئوليه ولا يتحمل اخطائه ببساطه لانه القوي

طيب بلاش الناس تتحاور؟؟

هو الحقيقه سؤال لازم بنوصله في النهايه لكن

الحوار الذي لاينتهي الي مزيد من الفهم والتقارب
ولمامشاعرالرفضمن احد الطرفين او كلاهما تكون اقوي واعمق
والاتهامات مجهزة سلفا يبقا نوع من التحوير وليس الحوار
مش اكتر من طق حنك
مضيعه للوقت
والاعصاب

هناك 23 تعليقًا:

اسكندراني اوي يقول...

اولا الربع جنيه


ثانيا
اعتقد ان الحوار معناه السيجال في الرد والكلام
اما الحديث من طرف واحد
ومن وجه نظر واحده وهي وجه نظر القوه
هذا المنظور بعيد تماما عن الحوار

بجد البوست ده بيفتح مواضيع كتير
كالعاده


لكي كل التحيه

شـــــهــــروزة يقول...

الحوار الذي لاينتهي الي مزيد من الفهم والتقارب ولمامشاعرالرفض من احد الطرفين او كلاهما تكون اقوي واعمق والاتهامات مجهزة سلفا يبقا نوع من التحوير وليس الحوارمش اكتر من طق حنك مضيعه للوقت
والاعصاب


بس هى دى الخلاصة

حائر في دنيا الله يقول...

هناك بعض النفوس التي تود تمييع القضايا وتشويه المواضيع الجادة عن طريق حوارات كتلك
لن تفيد وإنما في جميع الأحوال ستضر، وألف أهلا وسهلا بالنقاشات التي تود ان تفهم وتصل بنا وبأنفسها لنتيجة بنياتها لاصادقة ودون هذا فلا أهيمة لكل ذلك

لك تحياتي على مدونتك الجميلة
السلام عليكم

ذو النون المصري يقول...

و الله انا حاسس ان الحوارات دي كلها مجرد ديكور ضروري انه يكون موجود كي تتم الصوره و يزداد جمالها في عيون المخدوعين

mohand يقول...

السلام عليكم


حوار الطرشان

وحوار اليد العليا والاقوي

ولا هيعمل اي حاجه

عدى النهار يقول...

مقال عن الحوار يستحق القراءة

عاليا حليم يقول...

تسلمى بجد موضوع مهم و انتى قلتى فى نهايته البلاغة كلها الحوار الذى لا يؤدى لتفاهم و التقارب زى قلته و مضيعة لوقت و الأعصاب بس المشكلة يا قمر أن الناس الى بيدعوا الديموقراطية دول بتوع العولمة و المثقفين و كده تلاقيهم هما أول ناس يتنرفزوا من اى حد يختلف معاهم فى رأيهم

بس عجبتينى لما قلتى تلبس حجاب و لا سلطانية هى حرة :)

بلا عنوان يقول...

الموضوع بتاعك هايل
الحوار الجاد الهادف والمثمر
تقريبا معدوم...

والموضوع مش مسألة مين الأقوى أد ماهي مسألأة مين الأذكى في التعامل وادارة الحوار...

احنا محتاجين ناس عقولها نضيفه وقلوبها نضيفه تتحاور مع ناس هما كمان تكون عقولهم (وقلوبهم) نضيفه...
تحياتي ليكي

ابو مفراح يقول...

الحوار مع طائفه تريد اختلاق المشاكل
الحوار مع مجموعه لديها لاافكارها و معتقداتها التى لا تتنازل قيد انمله عنها
الحوار الذى يضيع الثوابت و الاصول و يجعل من الاستثناءات اشياء مفروضه

كل ذلك هو الحوار الذى نعيش فيه الان

Desert cat يقول...

انا شايفه ان ده ما اسموش حوار
ده اسم اللف والدوران من غير هدف او الطريق الغير مباشر نحو لا شئ

يا مراكبي يقول...

آخر جزء كتبتيه ده ما خليتيش بسببه حاجة لينا نكتبها هنا

طيب بلاش الناس تتحاور؟؟
هو الحقيقه سؤال لازم بنوصله في النهايه لكن
الحوار الذي لاينتهي الي مزيد من الفهم والتقارب ولمامشاعرالرفضمن احد الطرفين او كلاهما تكون اقوي واعمق والاتهامات مجهزة سلفا يبقا نوع من التحوير وليس الحوارمش اكتر من طق حنكمضيعه للوقت
والاعصاب

تحياتي ليكي بجد

بنت القمر يقول...

اسكندراني
اول تعليق=اخر تعليق
يكفي اهتمامكم و مشاركتكم افكاري
وجه نظر القوةاو حق القوةتغلب قوة الحق في زمننا
اشكرمرورك

بنت القمر يقول...

شهروزتي
هلا وغلا
وللاسف طق الحنك بقا اكتر من الرغبه في الاستفاده والنقاش الهادف وانتي ادري
تحياتي يا اش

بنت القمر يقول...

حائر في دنيا الله
انيه كل شئ يتعلق بالنوايا ولكن لو خلصت للفائده
اشكر مرورك الاول

بنت القمر يقول...

ذو النون
اوافقك تماما
كتير جدا بتكون نوع من ذر الرماد في العيون او لتلميع الصورة بادعاء التحضر
اوبرو عتب زي ما بيقولوا
اشكرك تحياتي

بنت القمر يقول...

mohand
حوار الطرشان تعبير موفق تماما
حيث لايسمع احد لاحد وينتهي الي لاشئ
تحياتي اشكر مرورك

بنت القمر يقول...

عدى النهار
اشكرك جدا علي المقال قيم جدا وملئ بالمعلومات الثريه
يعني اول مره اعرف ان جلسات الحوار بدات1973بعد حرب اكتوبر كنوع من الاحتواء للعرب
وتاني معلومه جديده هي ان جارودي امن بالديانات الابراهيميه مجتمعه علي عكس ما يظن كثير من المسلمين انه اسلم
اشكرك جدا
يشرفني مرورك دائما

بنت القمر يقول...

عاليا الغاليا
فعلا يا عاليا ناس كتير بتتشدق بالديموقراطيه والتحرر تلاقيهم اقفال لو حد اختلف معاهم
عجبتك السطانيه
هاها
بجد ناس كتير بتدافع عن حريه لبس المرأة وتحررها من الحجاب وغيره طب لو هي عازوة تلبس كدا خلاص طب ما دا برضه حريتها مش من باب انه امر ديني لكن دفاعا عن حريتها برضه طالما لاتتعدي حريه الاخرين
اهلا بيكي دايما يا عاليا

بنت القمر يقول...

بلا عنوان
اهلا يا عزيزتي بس الذكاء اذا كان موجها لخدمه المصلحه الذاتيه لازم نراجعه ولا ننساق وراه
راجعي مقال عدي النهار قيم جدا وها تشوفي ازاي الغرب طوع ذكائه واستخدم الحوار لمصلحته
اشكر مرورك

بنت القمر يقول...

ابومفراح
فعلا حوارات تاتي بدون نتيجه بدون قدرة من احد علي فهم الاخر وتقبله والتعليش السلمي بين الجميع بلا فائده اشكر مرورك

بنت القمر يقول...

Desert cat
الطريق الغير مباشر نحو لاشئ
عندك حق
بس احيانا بيكون طريق غير مباشر لاحتواء الاخر وتهميشه واقناعه بالتنازل عن ذاته وكينونته
اشكر مرورك تحياتي

بنت القمر يقول...

يا مراكبي
اخر جزء حاولت الخص فيه قناعتي الشخصيه عشان ما اكونش انا كمان بتكلم بلا هدف محدد واكون لخصت فكرتي
اشكر مرورك دائما

loumi يقول...

العزيزة
بنت القمر

المشكله إن الأطراف المتحاورة غالباً ما عندهاش النيه إنها توصل لنتيجه واضحه
كل الحوارات عباره عن تسويف لا أكثر ولا أقل
لما تشوفي الحوار الفلسطيني الإسرائيلي
تلاقي في خطوط حمراء إسرائيل محدداها وهى نفس النقاط اللي إحنا بنتناقش فيها
طيب بتناقش ليه لما هي غير قابله للنقاش ؟؟
هو زي ما انت قلت تضييع وقت وطق حنك

تحياتي