الأحد، سبتمبر 30، 2007

فوازير رمضان....البلوجريه



  • مدونه شهيرة جدا لها اتجاه حقوقى تكفيك متابعتها عن صحف معارضه بفضل التلخيص والايجاز في العرض ومع ذلك تشتهر ايضا بالشئ ونقيضه تمدح المصريين ثم تذمهم تشلفط العرب ثم تمنحهم وسام في ذات اللحظه يا مثبت العقل يارب

  • مدونه سكندريه ه ل لها اتجاه ادبي مليئه باشعار من نوعيه النهايات السرمديه والفلق المتهدل والسماء المسكوبه وكلام من دا عدد زوارها قليل جدا اكتشفتها صدفه وعدد التعليقات لا يزيد عن اصابع اليد الواحده اغلقت المدونه عن العموم من المدونين وجعلتها للريدرز باشتراك ولا اشتراك النوادي هههههههه ولا تبحث عن السبب!!يمكن لها مستوى فكري خاص اكيد السماء المنسكبه وقعت بهدلت ارضيه المدونه فرفعتها حبه لزوم التنضيف عجبي علي الثقه المتناهيه

  • مدونه ه لها اتجاه الحادي معلن وغير مستتر يعلن صاحبها مشاركه اصحابه صلاة المسجد من باب متابعه ما وصل اليه حال المؤمنين تفتكروا المؤمنين وصلوا فين هما المؤمنين راكبين اتوبيس سوا ولا ايه؟؟

  • مدونه اف ا مدونه سكندريه برضه وكمان يلعن صاحبها في ابو الاديان ويصمها بانها سبب كل الشرور والحروب ونشر صاحبها بوست معايده بمناسبه اول رمضان!!هو مش رمضان دا برضه مناسبه دينيه ولا تبع عيد الجلاء؟

  • مدونه ش وهي مشهوره جدا صاحبتها من الاقاليم ورغم اختلافي معها احيانا الا انها دليل ان الدماغ الصح ليست حكرا علي القاهريين والقاهريات وان البنت المصريه بتفحت في الصخر عشان تثبت نفسها

  • مدونه ح ع لصاحبها ذو الاتجاه الناصري ما زال صاحبها يستعمل مفردات تصف النصر بالهزيمه والمنتصرون والشهداء بالخونه والعملاء والحزب الساداتي المأجور صباحو جبس وكلام عفا عليه الزمن يا عم عيب النصر كان مصري مكانش ساداتي وسيبوا ناصر يرتاح في تربته بقا...وش بيجز علي سنانه

  • مدونه ن ط برضه لها اتجاه لاديني وكل واحد حر في رايه لها موقف مضاد من الاديان والحجاب الي اخره قدم صاحبها دعوة الي اعاده اكتشاف فوائد الحشيش بدون النظره المسبقه المتعارف عليها عنه باعتباره من اهم ركائز السلام العالمي لانه يمنح الانسان الراحه والصفاء والسلام مع النفس!!!معلش الصنف كان عاجب الزبون حب بس يشارك الاخوة البلوجريه فيه!!كل واحد مسئول عن روحه والمكان كله محاصرههههه

  • مدونه ح ذات الافكار المناصره للمراءه والاراء مابين الالحاديه وما يسمونه التنوريه تستتر خلف اسم انثوي للفت الانتباه اعلنت صاحبتها خبر خطوبتها مع صوره رومانسيه رقيقه عصفوتين ودبلتين والحقيقه ان صاحبها رجل بس الغايه تبرر الوسيله...قال عشان تكون المدونه حال لسان بنات مصر!!!يا ناس ارحمونا وسيبوا بنات مصر في حالهم حرررراااام

ترسل الاجابات علي صندوق بريد5555بلوجر زكوم في موعد اقصاه 2050 والجايزه عباره عن طقم اسنان برسيلين للفائز


الحقيقه البوست دا مش مناكفه في حد ولا مضايقه لحد وانا مع احترام الراي وكل واحد حر في ما ينشره بس هي خواطر ساخرة في احوال بعض المدونات حبيت اشاركم فبها

هناك 31 تعليقًا:

Bella يقول...

كل سنة وانت طيبة
ورمضان كريم

جميلة جدا التدوينة دي

كتابة الانطباعات عن المدونات والتقاط بعض السمات التي تميز اشخاص عن اشخاص ىخرين امر بالغ الصعوبة ويحتاج لعين ذكية تقوم بهذا الالتقاظ

وانت برعت في ذلك

تحياتي


على فكرة
انا عرفت بعض المدونات من الكلام

والبعض لم اعرفه ربما لاني لااعرف نفس المدونات

عدى النهار يقول...

كلامك كان عن مدونات أغلبها فيها شطحات

ماعنديش صبر على متابعة الناس اللي
بتشطح وبالتالى عرفت مدونة واحدة فقط من المدونات التى ذكرتيها

والفزورة رجعت لك

ما هى المدونة؟

حــلم يقول...

دة اول تعليق عندك
اصل لفت انتباهى ان فكرة التدوينة دى اتولدت عندى وانت بتعلقى على بوست ازيك يا شريف
اللى هو
:
فكرتينى بالمحرر الفنى اللى بيكتب فنانة مصرية خ ق اشتهرت بزواجها من فنان يهودى من اصل مصرى

ورغم انك ساعتها علقتى بكلام كدة مش لطيف عن اللى بيكتبوا كلام موارب
أهو كتبتى كلام موارب

ودارت الأيام

اسكندراني اوي يقول...

هههههههههههههههههههههههههههههههههه

فكرتيني بالمثل اللي بيقول بيخانق دبان وشه

يا بنت القمر
يا صديقتي السكندريه الرقيقه
كده بتوع رابعه اول مش حسيسيبوكي في حالك
ههههههههههههههههههههههههههه
فاكره ولا نسيتي

عموما تفنيد حلو وجميل
وقراءه متانيه للتدوين المصري
طبعا اللي تكلمتي عنهم مش كل المدونين ولكن نماذج للتدوين المصري

السماء المتهدله
ههههههههههههههههههههههههههههه
انتي جبااااااره

Lasto-adri *Blue* يقول...

:D
انا عرفت اتنين.. ينفع اشترك فى السحب
;)

Darsh يقول...

عجيبة قوي حكاية البنت اللي من لأقاليم و دماغها مصحصح !!!
دا بيفكرني بالصورة النمطية اللي بترسمها هوليود عن العرب إنهم أغبيا و همج
يا ترى هي ديه صورة أهالي الأقاليم بالنسبة للقاهريين؟
ولا كأننا في بلد و إنتوا في بلد تانية !!

حنين يقول...

شريف الصيفى
طبعا مش العبيط شريف دة اللى بيعلق هنا
بس انا اقتبست المدونة الخايبة بتاعتة
انا غاوى الناس العبيطة اللى زى شرشر دة واحب جدا افضحهم وابهدل كرامتهم
بس شريف دة بصراحة فلت منى بطريقة حظة كان واضح جدا فيها
بس انا عكننت علىشوية ناس زية كدة
مجرد تسالى واللة مش اكتر بس الطبيب النفسى ماستحملش و قلب مريض نفسى برضة
الراجل دة قلب بسرعة جدا وتقريبا كدة بيبيع بطاطا دلوقتى

بالمناسبة طبعا انتى تقصدى شهروزة
وطبعا مش محتاج اقول ان انا مش فزورة ولا حاجة لان تقريبا كدة انا مش مدون نشيط بس متابع من بعيد لبعيد
سلام وتحياتى على البوست الظريف دة

بنت القمر يقول...

bella
وحضرتك بالصحه والسلامه انتى اللي جميله الحكايه مش ذكاء ولا حاجه الله يكرمك بس دي علامات فارقه وانطباعات متاحه للكل
كل الحكايه انتى صغتها بقالب ساخر يعني بهزر معاكو مش اكتر
شرفتي المدونه علي فكره انتى كنتي في الفيفوريت لينكس بس لما غيرت التيمبليت فقدتك ها اضيفك تاني
تحياتي

بنت القمر يقول...

عدي النهار
احيانا شطحات واحيانا علامات مميزه
مش مطلوب تعرف المدونه المهم ان المتابعه احيانا بتوريلك عجائب دي مش فوازير بجد دا نوع م التسالي الرمضانيه تحياتي

فى القلب يقول...

أنتى عارفه يا قمر

أنا حليت بعض الأسئله و شكلى كده زكيه و هعرف الأجابات كلها و أبعتها قبل سنه 2014
ممكن حضرتك بقه تعمليلى فنجان قهوه عشان أخده مع حبايه البنادول لزوم المخمخه

بنت القمر يقول...

حلم
شرفتي المدونه بأول تعليق
يعني انتى بقا زعلانه مني؟؟ وانا كمان زعلانه منك عشان انتى زعلانه مني!!يعني يا حلم اول مره تزوريني تيجي زعلانه دا انتى غاليه عندي وبعدين كلامي بتاع المحرر الفني كان مجرد قفشه زي ما تقولي القافيه حكمت لما قلتي ام باروكه بتلمع وانا غلبني الفضول ومعرفتش هي مين وبعدين اعتقد ان مفيش عندك حرج انك تقولي فلانه المذيعه سواء مني عامر او غيرهاوعشان كدا انا استغرت وهزرت معاكي اما هذه التدوينه انا مذكرتش حد بالاسم لان التدوينه كلها نوع من الهزار بس تسالي مش اكتر ومش طالبه مناكفه مع اصحاب المدونات اياها
وعموما من جه دارك جاب الحق عليك متزعليش ياحلم وسوري لو ضايقتك انا حتي استغربت انك ماردتيش واخر توقعاتي انك تكوني زعلانه
صافي يالبن؟؟
قصدي يا حلم

بنت القمر يقول...

اسكندراني اوي
اهلا بك يااخي في الانسانيه
ولادبان وشى ولاحاجه والله الحكايه لاتخرج عن كونها هزار وقزقزة لب معاكو بس مش مناكفه في حد والكبير كبير علي روحه
تحياتي

بنت القمر يقول...

لست ادري
ياروح قلبي دا انتى تفوزى من غير سحب ولا قرعه دا انتى حبيبتي ولو انك صغيره علي الجايزه دا طقم سنان بورسلين حاجه مش قد مقامك هههههههه
هههههههه
مش انتى برضه لستو ادري ولا الحاجه الكبيره
هههههههه
تحياتي

بنت القمر يقول...

darsh
ولا صورة نمطيه ولا يحزنزن انت ها توقعني مع الناس
وبعدين اه الاقاليم حاجه والقاهوه حاجه
الحياة في دكرنس او ميت غمر او دمنهور حيث لا مسرح ولا اوبرا ودار سينما واحدة اة بدون وجرايد معارضه قليله جدا ولا امسيات شعريه ولا ندوات ولا ساقيه صاوي وصلات نت متهالكه تختلف عن الحياه في القاهرة وعشان كدا اهالي الاقاليم يستحقوا التحيه علي مجهودهم في المتابعه
والمشاركه

علي فكره انا كمان مش قاهريه
تحياتي

شـــــهــــروزة يقول...

العوافى الأول

شميت ريحة اسمى فى الفزاوير

أخجلتم تواضعنا يا أمونة وبشكل فظيع

متفقة معاكى أن المتابعة مهمة
على الأقل تقدرى تعرفى مين الحقيقى من الفالصو أو متنكر أو بيروج لأفكار وهو على الوجة الآخر أفكار مغايرة تماماااااا

وإسألينى أنا

وعلى فكرة بقا يا ستى
بامووووت فى مناكفتك والخلاف معاكى
بأحس فعلا" أننا أصدقاء من غير مجاملة او نفاق او رياء
اصدقاء لمجرد اننا اصدقاء

=================

بعد اذنك يا صديقتى

كلمة للسيد الذى ذكر اسمى وهو باسم مستعار

هى الحكاية دى هواية لديك؟؟
أم ماذا؟؟؟
وما الهدف منها؟؟

كلنا نعرف و لا نعير الآخرين اهتمام لسبب واحد
أن لا أحد يجبر أحد على الدخول لديهم او يجبرهم على الاقتناع بأفكارهم
اياكش يكتبوا ريان يا فجل

واعذرنى فى التعليق
لا أحد منهم الآن موجود ليدافع عن نفسه ضد هجومك
وهل تعتقد أنك بسب أى منهم أو تجريحه زى اللى انا شفته فى بروفايل حنين اللى انت عدلت فيه بالسب والتجريح
هل تعتقد أنك ستستفيد نقطة ما؟؟
أو أنهم سيخسرون نقاط ما؟؟؟



يبقا اية؟؟؟؟

حنين يقول...

سوء تفاهم اعتقد انة بسيط انشأللة
اولا
لا اقصد الهجوم او التهجم على احد
ثانيا
انا مش الاخ بتاع حنين دة خالص هو اللى عدل فى البروفايل بتاعة بمزاجة
ثالثا اكن كل تقدير واحترام لشهروزة وتقريبا احنا اصدقاءولينا تعليقات مشتركة فى اكتر من موضوع
كل اللى عملتة انى نسخت المدونة بتاعة الكابتن شريف من اجل الاستعانة بها مستقبلا فى كشف الافاقين والمنافقين هؤلاء الذين يفتنون الناس بمعسول الكلام من حيث لا يدرون ان السم فى العسل
وكانت شهروزة نفسها ضحية هذا الاصيفر
مرة اخرى
لا اقصد الاساءة لاحد واكن كل تقدير واحترام لشهروزة ولبنت القمر التى اتسع صدرها لتلك المداخلة
تحياتى للجميع
ورمضان كريم

None يقول...

عروستي ؟؟

Darsh يقول...

معلش أنا مضطر أعقب تاني
لو قريتي التدوينة هتلاقي إنك قلتي " الدماغ الصح "
يعني إيه الدماغ الصح اللي هو حكر على القاهريين و القاهريات؟
يعني برة القاهرة الدماغ " مش صح؟ "
و يعني هو لازم الواحد يبقى زي القاهريين عشان يبقى " صح " ؟
و بعدين الظاهر كدا إنه كل واحد فاكر حاجة عن المحافظة أو الأقليم التاني اللي هو مش تبعه و بتكون الفكرة ديه غير الحقيقة
كإننا في بلدين ما نعرفش بعض !
و بعدين مش ساقية الصاوي ولا السيما ولا جرايد المعارضة هتخلي الدماغ " صح "

حــلم يقول...

أنا بس جاية أمسى
اصلى ما بعرفش ازعل من حد
وبعدين أنا بس كنت فى مووود وحش
ولسه وحش
بس حبيت اطمن انك ما زعلتيش

صافى يا قمر
:)))

Iskanderani يقول...

مسا الخير وكل سنة وانت طيبة،
إنت جبت المعلومات دي منين؟ ماتكونيش من المحاوريين والمُخترقيين للمدونات ؟ راجل مستخبي وراء أسم إمرأة وبعدين ده مُلحد وده ناصري والتاني ساداتي والثالت مباركي والرابع جمالي ...ههههههيييييييه ده عل كده مش لازم نقراء المدونات من اصله بقي علشان فيها ناس فالصوا بقشرة دهب . ومالهمش في الفضة اساساً.
وانا اجيب دكتور اسنان منين يركب لي الطقم الجائزة؟؟ ولا اروح به عند الحلاق يركبه لي لو فزت

....
: وكفاني هزار بقي شوية جد
علي فكرة انت بتعرفي تقرأي بين السطور وهذه ملكة وحدها اكرمك بها الله للتعرف عل الفالصو من الحقيقي
كل عام وانت خير

تحيات إسكندراني في بلاد الله الواسعة

بنت القمر يقول...

حنين
او شبح حنين الحقيقه انا اتخضيت زي اللي بيلعب تحضير ارواح قام طلعله عفربت
تانيا انا لست مع اي حد ضد اي حد ولا تارات شخصيه لي مع اي حد الحكايه ان البوست كله زي تسالي رمضان شويه قزقزة لب او نميمه حريمي
بس
اخيرا حنين ماتت بلاش نصحيها بلاش ننبش .قبرها..مش ها نستفيد غير العفرةوان كنت لا اخفي سعادتي بنهايتها المشئومه
تحياتي
تحياتي

بنت القمر يقول...

في القلب منوره ياقمر شطوره لو عرفتي الباقي ها اعملك عرض سنه دهب تروشي بيها جوزك تتركب علي طقم الاسنان ولو الاسنان تمام فكي البورسلين واهو يازق علي الحيطه
هههههههه
تحياتي

بنت القمر يقول...

شهروزة
طب لا اسمك مش في الفوازير
ههههههههههه
تشابه بس!! تيجي نتخانق كدا وكدا عشان منتحسدش ولا حد يوقع بنا
هههههههههه
انتى تستاهلي احسن من كدا بجد عموما
اختلافنا طبيعي يا بنتى مفيش اتنين متفقين ابدا علي طول الخط وبالذات معايا دا انا ما باتفقش مع اللي عايشه معاهم ها اتفق مع مين المهم ان المبادئ والخطوط العامه واحدة
تحياتي وويلكم اني تايم

بنت القمر يقول...

نون النسوه
والله جدعه جدا وتستاهلي توصيا الجايزة للبيت
انتي اللي فهمتي انها لعبه وبس
تحياتي ويارب تكوني فكيتي الجبس
تحياتي

بنت القمر يقول...

darsh
انا قلت بيثبت ان الدماغ الصح مش حكر علي القاهرين
مش فاهمه هو انا قلت الدماغ الصح حكر علي القاهرين ولا ايه؟؟؟
تانيا لا السيمنا ولا المسرح ولا النت ولا الاوبرا ولا جرايد المعرضه بتزود الثقافه امال ايه اللي بيزودها؟؟غريبه
يعني الحياه في دكرنس او ملوي او ميت غمر تساوي الحياة في القاهره
وجهات نظر غير متفقه ابدا

بنت القمر يقول...

حلم
مساكي ورد ونورت المدونه تاني مرة ودا في حد ذاته ترضيه كبيره اوي سلامتك من الموود الوحش
وعموما عندي وصفه هايله
امسكي اعصابك الاول
شهيق زفير
شهيق زفير
شهيق ضرب بالجزمه
بعد كدا لو حد زودها طريقة مجربه
ههههههههههه
تحياتي

بنت القمر يقول...

iskandrani
التوصيفات دى اطلقها غالبا هؤلاء علي نفسهم او انطباع شخصي ليا ودا متاح للجميع بس صغته في قالب ساخر
اشكر مرورك
تحياتي

Darsh يقول...

صح إنت قلتي " بيثبت "
معنى كدا إن فيه إعتقاد { عندك } إن بتوع الأقاليم دماغهم " مش صح ".
و إن مدونة صاحبتك الكريمة " إثبات " إن الدماغ " الصح " مش حكر على القاهريين.
كإن مثلاً المدونة ديه كانت حفرية و لا تابوت لقتيه و إنت بتنقبي عن آثار !
و بعدين السيما فيه بدالها تليفزيون و دش ووصلة.
و على العموم ، اللي عاوز حاجة و بيسعلها هيعملها إن شاء كان عايش في صحرا. اللي عاوز العلم و الثقافة هيجيبهم لحد عنده.
و الثقافة و العلم لا تعني " الدماغ الصح "
و بعدين ما تتعاليش على الناس بالحياة في القاهرة ، القاهرة مش مصر.

اسكندراني في الغربة يقول...

رمضان كريم يا سيتي
طب كنتي استني لبعد العيد و ناكفي في الي انت عوزاة
----
عجبتني دماغك في تحليل المدونات
انت ممكن تعلملي برنامج على غرار جوجل ريدر وتسمية جوجل تحليل
--------
في اتنين او تلاتة معرفتهمش
ممكن تطولي مدة المسابقة شوية؟
:)

بنت القمر يقول...

اسكندراني في الغربه
اشكر مرورك دائما ومتابعتك
المسابقه مفتوحه بس الحقيقه هي دعابه اكتر منها مسابقه
تحياتي

ذو النون المصري يقول...

انا صراحه معرفتش في المجموعه دي غير شهروزه فقط
و مش عارف اي حد من الباقيين
موضوعك ممتاز هحاول اعمل مثله فيما بعد
كل سنه و انتي طيبه
تحياتي