حضرت اليوم احتفاليه مكتبه الاسكندريه الخاصه باختتام النشاط الصيفي لورش عمل النشئ والتى شاركت فيها ابنتى وحيث ان تلك الورش كان لها اهتمام خاص بعلوم الفلك والكواكب والفضاء فكان من فقرات الحفل محاضرة من د:عمر فكري محتواها الخلاف الازلي العربي العربي علي تحديد شهر رمضان وكيف ان التحديد الفلكى للشهر لايتعارض مع الرؤيه الشرعيه ولايناقضها وكيف ان الاختلاف اصبح من امور البولوتيكا بين مصر والسعوديه
وتطرق بالشرح الي محاولات عديدة من سنه1992 من خلال ندوات ومؤتمرات ورحلات لتوحيد الاخوة العرب فريق السعوديه ومن والاها والتى تصر علي الرؤيه بالعين والفريق الاخر بقيادة مصر وحتى وصل الامر الى استطلاع السعوديه الهلال هذا العام من يوم الاتنين وكان الشهر الهجري بقدرةقادر ممكن ان يتحول الي 26 يوم
وتطرق بالشرح الي محاولات عديدة من سنه1992 من خلال ندوات ومؤتمرات ورحلات لتوحيد الاخوة العرب فريق السعوديه ومن والاها والتى تصر علي الرؤيه بالعين والفريق الاخر بقيادة مصر وحتى وصل الامر الى استطلاع السعوديه الهلال هذا العام من يوم الاتنين وكان الشهر الهجري بقدرةقادر ممكن ان يتحول الي 26 يوم
اما الجزء الثانى: فكان بث حى داخل قاعه الاحتفال من وكاله ناسا الامريكيه للفضاء عبر فيديو كونفرنس تابعه الحضور عبر اجهزة الترجمه الفوريه من الطلبه المصريين المشاركين وبعض تلاميذ المدارس الامريكيه الذين توجهوا باسئله الي العلماء الامريكيين مثل احتياطات الامان لرائد الفضاء وبدائل الطاقه النظيفه في الفضاء وكيفيه تبديل بطاريات الطاقه التى تقوم بتشغيل سيارات اللاندروفر فوق القمر وعدم ملائمه بدائل الطاقه الاخري مثل الجازولين ومشتقات البترول الاخري فوق الفضاء واستبدالها بالبطاريات الشمسيه!!!ا
كانت مفارقه موجعه جدا ناس لسه مش عارفه تتفق علي هلال رمضان من سنه1992وحولو الامر الي بولوتيكا وعند وتعصب بغيض وظاهرة كلاميه كل سنه تفسد فرحه الشهر الفضيل
وناس بيدوروا علي بدائل نظيفه للطاقه فوق الفضاء والتحول الي الطاقه الشمسيه بدلا عن الجازولين ومشتقات الطاقه الملوثه
واطفالهم بيناقشوا فضايا علميه معقدة جدا وهم تقريبا هى مرحله الاعداديه او اقل والاتنين مجموعين في قاعه واحده عبر فيديو كونفرنس
يامشاعر الحسرة والالم علي حالنا ياعرب امتى بقي نتجاوز موانع الخلافات وسدودالملاكمات الكلامية ونتغلب علي اوهام السيادة والريادة حتى لو احتراما للشهر الفضيل
وكل سنه وانتوا طيبين ورمضان كريم اخوانى واخواتى المدونين
كانت مفارقه موجعه جدا ناس لسه مش عارفه تتفق علي هلال رمضان من سنه1992وحولو الامر الي بولوتيكا وعند وتعصب بغيض وظاهرة كلاميه كل سنه تفسد فرحه الشهر الفضيل
وناس بيدوروا علي بدائل نظيفه للطاقه فوق الفضاء والتحول الي الطاقه الشمسيه بدلا عن الجازولين ومشتقات الطاقه الملوثه
واطفالهم بيناقشوا فضايا علميه معقدة جدا وهم تقريبا هى مرحله الاعداديه او اقل والاتنين مجموعين في قاعه واحده عبر فيديو كونفرنس
يامشاعر الحسرة والالم علي حالنا ياعرب امتى بقي نتجاوز موانع الخلافات وسدودالملاكمات الكلامية ونتغلب علي اوهام السيادة والريادة حتى لو احتراما للشهر الفضيل
وكل سنه وانتوا طيبين ورمضان كريم اخوانى واخواتى المدونين
هناك 33 تعليقًا:
كل سنة وإنتى طيبة
للأسف المؤسسات الدينية العلمية ضعيفة وسمعتها ساءت بسبب النفاق الغالب على تصرفات القائمين عليها وبالتالى هى غير قادرة على الوصول فيما بينها إلى ما يجب إتباعه فى أمر بسيط مثل تحديد بداية الشهور العربية فضلاً عن فرضه
أما عن ولاد الأمريكان.. أعتقد إن طلبة المدارس سواء فى أمريكا أو مصر أو غيرها من الدول فيهم نماذج لو أتيح لها الفرصة لمناقشة القضايا التى تهم مجتمعاتهم أدائهم لن يقل عن المستوى الذى شاهدتيه فى المكتبة
القضية فى النظم المستبدة سياسياً وتعليمياً وإقصادياً و.... الضاغطة على البلاد ولا تتيح المجال لأى إصلاح
التعليم هو اساس كل شيء..لذلك يتحدث اطفال امريكا عن مستقبل علوم الفضاء كأنهم يتحدثون عن مسلسل بكار بالضبط
ولهذا ايضا تجدي علماء السعودية متزمتين ولا يرضون برأي العلم ويعتبرونه رجز من عمل الشيطان
نحمد الله ونشكره على علماء مصر المستنيرين رغم ما فيهم من مساوئ لكنهم ارحم من غيرهم بكثير
وكل عام وانتم بخير...ربنا يتقبل منا ومنكم ومن جميع المسلمين
هذا الانشغال وغيرة من الخلافات مقصود لالهاء نفوسنا وعقولنا عن ما هو انفع واجدر
علمت خبر استطلاع الهلال من يوم الاثنين وتعجبت
الخلاف لمجرد الخلاف
شىء مخزى
بارك الله فيك وبلغلك رمضان
دعواتك
عارفه يا بنت القمر
الفيديو كونفرنس
ده لوحده تغير نحو المستقبل بس مش فى جيلنا
فى جيل بنتك
نحن لم نتعرض للتغير فى أى مرحله عمريه بالأيجاب مثلما يحدث الأن لأاولدنا
أن شاء الله فيه امل
وكل سنه و أنتى طيبه
كل سنه وانتي طيبه وبصحه وسعاده يارب
الحل اننا نلتزم جميعا بتوقيت ام القرى
لاننا بنلتزم بيه في موسم الحج
اعتقد ان ده الحل الامثل
رمضان كريييييييييم
ربنا يتقبل منا القيام والصيام وصالح الاعمال يارب
الاجمل من دة كلة الي بين السعودية وليبيا
ليبيا مش بتستطلع الهلال اصلان
هيا بتشوف السعودية حتصوم امتا و تقدم يوم بعديها
لدرجة انهم بيفكروا جديا يختلفوا كمان في يوم الوقفة
يعني بدأ ميقفوا على جبل عرفات
يأجلوها يومين و ييجوا يقفوا على جبل نعسة فى كرموز
ربنا لا تؤاخذنا بما فعل السفهاء منا
السلام عليكم
كل عام وانتي والاسرة الكريمه اقرب الي طاعة الله
وتقبل الله منك صالح الاعمال
وتقبل صيامكم وقيامكم
تحياتي
نسألكم الدعاء
كل سنة و انتى طيبة يا قمر و يا رب يعدى علينا رمضان السنة الجاية من خلافات
حاقول ايه ؟ ربنا يهدى و يوسع العقول شوية
كل سنه و انتي طيبه
....................
فعلا مشكلة كل عام هي هلال الصيام
يعني نعمل ايه بالظبط
الناس تتقدم تتقدم تتقدم و احنا نتاخر نتاخر نتاخر
يعني مش كفايه حركة السلحفاه
لا
و كمان سلحفاه للخلف مش للامام
اعتقد ان الخلافات دي خلافات اطفال لا خلافات علماء
تحياتي
كل سنه و انت طيبه
الحمدلله السنه دى لتفقنا و صومنا مع بعض
و انشالله ممكن بعض مليون سنه يكون فى فيديو كونفرانس بينا طلبه امريكان و بعض علماء المسلمين اللى حيكونوا ساعتا فوق القمر علشان يحدد بداية شهر رضان من فوق
حاسس بالمراره والله
رضان كريم
كل سنه وانت طيبه ورمضان كريم
بنت القمر
البوست دة على الوجع بجد لكن ربنا يصلح احوالنا ونفوق رغم ان الاوان فات
كل رمضان وانتى والاسرة بخير ـ وان شاء الله رمضان الجاى تكونى محققة كل امنياتك واحلامك فى صحة وسعادة وراحة بال ـ اشكرك على تهنيئتى بشهر رمضان ـ تحياتى
بنت القمر
كل سنة وانتىطيبة
رمضان كريم عليكى وعلى اسرتك الكريمة
حبيبتى لا انا ازعل منك كده
احنا متفقين من زمان
على ان الاختلاف لا يفسد للود قضية
وعندما ينفسد الود بيننا
حنبدأ نفكر نتفق
كل سنة نفس الحكاية
السعودية خلتنا نصوم غلط السنة اللى قبل الماضية
وحصلت قبل كده مرة برده
وقعدنا يوم الثلاثاء بالليل امام التليفزيون مستنيين نعرف مصيرنا
حاجة تجنن
لكن النكتة هى ليبيا فعلا
صاموا ازاى
وكل اللى حواليهم لم يروا الهلال
هما شافوه ازاى
وتحية كبيرة لكى
عدي النهار
المشكله في العقل العربي المبني علي اوهام الريادة والسيادة الذي ضاعت منه كل سبل التقدم والتفوق فلم يجد الا ميدان الكلام والمشاحنات والا ختلافات وراي ان اختلافه دليل عظمته وقوته وليس الاتفاق وتوحيد الامه امام ما يحيط بها من اهوال
شكرا لمرورك وكل عام وحضرتك بخير
marvel
فعلا طريقه رؤيه هلال رمضان في مصر متقدمه جدا وعلميه ومطمئنه من الناحيه الشرعيه
الحمدلله علي علمائنا وشيخنا افضل بكتير من الاخرين
تقبل الله صيامك وطاعتك
الطائر الحزين
الخلاف للخلاف فقط مخزى يا ريت يشوفوا اوروبا الي بتتوحد رغم كل خلافاتها واحنا ما بنفلحش اللي في الاختلاف تقبل الله صيامك وطاعاتك
في القلب
كا سنه وانتى طيبه يا قمر
بصي يا حبي المشكله ان الفيديو كونفرنس دا مع وكاله ناسا او غيرها جابوه في المكتبه في لطار احتفاليه مش هيصه يعنى
لكن في امريكا دا جزء من اليوم المدرسي حاجه عاديه يعني الولد يكلم عالم الفضاء بسهوله ويسئله اللي هو عاوزة والعالم دا سواء مهندس او فلكى او رائد فضاء قاعد متفرغ للولاد لمدة ساعتين بس عشان يرد عليهم
متفرغ لهم
احنا بقا ياقمر لو مدرس الفصل الولد او البنت سالته برا الحصه شوفي اللي ها يحصل؟؟
الفرق كبير اوى صدقينى والمسافه واسعه
كل سنه وانتى قلبك ابيض
اسكندرانى اوى
طب وليه بقا ام القري؟؟ ما تقوليش عشان الحج!!طب ما هما يستعملوا الوسائل العلميه الحديثه دا المحاضر بيقول ان السعوديه بيشوفوا المريخ علي انه القمر لان راي العين لا توضح ان كان دا قمر ولا كوكب ودا اللي حصل من كام سنه لكن مصر يتم تحري الهلال في اربعه مراصد فلكيه الدخيله والسلوم واسوان وسيناء
من لجنه مكونه من علماء دين ومشايخ وشهود كلهم بيقسموا علي الصحف برؤيه الهلال يعنى طريقه علميه لاتقبل الشك عير رؤيه العين خالص
وبرضه رمضان كريم
اسكندرانى في الغربه
شر البليه ما يضحك وعندك حق يعملوها
كل عام وحضرتك واسرتك بخير
مهند
تقبل الله طاعتنا جميعا وشكرا المرور
عاليا حليم
كل سنه وانتى طيبه يا قمر والسنه الجايه اشوفك بالف خير وصحه وربنا يحقق لك احلامك وتقبل صيامك وطاعتك
ذو النون المصري طول ما العند راكبنا واوهام السيادة والزعامه راكبه راسنا هنرجع لورا لان العام بيجري علي ادام شئ مؤسف اتفقنا علي ان لانتفق
اشكر مرورك
ahmed_h
يارب ما تكونش امال مستحيله
ابو احمد
الله اكرم
جدوgid_do
الله اكرم
ربنا يصلح احوالنا ربنا بستجيب اشكر مرورك
esmat
اولا كل عام وانتي بالصحه والسلامه ويارب تنوري اليكس يا قمر
تانيا انا مش عارفع هو احنا مختلفين عاي ايه انا عمري ما اختلفت معاكي بالعكس انت من الشخصيات المقربه الي والمريحه ايضا وعمري ما ازعل منك
حكايه ليبيا دليل مؤسف علي حاله العند والتغابي الي عليش فيها بعض اصحاب الفخامه والجلاله الساده الحكام العرب
شفاهم الله من امراض العظمه وداءالعنجهيه
او يشيلوا زنبنا بقا في رقبتهم
اخيرا تقبل الله صيامك وطاعتك
امورتى الحلوة
حبيبتى انتى فهمتينى غلط انا
قصدى ان حزعل منك لو ماكنتيش تعرفى لسه
ان العرب بيختلفوا مع بعضهم علشان
يجربوا مقولة
ان الاختلاف لا يفسد للود قضية
وكل ما يختلفوا العرب
يسالوا بعضهم هااا
ابإختلفنا مع بعض افسدنا ودنا
يرد التانيين من العرب يقولوا لا
وهكذا
ولغاية ما ينفسد الود بيننا كعرب
سوف نتفق
و يا حبيبتى انا ارى كل كلامك منطقى
فابلله عليكى كيف اختلف معكى
وكل سنه وانتى طيبه
هى بنتك عندها كام سنه
وبوسة لها
esmat
سوري يا روحي ميس اندر ستاندنج هههههههههههههههههههههههه
معلش صيام بقي
وشي منك في التلفزيون
هههههههههه
فهمت قعدت اقول تغابي تغاب لحد ما طلع في دماغي قلقوزة
هههههههههه قلقوزة غباء
بنتي بقا دا سؤال صعب اوي ومعلومات تمس الامن القومي لبيتنا
ههههههههه
طب تدفعي كام واقلك؟؟
لو تحبي خليها ميل احسن الا لو عندك عريس الفها واوصلهالك لحد عندك ومصاريف الشحن عليا
هه
تحياتى
رمضان كريم
أولآ
كل عام وأنت فى أسكندريه
والنيل بيصبح على المالح
رمضان كريم
ثانيآ هذا هو حال العرب
متفرقين مهزومين متخلفين
المفارقه اللى بتتكلمى عنها أكبر دليل
أن الحلم العربى مجرد شعار أو مظلة يستظل تحتها شعوب العرب الكساله التى تأكلهم الأحقاد
و مجموعه من الحكومات التى أتفقت على أتباع منهج الرجعيه والتخلف وتقييد الحريات و موالية أمريكا
وفر الله لنا كنوز فلم نحسن أستغلالها
بل كل أضاعها بطريقته
شكرآ على نقل أحداث المؤتمر
سلميلى على بنوتك
بتاع العسل
الله اكرم
الاميره اوسه
اميره الكونغو والصومال اهلا حبيبتي كل سنه وانتى بالصحه والسلامه انا متابعاكى من قبل حتى ماابدأ مدونتي وكمان المالح بيصبح علي النيل
فعلا حاجه تكسف العالم كله بيتوحد ويدخل كيانات اقتصاديه وسياسيه رغم اختلافاته واحنا لسه واقفين عند حرب داحس والغبراء بنتفنن في الاختلاف والجدال والتشرذم
اهلا بمرورك شرفتيني
وياريت تشرفيني دايما
المشكله فى نظم التعليم عندنا التعليم حفظ وبس من غير فهم وده اللى اتفق عليه اوائل الثانويه العامه نفسهم قالو انهم كانوا بيحفظوا على قد ما يقدرا يعنى احنا بنظام تعليمنا مش بنحاول نخلق عقول تفكر احنا بنخلق دماغ عامله زى هاردات الكمبيوتر او مومرى المحمول
إرسال تعليق