الأحد، سبتمبر 23، 2007

black mail


الابتزاز لوي, الذراع ,المقايضه ,التهديد, ترجمه حرفيه للبلاك ميل

وهي ترجمه واقع نعيشه يوميابل كل ساعه عن ادراك او بلا ادراك

فيها نتأرجح بين المقاومه مره أوالاستسلام مرات
امام موظف مرتشي يبتزنا لانهاء مصلحه او ورقه حكوميه

او امام عسكري مرور يتذاكي لطلب المعلوم
مهددا بسحب الرخصه رغم اني نمشي في شارع جانبي علي سرعه 20كم!!!!اا

و امام طفله تمتنع عن انهاء وجبتها الا امام التلفزيون

وامام واجبات اجتماعيه مقيدة وخانقه نضطر للقيام بها خوفا من لوم الاخرين وعتابهم

او منعا للقيل والقال أ وانصياعا للخوف من حدوث ما لا يحمد عقباه

البلاك ميل قد لا يكون صارخا او تهديد السلاح دائما


وانما يكون احيانا هادئا ناعما مثل افعي ملتفه عبرنظره او تلميح اواشاره ترسلها عيون المبتز والمهدد

مثل ريح مسمومه تعكر سماء الحياه

اومياه راكدة تعكر صفو الجدول
لا تحاسبه عليها ولا تناقشه او تنفجر فيه فمن يحاسب علي نظره اوتلميح فقط تختار اما المقاومه او الاستسلام
المعافره او تكبير الدماغ والاستسلام والتعلل بأن هذة طبيعه الاشياء

وبين الاختيارين نستهلك كثيرا من الصحه والاعصاب والعمر ايضا

هناك 25 تعليقًا:

الطائر الحزين يقول...

لابد ان يكون هناك توازن بين المعافرة والاستسلام تبعا لدرجة الموقف ووقتة وظروفك النفسية والعصبية نفسها

فجرت اكثر من موضوع

كل عام انت الى الله اقرب

mohand يقول...

السلام عليكم

عندك حق

اسكندراني اوي يقول...

بجد بجد بتحصل كتيييير اوي مع الواحد خصوصا موضوع المجاملات الاجتماعيه دي

بس حنعمل ايه مضطرييييييين والامر لله

تحياتي على البوست الهايل ده

البنت الشلبية يقول...

ربنا يقويكى ويقوينا
حكم البنى آدم جسمه عامل زى الاله مع مرور الزمن محتاج صيانة لاعصابه ودماغه بالذات دماغه

Esmat يقول...

لو كل واحد إتصرف زى ماهو عايز
ولم يستسلم للضغوطات التى تمارس عليه أو المجاملات المفروضة عليه
و رفض وقال لا
لا لانى مش عايز اعملها
ومش هيهمنا زعل البعض او
وقف حال بعض الاعمال
لن نخضع للابتزاز
المهم نتعامل بصدق
وبدون أقنعة وكذب وزيف
يااه حتبقى الدنيا حلوة قوى
وأخر روقان
و يبقى
انتى
اكيد أكيد
مش فى مصر

Eman Eltaher يقول...

فعلا عندك حق و الله

المعاملة بتبقى سيئة جدا
و الواحد بيبقى مش عارف يعمل ايه لما يلاقى زى الموظف المرتشى ده و يلمح بانه عايز فلوس عشان يتمم اللى المفروض يعمله أصلا
حاجة تشل
فعلا الابتزاز على عينك يا تاجر
انا بجد سعيدة بمدحك لاسلوبى و انتى و الله اسلوبك ف الكتابة حلو اوى

تحياتى

فى القلب يقول...

كلنا شركاء الألم

فعلاً يا بنت القمر أنتى فى بعض مناطق من بوستك دوستى على أماكن بتوجعنى جداً

el_assel يقول...

مافيش حد بيجبر حد علي حاجة
وانا عن نفسي مقدرش اعمل حاجة لمجرد ان الناس عايزين كده
لازم اكون مقتنع بيها
وربنا يقدرنا علي المواجهة

الأميره أوسه يقول...

الأبتزاز زى النفاق اللى هو المجامله
هو أحد الأشكال التى يعكسها مجتمعنا
الملىء بالمتناقضات والخوف والفوبيا
مثال فى رمضان المواصلات زحمه
والحركه بتكون صعبه قبل الفطار
لكن مدام عواطف مضطره أنها تاخد اولادها التلاته وجوزها ويتبهدلوا فى المواصلات لمدة ساعات طويله عشان يشتروا لبس العيد مع انهم كان ممكن يعملوا ده قبل رمضان بس بقا دى عاده
لو أتغيرت موازين الدنيا تختل
عشان كده البلد بتكون زحمه فى رمضان قبل العيد عشان كله قرر يشترى فى نفس الوقت
قيسى على ده المناسبات والضرورات
الأجتماعيه اللى بتخنق واللى انا بطلت أعملها وأتحررت منها
لكن فيه حاجات صعب نتحرر منها
زى الأبتسامه لمسؤل كبير عشان
المركب تمشى والخمسه جنيه بتاعت الموظف بتاع الفيش والتشبيه عشان نخلص
الأبتزاز يبدأ مع أقل الأمور شأن
ويصل للضروريات
روحى بقا كلمى حماتك
ده واجب أنت مش لسه مكلماها أمبارح
بس برضه ده واجب
أعصرى ليمونه على نفسك
وياريت تعزميها على الفطار والسحور والبيات والنوم فى سريرك
طبعآ واجب واجب
حاجه تفقع

Mustafa Şenalp يقول...

very nice a blog.:)

شـــــهــــروزة يقول...

خخخخخخخخخخخخ
أنظر تعليق أوسا برضة

من وقت ما قريت البوست بأحاول أعلق
لقيت حاجات كتير اوى فى حياتنا تنطبق عليها حروفك المرة دى

لقيت التلخيص المفيد
فى تعليق الأميرة اوسا

ربنا ما يحرمنا منك يا أميرة الكونغو ومدغشقر وميدان لبنان

الأميره أوسه يقول...

شهروززززززززززز
أمين
أمين
اللهم أمين

شـــــهــــروزة يقول...

أوساا

خخخخخخخخخخخخخخخخخخخ

شوف يختشى البنية؟؟؟

بنت القمر يقول...

الطائر الحزين
جائزه افضل تعليق شكرا

____
مهند
وعليكم السلام
اشكر مرورك

------------------
اسكندراني اوي
اشكرك واشكر مرورك وربنا يعنا

----------------
البنت الشلبيه
اهلا بيكي وشوفي بقا عمره الدماغ تكلف كام دلوقت خصوصا لو قطع غيار اصلي مش تايوان

بنت القمر يقول...

esmat
طب ازاي وفين وامتى احكيلي وانتي محاطه بجميع اصناف الاستغلال من الشحات اللي لو مدتيلوش يشتمك او يحلفك بغلاوة الاموره ويعترض طريقك ويرمي جته عليكي لحد فرح بتروحيه مضطره
اوتليفون اجتمماعي رخم وبعدين انتى لو مش في مصر تبقي فين اكيد اكيد في الجنه بقا

بنت القمر يقول...

ايمان الطاهر صديقتي العسل
بعد الشر عليكى من الشلل انتى ربنا يحفظك ولو حد ضايقك صفري لي وانا افور لك وشه اعمل هولك كنافه
اشكر مرورك وتحيتك
----------------------
في القلب
انا كمان في حاجات بتوجعني واشاركك الالم مفيش معاكي وحدة بنادول يا قلبي ؟؟؟
ههههههههههههه
تحياتي واشكر مرورك

بنت القمر يقول...

al aseeel
ماهو المشكله انه ما بيكونش اجبار لكن اجبار بصورة الرضا يعني اسوأمن الاجبار لان الاجبار ها تقول لنفسك اديني كنت مضطر
اشكر مرورك
_________________________-
الاميره اوسا
هاي سموك
علي راي الخلايجه صح لسانك
تمام التمام وزى مجمله مدرسين مدرسه ولادك
وانتى مش طا يقاهم او زى عزومات رمضان اللي لازم تترد
اوزى عسكري المرور اللي يستلقطك وانتى في عز الزحمه عشان ضربتي كلاكس ولا من غير حزام ولو ظرفتيه الخمسه جنيه يدعي الشرف ويقولك طب متتكررش تاني دا لو كنتى وقعتي فايد البيه الضابط كان زمانهم اعدموكي
ههههههههههههه
ويبقا انتى ما بين انك عاوزة تديه جزمه في وشه
وتقوليله يا مرتشي يا ابن الكلب ويسحب الرخص ويشحتفك وراها اوتظرفيه الخمسه وتسكتي
وبعدين مالها حماتى؟؟؟
دي سكر بحبها موووت
موووت
مووووووت
وانيمها علي راسي
وانا اطول
وانا كنت ابقا في الامله اللي انا فيها من غير ما ابنها يمنحني شرف تبعيته
ههههههههههههههههههه
وبعدين احنا فينا من السياسه؟؟
لالالا
؟؟؟مكنش اتفاقنا
ههههههههههههه

بنت القمر يقول...

شهورزه
ماشي يا اش
جايه متاخرهدا اولا
تانيا حاطه مونيكير احمر
تالتا مش مذاكره
وبتغشي من اوسا
ههههههههههههههههه
رغم ان السؤال من المقرر طيب لو اتكررت يا اش متجبيش البلوج من غير ولي امرك واتنين شهود
ههههههههههههه

بنت القمر يقول...

شهروزة واوسا
طب انتوا تحبوا في بعض وان اعلق لكو علي الشاي واقلي القطايف
علي العموم الكرسي في البلوج مني مام تشارج
50 جنيه بمشروب وتلات حتت قطايف
هههههههههههههه
تحياتي ونورتوني انتو الاتنين
وشرفتوني

بنت القمر يقول...

اوسا
كذا مره شهروزة تقولي انى بفكرها بيكي وامبارح حلم ردت انها متوقعه ان تعليقي اكيد ها يكون شبه تعليقك وان حكمها دايما صح علي الناس وراجعي عندها هههههههههههه
هههههههههههه عموما يشرفني اننا نتابع بعض دايما وتنوري دايما البلوجايه

القلم السكندري يقول...

لا واجمل ابتزاز بتاع البنت اللي مبتعملش الواجب الا قدام التلفزيون

والله فعلا احنا شعب يعشق الابتزاز والاستبداد

مش النظام لوحده

لاء

نسبة عظمي تعشق الاستبداد والديكتاتورية

منكم سلط عليكم

كل سنة وانتي طيبة يابنت القمر

تحياتي

ذو النون المصري يقول...

خلاص
العين بتتكلم و بتعبر عن مرادها الغير اخلاقي و غير شرعي ببجاحه غير معهوده و للاسف صار التعبير بالعين عن هذه المرادات لا يصاحبه خجل كما كان يحدث في الماضي
يعني تقدري تقولي ان حمرة الخجل خلصت
موضوع مهم
تحياتي

بنت القمر يقول...

القلم السكندري
كل شخص ذو سلطه يمارس نفوذه علي من تقع عليه دائرة سلطته من عسكري المرور الي البنت علي امها من الحاكم الي المحكوم من الكبير الي الصغير
من الرجل علي المراءه والعكس احيانا المهم ان تملك القوة واسبابها
اشكر مرورك

بنت القمر يقول...

ذو النون
دائما اتشرف بمرورك
فعلا دا اللي كنت عاوزة اقوله كلام العين ....الابتزاز بالاشاره.. والنظره لغه خفيه لكن مؤثره !!ولا يكون الابتزاز دائما عن طريق السلاح
اشكرك
تحياتى

رئيس جمهوريه نفسى يقول...

بالنسبه لموضوع الابتزار بعانى منيه كتير وخصوصا انى 99 % من شغلى مع موظفين المحاكم الواجبات الاجتماعيه فى نطاق العائله بس وخصوصا بعد ازمه مرضى الى محدش مسدلى فيها بوست رائع