التاريخ يرويه المنتصرون ويزيفه المتسولون او يبيعونه لمن يدفع بعد ان باعوا الكرامه والانسانيه والشرف بعد ان اصبح لكل شئ ثمن الاميره فريال التي ظهرت علي شاشه الام بي سي في برنامج قدر اميره فضلت انها تروي التاريخ من رؤيتها وزاويتها
قبل عرض مسلسل الملك فاروق بيوم واحد حكت ما راته كأميره سابقه من انجازات الملك فاروق مثل تاسيس جامعه الدول العربيه وتطوير الدوله المصريه وجيشها كما التمست له الاعذار من اخطائه المعروفه بحرب 48 والحاشيه الفاسده وانغماسه في حياة الملذات وغيرها من الخطايا بصغر سنه حيث تملك مصر وهو في السادسه عشره وخلع في الثانيه والثلاثين كذلك بمحاصرته بالقوى الكبري والاحداث العالميه المتلاحقه تلك القترة
بررت الاميره ودافعت عن تاريخ ملكها واسرتها لكنها لم تكتفي بذلك بل واصلت الحديث عن حياة المنفي وتلقيها افضل تعليم هي واخواتها واخوها ولي العهد في ايطاليا وسويسرا وربوع اوروبا وحياة القصور عبر منن ومساعدات الاسره الملكيه السعوديه!!!ا
وفجاة سقط الوقار وضاعت الهيبه مع كثير من الكرامه واصبحت الاميره تتحدث عن تسولها الطعام والسكن والتعليم من السعوديين واذا كانت الام بي سي قناة الوليد بن طلال فلا عجب اذن فكل شئ مباح يزور التاريخ ويباع كما بيعت افلامنا وتراثنا وكرامتنا عبر برامج هاله سرحان وغيره لااحد سوف يحاسب الاميره عن اموال شعب مصر التى اخذوها بعد خروجهم ولا احد سوف يسألها عن المعاشات التي خصصت الافراد اسرتها ليعيشوا حياه كريمه خارج مصر لااحد سيحاسب الاميره وهي ليست القضيه ابدا
ولكن نسيت الاميره او تناست ان تروي لنا كيف كان كان المصريون يوما يرسلون الي اهل الحجاز الطعام والملابس ويوزعون النقود علي فقراء الحجاز عبر التكيه المصريه والتى وقف امامها السعوديين ايام ما قبل البترول
ولكن نسيت الاميره او تناست ان تروي لنا كيف كان كان المصريون يوما يرسلون الي اهل الحجاز الطعام والملابس ويوزعون النقود علي فقراء الحجاز عبر التكيه المصريه والتى وقف امامها السعوديين ايام ما قبل البترول
نست الاميره وتناست ان تحكي عن طلعه المحمل التىكانت عاده مصريه رسميه في ارسال كسوة الكعبه كل سنه عبر احتفاليه سنويه لعجز اهل البلاد عن توفيرها نست الاميره وتناست ان تروي افضال المصريين علي الدوله السعوديه الحديثه ومساهمتهم في تطوير البلاد بعملهم اطباء ومهندسين ومدرسين في بدايه الدوله قبل عمليه السعودة
يجب ان تنسي الاميره ويجب ان ننسي جميعا حتي يلقنا الامير الوليد عبر البرنامج المفضوح والذي تلاه مسلسل الملك فاروق الذي يظهر الاسره المالكه المصريه بافضل ما يمكن ان فالعائلات الملكيه اينما وجدت هي مثال الوطنيه والانتماء والشرف!!ا
وحين تسقط الملكيه المصريه يعيش امراء وحكام مصر في كنف منن وهبات السعوديين
وحين تسقط الملكيه المصريه يعيش امراء وحكام مصر في كنف منن وهبات السعوديين
شكرا الاميره فريال عي بيع اخرلوحات الهيبه والاحترام والسمو .شكرا علي دفن اخرخيالات الكرامه وصور الشموخ والأنفه شكرا علي روايتك للتاريخ روايه المتسولين المهزومين!!ا
هناك 25 تعليقًا:
عزيزتى بنت القمر تحياتى لكى
يارب يكون رمضانك رائع وايام حلوة عليكى يا رب
يا ريت جت على الست فريال طيب دى ست راح منها النعيم وبقرشين ممكن تزيف زى ماهى عايزة
بس السؤال هو ليه كل العرب بيستمتعوا بالاساءة لنا هوه احنا عملنا لهم ايه
واللى يوجع القلب اللى بيساعدهم فى كده مصريين بشوية فلوس يعملوا العجب
طيب ليه مننا فينا
كل المراسلين والمذيعين بيساهموا بكده
حتى الفنانين بيشتغلوا فى مسلسلات تسيء لسمعة مصر زى مسلسل يسرا ومشاهد الاغتصاب اللى أذيعت بالكامل على دبى
أدهشت الجميع وأظهرت ان مصر كلها شباب ذئاب
حتى اللى لم الافلام القديمة المصرية واشتراها لحساب الوليد اسعاد يونس
وحتلاقى كتير مصريين خدموا الوليد وساعدوه فى مشروعه الجهنمى
عليه العوض
وتحياتى لكى
هو الى انا اعرفه ان اى من سلالة العاءلة المالكة لازم يغلط فى مصر و يمجد بلاد عربية او اجنبية حسب البلد الى راح اتسول فيها و نسيوا ان مصر هى الى عملتهم ملوك بعد ما كانوا بياعين دخان على راى شكرى سرحان فى رد قلبى
لا تغضبى ولا تحزنى
هذه ليست راوية لتاريخ وادانت نفسها قبل ان تدين غيرها
اى انسان لدية من الكرامة لا يابى التسول من اى شىء
خلى بالك دول اصلا مش مصريين
الذى يريد ان يعرف الحقائق سيعرفها اما من عندة نية مسبقة للنيل من سمعة شخص او بلد سيفعل ولا يلتفت للحقائق
لا تحزنى
للاسف البرنامج من وجه نظري كان ساقط في الشكل والمضمون
مش دي اللي حتقول تاريخ مصر وتعرفنا مين السيد والدها
وهي ايه
لكن نقول ايه في النفوس الضعيفه اللي بيحبو يظهرو على حساب الشعوب
يارب خرجنا من الدنيا دي على خيييير
رغم ان غضبك على الأميرة ليكى الحق فيه
لكن حالة التسول فعلا حقيقية
ومش هم وبس
كل من خرج من مصر
قيادة مصر نبذته وآخرهم سعاد حسنى اللى ياما غنت وهللت للثورة ورجالها
فجعلوها تتسول اربع جدران للنوم ومعاش للأكل
ومفيش أموال هربوا بيها لبرة زى ما كتب تاريخ الثورة بتقول يا عزيزتى
كله اتنهب هنا داخل مصر
ولم يسمح لهم حتى باصطحاب مجوهراتهم الشخصية
ويمكن انتى مش ناسية متحف مجوهرات العائلة المالكة بمصر
ودى شوية المجوهرات اللى فضلت قبل سرقة السادة قادة الثورة لها ولعب حريمهم فيها
الملك فاروق لم يصطحب الا اسرته بملابسها الشخصية...ويخت المحروسة الخاص به وعروس المتوسط وقتها
الملك فاروق واسرته كاملة ومن بعده عائلة شاه ايران الطريدة فى باريس
عاشوا حياة المتسولين
سواؤ بقا هى قالت عن عطاياآل سعود أو منحهم لهم
دة مش حيغير من الحقيقة شيء
انهم شحتوا فعلا
نصيحة أخوية
لا تقرأى كتب تأريخ مابعد ثورة يوليو
ففاروق بالفعل ملك مفترى عليه
يكفى ما تمتعت به مصر فى عهده بديموقراطية لم نذق حتى ربعها حتى الآن
مقال واستجواب من أصغر نائب فى مجلس الأمة
كان مفيلااا بالتحقيق فى مصروفات الملك فاروق
ومقال فى جريدة
كان كفيل بتغيير الحكومة بأكملها
تحياتى يا جميلة
esmat
هاي اسمت
الفكرةهي عقده التفوق علي الجماعه بتوع حضارة السبع الاف سنه عقده اذلالهم وتحجيمهم ومعايرتهم بفقرهم علي ذكر مسلسل يسرا وافلام الامير الوليد المسلسل غبي جدا وخنيق ولا يسرا فيها روح المرأة المصريه ولا ملامحها
اما الامير الوليد فادانا هديه علي دخول رمضان وهو اعاده هاله سرحان حتى قبل ما يتحكم في قضيتها لان البرنامج يعرض من بيروت كانه بيطلع لنا لسانه وظز في الناس اللي لتشالوا واتحطوا بسببها واهلا ببرامج الهلس والراقصات
واللي مش عاجبه يتفلق
تحيااااتى لحضرتك
أتفق معك فى موضوع التكيه وخير مصر على الدوله السعوديه الوهابيه
التلا بقد أستفادتها من المصريين بقدر كرهها لهم لقد تناسوا فضل مصر عليهم
و أتفق مع رأى شهروزه أن التاريخ بعد ثوره يوليو ( الأنقلاب العسكرى ) قد تم تزييفه ولو تناسبنا تلك الكتب الزائفه وقمنا بمقارنة أحوالمصر قبل الأنقلاب وبعده لوجدتى أن احوال مصر
من الناحيه الأجتماعيه والأقتصاديه قد تدهورت و أختلف التوزيع الديموغرافى عن ذى قبل وده بسبب تفتيت الأراضى الزراعيه وتحويل الفلاح المصرى من مستأجر الى فقير معدم لا يملك قوت يومه مما أضطره للهروب الى المدن للعمل
زياره الى صعيد وأقاليم مصر المسكينه
هاتشوفى ناس ميته بالحيه
مصر مش هى القاهره وأسكندريه
مصر هى الوادى الكئيب اللى فقد خيره وعزه وهاجر البعض منه للعمل
فى السخره فى البلدان العربيه
كنا نستضيف كل شعوب العالم قبل الثوره
فى مصر من يونان وأرمن وغيرهم
أصبحنا نهرب من فقر مصر الى جحيم الوهابين والخليجيين
أسمعى كلامى أنا أميره وتنازلت عن العرش وعارفه اللى حصل للملك فاروق
أنا أفتقرت من بعد عز
أدينى خمسه جنيه يكرمك ربنا
وااااااااااااااااااااااء
أعتذر عن الأخطاء الأملائيه
السطر الثانى
التى بقدر أستفادتها
السطر السادس
أحوال مصر
السطر الأخير
أدينى خماشر جنيه
معلهش جعانه بقا
أه ه
وجعتينى بالبوست ده اوى يا بنت القمر
أحنا من كتر ما بعنا كل حاجه و أتبعنا
معناش لقين حاجه نبعها و لا حد راضى يشترينا حتى أحنا نفسنا مش راضين نشترى روحنا
عاليا حليم مصر اللي عملتهم واملكتهم واستحملتهم وتحملت اخطاؤهم وخسائرهم ونكساتهم من لحم الحى
شكرا مرورك
الطائر الحزين طبعا المتسول من هانت عليه نفسه وكرامته يهون عليه الوطن وكل غالي
شكرا وتحياتى
اسكندرانى
البرنامج ساقط ومفضوح قبل عرض المسلسل بيوم وعلي محطه يملكها الامير السعودى وقبل عرض المسلسل في رغبه لتلميع صوره الاسره الحاكمه السابقه وتملقا للاسره الحاكمه الحاليه والقادمه تحياتى
شهروزتي
يصي يا اش البوست ليس دفاعا عن حال الثوره ولا رجالها يكفيها عار النكسه في عزمجدهاكما تكفي الملكيه عار 48 ولكن معلش اسمحى لي اختلف مع سعاتك لا يوجد مقارنه بين حاله سعاد حسنى وحاله فاروق واسرته وطبعا كل من خرج منهالازم يدعي الفقر الم يقل اولاد عبد الناصر انهم علي الحديده بعد وفاه ابوهم اللي كان في بيته ميت جنيه عند وفاته ولكن بقدره قادر بقوا من اباطره المال والبيزنس الان
تانيا الذمه الماليه دي حاجه ما تهمنيش ولا كانت هدف البوست اصلا ولا اتهمهم بالنهب كان هدفي
لكن حاله التسول دى لازم تقرفك مش سلوك اميره ابداولا سلوك واحده بتحب البلد دي ولا حبتها في يوم البلد اللي رفعتهم في يوم ولم تلاقي منهم او من غيرهم الا كل سوء
وتكتمل المصيبه بحاله التآمر الواضحه لما يكون مالك المحطه الامير الوليد يبق العيل الصغير لازم يهرش في راسه ويسال ليه الكلام دا وليه التاكيد واثبات حاله التسول دى ولا اللي بيدي باليمين بيفضح عالفضائيات واشمعني قبل عرض المسلسل ولا من باب حط النقط علي الحروف وادينا لمينا كسركوا يامصريين ووسترنا ملككم واولاده بايادينا البيضاء
احبك لما تناكفيني يا اش
تحياتى
اميره اوسا بعد الشر علي سعاتك
البلد دى للاسف كانت حقل تجارب لم تلاقي من حكامها الا كل سوء
من الملكيه والي حكام الثوره وشعبها الغلبان كل ما يحكمه واحد هات يا اغانى واحلام وامال وتمجيد يصحي علي كابوس يجي غيره وما اسخم من سيدي الاستي ملك يحكم عنده 16 سنه دي مسخره
يعينى عليكى يا بلد
اميرتي اميره الكونغو ومصر وميدان لبنان اميره الكرامه مش اميره التسول
تحياتى معلش مكنش ينعز معيش فكه هههههههههههههههه
في القلب
من تهن عليه نفسه يهن علي الناس اشكرك وتحياتى صديقتى ا
صدقينى المصرين هما الى بيهيون انفسهم وبيقبلو بالشكل الحقير دة...
ناس كتير من السعوديين عارفين كويس اوى التاريخ وعارفين ان كسوة الكعبة لسنين طويلة كانت من هنا وغيرة وغيرة...
بس بما ان الوليد بيحب اللعب فى التواريخ فتوقعى كل شئ
ولا تلوميها ,,,فهيا فقط باعت مع من باعو .,..
والوليد ثقافتة قبلية فالموضوع بالنسبالهم انهم ينتصرو على الاخوة المصريين لان بجد برغم كل شائعات الحب ومصر بلدنا
بيضايقو من نجاحنا اوى اوى بجد
كل عام وانتى بخير...
يظهر انك بتكرهى الاميرات
عموما انا ايضا لا احب النظام الملكى
لكن كان هناك حلا افضل من الطرد
وماله
أختلفى
لكن الاختلاف بينا لن يغير الواقع اللى عايشينه
لو كان أبناء ناصر ظهرت عليهم النعمة
فبفضل عمل رجل الأعمال أشرف مروان ودة طبعا قصته غنية عن التعريف
وواضح طبعا أن الفرع الغنى ومن اباطرة المال هو فرع مروان وولده صاحب قناة ميلودى
وليس ابناء ناصر كلهم
ودة مش دفاع عن ناصر
لكن أختلف برضة مع سعادتك وبشدة
فى النظرة الوطنية اللى لازم يتعاامل بها الطريد مع البلد التى جحدته وطردته
بامارة اية تقعد الأميرة تحكى مفاتن مصر وهم مطرودين شحاتين فى بلاد الفرنسيس؟؟؟؟
بأمارة اية تحكى على خيراتها عليهم والحكومة المصرية رفضت مجرد زيارة الأمير فؤاد الثانى ابن فاروق لمصر ومنعته من دخولها كسائح ولزيارة قبور عائلته الملكية المدفونة بمسجد الرفاعى بحى القلعة
والحجة؟
لدواعى أمنية
وخوفا" من قيامه بانقلاب للعودة للملكية؟؟
وسلاماااات يا انقلابااات
وسلامتها الست أمنية
مأنطردش زى الكلب برة
و أشحت وأتسول برة من اللى يسوى واللى ميسواش
وفى النهاية
عاوزين منى أنى امسح لكم جوخ مثلااا
أو أزين فى صورة مصر وأحفلطها فى عيون الناس برة
فى اللحظة دى يبقا
مية طظ فى مصر
واللى عاوز يشترى يشترى
مين اللى اعطاه فرصة للشراء؟؟؟
مين اللى مأحترمش جزء مهم وقوى من تاريخ مصر وهو آخر أفراد العائلة المالكة..وأغناه ذل السؤال؟؟
مصر يا أختى
طردت ابن الهجان ذات نفسه طردة الكلاب من هنا هو وأمه ومراته الحامل
ورفضت اعطاءه أى فرصة عمل
لدواعى الست امنية برضة
وكمان
تجرأت الحكومة ورفعت قضية وسمحت بنشر مواد صحفية تشكك فى نسب ابن الهجان له
يعنى حكومة وقادة مصر بتطعن الراجل اللى اداها دمه وحياته فى شرفه وشرف مراته وهو ميت ميقدرش يدافع عن نفسه
ودة جزاءه
بخلاف طبعا المهزلة اللى ترك فيها الشوان حاليا وهو يتسول راتب شهرى يتعيش منه بعد ما طنشته حكومات وقادة مصر
ويوم ما حنوا عليه ونظروا له بعين العطف والرحمة
وضعوه على بند الأرامل والأيتام فى التأمينات
براتب شهرى 72جنية
الشوااان بقا على بند الأرامل والأيتام
وأبت نفسه هذا الاذلال المتعمد
ورفض استلام المبلغ وقال
أن هناك من هم اولى منه به من أرامل وأيتام
أنما أنا مازالت رجل شامخ
والنبى يا شيخة صلى عالنبى و اسكتى
وسيبى الواحد مكتوم وساكت
بكرة لما أحمد زويل اللى فالقين راسنا بيه يموت
حتشوفى حيعملوا اية فى ولاده ومراته
أما لافت عليهم الحكومة ولهفت منهم اللى وراهم وأدامهم وكمان شككت بنسب أولاده له؟؟
ابقى قابلينى بقا وقتها لو محصلش
نسيت اقولك حاجة والانترنت فصل قبل ما اكملها
برنامج الأميرة فريال
قديم
مش جديد بخصوص مسلسل فاروق
انا شفته من سنة ونص او سنتين تقريبا على الام بى سى برضة
تلاه على طول فى نفس البرنامج لقاء مماثل مع جيهان السادات
وبالمناسبة كمان
مسلسل الملك فاروق للكاتبة لميس جبر
الرقابة المصرية رفضت الموافقة عليه ولها عشر سنين بتجرى بيه جوة مصر علشان يتنفذ
وبما أنها بتنصف فاروق فيه وبتحاول اعطاؤه بعض من حقه
وأن المشاهد بالفعل حيعرف تماما أن فاروق ملك مفترى عليه
فقد وقفت لها قنوات واعلام مصر بالمرصاد
وكان مرشح لدور فاروق زوجها الفنان يحي الفخرانى
وهو من ساندها لخروج منتجها للنور
والمسلسل لا يعرض على اى قناة مصرية بالمناسبة
شفتى التاريخ بينكتب ازاى؟؟
elgazali
فعلا هي باعت مع من باعوا بس المشكله انها مش زى هي اميره مصر هي اللي ادتها الوضع دا ومصر برضه الي بتشحت باسمها
اشكر مرورك
good man
انا مش بكره الاميرات انا بكره المتسولات وبعدين ايه هو الحل اللي كان غير النفي ماهو يا النفي يا الاعدام يا تري كانوا ها يختاروا ايه فيهم؟؟ ودا عموما سلوك اي ثورة
تحياتى واشكر مرورك
شهروزة
بصي يا اش يا حبيبتى انا لاادافع عن الثوره ولا الملكيه بس الفكره الي مضايقانى هي فكره البيع والتسول فيمن نفترض فيهم العزة والكرامه وتربيه القصور
بغض النظر عن كل الكلام الي قلتيه عن انهم طلعوا بهدومهم طب يحمدوا ربنا انهم طلعوا اصلا يعني اي ثوره في العلم من انقلابات الخليج حتي الثورة الفرنسيه ماذا فعلت تلك الثورات في ملوكها غير الدلدله من المشانق ولا اللاعدام علي المقاصل يعنى الناس دي خرجت علي يخت المحروسه مضروب لهم 21 طلقه في يخت فخم وحتى لو طلعوا من غير فلوس هل هذا مبرر هل الانتماء وفكره الوطن ترتبط بحاكم اذا كان ملك او رئيس بعد الثورة ام ان فكره الانتماء تكون بالوطن وهو الثابت يعنى وبتوع الثوره لهم اخطائم اقوم اكفر بالوطن باسم مصر ويكون ما نقولش ايهه ادتنا مصر نقول ها ندي ايه لمصر كلام اغاني بجد؟؟
مصر هي اللي ادت الناس دى صفتها ووضعها ومصر هي الي خرجت منها وهي حيه وبرضه مصر هي الي بتسسول دلوقتي باسمها باعتبارها اميره مصريه سابقه
اذا البلد قست علينا وكفرنا بيها دي تبقي مصيبه لان الوطن ام تغفريله واذا كانت الوطنيه مرتبطه بكونى مستفيده من البلد او عندي امتيازات دي تبقى علاقه مصلحيه بحته مش علاقه بوطن هو ام تجمعنا لا علاقه موظف بشركه انتمائه لشركته سابه وراح شركه تانيه باع الاولي وحول انتماءه لمن يدفع له اكتر
انتى جبتي سيره الشوان ودا نفس موقف الاميره الحكومه لم تكرمه ولم تعطيه حقه لكنه طلع علي الايه عرتي بعزة نفس وكرامه يحكي كفاحه وهو اكيد اثر سوءا من ناحيه ظروف المادة من الاميره لكن اكتر عزة
انا عارفه ان اكيد في سلوك حكومي لدفن الماضي الملكي وتشويهه ودي عادة مصريه قديمه من ايام الفراعنه بمحو اثار الفرعون الراحل لاخفاء اثره ومنعه من الخلود ودفن سيرته وكلنا اتربينا علي اغنيه عبد الوهاب عاشق الروح وخلفيتها صوره الملك مظلله بالاسود الغبي كانهم ها يمحوا اثره من الحياه بتظليل صورته سلوك غبي من الثورة ورجالها
واخيرا تحياتى لحضرتك
السلام عليكم
كل عام وانتم بخير واخبار رمضان معاكم ايه
ان شاء الله يكون كويس
وصيام وقيام وحاجات جميله روحانيه
----------------------
بالنسبه للموضوع
هي حره تتكلم زي ما هي عايزه
تشتم بلدها او اللي كانت بلدها
تشتم الثورة الثوره تشتمها
محدش هيعرف الحقيقه حاليا
هنعرفها بعد فتره من الزمن
بس الوليد ابن طلال لازم يعمل كده يا بنت القمر
دا انتماء لعائلته الملكية وانه بيشتري كل حاجه بفلوسه ما الكل دلوقتي بيتباع بالفلوس
--------------
ليا تعقيب صغير
بالنسبه لكلام شهروزه بس
وهي بتحكي عن الملكة والملك
بتحكي عن ناس كانوا حاكمين بلاد
طيب سقط حكمهم والشعب ظهر عليهم وحصل اللي حصل
ليه ميشتغلوش زي اصغر واحد من افراد شعبهم ؟
مستنين يتسولوا ليه اصلا ؟
وليه الشحاته؟
مفيش يعني ناس خرجت من مصر واشتغلت وبقوا من اغني اغنياء العالم ؟
مستنين ليه ياخدوا فلوس من البلد دي ؟
انا اساسا ضد طردهم اصلا
لانهم كانوا يعيشوا معانا
زيهم زي الشعب
لكن انهم هيعيشوا ويفضلوا في الموضوع ده وانهم من حقهم فلوس وبتاع
يبقي يعيشوا شحاتين ما داموا عايزين فلوس من غير شغل بقي
--------------
دا كان تعقيبي
تحياتي
مهند
اشكر مرورك وبالنسبه الي للاميره اللي باع كرامته يبيه وطنه وينسول براحته وبعدين الناس دي تشتغل ازاي دي تيجي لا الشحاته اريح واسهل برنامج فضائي تاخد المعلوم منه وقضيت تحياتي
m >guban
thank you for visiting my blog
i have visited yours
i enjoyed your images
i will visit it sooneranother time
thank you again
إرسال تعليق