الأربعاء، سبتمبر 05، 2007

كاترينا الوثائقيه .....مش ها تقدر تغمض عينيك


احب الا فلام الوثائقيه وشغفت بها من صغري وخصوصا الابيض والاسود منها ومن عدة ايام شاهدت على قناة الجزيرة الوثائقية الفيلم الوثاثقى كاترينا الذي يحكى عن الاعصار المعروف لكن الاختلاف هناحكايه الفيلم من الناحبه الانسانيه ومن نقطه واحدة هى سجن اولايه الذي كان مسئولا من المأمورولحراس وحين فاضت المدينه بعد غرقها بالمياة وبدا سكان اولايه بالهرب اغلق الحراس للابواب على من فيه من مساجين من عتاة الاجرام والقتله والمغتصبين الى من دخل السجن في مخالفةمروريه او لدفع ضرائب متاخرة تلك الليله الرهيبه

ضرب الحراس المسجين بالعصي ورشوهم برذاذ الفلفل الحار وتركوهم يواجهوا الخوف والموت والمياة وهربووابتدأ المياة فى الزياده حتى اكتاف المساجين ويوثق الفيلم لروايه ثلاثه منهم بعد نجاتهم وحارسه السجن التى علقت داخله وهى فى شهرها الرابع من الحمل ويحكى الناجون على لحظات الرعب من محاصرة المياة وانقطاع الظلام والجوع والبرد وهم يتخبطوا داخل السجن بلا وسيله للهرب ومحاصرة الموت من كل جهه




الفيلم قيمته خلوه من الاحصائيات الممله والشرح الجغرافي والفلكى للظاهرة ولكن للسرد الشيق للحاله الانسانيه للمأساة حتى انك تتعاطف في نهايته مع السجين القاتل وتستغرب من قسوة السجان الذي لا يتوانى عن اغلاق الاباب وترك من خلفها لمواجهة الموت حتى لو كانت احكامهم الاصليه سته اشهر واجهوا الموت بدلا منها
الجميع فى مواجهه الكارثه والموت والكل يبحث عن وسيله النجاة وس امداد حكومى شحيح فى الدوله الاقوى في العالم ووفت يمر كالسيف يقطع كل لحظه في رقاب الاحياء
القناة تقدم افلام ترصد الاقليات العرقيه والدينيه والثقافيه مثل الاكراد والبروتستانت والارمن وغيرهم مع شرح واقعهم الثقافي اعرا فهم وتقاليدههم بصورةبسيطه وعميقه تفوق متعه القراءة وتمتاز بصورة تقرب المعنى وتوضحه كانك تقرأ كتابا ملخصا اضافه الى متعه الصورة مع سرد لشهود القصه وابطالها وروايه للتاريخ من زوايا متعددة تستحق المتابعه والاهتمام

هناك 16 تعليقًا:

شـــــهــــروزة يقول...

حطيت نفسى للحظة مكان المساجين اللى أخذوا دور الفئران رغما عنهم

ومتتصوريش حسيت بايه

أصبحت جرائم ابو غريب بجانبهم مثل لعب الأطفال أو الاستغماية

وسلميلى على حروق الانسان

=================
ولو أنى عارفة ان أهالى الضحايا دول مسكتوش
وأخدوا تعويضات من عين اللى جابوا الحكومة الأمريكية

دى ناس مبتلعبش يا ماماااا

===========
مش عاوزة أقولك أن متعتى الوحيدة فى الوثائقيات خصوصا الأبيض والأسود


تعرفى أول وثائقى شفته فى حياتى كان امتا؟؟
وانا عندى خمس سنين
تعرفى كان اية؟؟


العالم فى حرب
فاركاه زى ما يكون امبارح
عن الحرب العالمية الاولى والثانية وتفجيرات هيروشيما والنازى ألخ ألخ

من وقتها
وأنا مدمنة
يمكن تفتكريه انتى كمان؟
كان بييجى على القناة الثانية
بعد نشرة 8الانجليزية

شفتى فاكرة ازاى؟؟؟؟؟

الجزيرة رغم ان لها بعض التجاوزات لكت وثائقياتها؟؟؟
لا تقاوم

Esmat يقول...

بنت القمر
تحياتى عزيزتى على إثارة هذا الموضوع
فعلا الناس دى لما بتعمل افلام تسجيلية عن شىء بتركز صح على إبراز القضية المطروحة بدون حشو وملل يتوهك عن اساس الموضوع نفسى نتعلم نعمل حاجة صح ساعات افكر واقول هوه احنا المصريين نمتاز بإيه بالضبط مالقيش حاجة
اما قضية المساجين ده موضوع مؤثر بس دول بيعرضوا -مساؤهم امام الراى العام وبيخدوا حقهم لكن احنا مهما عرضنا من ظلم مفيش حد بيهتم ولا حد بياخد حقه
حبيبتى بالنسبة لموضوع ابيات جاهين على اسم مصر انا وضعت الجزء الاول ومن فضلك اعرضيه - وفيها ايه لو كلنا كتبناها فى مدوناتنا يا ريت ده يبقى شىء جميل
ارجو منك التفكير وعرضها عندك والصور والبوست تحت امرك ياجميل
واشكرك يا قمر

بيقولوا سايكو يقول...

ما باتفرجش كتير على أفلام وثائفية لإن أغلب اللى شفتهم كانوا مملين بس واضح من كلامك إن فى كتير حلو بس ما بيقعش تحت إيدى

أما بالنسبة لموضوع افيلم فمش قادرة أعلق عليه

بنت القمر يقول...

شهروزتى الحلوة
بصي بجد اللي حصل مذبحه والناس دول سفاحين واهم بيدوقوا من عمايل ايديهم منهم فيهم كفايه اللي دقناة منهم وياريت الناس المساجين دول اتقتلوا مرة واحدة لكن دول ماتوا موت بطئ
ماتوا رعبا
وبعدين انتى برضه بتحبي الوثائقيات اخص عليكى!!!!دا انتى متوائمه فكريا معايا بقا؟؟؟
ولا التوائم!!! يا لهوى طب انا انا؟ ولا انا انتى؟؟ ولا انا مين ؟؟وازيك بقا؟؟؟ وشحتينى يا قمر

بنت القمر يقول...

اسمت الحلوة
بجد الفيلم كان حلو اوى وكأنك بتشوفي فيلم رعب بجد وتانيا: بالنسبه للوثائقيات دى بتعرض كمان احداث ممكن تكونى ماعاصرتيهاش .او بتعرض لك ثقافه شعوب واعراق انتى ما تعرفيهمش يعنى كانك قريتي كتاب وانتى ماسكه مج الشاي فى ايدك!! وكمان متعه الفرجه
تحياتى ..وبالنسبه للابيات اوعدك وعد راجل ههههه انى ها انقل من مدونتك موضوع يعجبنى قريب
مع الاشارة لمصدره انا عارفه ان مواضيعك كلها احلى من بعضها
بس بلاش المرة دى بليز.. انا بس كنت حابه اقولك انها عجبتنى وتستاهل اعادة العرض مرة تانيه
تحياتى

بنت القمر يقول...

بيقولوا سايكو
بصي يا قمر المحطه شغاله 24 ساعه حاولي تتابعيها اكيد هتلاقي حاجات كتير تعجبك
تانيا انا كنت متابعه مدونتكم اللامعقوليزم وكانت عجبانى اوى ليه بطاتوا كتابه؟؟ كانت مدونه متميزة اهلا بمرورك وكرريها يا قمر تحياتى

momken يقول...

عندك حق انا شوفت الفيلم
بس طبعا انا مش فنان زيك كده
انتى حساسه اكتر ومخك متفتح اكتر انا شوفت الفيلم وقمت كملت قعدتى على الكمبوتر
لكن الفنان الى زيك يشوف الفيلم ويطلع منه ببوست جميل يحرك مشاعر الناس

الحمد لله انى مش فى السجن معاهم وانى مش تحت الاعصار اصلا
والحمد لله ان الاعصار مش فى مصر كان زمنا خسرنا خمسين مليون على الاقل

تحياتى

عاليا حليم يقول...

من المؤسف و المؤلم و المحزن ان من يتشدقون بالحرية هم اول من يقتلونها موضوع التعذيب ده فى كل بقعة من بقاع الارض ربنا يقوينا على دنيتنا دى

بس انا اول مرة اعرف الاغنية دى بتاعة دليدا

weswes يقول...

انا كمان بحب الافلام الوثاقيه
والصراحه قنا الجزيره تحفه
انا شوفت الفيلم بتاع كترينا كانت حفه برضوا
والصراحه اللى حصل لللمساجين ده مش غريب على الامريكان لان هما شعب جبان ومستهتر وانتهازى
بس اكيد المسجين دول خدوا تعويضات بالهبل وتلقيهم بيقولوا يا ريت نتحبس ويجى اعصار تانى
الدور والباقى على اللى فى جونتانمو ولا سجن ابو غريب
اللى مش ليهم صحاب
هيتعذبوا ويمتوا ولا حد هيحس بيهم ولا حتى هيخدوا تعويضات

mohand يقول...

السلام عليكم
انا كمان بحب الافلام الوثائقيه
وكنت بتمني اكون مخرج ومصور افلام وثائقيه
بس طلعت مش فالح

تحياتي

اسكندراني في الغربة يقول...

اخر فيلم شفتة على الجزيرة كان جبل االثلج وغرق السفينة تايتانيك
بس معرفش لية مش بتابعها مع اني بحب جدا اسلوب حكاية قصة حصلت و تقديمها بي طريقة لحظة بي لحظة
---
بالنسبة لي حبايبنا الامريكان
فمعا كل الي بيعملوه علشان يبانوا اقوى دولة في العالم
لازم تظهر حوادث تفوقهم من الوهم وترجعهم للحقيقة
انهم لسة بشر

بنت القمر يقول...

ممكن .:،
العفو ولا فنانه ولا بتاع بس دى كانت مشاعر انسانيه رغم انهم امريكان ومساجين ومعظمهم مجرمين بس الاننسان لحظه مواجهة الموت بيكون غلباان جدا وخصوصا اذا كان موت بطئ ومرعب ربنا يحفظنا ويحفظ مصر وبعدين ما احنا بنموت بطرق تانيه والفيلم دا فكرنى بالجماعه بتوع العبارة ربنا يرحمهم يسكنهم جناته
واجهوا الموت رعبا برضه ويصبر اهلهم
تحياتىلك

بنت القمر يقول...

عاليا حليم
هاى يا قمردا يا بنتى مش تعذيب دول قفلوا عليهم البيبان وهربوا وعارفين انهم ها يغرقوا جوا الزنازين دا قتل متعمد
وبعدين انتى مكنتيش عارفه ان اللحن بتاع داليدا ههههههه
تصدقي ولا انا ياقمر
هههههههه
كنت بنزل اغنيه لداليدا من النت من موقع السالميه وبعدين لفت نظري اغنيه لها معرفهاش اسمها فلا منكو اورينتال
هى دي بقا اللي انتى سامعاها واللي لطشتها الاخت شرين بس حلوة صح يا قمر ولا ايه؟؟ اصلها فرايحي والكل منزل يا اما منير او فيروز انا قلت اغير بقي
تحياتى يا لولو

بنت القمر يقول...

wes wes
تحياتى يا جميله متفقين سوا فى كل كلامك وبالنسبه للتعويضات اعتقد انها ها تكون بقا للورثه لان الناجين من السجن دا اربعه بس
واما العراقيين بتوع ابو غريب فلهم ربنا هو حسبهم المنتقم الجبار ياخد حقوقهم من من ظلمهم واهان انسانيتهم دنيا واخرة طالما زعماءالعرب باعوهم
تحياتى ياسكر

بنت القمر يقول...

مهند
الافلام الوثائقيه متعه كبيرة وثقافه عاليه يكفيك الاستمتاع بيها دلوقت واديك بتشوفها على الجاهز يا عم ولا تعب ولادراسه
تحياتى

بنت القمر يقول...

اسكندرانى فى الغربه
ممكن تحط رقم المحطه في ترتيب متقدم من الرسيفر يعنى قريبه من القنوات الفيفوريت ممكن مثلا بعد دريم او الجزيرة تقوم ما تنساش تتابعها
الاممريكان بقابيظهروا للعالم برضه انهم ولا متحضرين ولا بتوع حقوق انسان ولا حاجه دا رداء زائف وكدبه كبيرة بيضحكوا بيها علينا
او شعار يستخبوا وراه ويحتلوا او ينهبوا دول العلم لكن الشعارات دى هما بعاد عنها