الأحد، سبتمبر 09، 2007

ليلي 2


ليلي علي طريقتى وكما اتمنى ان تكون ليلي الذكيه ليلي الواعيه المشاركه في مجتمعها المهمومه بمشاكل وطنها وامتهاالفتاة والسيدة الزوجه والام المربيه لاولادها بطريقه حديثه وواعيه ليلي التى تحترم انوثتها وذاتها ليلي الشجاعه ضد الظلم
ليلي التى تلهث علي تعلم الجديد من لغه او تكنولوجيا اكتر من ان تلهث على ادوات الزينه
ليلي التى ينبغي ان تكون تعرف واجباتها نحو اسرتها مثلما تعرف حقوقها
ليلي التى تجبر الرجل علي احترام كيانها وجسدها بدلا ان تكون سلعه
ليلي التى لاتنجرف لاله الاعلام الساحقه التى تتركها فريسه لشركات الشامبو والالات ازاله الشعر وكريمات التفتيح ليلي التى ترى اولادها الاذكياء الواعين المتعلمين رصيد لها اكثر من ان تري الرصيد فى سيارة جديده او خاتم ماس ليلي التى لاتشعر بعار ان بقيت بدون زواج وتخطت الثلاثين بل تري فى نفسها مناحى اخري لافادة نفسها والاخرين
ليلي التى تواجه الموروثات الاجتماعيه السلبيه مثل سلب حقها في التعليم او واختيار الشريك والعمل تفضيل انجاب الذكور والتمييزضد الاناث وغيرها ولاتكون حلقه لنقلهاللجيل الاحدث
ليلي التى تواجه التحرش والمعاكسه بصلابه وشجاعه ليلي المتدينه الملتزمه بلا تزمت المعتزة بثوابتها الاخلاقيه والاجتماعيه
تحياتى الى صديقتى لست ادري وشكري لها وتابعوا معنا باقي فعاليات كلنا ليلي ولمعرفه المزيد

هناك 21 تعليقًا:

Lasto-adri *Blue* يقول...

:)

فى القلب يقول...

يا ه ه ه ه
صدقتى يا صديقتى
يا صاحبه الفؤاد الراقى

فى القلب يقول...

اه
نسيت أقولك
كل مره بتبهرنى
بنيولوكاتك
يا مبدع يا قمر

بنت القمر يقول...

اهلا لست ادرى بس كدا خلاص؟؟؟

بنت القمر يقول...

في القلب
صدقت ايه بالظبط فهميني اوعي تكون تريقه؟؟؟
لالالالالالالا
ازعل انا
قولي ورايا
عاشت ليلي حرة مستقله
يا يعيش يعيش يعيش

بنت القمر يقول...

في القلب
اصل لنا بحب التغيير
وعشان ما تزهقيش منى ياقمر
ها مشت الباميه من غير ليمون
ولا قضتيها بيتزا؟؟؟
ودلقتى العيال وابوهم؟؟؟؟
هههههههههههه

mohand يقول...

السلام عليكم

كل عام وانتم بخير

وربنا ينولك وتكوني اللي بتتمنيه
ليلي او ايا كانت

المهم تكوني الصح

وربنا يتقبل منك في رمضان صيام وصلاة وقيام

تحياتي

الطائر الحزين يقول...

رائع يا ليلى
ياليت كلكن ليلى

تحياتى
رمضان كريم

بنت القمر يقول...

مهند
ليلي دى ما اتمنى ان تكون عليه المرأة كل عام وكلكم بخير تقبل الله صلاة وصيام الجميع ورمضان كريم يارب

بنت القمر يقول...

الطائر الحزين
الله اكرم
ياليت كلنا ليلي
يا ريت كل بنت وسيدة مصريه تكون ليلي
تحياتى

شـــــهــــروزة يقول...

من معرفتى بيكى
انتى تقريبا كل دوول

وأشهد الله على ذلك

كميلتون أنتشى

شـــــهــــروزة يقول...

كل سنة وانتى طيبة

ورمضان كريم عليكم يا رب

عاليا حليم يقول...

كل سنة وا نتى طيبة يا احلى بنات القمر ايه يابنتى ما تستقرى على شكل للمدونة ؟ بس على فكرة التجديد الى فات كان حلو و الله :)

ايوة يا بنتى كلنا ليلى بس ما فيش و لا قيس واحد يوحد ربنا

بنت القمر يقول...

شهروزة باشا
وانتى بالصحه والسلامه
والسنه الجايه يديلك ربنا كل اللي بتتمنيه
ويحقق كل احلامك

بنت القمر يقول...

شهروزة باشا
ومن معرفتي بك انتى برضه كدا واحسن انتى اللي كميلتون
وشوكلاتا تون
ومهلبيتون
وكنافتون
وقطابفتون
ههههههههههه
ههههههههههههه
هههههه
هههههههههههه

بنت القمر يقول...

عاليا حليم
كل سنه وانتى بالصحه والسلامه
والله كل ما اختار شكا تلاقيه عاجب ناس وناس لا
وعموما شهروزة المسئوله امسكوا في خناقها بقا هى اللي قالت البحر وحش وخنيق وعاجبها اللوك الجديد
حيرتوني
ايه دا يا قمر انتى معندكيش قيس؟؟؟؟
!!!اكيد عدموا النظر
انا بقا عندي قيس بس ركب الناقه !!!وشرخ
بقاله خمس شهور
ادعي لي يرجع بقا على مرضان
هههههههههههههه
هههههههههه
وانا ادعيلك بقيس كدا حليوة ومقرش يستاهل عاليا باشا
كعب الغزال
تحياتى
يا سكرة

Eman Eltaher يقول...

جميييييييل اوى البوست
بجد رائع
وياريت تكون كل واحدة منا ليلى
الى الأمام دايما

تحياتى

Esmat يقول...

قمرتنا الحلوة
اعتقد ان ليلى التى تتمنى ان تكون
هى موجوده فعلا ومنذ سنين
مش فى كل الاسر بتلاقى البنت مقهورة
و مش كل البنات بتجرى وراء المظاهر
الحمد لله رغم ان الاعلام مالى الدنيا بفئات من البنات اعتبرهم درجة سادسه
الا انه النماذج المشرفة تمتلا بها الدنيا منذ زمن
لكن حال بلادنا
لا تركز على ابراز ذوى العلم والمثقفين والمثقفات لان الحاجات دى مش حتلاقى معلنين يساندوها
لكن المظاهر الجسدية حتشد المعلنيين لزيادة الاعلانات
جو بايظ
وبعض البنات بتنجرف وراء التيار والفلوس
زيها زي الولاد برده
اه فيه نسبة بوظان لكن مش عموميه
ماشاء الله عقول البنات من خلال مدوناتهم تشرف ان دول بنات مصرية
لكن الصورة اللى لازم تتغير والبنات -
هى اللى حتفرض ده على المجتمع بشخصيتها
حقوقها فى اختيار شريك حياتها
و الرجل اللى تتمناه
وان لم تجده فلا تتزوج لمجرد الزواج
لان ده يبقى انتحار
احنا بنختار اصحابنا فالاولى اختيار من نعيش معه باقى حياتنا
مش بس كده
اختار من ان جاءت لحظة موتى اموت على صدره
و الكلام فى الموضوع ده يطول
ولكى تحية وادعو الله ان تعيشى حياتك كما تتمنيها
وطابت ايامك

Esmat يقول...

كل سنة وانتى طيبة ورمضان كريم عليكى

بنت القمر يقول...

هاي ايمان الطاهر
والله يابنتى انتى ما انتى عارفه انا بحبك ازاي ياسكرتي وانتى بقا ليلي الصغيرة ربنا يفرحنا بيكى واشوفك ليلي كبيرة وتجيبي لنا ليلات حلوين زيك
كل سنه وانتى بخير

بنت القمر يقول...

اسمت الحلوة
كلنا ليلي وصلنى علي الميل عبر اسئله انا لقيتها صعبه حبه وتنظيريه نوعا ما
من نوع اللي بيتناقش في ندوات المراه
وبما اننه وصلنى من صديقات عزيزات وانا احب اشاركهم فقلت بقا يا بت شاركي بس باسلوبك وهتلاقي الكل عمل كدا غالبا واسلوبي دا بقا كان هو تصوري لما يجب ان تكون عليه ليلي
وما اتمناه لها
طبعا فيه نماذج كتير حلوة واخري وحشه اوى تخليكى تقولي
يا لهووووى هما دول ها يخلفولنا عيال؟ويربوهم ؟ ويشاركونا المستقبل؟
يارب كل بنت تكون ليلي واعيه ونتحضرة
تحياتى ليكي ياجميله
وكل سنه وانتى واسرتك الفاضله بخير
ورمضان كريم وتنوروا اليكس قريب