السبت، يناير 26، 2008

!!مع أن مش كل البشر فرحانين

لسه الطيور بتطن
والنحلايات بتفن
والطفل ضحكه يرن
مع ان مش كل البشر
فرحانين
حين اشرقت شمس الله في السماء امس وكنت اشرب قهوتي صباحا واراقب المارة من شرفه احدي الغرف ..
تذكرت هذه الاغنيه واللحن الشجيين..
كان المارة مسرعين لحضور صلاة الجمعه
والصغار يمرحون فرحين باجازة نصف العام
لا شيئ جديد في هذا اليوم
لم تزل احلامي معلقه
لم تزل صراعاتي مع ذاتي ومع العالم والآخرين قائمه
مشكلاتي مازالت قائمه.. ومستمرة..
...تصفحت تدوينات اليوم سريعا
..غالبيه المدونات تتحدث عن غزة وحصارها بما يفطر القلب..
وبقيه المدونات عن معرض الكتاب القاهري الذي لا نراه في الاسكندريه..
وحتي لا يقتلني الحسد فاستعدت بعض كتبي القديم من بيت امي اعيد قرائتها واجترها من جديد
كان برنامج اليوم هو الذهاب للسينما
ورغم اني كنت قد رضخت لرغبه الصغيرة في الذهاب لخليج نعمه رغبتها _بدلا عن الجزيرة كما كنت ارغب..كالعاده
ولم يكن هناك ما يستدعي الفرح ولا جديد يفجر الاحزان.. فكل الاحزان قائمه وثابته بلا تغيير
نفس الاخبار العراق وفلسطين
..نار الغلاء
..الاحباطات الانكسارات
..وأحلام ذات لم تتحقق كما تمنيت
ورغم اني فقدت رغبتي في الحزن أو قدرتي علي السعاده ايضا
ها انا اذهب للسينما واحاول الاستمتاع بأجازة نصف العام
في نفس اللحظه التي لا تزال احباطاتي مستمرة
!!استرجع قراءاتي القديمه !!وفي نفس اللحظه التي اشرب فيها قهوتي يموت الكثيرون في بلادنا
بردا وجوعاوتحت الاحتلال
في نفس اللحظه التي اضع فيها عطري او ارتدي معطفي
!!ما زال الوطن يعاني من الجهل والتخلف من المرض ومن الانكسار
..وتئن البشريه من الالامها
!!تعايش غريب
بين الحلم والواقع بين الامال المكسورة والالم المتواليه
ادي اللي كان وادي القدر وادي المصير
نودع الماضي بحلمه الكبير
نودع الافراح نودع الاحزان
راح اللي راح معدش فاضل كتير
تعايش مع الواقع بكل قسوته والمه وبين حركه الحياة المستمرة بلا توقف
فالنخله امامي مازات شامخه والعصافير تغرد لي وتبحث عن حب او شربه ماء من برك المياه بفعل المطر
!!اخذتني افكاري من فنجان قهوتي وعدت اليه ارتشفه سريعا قبل ان يبرد

هناك 18 تعليقًا:

زمان الوصل يقول...

إيه العمل فى الوقت ده يا صديق ..
غير أنّنا عند افتراق الطريق ..
نبص قدّامنا .. على شمس أحلامنا ..
نلقاها بتشق السحاب الغميييييييييييق

:)
*-->--

عدى النهار يقول...

يعنى يا زمان الوصل مش كنتى تستنى شوية :) أنا أيضاً أول ما جاء على بالي هو بقية الغنوة الجميلة

ولو إن بنت القمر قالت نفس الكلام بصورة مختلفة.. فالنخلة مازالت شامخة والعصافير تغرد... والحياة صالبة طولها بعناد جميل

ذو النون المصري يقول...

نادر جدا ما بلاقي اغنيه تعبر عما بداخلي
و قليلا ما التفت الي الكلمات لاني بركز علي النغم و اللحن و بياخد كل تركيزي

ذو النون المصري يقول...

لكن اللحن برضه بيعبر عن حاله نفسيه جوايا
فمثلا الحان عمر خيرت احيانا بتستفز اعصابي و احيانا بتهديها

HafSSa يقول...

طيب و العمل يا قمر؟
لما بفكر بنفس الطريقة دي بكتاب و الدنيا بتسود في عيني
هل فكرك لو حصل كده اكون فدت الناس اللي فكرت فيهم؟
مش حقولك يكفي ان احنا فكرنا فيهم
احنا مش بنفكر فيهم على سبيل الشفقة
لكن احنا في احجة نقدر نعملها و مقدرناش؟؟
مش عارفة مش عاوزة ابان سلبية بس كل ما فاكر ايه اللي اقدر اعمله
بلاقيه قليل جدا
صحيح بعمله بس بيبقى زي نقطة في بحر
ربنا يرحمنا و يرحمهم
تحياتي

appy يقول...

اقولك حل لازم يبقى فيه امل اكتر وشيه وغير وجود الامل التمسك بيه والاقتناع الداخلى انه هيتحقق

Ragi يقول...

لقد خطط لنا ان نكتفى بمشاهدة الاحداث وحركة الحياة من النوافذ او على الشاشات وننفصل عن ذواتنا لبرهة نستقبل كالهوائيات موجات البث من كل اتجاه ، فما كان منها متوالف مع اجهزتنا يؤثر فى كيمياء عقولنا وقلوبناوالباقى يطيش
تأثير الاحداث على كيمياء الانسان عجيب جدا فليس من الضرورى ان التفاعل يؤدى الى نتائج متناغمة مع الاحداث التى استقبلناها، وهنا يظهر عمل العقل الباطن واضحا جليا ، فهو يدفع بعض الذكريات المختزنة لتطفو على سطح العقل الواعى وتكون ذات علاقات غير واضحة تماما بالاحداث التى تجرى حيه امامنا وهنا يقف العلماء فى حيرة ولا يجدون تفسير لعمل ذلك الجزء الغامض من عقلنا الذى يبدو وكأنه هو الذى يقود العقل الواعى ويثير الشجن او السعادة فى قلوبنا
انظرى الى نفسك فى هذا الموضوع
نزولك على رغبة ابنتك كأنه ترضيه لها ولكنه عقاب لنفسك انتى فأنتى تشعرين بالذنب لذهابك للسينما اى للمرح بينما ما يدور حولك لا ينسجم مع ذلك
كذلك وضعك للعطر هو شعور بانك تلوثتى من تلك الاحداث والذكريات فيدفعك العقل الباطن الى وضع العطر على جسدك
بديلا عن تطهير الروح

كريم بهي يقول...

الاحــزان كلمات ممسرحة على مسرح الايام
واحنا الممثلين
والقدر هــو المخرج
هى دى طبيعة الدنيا يا بنت القمر
لكن انا عاوز اقولك ممكن نخرج عن النص
تيجى مرة نخرج عن النص المسرحى اللى وضعه القدر ونخرج عن القدر المحتوم ونفرح او نسعد
تيجى نعمل جريمة النسيان وننسى
وندور على السعادة مابين حوارى لحظاتنا المصلوبة على جدار الزمن

انا مش ببالغ بس بحاول ارسم لوحة مش موجودة ف الدنيا

كريم بهي

يا مراكبي يقول...

http://yamarakby.blogspot.com/2006/08/blog-post_115658922178854388.html#links

بنت القمر يقول...

زمان الوصل
والله يا زمان انا شمس احلامي بعافيع حبتين ومستخبيه تحت ركام من السحب والامطار الرعديه
وواخده اجازة في الخطه الخمسيه الجايه نعمل ايه بقا؟؟
بس حلو اوي السهم اللي انتي راسماه
دماغ عاليه نورتي المطرح
تحياتي

بنت القمر يقول...

عدي النهار
حتي المراكبي نزل الاغنيه في بوست بعدي بيوم مالها عجبتكوا اوي جت لكوا علي الجرح ولا ايه؟؟
انا مليش دعوة!!!
برئ يا بيه
انا مكئوبه من قبلكوا
هههههههه
ربنا يفك كربنا جميعا
تحياتي

بنت القمر يقول...

نون المصري
اللحن جسد الاغنيه
والكلمات روحها
طب بزمتك مش الاغنيه دي تحفه
تحياتي

بنت القمر يقول...

حفصه صفصف
بصي هو مفيش حاجه تتعمل خالص
عشان زي ما انتي عارفه
الحكمه الخالده اللي حكيت لك عنها
مفييييش فايده
خالص مالص
طيب ليه بس الدنيا تسود ما في الوان تانيه مش اسود طول الوقت يا صفصف ولو انه ملك الالوان
في كحلي
وفيه كوبيا
وفيه
هبابي
وبلاكي
وقطراني
دي الوان اوريجينال خالص
بعيد الشر عنك
منورة الانتريه

بنت القمر يقول...

آبي
والله يا ابي الامل كان موجود بس مش عارفه راح فين
قلت له استني ها اعملك شاي استعوقني مشي
ومن ساعتها مش لاقياه عملت اعلان في الجرايد ادور عليه وبعت وراة منادي وبلا امل
ملقاش الامل
الله يخليكي لو لقيتيه ابعتيه قوليليه قمر محتاجاك ضروري اني اغرق اغرق اغرق تحت الماااااء
منورة يا ابي

بنت القمر يقول...

راجي باشا
والله الكلام ده كبير جدا وعشان طبعا انا مش قد مقام حضرتك الرفيع ولا تحليلك القوي
كل اللي ها اقوله
هو الايام دي في خلطه عجيبه من الذكريات علي الاحداث علي الباطن والواعي والرايح والجاي
والخطوط ضربت علب بعض
ومش عرفه ايه اخرتها؟؟
ربنا يستر
منورخااالص

بنت القمر يقول...

كريم بهي
جريمه النسيان
ليه بس
ما كانت نعمه النسيان
عموما لو جرم انا مش قده ولا املك قة ولا شجاعه ولا صلابه اني انسي
انا فاكرة دايما
مفيش مستقبل الا مربوط بماضي
تحياتي

بنت القمر يقول...

يا مراكبي
عشره علي عشره
بصره

زمان الوصل يقول...

هو الحقيقه السهم كان محاوله -واضح إنّها فشلت- لرسم ورده :) بس أصلها بتنفع فى رسايل الموبيل و بتبقى باينه أكتر .. عموما معلش يا ستّى بخصوص الشمس اللىّ بعافيه قولى زيّى كده مسيرها تروق و تحلى :)