السبت، فبراير 16، 2008

عيد حب ابيض


ذهب الاستاذ فلانتين غير مأسوفا علي شبابه
وقد سبقه الحاج اضحي وفقيد الشباب فطر افندي
وتلاهما السيد تحرير سيناء واخويه التوأم راس الهجريه والميلاديه..

مجرد ايام تعاد طقوسها الممله سخيفه تقطع روتين الحياه المنتظم.. الي فوضي متكررة

ميزانيه ملابس جديدة وشراء لحوم مرهقه او حتي صنع سهرات منزليه امام برامج التلفزيون الخانقه

وحين حل الفلانتين وصبغ المدينه بلونه الاحمرووفرداته من دباديب وورد
كأن السماء كانت تنزف ليلتها وما معني الاحمر اصلا الذي انسكب في الشوارع ليلتها ؟؟
هل هو لون الحب؟؟ الحب يجب ان يكون ابيض او ان يكون شفافا


حين ذهبت اشتري باقتي كانت قرنفلا احمر

كلما دخل شاب وسيم سأله البائع: عطر يا بيه يجيبه الوسيم حليق اللحيه الي درجه النزف
المعصور داخل بدله سهرة ايوة عطر فيرش البائع رشه عطر من زجاجه علي الباقه!!

وحين حان دوري وسألني: عطر اجبت لا بحب ريحه القرنفل فابتسم ساخرا مني ..

لم اجد رائحه للقرنفل_ ففسر: الله يكرمك يا بنتي ده كان زمان.. ده قرنفل امريكاني البلدي جبر خلاااص

عدت بالقرنفل الامريكاني حزينه كنت ارغب في ورد حقيقي له رائحه حقيقه ليس مجرد ورده معطره من زجاجه


مالي قد فعلت كما الاخرين مالي قد عبت عليهم وفعلت مثلهم

مجرد واجب عيدوي ممل وسخيف مثل صنع الفتة او التجمع في زيارة عائليه سخيفه
او ارسال رسائل محمول لاتصل بفعل الشبكه وكأن الود ينتظر فقط ليله العيد

رسائل محفوظه في سوفت وير الموبايل تختزن من العام الي تاليه

وكان الناس عجزت عقولها عن ابتكار وسائل اخري لتعبر عن مشاعرها..
وفتصبح مجرد واجبا اجتماعيا آخر قد انزاح همه

هل تجوز سنه بلا اعياد

مجردسنه واحده

هناك 17 تعليقًا:

الشريف / جمال طة يقول...

تحــــــــــــــــــــــذير انتبهــــــــــــــــــوا

عليــك بسرقة السعودى قبل أن يسرقك لأنه سيسرقك
عليك بالنصب على السعودى قبل أن ينصب عليك لأنه سينصب عليك
عليك بالغدر بالسعودى قبل أن يغدر بك لأنه سيغدر بك
عليك بخيانة السعودى قبل أن يخونك لأنه سيخونك

Empress appy يقول...

عارفه المشكله فى ايه ان فعلا مبقاش عندنا حاجه وارد البلد دى حتى الورد البلدى انقرض كله حاجات دخيله علينا

خمسة فضفضة يقول...

السلام عليكم ورحمة الله وبركاته

ماعدش فيه حاجه حلوه زي زمان ، حتي احنا نفسنا ماعدناش بنفرح بالحاجات اللي كانت بتموتنا من الفرح زمان

كل حاجه اتمسخت ومابقالهاش لا ريحه ولا طعم

بنت القمر يقول...

الشريف طه
الحرب التي تخوضها ليس هنا مكانها
وهي حرب غير شريفه

بنت القمر يقول...

آبي

مبقاش عندنا حاجه ولا ورد ولا فانوس رمضان ولا حتي القلم الرصاص
ولا حتي عارفين نفرح

بنت القمر يقول...

فضفضه
وعليكم السلام
يا لهوي يا فضفضه بقينا نقول زي العواجيز مبقاش حاجه تفرح زي زمان
والله عجزنا قبل الاوان
تخيلي يافضفضه بكرة تقولي لاولادك انا كنت عايشه ايام الورد ما كان له ريحه مش زي دلوقت بترشوه بارفان؟!
عجبي

Unknown يقول...

الله ... موضوعك جميل بجد جميل فعلا انتى دايما بتمسى حاجة جوايا

هو ليه فعلا لازم يوم عشان نحب بعضنا فيه ؟ أقولك احنا الى حدلنا لبعض سبب يكون مهم او مناسبة عشان نقال بعض فيها ، أخر مرة اتصلت بصديقتى الى بقالها فترة مش سائلة فيا قالتلى انتى عايزة حاجة ضرورى ؟ عشان الشغل يعنى وكده وقتها باه ضيق حسيت ان لازم يكون فيه سبب مهم او مناسبة لازم اقزل فى ظلها وحشتينى و بحبك

عرفتنى المشكلة فين ؟

ابن حـجـر الـعـسـقـلانـى يقول...

أعجبتنى بشدة رؤيتك لتلك المناسبات .. خاصة و حالة الزيف ملء الدنيا .. الكثير و الكثير أصبح صناعيا و مفتعلا

و لكن .. بالتأكيد هناك قدر من الجمال .. نتلمسه .. و إن كان مختفيا نستكشفه .. فقد لاحظت أن كلامك احتوى على قدر كبير من اليأس

و تحياتى لك على التدوينة المعبرة

(احمد سكر ) يقول...

وادى صياغة جديده لناس بتحتفل بعيد الحب
بس صراحه مختلفه جدا عن كل الناس
اغلب المدونين كلامهم كله عن عيد الحب
بس انتى نظرتى لجانب اخر
الا وهو الزيف فى المشاعر
ياجماعه الحب والموده مش مستنيين عيد
انا زوجتى قالتلى مش هتقلى كل سنه وانت طيب
سكت
قالتلى مش هتقولى بحبك
سكت
ونفضت وكنت بتفرج ع التلفزيون
ههههههه
بعد هى ماشاطتت قلتلها هو انتى مستنيا تسمعيها بس انهارده
ههههههه
ودخلنا فى جدال ونقاااااش طويل
قلت انا اللى جبته لنفسى
ماكنت قلتها وخلاص هههههه

مدونتك رائعه
اسلوبك اروع
تقبلى مرورى
احمد سكر

مي بهاء الدين يقول...

عارفة اللي باستغربله يا قمر ..إن الفالنتين ده العيد الوحيد اللي مش مرتبط بأكل عندنا؟

وده غريب على المصريين..يعني ولا لحمة ولا كحك ولا رنجة ولا بليلة ولا رز بلبن ولا فسيخ ولا دندي ولا حتى شوية ترمس؟؟

أكيد عشان الحب بيشبع بأه..يمكن

:)

بنت القمر يقول...

عاليا حليم
في زمن اللاحب اصبح للحب رساله ورنه ودبدوب احمر في زمن اللاحب اصبح الحب غريبا
مبسوطه انب بمس قلبك وكتابتي بتلاقي صدي عندك بس قوليلي هي كلمتنا دي اسبوعيه ولا شهريه وبتنزل امتب بالظبط؟؟ منورة عاليا

بنت القمر يقول...

ابن حجر العسقلاني
اهلا اول مرور للحب موسم وحتي الموسم والورده بقوا مزيفين
الورده امريكاني ومرشوشه بارفان
مش ده قمه الزيف ان تفتقد ورده تشمها
ان تنتظر الفلانتين لتقول احبك
مش ده لوحد يدعو الي اليأس
منور ابن حجر
تحياتي

بنت القمر يقول...

سكر
اهلا مرورك الاول
ليه تخليها تطلب تسمعها
وكمان تقاوحها وتعاندها كده خسرت نص قيمه الكلمه
وبعدين غلبوا يقولوكوا الست بتحب تسمه كلام حلو ما تقوله وخلاص هو لازم تذلها
منور احمد
طب جبت لها ورده ولالأ
افعال صغيرة لها آثار عظيمه يا عزيزي وجرب
تحياتي

بنت القمر يقول...

مي بهاء
تفي من بقك الله يكرمك كفايانا طبيخ ومواعين يا مي ناقص كمان الفلانتين ارحميني
ده حتي ورده مش بيجيبوا
ناقص كمان تخترعوله طبخه
الرحمه يا الهي
منورة مي
منورة جدا

david santos يقول...

Excellent!
Thank you.

بنت القمر يقول...

david santos
thank you

DantY ElMasrY يقول...

بدل مانعمل سنة من غير أعياد
ممكن نخليها كلها أعياد
تعالى شوفى فى هلهلستان العظمى إيه اللى حصل