الأحد، فبراير 17، 2008

بيت رمادي

يصعب الحديث عن احدهما دون الحديث عن الاخر ..
الدكتور والمهندسه كأن الله خلقهما تماما لبعضهما فقط
كأنهما نصفي تفاحه لايتواصل احدهما الا مع نصفه الاخر
رماديان حجريان كأن الزمن لا يحرك فيهما ساكنا
لا يزوران ولا يزورهما احد بيتهما لا تدخله الشمس ولا يعرف صوت العصفور ولا ورق الشجرة اليه طريقا
طليت جدرانه بطلاء زيتي باهت مر عليه سنوات زواجهما العشرين يتصدر صالون البيت ذلك الصالون الاوبيسون موديل روميو وجولييت ما زالت تحتفظ هي به لانه علامه تفوق الطبقه الوسطي من عشرين عاما وتحتفظ بنظيرة تهديه لابنتها حين تتزوج مفارش وورود بلاستيكيه في ارجاء المكان
تتوسطه سجاد شنواه تفترش الصاله
باقي الشقه ذات الاسقف العاليه مازال نفس اثاث زواجهما القديم ما زالت الارضيه الخشبيه التي تآكلت بفعل السنين ومازالت هي ترتدي تلك التايورات الكلاسيكيه ذات اللونين البني والرمادي جاكيت مضموم وجيب ذو كسر بليسيه تحتفظ به وتعيد حياكه نفس الموديل بنفس القماش لسنوات طويله
تشغل منصبا هاما في الحي مهندسه قديمه كلاسيكيه التفكير عقيمه الانتاج تكتنز العديد من شهادات التفوق ورسائل البحث العلمي في صالونها عتيق الطراز
اما هو طبيب اعظام فلا يحب الزيارات العائليه بدون موعد سابق ولا يحب رد المجاملات الاجتماعيه ومع الوقت ابتعد عنهما الاقارب وانفض الاصدقاء
واذا حضر زميل عمل لامر طارئ تركه في صالون البيت حوالي النصف ساعه حتي يقابله بعد حلاقه الذقن وارتداء الروب دي شامبر فوق بيجامه النوم التي يحرص علي اقتنائها من محلات القطاع العام سنه تلو سنه
بنفس تلك الخطوط الطوليه المتوازيه
لا يشعران بأي وحده ولا فراغ لاتعرف السعاده اليهما طريق ولا الشقاء ايضا!!
يحرصان سويا علي مناداه احدهما الاخر بلقبه داخل المنزل
تشرب شاي يا دكتور؟؟
فيجيب:ياريت يا باش مهندسه
لهما ولد وبنت لا يخاطبانهما الا بحضرتك أوسيادتك
لا يتعاملان مع حارس العقار ولا يدخل بيتهما غريب الا لضرورة قصوي
يتقاسمان فواتير الماء والهاتف من مرتبيهما في نظام شديد الدقه يصل الي حد التقتير وحسبه المليم تخلو حياتهما من المتع و المنغصات
كل شيئ منظم كل شيئ له حساب... مصاريف الجامعه والاولاد متطلبات المنزل والمواصلات كل شيئ تم حسابه بدقه قاتله
ينصرفان إ لي العمل صباحا ثم يعودان لتناول الغداء ينامان قليلان ثم يشربان شاي الخامسه في المكتب بكل وقار في روتين اشبه بنظام المعسكرات
تمر السنوات اصبحا كوجهي عمله لا تعرف من منهما قبل الاخر ولا من ايهما صبغ الاخر بلونه
هما فقط تمثالان من حجر بلا حياة

هناك 20 تعليقًا:

ذو النون المصري يقول...

تصدقيني لو قلت لك اني نفسي اعيش مع واحده علي هذا النمط
النظام حلو جدا جدا صحيح انه بيكون احيانا بارد و بلا مشاعر لكن اعتقد انه في الاول و في الاخر له مزاياه التي لا يمكن ان ننكرها
انا فعلا نفسي اعيش بهذه الطريقه نظام بمشاعر

عين فى الجنة يقول...

طبعا لكى التحية على دقة الملاحظة التى لا تتأتى الا بالمعايشة، وجمال تعبيرك فى وصف الشقة والموبيليا
واسمحى لى اقول لك ان اسلوب الحياة بهذه الطريقة كما ورد فى مقالك يعبر عن العبقرية الانسانية فى التعايش والتكيف وطبعنة او تطبيع المشاعر
Art of orientation
هذه الدائرة الجهنمية من الايام الرتيبة المملة المعادة التى ينتظر فيها كل طرف موت الطرف الاخر ليحدث التغيير الاكبر فى الحياة

بنت القمر يقول...

نون المصري
مش عيب ولا غلط تعيش بأي طريقه مع اي نموذج تختارة
ده اختيارك المهم تكون مرتاح
ولازم تكون صريح مع الاخر
انا عاوز نتشارك لو في فاتورة التليفون
مش عيب العيب نتجمل اكتر ثم ..تحصل المشاكل
ربنا يوفقك للخير

بنت القمر يقول...

راجي
اشكرك خالص
التكيف كلنا بنحاول نوصله ونعمله
لكن تلاقي نماذج عجيبه حجريه وتقول احيان الراجل ده مينفعش معاه الا الست ده او فلان ما يركبش معاه الافلانه
دول كربونه بعض
ناس لسه بتلبس بيجامات كستور وتقتني الصالونات الاوبيسون وتظن انها الاوجه والاشيك
منغلقين مملين
تراهم وتختنق منهم
دول غالبا بيموتوا ماسكين ايدين بعض
عشان البرستيج
تحياتي

Desert cat يقول...

مش قادرة احس بطعم للحياة دى
حاسة انها زى الماء لا لون ولا طعم ولا ريحة
هى اينعم حياة منظمة بس مش قادرة احس لها باى معنى
عموما النوع ده اندثر

صوت من مصر يقول...

احلم وهعيش الحلم دلوقتى مش بعدين
احلم باى شىء ده من حقى

الطائر الحزين يقول...

التجديد اكسير الحياه

تحياتى

karakib يقول...

اولا انا باععشق تلك التفصيلات المبدعة المدهشه لأنها بالفعل تنقلني الي عالم ابطالك
التفصيله هي
--------------
الصالون الاوبيسون موديل روميو وجولييت ما زالت تحتفظ هي به لانه علامه تفوق الطبقه الوسطي من عشرين عاما
------------------
ايضا
-------------------
ترتدي تلك التايورات الكلاسيكيه ذات اللونين البني والرمادي جاكيت مضموم وجيب ذو كسر بليسيه
-------------------
و اشعر أن المأساة تزداد و تتخذ شكل مرعب و تتضخم بتلك التفصيلة و كأن الطبع الحجري يوغل في التوحش بداخلهم في تلك التفصيلات
------------------
وتعيد حياكه نفس الموديل بنفس القماش لسنوات طويله
------------------
لا يشعران بأي وحده ولا فراغ لاتعرف السعاده اليهما طريق ولا الشقاء ايضا
------------------
وارتداء الروب دي شامبر فوق بيجامه النوم التي يحرص علي اقتنائها من محلات القطاع العام سنه تلو سنه
-------------------
ويظهر تأثير هذة الفترة التي لم تنتهي في عقول الكثير من المصريين و لا زالوا يعيشون فيها و ليس علي ذكرياتها بذكرك لتلك التفصيله التي تبطن افكار و سياسات دفع ثمنها المصريون الكثير تبطن اكثر من ما تظهر و تحتمل العديد من الاسقاطات
---------------------
اما عن ختمك للمشهد او الصورة
بهذة الجملة
----------------
هما فقط تمثالان من حجر بلا حياة
----------------
فهنا انزعجت جدا ... هم فعلا تماثيل من رخام رخيص الثمن او حجر جيري سهل التفتت لا يرقي لمستوي جودة تصنيع الرخام
و لكنهم في النهايه ضحايا ... ضحايا لكل من عبث بمؤخرتهم و هو يقول لهم من اجل رفعة هذا الوطن و من اجل ... و من اجل ... و من اجل ... و صدقوه و حول حياتهم الي جحيم بارد بلا حياة
او امل في الحياة
و كان يبني وقتها مجده الشخصي علي حساب هؤلاء الطبقي الوسطة التي دهسها الحاكم تلو الحاكم في بلادنا
--------------
البوست ده حلو اوي يا بنت القمر

إنسان || Human يقول...

رائع جدا يابنت القمر ...التفاصيل فعلاً تضيف رونقاً رائعاً على الكلمات ...والصورة معبرة فعلاً
تمثالين من الاف السنين متحجران وجلستهم يابسة ..

بنت القمر يقول...

دزرت قطه
... حياة مميته يا قطه
بس ما ندثرتش
الناس دي موجودة والبوست من مشاهداتي لاسر كثيرة علي نفس المنهج
في ناس ياقطه مش بترضي تستعمل الغاز الطبيعي واسره تانيه كل فرد بيغسل هدومه لوحده
ويشطفها بالديتول
في مهاوييس كتيير
منورة قطه

بنت القمر يقول...

صوت من مصر
ومالو؟
احلم

بنت القمر يقول...

الطائر الحزين
فعلا بس الي يقدر عليه
ويقدر نعمته
تحياتي

بنت القمر يقول...

كراكيب
وانا تخصص تفاصيل
انتظر جديدي حالات اخري
من حياتي اشكرك جدا وسعيده ان رصدي لاقي قبولك
تحياتي

بنت القمر يقول...

هيومان
اشكرك
الانسان كتله تفاصيل متراصه
تحياتي

القلم السكندري يقول...
أزال المؤلف هذا التعليق.
على باب الله يقول...

القليل من الفوضي و الكثير من النظام

في إعتقادي هي الخلطة السحرية

---

و لكنها شبه مستحيلة لأنه إما تبتلعك الفوضي إلي الدمار

أو يبتلع النظام روحك .. ليتركك بلا روح

---
أنا سعيد لأني إتكعبلت في مدونتك الجميلة

بنت القمر يقول...

القلم السكندري
فعلا نظام خانق
اهلا مرورك

بنت القمر يقول...

علي باب الله
اهلا بزيارتك الاولي
بين النظام والفوضي قد تحتار وقد ترتكن علي احدهما بلا اختيار وتتقولب علي هذا النمط لا اراديا اما الادهي ان تجد من يوافقك ويماثلك الي حد الجنون علي طباعك
فتكون النتيجه تماثيل حجريه
انتظر مرورك القادم ان شاء الله
تحياتي

^ H@fSS@^ يقول...

يااااه
ايه ده
انا عبال ما لخصتقراية حسيت الهوا خلص من حواليا و اني حالة اكتئابي زادت الضعف
انا مقدرش على كده
ان ااحب بيتي يبقى متهوي و مخفيف و ظريف لاي حد يخشه و ممكن اكون م شبحب الكتي رمن الزيارات لكن انهي نوع؟
النوع الرسمي اللي لازم اقعد اجيب فيه الحاجات في اطقم فارخة و امشي حسب اصول الاتيكيت اللي بتخنقني

انا احب الل ييزورني يجيي يقعد براحته و انا اقعد براحتي و ميحسبش عليا قد ايه عزمت عليه ياكل

يعني مش عرافة
بس انا مش بحب النوعةي بتاعت الدكطور و المهنظة اللي انتي كتبتي عنهم دول

ايه ده خنقة يا ربي خنقة

لا لا لا
تحياتي

بنت القمر يقول...

هههههههههههههههههه
ههههههههههههههههههه
ههههه
هههههههههههههههه
يخربيتك يا حفصه
عقبال ما قريت الكومنت بتاعك نت من الضحك
انتي انتيخه جامده
طب تعاليلي وانا احطلك في الصيني والكاسات الفرنساوي وافرش لك الارض كمون
هههههههه
تصدقي وانا بعيد قرايه البوست قبل ما انزله كنت اتخنقت انا كمان
والله
قوم سبحان الله اول تعليق لنون يقول انا نفسي اجوز واحده كدا
سبحان اللله لولا اختلاف الاذواق لبارت السلع
منورة صفصف
تحياتي