الثلاثاء، فبراير 19، 2008

الماجنه والماكرة

حين توسطت الصديقات حول تلك المائده الخشبيه في النادي نتبادل الحكايات ونلتمس نسمه نقيه جاءت الينا تسئل عن اخري كانت معرفتي بها لا تعدو اكثر من كونها احد ي وجوه النادي دعوتها لمشاركتنا الشاي
اربعينيه ضخمه لها وجه حسن وعيني جريئتان
ترتدي ايشاربا طاشت منه بعض خصلات مصبوغه وتمردت عليه وتزينت بزينه مبتذله.. كانت لها قدرة آسره علي الحكي واسكات الاخريات بعد ابهارهن فذلك الجار يرغبها كزوجه اخري في الحلال لانه سئم زوجته بعد ان بهره جمالها الشديد وعلي استعداد لدفع ماتريد وانتظارها حتي تحصل علي الطلاق اما
واخو زوجها فهو يلتهما بعينيه كلما اجتمعوا في مناسبه عائليه فهي اجمل امرأه رآها ..
وبائع الملابس الذي يعطيها دوما تخفيض لتعود اليه لان جمالها يصعب مقاومته
والي آخر تلك الحكايات التي تثير العجب والغضب في آن معا
الماجنه.. وهكذا كانت لهاضحكه رنانه تعقب مرور اي رجل ولها قدرة فائقه علي ابتكار الايفيهات الاباحيه علي اي شيئ
انصرفت بعد ان تركت للاخريات رساله: انا هنا
انا امرأة لا تقاوم..
تظن نفسها حقا فتنه الزمان
عيونها تدور في كل اتجاه تبحث عن صياد وعن فريسه
كانت ذلك النموذج الذي لاتخطئ العين فهمه ولا يدخل القلب
امتار القماش وان زادت لا تغطيها وجرآة عيونها مهما فعلت تفضحها
علي بعد خطوة من الخطأ والخطيئه وفي انتظار دائم للسقوط بسهوله
اما الماكره فقد سمعت عليها من صديقتها التي سألتني: ان كنت شاهدت سي دي الراقصه ورجل الاعمال الشهير او شريط طبيب الاسنان الذي يخدر مريضاته ؟؟
وحينما تعذرت اني لست من هواة ذلك اللون
اخبرتني :ان تلك المهندسه في ذلك المكتب الاستشاري وتعمل معها تمتلك الكثير علي جهاز كمبيوترها الخاص!!
كنت اسمع عنها لفترات ولم ارها
وتعجبت في قراره نفسي كيف لمن تكون قياديه وعامله ترأس اثر من عشرة خريجين ان تقتني ذلك السفه
وتخفيه ايضافي ملفات خفيه بمكان عملها !!ا
ورسمت لها تلك الصورة النمطيه للمرأه المنحله ميني جيب وسيجار وصبغه صارخه
وحين رأيتها بعد شهور في زفاف صديقه صفعتني بصورة مغايرة_ فهي سمراء طويله ترتدي حجابا قاتما منسدلا زوجه لزميل لها وام
تتحرك بلاب توب العمل وحذءا خفيضا تتكلم بصوت هامس رخيم سمعته بصعوبه
وجهها جليدي لا ينم عن شيئ!! ولا تستطيع قرائته ابدا
لاتقع في الخطيئه ابدا وان حامت حولها واقتربت منها بقسوة
صورة صارخه للفصاميه تصلي في العمل وتصوم دومامتحفظه مع الرجال مثال للمراه الوقورة
ولكن خللا رهيبا يلفها يدفعها الي ادمان التجسس من خلف الابواب والي اقتناء تلك السي ديهات
تخدع ذلك المجتمع الفصامي الذي خرجت منه بمظهر وقور قيادي !!
!! حقاماكره


هناك 20 تعليقًا:

صوت من مصر يقول...

الحق اول تعليق وارجع

صوت من مصر يقول...

انا اسف على الكلام ده بس مش هى اول واحده تمتلك افلام اباحيه ولا اخرهم
لكنها فى الاخر تحافظ على هياتها بين المجتمع وهذا يفكرنى بفيلم
انا لا اكذب ولكنى اتجمل

karakib يقول...

النموذج ده و نقيضه بيتكرر بشكل مفزع في مجتمعنا
لأنه في نقص و كبت للحرية
احب اقول لك انه مصر علي جوجل تريندز البلد الاولي في العالم في البحث عن كلمة عيب بالانجليزي

الطائر الحزين يقول...

اسمحى لى اقول رأيى

حضرتك ذكرت ضدين تماما واحدة على طبيعتها وتظهر ما يكمن فى نفسها

ولم يعجبك

وأخرى تدارى خللا فى شخصيتها وعيبا فيها ولم تظهرة للناس ولم يعجبك


فلكل منا عيوب ويحاول ان يخفيها عن اعين الناس ويسترة الله

لكن هذه التى هتكت ستر صاحبتها وفضحتها هى الماكرة الآثمة


اللهم احفظنا واحفظ كل المسلمين


تحياتى

Desert cat يقول...

احنا فى مجتمع بيجبر الانسان انه يستخبى ويعيش فى الظلام ... يعنى خد راحتك خالص بعيد عن عينينا لكن لو ضحكت بصوت عالى قدامنا هيبقى يا ويلك ثم يا ويلك ... يعنى الانسانة الماكرة دى عندها كبت ويمكن تكون عقدة طفولة شئ مقدرتش تمارسة او تشوفه فى سنواتها الاولى فبتعيش مراهقة متاخرة ... مش مشكلة بقى اذا كانت قيادية من عدمه هنا المناصب ملهاش دور
تحياتى لقلمك المميز

Desert cat يقول...
أزال المؤلف هذا التعليق.
DantY ElMasrY يقول...

زى السيد أحمد عبد الجواد بتاع بين القصرين
لكن رأيي الشخصى إن اهتمامها بشغلها كويس
واهتمامها بالجنس مافيهوش مانع
لكن التصنت والتجسس دا مش كويس
يمكن اللى عملك الأزمة إنها محجبة

Empress appy يقول...

يااااا التناقض ده موجود كتير فى مجتمعنا واللى طالع موضه قوى الدين والتدين وفيه ناس بتأخد الدين والتدين ستار وهما بعيد تماما عن الموضوع خالص ولا يمتوا له بصله اما اللى ذكرتيهم فممكن تكون واحده ظاهرة عيوبها بشكل والاخرى تخفى ولكن من اين تصدقى كلام الثالثه
عموما ممكن يكون كلامها صح ويبقى فيه تناقض عادى ربنا يسترها معانا ويحمينا من النفاق

Unknown يقول...

للأسف بسمع حكايات من دى كتير و بتعجب بجد ده احنا غلبنا أمريكا :)))

النماذج الى زى دى بتثير قرفى الحقيقة الله يكون فى عونك اكلمتى معاها ازاى
بس سيبك انتى جملة (ترتدي ايشاربا طاشت منه بعض خصلات مصبوغه وتمردت عليه وتزينت بزينه مبتذله) جامدة اوى ايه ده يا أديبنا يا كبير ؟

بالنسبة لكلمتنا يا ستى هى شهرية بتطلع كل اول شهر و ما تتعبيش نفسك انا حنشر كده كده الى بكتبه فيها على البلوج بعد ياخد وقته بس تابعينى انتى و ماتطنشيش خصوصا الفترة الى جاية داخلة على معركة رجالية شوية و محتاجة مساندة نسائية فيها :)))))

بنت القمر يقول...

صوت من مصر
بس المفروض منكذبش
نتجمل اه نكذب لا؟
نخدع لا؟




*****************
كراكيب
العيب وما عيب الا العيب اما الهوس بالعيب في حاله الماجنه او الخداع والفصاميه في حاله الماكرة لاقتناص احترام مزيف
منور كراكيب




**************
الطائر الحزين
اللي بيفضح نفسه ما تستروش الناس
واللي بيحوم حول الحمي يوشك ام يقع فيه صح ولا لأ
الستر لا نطلبه من الاخرين طالما لم نطلبه بأنفسنا من خلال تصرفنا
منور طائر

بنت القمر يقول...

قطه الصحراء
ايا كانت الاسباب
النتيجه ان الناس هبله ولسه كله بيضحك علي كله
الماكرة بتضحك لاقتناص احترام لا تستحقه والماجنه خسرت احترام بلا قيمه وتملكها الهوس وزي ما تقولي بالبلدي
ما اسخم من ستي الا سيدي



****************
دانتي المصري
البحث عن اي شيئ مش عيب وما عيب الا العيب
وذلك النوع من الشرائط ومحبو اقتنائه ممكن تلاقي توصيفهم النفسي بسهوله
الازمه انها محتشمه جدا
اومهندسه
ممكن تكون مسيحيه بس ريسه عشر مهندسين تحت ايدها وعندها خلل يبقا علامه استفهام كبيرة
اوي؟؟

بنت القمر يقول...

آبي الجميله
بصي يا ستي في حاله النفاق العامه مفيشه شيئ غريب
وعموما سؤالك وجيه؟؟
ايه خلاني اصدق التالته سؤال ينم عن ذكاء
اقولك عشان كانت ناويه تنسخه منها
منورة ابي



عاليا حليم
منورة عاليا
كله قرف وكله نفاق بصي يا عاليا انا حطاكي علي الريدر بتاعي وكل كلمه بتكتبيها بكون قريتها دايركت حتي لو مرحتش سيبت لك تعليق بس بتاع ابو العلا البشري كان يستحق اروح اعلق اطمن عليكي
بالنسبه لمجله كلمتنا
انا كنت عاوزة بس لشتريها عشان الرؤساء بتوعك يحسوا بفرق في المبيعات بعد انضمامك ليهم
ويحسوا بالموهبه اللي عندهم واهو يمكن يلحلحوا المرتب شويه
مش كدا ولا ايه
منورة عاليا
ملاك التدوين

عين فى الجنة يقول...

ياقمرة من الواضح ان السبب فى الحالتين هو الحرمان العاطفى
الحرمان العاطفى وهذا يشمل عدم الاشباع الجنسى والعلاقات الهامشية بين الازواج ، هذا الحرمان يشكل ضغوط رهيبة على النفوس الهشة فيدفعها الى هذه التصرفات غير المتزنة
هذا طبعا بغض النظر عن الخوف الطبيعى عند النساء الشرقيات عند الاقتراب من حافة سن اليأس واحساسهن بفقد الانوثة عندما يقل افراز هرمون الاستروجين وتحدث تلك التغيرات الرهيبة فى مشاعر النساء
اضف الى ذلك نسبة الضعف الجنسى والعنة عند الرجال فى مصر فهى فى ازدياد حوالى 25% من رجال مصر فى مرحلة الشباب يعانون من الضعف ويصحب ذلك البعد عن الزوجة فيزداد احساس الزوجات بالقلق والوسواس
موضوع شيق انا مهتم بيه ولاحظت حالات كثيره مماثلة للنماذج التى ذكرتيها ليس فقط من النساء ولكن من الرجال ايضا
لكى التحية

محمود المصرى يقول...

بسم الله الرحمن الرحيم

هو الموضوع ليس بمستحيل الحدوث فى الواقع لكن فى العادة تستفزنى محاولات ربط الكثيرين بين الحجاب وبين الانحلال والتفسخ , فالمحجبة تصور على انها الشاذة المنحرفة التى تشتهى الرجال وتدمن الافلام الاباحية , لنخرج منها بنتيجة ان الحجاب لا قيمة له , والاولى ان نؤكد على ضرورة الالتزام بمقتضيات الهدى الظاهر , يعنى الحجاب نعم من الهدى الظاهر لكن لا يمكن انكار فرضيته , وبالتالى المحجبة الغير ملتزمة هى عاصية والسافرة التى لا تشاهد المواد الاباحية ولا تنحرف بأفكارها عاصية ايضا , وبالتالى يجب ان تكون الدعوة لكلا الصنفين , ولا اجد اى اختلاف بين امثال المرأة الثانية التى ذكرتيها فى اخر كلامك وبين السافرة التى تصلى وتصوم , فلكتاهما لم تنههما صلاتهما وطاعاتهما عن اتيان ما حرم الله .

مي بهاء الدين يقول...

النماذج دي موجودة طبعا في المجتمع
وفي الأسوأ...بس الأولانية عندها مشاكل نفسية عالية أوي
لو عرفتي عنها وعن حياتها تفاصيل أكتر
أكيد هاتلاقي ميت سبب وصلها لكده

برافو ان انتي جيدة الملاحظة لما حولك
تحياتي
:)

بنت القمر يقول...

راجي
تحليلك للاسباب لا خلاف عليه وان كان دائما ما يعاني الانسان من متاعب الحياه وتعقيداتها فالقوي هو من يحفظ اتزانه واحترامه والضعيف يسقط
تحياتي

بنت القمر يقول...

محمود المصري
لا حول ولا قوة الا بالله
يعني انا استفزيتك في اول زيارة!!
يا عزيزي أنا وصفت الشخصيات اللون السن العمل ومن وصفهم الحجاب
في ناس عندها هوس بالحجاب وناس عندها هوس ضده
بس ها أقول لحضرتك نصيحه من أخت كل محجبه حاله خاصه جدا وشرايح كتير منهم قويه الايمان ومنهم المتوسطه ومنهم من لا علاقه لها بأي حاجه في أي حاجه مينفعش نحطهم في سله واحده أبدا
ولا نحكم عليهم بالسلب ولا الايجاب
أبدا المحجبات بشر بتغلط مش ملايكه
اهم شيئ الانسان يكون متسق مع نفسه ومع اختياره ممكن اكون أنا محجبه وتكون انت فهمت غلط وختدت كلامي من زاويه واحده أو مش محجبه بس أمنا مش القضيه الحكايه أن الانسان يكون محترم ومتزن وسلوكه متناسق مه ذاته واختيارة وبلاش بقا نحكم علي بعض
ربنا يحاسبنا ويرحمنا جميعا
اهلا اول مرور

بنت القمر يقول...

مي بهاء
أنا جيده الملاحظه
دا انا امتياز ملاحظه وده شيئ مرهق جدا للانسان أنه عينه تشوف
أوي
فاهماني طبعا
منورة مي وحمد الله علي السلامه الرجوع من غانا
وكمان الكاس
منورة
مي تحياتي

أحمـــــد علـــــــى يقول...

إزدواجية موجودة دائما ولكن ليس بهذا القدر من التناقض..
هناك عامل سيحدد كثيرا سبب التناقض بل ونتيجته أيضا ..
فلو كان التناقض ناتج عن غلبة الشهوة واتباع الهوى وضعف مقاومة النفس فأظن أن ذلك مرض قد يعالج بعد زمن طال أو قصر ..
أما إن كان السبب هو النفاق وكان الحجاب مجرد ستار فلا أظن هناك داع لأقول أن الحجاب والدين بريئان من هذا السلوك
وهناك إدراجان رائعان عن نفس الموضوع فى مدونة
http://marian1975.maktoobblog.com
فى تبويب يوميات إمرأة شرقية فى المهجر
تحياتى مرة ثالثة ورابعة وعاشرة

hussein يقول...

مبدئيا بهنيك على المدونه اللى قريته لحد دلوقتى جميل
بالنسبه للماكره
بس انتى كونتى رأيك عن واحده من مجرد شوية كلام سمعتيه عنها و دا فى رأى ظلم ليها لأنها و مع احترامى لصحبتك (اللى كذبت عليكى او فضحت واحده ربنا مفضحهاش)
الست دى بأذن الله محترمه وكمان شايل الاب توب بتاعها معها يعنى محدش بيشوفو غيرها يبقى صحبتك عرفت ازاى؟؟