الأربعاء، فبراير 20، 2008

حين احلم اصنع المعجزة

حين أحلم اصنع المعجزة
كنت احلم اني حين التهم السكر استطيع الطيران
وحين طرت كنت اعلو قامات البشر
!!كنت أرفرف دون أجنحه
حين أحلم أصنع المعجزة
..................
في احلامي عندما اري سمكات فضيات كنت اتفاءل مستبشره
وعندما أري الخبز واللحم يكون نذير شؤم
فأقبع في فراشي بلا حراك
!!أنتظر حلما آخر
حين أمتزج معه في أحلامي..
فنتبادل الهمس والقبل أو نختبأداخل تلك البلورة السحرية
حتي تختلط أطيافنا..
.............
حين أحلم اصنع المعجزة
أهديه عطرا قرمزيا
ويهديني مركبة فضائيه
أعطيه شمسا شتويه
أو اصنع سفينة ملونة من بقايا قصاصاته
حين أحلم أصنع معجزاتي
...............

هناك 16 تعليقًا:

sara يقول...

المفروض المفروض يعني اني كتبت كومنت

والمفروض المفروض يعني اني قولت لك فيه ان التفاؤل حلو ..وان جميل ان الواحد يحقق في احلامه السعاده اللي مابتبقاش موجوده في الواقع

والمفروض المفروض يعني اني قولت لك وحشيني اوي وابقي طمنيني علي اخبارك وبوسيلي البنات

وفجأتن بعد ما عملت بابلش اداني ان في ايرور ..وانا كدا مش عارفه الكومنت بتاعي راح فين... ماليش دعوة انا عايزة الكومنت بتاعي :(((

خيرالدين يقول...

جميله جدا

ــــــــــ
أما أنا فحتى احلامى لم تعد تكتمل

الطائر الحزين يقول...

حتى احلامى ما عدت اصنع بها المعجزات

لان المعجزات المفترض أن تكون خوارق

لكن المعجزة الآن ان تذهب تشترى رغيف خبز بلا طابوووووووووووووووووووووور


تحياتى لك ولأحلامك

عين فى الجنة يقول...

ارجو ان تتحقق احلامك على ارض الواقع

خمسة فضفضة يقول...

السلام عليكم ورحمة الله وبركاته

في الاحلام فقط تتحقق المعجزات

اتمني ان نحققها ايضا علي ارض الواقع

تحياتي

Empress appy يقول...

عندما نحلم نفوق من هذا الكابوس الذى نسميه حياه ونذهب لعالم نسجناه فى طفولتنا ونتمى نعيش فيه
واضح انى ادمنت مدونتك ربنا يستر ومعقلش بقى
وميرسى لردك على سؤالى الذكى هههههههه بس انا مقصدتش حاجه وحشه والله

يا مراكبي يقول...

أولا .. كلنا حين نحلم نصنع المعجزات لكن ذلك يكون في الحلم فقط يا عزيزتي .. فقد إنتهى عصر المعجزات ولم يتبقى لنا سوى بذل الجهد على كافة المستويات العملية والإنسانية أيضا .. تخيلي؟ حتى الإنسانية!

ثانيا .. الماجنة والماكرة .. لا أخفيك سرا .. قابلت منهن الكثيرات .. ولا خفيك سرا آخر .. هناك العديد من الرجال كذلك أيضا .. وقد نجد في أنفسنا نحن أيضا بعضا من تلك الصفات

ثالثا .. البيت الرمادي .. هل ما زال هناك أناسا يحيون هكذا كالأحجار؟ الإجابة: نعم .. لكن التفاصيل والشكل العام للحياة بينهما ليس بهذا الشكل .. الشكل فقط يختلف نظرا لإختلاف شكل الحياة عما سبق .. لكن يظل المضمون ثابتا لا يتغير .. أناس من حجارة

رابعا .. التفاحة .. أعجبت بتلك الخاطرة جدا .. بعد أن نلتهم التفاحة ستصبح تفاحة سابقة .. هذه حقيقة .. يظل لكل شيء بريق طالما هو ليس في متناول الأيدي .. وما أن نحصل عليه .. يصبح أمرا عاديا مفروغا منه

صوت من مصر يقول...

بجد خايف احلم الاقى الحقيقه تصحينى
شكرا بجد على كلام الرائع يا بنت القمر

بنت القمر يقول...

نون معلش الماسنجر مكنش شغال عندي عشان الويندوز في مشكله
شفت رسايك أول أمبارح بس
الحقيقه الحقيقه
أنتي عندك حق لو أستحال الحلم في الواقع يبقا أهو الحلم موجود
الحقيقه الحقيقه انتي منورة وانا تمام
ومعلش حقك عندي وكومنتك أهو منور
تحياتي نون

بنت القمر يقول...

احنا
احلم بقوة وعمق
أهرب الي حلمك اذا استحال الواقع الحلم جنه موازيه علي الارض
اشكرك جدا

بنت القمر يقول...

الطائر الحزين
انسي العيش... وانسي الطابور المعجزة الحلم بقوا واحد يا عزيزي سمعت المثل اللي بيقول اصعب الاحلام ابسطها!!
تشبث بحلمك عشان تقدر تكمل
واقصد هنا مش تعاند الواقع لكن تتخيل سعادتك وخلاصك حتي لو وهم
احيانا بيكون وهم جميل
تحياتي

بنت القمر يقول...

راجي
يا رب
لو مكنش أهو الحلم موجود دايما وببلاش
منور
راجي

بنت القمر يقول...

د/فضفضه
وعليكم السلام ورحمه الله وبركاته
جميل الحلم اوي يا فضفضه
وبيكون ساحر لما يكون الواقع معاند ومتلّم ورزل يبقا الحلم عجله استبن جاهزة دايما عشان سلامتنا النفسيه
منورة فضفضه
تحياتي

بنت القمر يقول...

آبي
أهلا بيكي مدونتي ادمان غير ضار
أهلا بيكي دايما
والدخول مجانا
بجد مش مجامله عجبني سؤالك أوي لان عندك حق الناس دلوقتي ممكن اي حد يرمي بلاة علي التاني ويشوه صورته حسيت في سؤالك حذر ذكي
اهلا بيكي أبي
تحياتي

بنت القمر يقول...

يا مراكبي
وحين يستحيل الحلم ناخد حبايه مسكن ونحلم في منامنا عشان نكمل
الماجنه والماكرة احيي شجاعتك أن كلنا فينا هذا المكر والمجون ولو بنسب نتفاوته
احيي صراحتك
بيت رمادي
حياه لا تطاق الا من حجارة
تفاحه سابقه
يا عزيزيي المعني الذي قصدته وصلك تماما
اشكرك جدا تحياتي علي التعليق المجمع
وياسيدي حطني علي الريدر لو كتابتي بتلاقي قبولك وأهو تعرف الجديد أول بأول!!
مرورك تكريم ليا
تحياتي

بنت القمر يقول...

صوت من مصر
الحقيقه تهرب منها في الحلم مش العكس تحياتي اشكرك