الثلاثاء، أبريل 01، 2008

شارع جانبي




كان الجوباردافي طريق عودتي الي البيت من ذلك الشارع الجانبي الطويل ذو الاضاءة الخفيفه

لسعت نسمات الهواء وجنتي واحسست بوخز البرد في ارنبه انفي
اسرعت الخطي بعد ان شعرت باشتداد دوائر الهواء منذره بزخات مطر

... في الطريق


سقطت قدمي في بركه مياه بفعل مطر سابق فابتلت حافه البنطلون .تسلل الماء الي اعلي كعبي قدمي وضاعف شعوري بالبرد


مازال الشارع طويلا ولكني اري انوار الشارع الرئيسي تلوح امامي علي بعد امتار قادمه


وضعت يدي في جيوب المعطف الجلدي الذي ارتديه لعلي احصل علي قليل من الدفء


سمعت همسا بجانب اذني همهمه غريبه!! اسرعت السير بدون ان التفت ورائي.

... احسست بحراره خلفي كأن شبحا ما يلاحقني بدأ الخوف يعتريني!!


انتقلت الي الرصيف الاخر الاكثر إناره

فجأه انشقت الارض امامي عن امرأه

استوقفتني كانت تبكي بلوعه.. تهذي بكلمات غير مفهومه


كانت تستجديني وتتوسل إلي أن اساعدها لم افهم ماذا تطلب فكلماتهاغير واضحه اختلطت بالبكاء والنحيب


تراجعت خطوة الي الخلف.. واعتذرت بعدم الفهم وحاولت ان اتفادها واكمل السير


وانقضت عليّ وأمسكتني من اكتافي... وتابعت هذيانها وتوسلاتها بصوت اعلي شعرت بالخوف

!!وكانت مسام جسدي كلها تضخ الادرينالين في لحظه واحده


امسكت معصميها بقوة ودفعتها بعيدا.. إزدادت هياجا وارتفع صوت هذيانها واطلقت صرخه مدويه..

....لا بد انها مختله


فجأه إنطلقت تجاه الشارع الرئيسي واختفت مثل ما ظهرت


احسست براحه قليلا وتابعت المسير توقفت لشراء خبز وبعض الحلوي
وعلي بعد امتار قليله سمعت صوتا قويا يشبه اصطدام سيارة
...رأيت دائرة بشريه متحلقه تابعت المسير حتي وصلت لها

كانت السيده الشبح مسجاه علي الارض يخرج الدم من فمها لم تكن تهذي كانت مغمضه العينين في هدوء وسكينه


فهمت من احد الحضور انها ماتت من إصطدام السيارة


همس اخر انها مجنونه كي تجري امام السيارة العابرة بسرعه بهذا الشكل!!لم يفهم احد سرها كما لم افهم انا ايضا


تسمرت مكاني حتي حضر الاسعاف واخذها لم انطق بكلمه فقط تجمعت الدموع في حلقي


ماذا كانت تريد؟؟وبما كانت تهذي؟هل كانت تستجدي شيئا وخذلتها؟؟


أكان بامكاني فعل شيئ لها او إنقاذها؟؟كان يجب ان انتظر قليلا لأفهمها واساعدها
.. اه لو يعود الزمن ساعه واحده الي الوراء
كان بإمكاني فعل شيئ ما اطلقت العنان لدموعي
... وتابعت العوده الي البيت
******************
قصه قصيره.... بنت القمر

هناك 34 تعليقًا:

خمسة فضفضة يقول...

السلام عليكم ورحمة الله وبركاته

للاسف عمرنا ما نقدر نرجع لحظه عدت مهما كانت مهمه ومهما قعدنا نندم عليها طول عمرنا

و علي راي اللي قال لو كان الندم رجلا لقتلته

عين فى الجنة يقول...

قصة قصيرة جميلة ، فيها كل مقومات القصة القصيرة الناجحة
اكاد اسمع خطوات السيدة على اسفلت الشارع الذى لابد وان يكون صاعدا و وهى تسير وظهرها الى البحر وقد لفها الظلام والضباب وظلال الاشجار مثل افلام هتشكوك بالضبط
موهبتك واضحة جدا
برافو عليكى

الطائر الحزين يقول...

اتسأل عندما اوضع فى هذا الموقف

لماذا يترد صدى الصراخ داخلى


ولا يخرج لعله قد ينجد أحد

حتى كلمة "حاسب" لا استطيع الجهر بها




تحياتى

DantY ElMasrY يقول...

حاسس انها انتحرت بسبب مشكلة فوق قدرتها
بس مافتكرش كنتى هاتقدرى تعمليلها حاجة غير فى حالة واحدة بس لو كان فى حد بيهددها.ودا احتمال بردك
تابعينا بالأخبار

اسكندراني اوي يقول...

خلاص مضي سيف الزمن في تنفيذ الحكم
ولكن لنا ان نتعلم ان نتمهل قليلا ونعطي بعضا من وقتنا لمن قد يحتاجه

nody يقول...

قصه جميله
ذات معنى واقعى

Hypatia يقول...

يا ترى ارتاحت كده؟؟؟؟؟؟؟؟؟؟؟؟

عاشــــــ النقاب ـقــــة"نونو" يقول...

السلام عليكم
ياريت كان ينفع نرجع ولو لحظة واحدة من الزمن هتفرق كتييييييييير
لكن الحقيقة انه مش هيرجع
عموما دة عمرها سواء صدمتها عربية او انتحرت
اتمنى لها الرحمة والسكينة
ولا تلومي نفسك فما فعلتيه كان رد فعل طبيعي
تحياتي فالقصة رائعة ولها مغزى عميق

بنت القمر يقول...

د فضفضه
وعليكم السلام
الفكرة العامه من القصه كم نبخل علي الاخرين احيانا او كم يبخلوا علينا بالمساعده ونحن في امس الحاجه اليها وهي في مقدورهم
تحياتي

بنت القمر يقول...

راجي
ميرسي جدا جدا
دي مش اول قصه كويس جدا انط شايفها كامله وفيها كل المقومات كم اسعدتني كلماتك.. يعني اخش علي النشر الورقي؟؟
الفكرة العامه من القصه كم نبخل علي الاخرين احيانا او كم يبخلوا علينا بالمساعده ونحن في امس الحاجه اليها وهي في مقدورهم
وتابع اصداري القادم ها يعجبك
(((:
تحياتي

بنت القمر يقول...

الطائر الحزين
كلنا هذا الرجل
ما تجلدش نفسك بالذنب او اجلدها
فكم نتقاعس احيانا عن نجده الاخر بدون سبب مفهوم
تحياتي

بنت القمر يقول...

دانتي المصري البوست الاخير بتاعك تحفه وجيت اعلق لقيت الصفحه بتحمل لنصها مرات ومرات بدون فايده عموما استمتعت بقرائته ثانيه علي الريدر
شكله كده في عطل فني
وعموما هي قصه يا دانتي
مجرد خيال يرتبط بالواقع ولا يلزم حدوثه الفكرة العامه من القصه كم نبخل علي الاخرين احيانا او كم يبخلوا علينا بالمساعده ونحن في امس الحاجه اليها وهي في مقدورهم
اشكر مرورك يا دانتي وها احاول اتابع تحميل صفحتك
تحياتي

بنت القمر يقول...

اسكندراني اوي
الفكرة العامه من القصه كم نبخل علي الاخرين احيانا او كم يبخلوا علينا بالمساعده ونحن في امس الحاجه اليها وهي في مقدورهم
سعيده ان الفكرة وصلت حضرتك وفهمت المغزي اللي حبيت اقوله من وراها
تحياتي

بنت القمر يقول...

نسرين
هي مين اللي ماتت ولا اللي عايشه؟؟
محدش ارتاح عموما!!
رحله حياتنا القصيره مليئه بالعذابات!! يا عزيزتي..
تحياتي

بنت القمر يقول...

نودي 1987
اشكرك بشده

بنت القمر يقول...

نونويم
هي قصه يا نون مجرد قصه بختبر فيها مستواي الادبي بين ايديكم
زوار المدونه
الفكرة العامه من القصه كم نبخل علي الاخرين احيانا او كم يبخلوا علينا بالمساعده ونحن في امس الحاجه اليها وهي في مقدورهم
سعيدة انه وصلك
تحياتي

في حب مصر يقول...

أسلوبك متميز في الكتابة.. أنا فعلا بتنبألك بمستقبل مهم بس ياريت تتباعي نشاطك في كتابة القصص الجميلة.

وصفك للحدث بيخلي الواحد كأنه بيتفرج على فيلم قدامه بالصوت والصورة مش مجرد بيقرا قصة.. صدقيني بجد اسلوب متميز اهنيكي عليه

بالنسبة لحكاية العودة ساعة ورا.. دايما بنفتكر المثل اللي بيقول لا يمنع حذر من وقع القدر.

تقبلي مروري

مصري بالإمارات

اسامة يس يقول...

ليس كل ما مافات نستطيع استدراكه/ وربما الخوف هو الدافع للهروب من الانصات ذاك الخوف الذي ما ان يتمكن من الانسان حتى يشل تفكيرة .. وهو خوف ممزوج برعب من هذيان في جو راعد...

ليتنا انصتنا ولو قليلاً، لكن للقدر أقدراه...

ويبقى السر الذي لم يسمعه احد مخبوءفي صدر قد انتحر...

جميل ما خطه قلمك...
دمت بكل ود...
خالص تحياتي

karakib يقول...

يا مظبطاني يا قمر
:)) و بعدين ايه ده ؟ ادخل الاقي اسمي تحت علاء الاسواني و احمد فؤاد نجم
اديب كدة خبط لزق
ده لو امي التدوينية عرفت هتموت من الفرحة
-----
اما بقي عن تدوينتك
فدي فكرة جتني النهارده و انا قاعد عالمصطبة الرخام الرطبة في الكلية باتفرج عالرايح و الجاي
جوا كل واحد فينا مريض نفسي
بيكبر او بيصغر ... مش مهم
الاهم انه يعرف يتعامل معاه من غير ما يقتله يعني يقدر يتعامل مع نفسه من غير ما يقتل نفسه
و بعدين ما تندميش علي اللي حصل لها
الندم ... زي الجريمة ... لا يفيد
نهارك ابيض يا قمر :)

غير معرف يقول...

اعتقد أى واحدة مكانك فى الظروف ده كانت هتتصرف بنفس طريقتك .. الشوارع لم تعد أمنة
اصبحنا مثل الدول الغربية نصرخ بوجود حريق حتى نجد من يغيثنا من قاطع طريق أو يساعدنا فى ستدعاء طبيب

غير معرف يقول...

اعتقد أى واحدة مكانك فى الظروف ده كانت هتتصرف بنفس طريقتك .. الشوارع لم تعد أمنة
اصبحنا مثل الدول الغربية نصرخ بوجود حريق حتى نجد من يغيثنا من قاطع طريق أو يساعدنا فى ستدعاء طبيب

محمود المصرى يقول...

بسم الله الرحمن الرحيم

انا عادة مابفتحش السماعات بتاعت الجهاز , لكن النهاردة اول ما فتحت المدونة كنت فاتح السماعات وفوجئت بالليل كده بصوت عالى اكتشفت بعد كده انه الاغنية اللى متحملة على المدونة فياريت لو حضرتك تساعدينى كده وتقوليلى ازاى اعمل واحدة عندى انا كمان .
بالنسبة للقصة فهى رغم انى لا اتمتع بقدرة على التقييم الفنى لكن كقارىء اراها سلسة وجميلة , والاهم انها تبرز قيمة اخلاقية فى صورة ادبية,.

تحياتى

غير معرف يقول...

رائع .. عرضا وحبكة جعلتنى ألهث ورائها

لغتك جميلة متقنة .. ولا أريد أن أزيد على ذلك لاتفادى الحسد

تمنياتى لك بالتوفيق .. جديرة بالنشر الورقى بدون جدال

بنت القمر يقول...

في حب مصر
اهلا مرورك الاول
اشكر اطرائك
تقبل تحياتي

عدى النهار يقول...

أنا أيضاً بيفزعنى قى أغلب الأحوال إقتراب أحد منى بهذه الطريقة حتى لو لطلب مساعدة. إحساس له تبريره لكنه فى جزء كبير منه طابع شخصى ليس أبداً من باب تعالي أو رفض لتقديم المساعدة لكنه إحساس بخوف وكأننا نشترط على الملهوف أن يكون فى صورة مقبولة ومناسبة لحالتنا النفسية حتى نقدم له المساعدة

أسلوبك سهل ومباشر بدون تكلُُف أو إطالة لاداعى لها رغم إنك تحدثتى عن كل مكونات الصورة من وصف للطريق والجو والملابس و....

بنت القمر يقول...

اوسامه
الاديب الكبير يثني علي كلماتي
اشكرك جدا شرف كبير لي
الفكرة هي في التقاعس البغيض من الانسان ان يمد يده بالمساعده الزهيده
التي لا تكلفه اي شيئ
الي الاخرين الذين هم في امس الحاجه لها
تحياتي

بنت القمر يقول...

كراكيب
اولا مش بحط في السوبر بوست الا اللي الاقي انه عجبني وتذوقته بشكل خاص
يعني الحكايه بجد مفهاش مجامله ابقا تابع السوبر بوست هتلاقي حاجات كتير كويسه وان كنت احترت بين تدوينتك ارض الخوف وتدوينه بلو وبعد ان حطيت تدوينتك
بخصوص ليسته الادباء
برضه دي مفهاش مجامله ولا قلت عمري لحد انا ضميتك لليسته الادباء
لكن مجرد هديه لزواري ان الناس دي عندها موهبه تابعوهم ودة ذوقي يعني بمجهودك مش اكتر
وتابع الاخرين
اما تدوينتي فهي مجرد قصه
محصلتش في الواقع
هي قصه مفترضه ليس اكتر قلت اجرب فيها نفسي وهي ليس اول ما اكتب تابع اصداري القادم
تحياتي

بنت القمر يقول...

حسن
هي قصه مفترضه يا عزيزي لم تحدث في الواقع كنت اقصد كتابه قصه قصيره
ارجو انها تكون نالت اعجابك
مجرد خيال يرتبط بالواقع ولا يلزم حدوثه الفكرة العامه من القصه كم نبخل علي الاخرين احيانا او كم يبخلوا علينا بالمساعده ونحن في امس الحاجه اليها وهي في مقدورهم
تحياتي
عجزت عن الوصول الي مدونتك ام قمت بالغائها وتكتفي بمشاهدة انتاج الاخرين
تحياتي

بنت القمر يقول...

محمود المصري
اشكر اطرائك
بالنسبه للاغنيه فلها كود ها احاول ابعته لحضرتك لانه لايقبله مربع التعليقات
تحياتي

بنت القمر يقول...

شريف
اشكرك بشده اسعدتني كلماتك جدا
شاكرة زوقك وتابع اصداري القادم ويارب دايما عند حسن ظنكم
تحياتي

بنت القمر يقول...

عدي النهار
اشكرك جدا
كلنا ذلك الرجل وهي دي الفكرة من وراء القصه
اننا بنخاف اوي من الافتراب من الاخرين تحت مبررات قويه او واهيه ولذلك نعيش في جزر منعزله
مجرد فصه ادبيه
يا رب اكون دايما عند حسن ظن زواري تابع اصداري الجاي
تحياتي

محمود المصرى يقول...

بسم الله الرحمن الرحيم

توضيح بسيط
انا مش عاوز كود الاغنية لأنى مش ناوى احط الاغنية لكن عاوز اعرف ازاى ارفع اى مادة صوتية اخرى عندى فى المدونة .

بنت القمر يقول...

برضه بكود الاغاني
برضه اي ماده صوتيه لها نفس الطريقه
كود من جزئين وبتحط في النص امتداد الماده الصوتيه
انا برضه بقول
ازاي حتحط خلفيه لبوست زي محنه العقل عند اليسار
مفيش الا مارشات عسكريه
(:
تحياتي اصل البوست قوي جدا ولا تعطوا القدس للكلاب

محمود المصرى يقول...

بسم الله الرحمن الرحيم

ومالها المارشات العسكرية يعنى ؟ ماهى كويسة ورخيصة وبنت ناس ؟

عموما يعنى فضلا لا امرا ياريت حضرتك تتكرمى بارسال الكود مع شرح لكيفية عمل امتداد للمواد الصوتية واحطها فين تحديدا وكل هذه الامور على البريد الالكترونى بهذا العنوان
mosslem_b@hotmail.com

ويبقى الف شكر وان شاء الله لما تسمعى حضرتك المارشات العسكرية اللى هاحطها هاتطلبى تحطيها عندك فى المدونة
تحياتى وشكرا مقدما