الأربعاء، مايو 21، 2008

لقطات من يومي

.... ايمان البسطاء
**************
اتوجه للبنزينه: لغسيل العربيه بعد انتهاء المهمه اسأل عامل الغسيل: مين ها يحاسبني؟!! يجيب رافعا إبهامه الي السماء بدون كلام
يقصد الله! ...ادفع له بقشيش يمد يده المدقوق عليها وشم الصليب!... بعد برهه من
.... التفكيرلا اتراجع عن منحه البقشيش
************************
....غباء وجاهليه
العميد منتصر ادم قائد جيش في السودان في حوار مع مذيع الجزيرة تعليقا علي معركه ابيي ضد جيش التحرير الشعبي:
!!لقد قتلناهم وذبحنا فلولهم ومزقناهم شر ممزق والقيناهم خلف النهر
المذيع اذن قضيتم علي التمرد في ابيي.. العميد نعم.. تركنا جثثهم النجسه العفنه الان
!!تأكلها الصقور والسباع
المذيع ماذا عن الخسائر في صفوف الجيش؟ العميد عندنا بعض القتلي من الشهداء !!الابرار وارينا جثمانهم الطاهر التراب وتركنا الخونه العملاء تأكلهم الصقور!!
المذيع:ما حاله المدنيين؟؟ العميد: المدنيين هربوا وتركوا المدينه من اول يوم في القتال هم حفنه من الخونه هربوا الي الغابات يموتون الان من الجوع والعطش جزاء علي خيانتهم... وتعاونهم مع الأنجاس والاشرار!!!
هم مين؟ مع مين؟ ضد مين؟ وبتخانقوا علي ايه في السودان.... وايه اللغه الجاهليه العدوانيه البربريه دي؟؟
!! اووووف !! ارحمني يا رب..
*********************
....لازم كلنا نعيش
اذهب لاصطحاب ابنتي بعد درس خصوصي.. تأخرت عليها دقائق نزلت المدرسه لشراء طلبات من سوبر ماركت تحت العمارة كرتونه بيض ولبن.. ابنتي تلومني علي التأخير يا مامي الحصه خلصت والمدام نزلت تشتري بيض ولبن بفلوسنا!!!!!
!!هي تقلي البيض وانا اتقلي في الشمس!!.... ارد مندهشه: عيب هي كمان لازم تعيش زي احنا ما بنعيش
**************
!!!خنقتونا بجد
جروب لذيذ علي الفيس بوك( انا لسه مبتدأه_ الفيس بوك_ جدا فيه} يسخر ويتريأوا من كتاب ب60 جنيه لربطات الحجاب.. يعني المحجبه تعمل ربطات وتروش روحها تبقا فاشله وهايفه !و بتهرب من الالتزام الخانق!!..
تسوّدها وتلبس عبايه تبقا حسب توصيف الجروب اللذيذ كائن ملوث للسمع والبصر!!! ووهابيه وتطرف ..وشبه صندوق الزباله والخيمه ..
قلعت الحجاب الويل والثبور من الاخرين.. ..مش عارفه ايه المطلوب من المرأه تحديدا...
كتر الكلام بقا مقرف وخنيق في الموضوع ده.. يعني اللي بيولوّلوا من الاسلاميين انهم بيقصوا الاخر ويهمّشوه هما كمان بيقصوا الاخر_ او الاخري_ اللي ممكن ملهومش في اي حاجه بالمناسبه!! ومعترضين علي الحريه الشخصيه للمحجبه قبل ما يكون اعتراضهم علي التزامها
.... الديني خنقتونا بجد!!.. ارحمني يا رب
******************
يا حسرة قلبي
دراسه توزيع الخبز في مصر{ سله غلال العالم}.... الحسره فقط هو التعليق المناسب!!

هناك 5 تعليقات:

Ahmed Kamal يقول...

لقطات سريعة ، لكن جميلة :)

جميل إن الواحد يكون عنده القدرة على النظر حوله من كل الاتجاهات ، و أن يرى و يسمع أحدا آخر غير نفسه .

على فكرة الجروب اللي قلتي عليه ده مش لذيذ و لا حاجة ، هم بس خايفين - بجد - يطلعوا هم اللي غلط .. بس .

.:.-=- ELGaZaLy-=-.:. يقول...

توجه للبنزينه: لغسيل العربيه بعد انتهاء المهمه اسأل عامل الغسيل: مين ها يحاسبني؟!! يجيب رافعا إبهامه الي السماء بدون كلام
يقصد الله! ...ادفع له بقشيش يمد يده المدقوق عليها وشم الصليب!... بعد برهه من التفكيرلا اتراجع عن منحه البقشيش

-------------------------

من يومين واحد صاحبى طلب منى العربية علشان هانجيب اختة من المطار..واحنا هناك

بطلع التصريح للامين علشان ندخل نجيبها من جوة سالنى حضرتك فلان الفلانى يا اهلا يا اهلا حضرتك منور انا بسمع عنك كتير سعيد انى قابلتك وووو....

المهم طلبت منة ان صاحبى يدخل معايا

لما لمح الصليب على ايدة بصلى بصة غريبة جدا يعنى تحولت نظرة الاحترام والتبجيل لنظرة غريبة جدا

لا يهم انا فقط تبسمت فى عيونة ورحلت

هى مجرد للاؤى تمر بنا...

اسكندراني اوي يقول...

بوست جميل وواقعي جدا على فكره

تحياتي
ابقي لفي الاسبراتير بكيس نايلون قبل الغسيل لحسن العربيه ما تشتغلش

رئيس جمهوريه نفسى يقول...

عجبنى قوى موقفك مع عامل البنزينه وعجبنى قوى لما قالك الى بيحاسبنا ربنا قناعت المسلم والمسيحى انى الحساب لينا جميعا عند المولى عز وجل بس للاسف دى قناعتنا كافراد بس قناعت الجماعات بتختلف
التدوينه كلها روعه بجد

Askandarani يقول...

كان في فيلم اسمه tears of the sun كان مؤلم اوي عشان لقطه زر الي وصفتيه بالظبت