يوم ورا يوم بفقد الثقه في كل شيئ.. من اول الوطن الي الصداقهيوم ورا يوم بخاف من بكرة
يوم ورا يوم بتقل ثقتي في سلامه اختياراتي وصحه علاقاتي و قدرتي علي الحكم علي الناس والامور
يوم ورا يوم باكون اكتر حذرا من الناس واقل اندفاعا
وبرضه معنديش تأكيد اذا كان التغير ده ناتج عن نضج وزياده في الخبرات الحياتيه التي امر بها
ولا التغير ده شيئ وسلبي ان الانسان يفقد ثقته وحماسته
ولا ايجابي انه يكون اكثر حكمه ورويه
يوم ورا يوم باكتشف ان اختياراتي وعلاقاتي حكمت عليها المرحله اللي انا فيها ومش بالضرورة تكون صحيحه لكنها وقتيه جدا
يوم ورا يوم بضيع وقت اكبر في تحليل الاشياء.. ومحاوله استنباط اشارات واشياء ورموز تكون علامات طريق
يوم ورا يوم... بعيد تفسير الامور والمواقف واعيد ربط الاحداث بعضها ببعض
عشان افهم اي حاجه..
يوم ورا يوم بحتاج اني اعيد النظر في علاقاتي مع الاخرين واغير اتجاه واعدل مسار واحذف والغي او اضيف وازود
. يوم ورا يوم التفكير الطويل بيهدني عشان احاول افهم الناس بتفكر ازاي
..يوم ورا يوم بكتشف ان اللي عجبني واتمنيته امبارح مستحيل يعجبني واتمناه النهاردة واكيد بكره
يوم ورا يوم بستني وقت اطول عشان اقدر اخد قراري
يوم ورا يوم بأكون اكثر توقعا لتلقي طعنات الاصدقاء
يوم ورا يوم في علاقاتي مع الاخرين بحافظ علي مراكبي للعوده مرة اخري مع اقل قدر من الالام
يوم ورا يوم بتغير...
هناك 47 تعليقًا:
بنت القمر
هي مش أزمة ثقة .. متهيألي هي أزمة اكتشاف حقيقة إن إحنا بنكبر و بنتغير ، الإنسان بيفضل فترة طويلة من حياته ينسب كل شئ لنفسه ، حكمه على الأمور مقدس ، و إحساسه بالديمومة و الخلود محيط بعقله ، و اكتشاف أن كل ده أوهام .. بيكون من أعتى دروس الأيام .
عادي
مع كل يوم بيعدي علينا
ومع الخبره قرارتنا بتاخد وقت اكتر
مش لاننا فاقدين الثقه زي ما قلتي لكن لان القرارات نتايجعا بتكون خطيره شويه
الهمك الله الصواب
تحياتي
احمد كمال
بالنسبه لموضوع ان الانسان بيكبر فطبعا اكيد المرحله السنيه بتغير طريقه نظرتك للامور العشرين مثلا تختلف كلية عن التلاتين
واكيد الاربعين ها تكون مختلفه
المشكله بس ان اللي بختارة دلوقت ممكن ارجع اند عليه تاني وتفضل دوامه الحيرة مستمرة
نورتني
اسكندراني اوي
والله خطيرة مش خطيره الواحد بقا مش عارف ولا متأكد من اي شيئ حتيابسط علاقات الواحد الانسانيه محتاجه مراجعه وتصحيح مسار احيانا
اشكرك يا عزيزي
يا بنتي
حاسة ان دماغنا اللي شغالة زيادة هي سبب المشاكل
بس بلاش تفقدي الثقة في اختياراتك وحكمك ورأيك وفهمك لأن كل دة صحيح في وقته
وبيتغير بتغير الأشياء
عارفة إية اللي الواحد يحزن علي تغيره فعلا .. المبدأ
بتبقي كارثة
وخصوصا في حالة وجود ضمير حي
تغير الأحوال من شيمة دنيانا يا بنوتة
بيقولوا بالبلدي
ده عنده فكر
يعني بيفكر كتير
و بالفصحي عقله يأكل جسده
لو أول 3 حاجات حاصلين فعلاً بالصورة اللي كتبتيها يبقى لازم تفرملي فرملة جامدة
مؤكد فى أمور وعلاقات وأشياء كتيرة حكمك عليها كان فى محله ومؤكد مش كل الناس اللي عرفتيهم طلعوا مايستهلوش
أما عملية عدم حرق المراكب فده شىء فى محله تماماً
مش عايز أقدِّم نصيحة لأن النصيحة عادة ثقيلة على النفس ولأني محتاج أتبعها قبل ما أقولها :) بس هو فى حقيقة مريحة وعائدها مضمون وهى إن الواحد يحاول دايماً إنه يكون مع ربنا بصدق وبساطة فى كل المواقف
بثينه
بصي هو مفيش تغيير جذري بمر بيه
لكن تغيير هادي بطيئ بس بفعل التراكم بيزيز ويتوغل وينتشر
:)
لحد ما تقولي انا عملت كده ازاي او انا ضيعت وقت طويل في صداقه محوم عليها بالفشل او ازاي انامفهمتش اللي قدامي بسرعه وتحاولي تتغيري بناءا علي اكتشافك الجديد وتعيدي حساباتك مرات ومرات
نورتي
كراكيب
========
فكر.. وفكر.... واعاده فكر
منور يا اديب
عدي النهار
اولا واخدلي بالك انا بكتب بالبولد عوجان بقا
:)
تانيا اشمعني التلاته الاوائل؟! ما كله انيل من بعضه
:)
وبعدين افرمل ازاي؟
شوف يا عزيزي هو تحول غير حاد زي ما قلت لبثينه تحول زي تراكم الصدا علي الحديد او زي نحر البحر شيئ بيتم بهدوء وببطء جدا
بس انا شايفاه فيا وملاحظاه
بيخليك انسان اقل اندفاعا واقل ثقه في الناس والاشياء
طبعا محكمتش كتير علي الناس غلط بس يمكن مفهمتش بسرعه احيانا وده مش حاصل دلوقت واخرين اندفعت معاهم جدا ودلوقت بقيت اهدا وابطأ اني افتح قلبي
مع الله
طبعا وانا لي غيره
علي فكرة مش سهل انك تكون مع الله وعلي فكرة انا بدعيه انه يكون معايا لاني دايما محتاجاه
بس الفكرة اني اكيد بتهز وبنسي وبضعف وبعك بضم العين
:)
نصيحتك غاليه ومش تقيله بالعكس
اسعدني مرورك
عارفة
بعد كل ده أنا لو منك لا يمكن أتغير زى مانتى قافلة البوست
أنا لو منك أتجمد
أدخل بيات شتوى لغاية ما احدد ايه الصح وايه الغلط
غلط ان تغيرى يكون رد فعل لتصرفات الأخرين
مراجعة النفس ظاهرة صحية مافيش كلام ، والاحساس بالتغيير اهم من التغيير فى حد ذاته
كثيرا ما ينسى الانسان نفسه مدة طويلة ثم يصحى مره واحدة على واقع لم يتخيله ولم يتخيل نفسه فيه فتهتز في نفسه اشياء كثيرة
لكن من الصعب جدا الشك فى كل شيء فالافضل والاريح ان نفترض الخير الى ان يثبت العكس يقينا
تحياتى
أول مره ازور مدونتك بصراحه ستايلها روعه ومريحه وساكون من المتابعين لك
عن البوست
صدقيني كلنا نمر بهذه المرحله
قالت لي صديقتي من الثانويه اني أصبحت اهدأ وأقل مرحا ً صحيح ربما نصبح أشخاص اخرين مع الوقت
كأنك تتكلمين عني مس البوست شئ داخلي
تحيتي لك
يوم ورا بأحس انى مش فاهم اى حاجه من اللى بتحصل حواليا
المفروض ان مرور الايام بيزيد الانسان نفاذ بصيره وقدره على الفهم
لكن كل يوم بأحس انى بأستغبى
اه والله
يمكن انا من القراء الصامتين اللى مش بعلق غير قليل اوى بس انا حاسس بالبوست دا اوى بس برجع اقول لنفسى و اقولك زى ما مجدى نجيب قال
راح أغنـِّي
ولازمني أتدفا وابعد حزني
ولكني
باحسّ اكمني عاشق لزماني اللي تاعبني
وكئني عصفور متدلـَّع
آه .. متلوَّع
وف قلبُه حكايات بتولـَّع
لو حقدر أغيَّر راح أغيَّر
لو مش قادر .. أنا لازم أغيَّر واتغيَّر
و فى الاخر مبقدرش اغييير حاجه
بتتغير بس :)
مالغريب اذا كانت صفة الكون التغير؟
الشئ الوحيد الثابت فى هذا الكون .. هو الله سبحانه وتعالى ..
ثم لما التوجس حتى لو تغيرنا .. قيمنا لاتتغير .. تغير الناس الى شئ غير متوقع ليس باعثا لنتغير نحن الى الأسوأ ..
لم يفعل الرسول ذلم رغم مالاقى .. ولاغيره من الرسل .. وبهم نقتدى ..
بنت القمر .. هونى على نفسك .. فأنا أدرى كيف يعمل عقلك .. فلازالت القيم الجميلة .. جميلة ..
..................
يوم ورا يوم بحس اني مش قادر احقق كل اللي اتمناه و ان العمر قصير جدا اقصر مما اتصور
يوم ورا يوم بحس ان مفيش امل نكون افضل من كده
يوم ورا يوم بحس ان القادم اسوا
السلام عليكم
ازمة الثقة بين اللبشر بقى واقع مر اليم
احس فيه ان العيب فينا احنا عارفة كنت زمان اروح اعيط لاخويا واقوله بتصدم في الناس كتير وما بتوقعش ان اللي ادامي بيكدب او غشاش
قالي اصلك فاكرة الدنيا مثالية ودة بقى غلط
اما على المستوى الكبير
بطلت اثق في اي حاجة الا على مهل
لكن ثقتي بالله لازم تفضل كبييييييييييييرة
ربنا يريح قلبك
تحياتي
كلها تغييرات صحية وصحيحة فى رايى يا بنت القمر
حتى التغييرات اللى بعض الناس يشوفوها سلبية زى فقدان الثقة برضه فى رأيى انها صحية فى الزمان ده وبعد تراكم خبراتنا واحتكاكاتنا بالمجتمع
وانك تغيرى اراءك تانى مستقبلا برضه وارد وصح وطبيعى
لو كنا اتخلقنا بنفس اراءنا من اول يوم مكنتش الدنيا تبقى دنيا
اولا لا تندمى على شىء فعلتية او ظننتى أنه خير
المشكلة الاكبر ان هناك بديهيات أمور نظن انها امر مفروغ منه ونفاجأ انها تحتاج لمناقشة وجدل فتزعزع الثقة اكبر
ثقى بالله افضل من اى شىء
تحياتى
السلام عليكم
يوم ورا يوم اكيد بنتعلم وبنتغير لاننا بنكون افضل و انضج ان شاء الله
اتمنى لكى التفوق دائما .
تقبلى مرورى
تحياتى
rovy
m5m
======
غالبا انا في مرحله مراجعه للنفس
بس من غير تجمد
:(
الحية بتمشي ولا تسمح بالتجمد ,
والوقوف بلا حركه طويلا
كما ان الاحكام النهائيه لم ولن توجد بعد
:)
نورتني
تحياتي
راجي
===============
بحس بالتغير اكيد بمرور الوقت زوقي ومفاهيمي والطريقه اللي بحكم بيها قراري وتصرفي بتتغير
طبعا بفترض الخير الي حين حدوث العكس
بس برضه بنفخ في الزبادي كتير اليومين دول
:)
نورتني يا استاذنا
تحياتي
ماجدولين
============
نورتي المدونه واشكر زوقك
علي فكرة انا كمان متابعاكي يا عزيزيتي وانتي منورة الريدر عندي عرفتك من مدونه الاستاذ راجي لكن ربما لم يسعفني الوقت للتعليق عندك
سعيده جدا ان البوست عجبك
ومس فيك شيئأ
يبدو انها مرحله لابد ان يمر بها البعض
تحياتي
e7na
==============
بالعكس يا عزيزي كل ما نكبر بنحس انننا مش فاهمين بالعكس بنحس ان تعقيدات الحياه بلا حلول
بنحس اننا محتاجين نكون اكتر خبرة
اكتر حكمه
اكتر رويه
وكل ده بياخد وقت ووقت... ووقت والعمر قصير يا عزيزي
لفهم كل شيئ
نورتني
hussein
=================
يا عزيزي المدونه متاحه للجميع يا رب تكون عند حسن ظنكم
مجدي نجيب مين؟؟
معرفوش!
:)
وان كانت الكلمات لطيفه جدا
نورتني
shrief
=============
تعليق حضرتك دايما بينور افكاري وبيكون وسام شرف للمدونه
طبعا الحمد لله الكلام مش علي هزيمه المبدا او التنكر له ولا عن التحول للاسوأ لكن نوع من التغيير الهادئ المستديم زي نحر البحر الذي اشعره في ذاتي.. هذا التغيير ربما اخافه احيانا بمعقوليه.. وبشده احيان اخري
لانه لا يشعرني بثبات مطمئن
وهنا اسميه ازمه ثقه ... ولكن اعود لاهدأ مره اخري واستعيد ثبات خطواتي و تطمئن روحي مرة اخري
برمي حمولي علي الله والله فقط
تحياتي
ذو النون المصري
========
لا املك لك الا الدعوات
وصادق المنيات بالخير
ارمي حمولك علي الله
نورتني
nonoym
===============
يا عزيزتي علي مستوي البشر
كنت كتبت عباره عدم حرق مراكبي
وقصدت بيها ان عدم العشم الزياده
عدم التداخل هو الحل الوحيد كي لا نصدم في الاخرين
الصداقه الحقيقيه هي اللي بتاخد
سنين وسنين عشان تتبني وتصمد ضد مشاعر البشر من غيره وحقد وحسد ومنافسه
حمولي علي الله اكيد اشكر صادق دعواتك يا عزيزتي
شرفتيني
blackcairorose
=========================
يا عزيزتي اتفق معاك ان الحذر واعاده الافكار والتروي شيئ مطلوب لكن المشكله ان خلاص مبقاش في حاجه ثابته خالص
كله قابل للتغيير والتعديل والغربلة
قد يكون هذا الحراك مزعج احيانا اذا كان متواليا او قد يكون غير مطمئن نوعا ما
ربما اشعر هكذا الان لكن ربما غدا شيئا اخر
:))
الطائر الحزين
=============
والله يا عزيزيى احيانا بيكون الاتنين سوا
:(
حمولي طبعا علي الله
نورتني
rovy
=============
اهلا بمرور حضرتك
ان شاء الله التغير للافضل يا رب
ان شاء الله تكون خطواتي في الطريق السليم تحياتي
واشكرك
اها فهمت معنى ازمة ثقة
بصىانا بشبهها باية بطوابق بنصعدها مع سنين عمرنا..
كل طابق بيوضح الرؤية ..كل ما بنطلع درجة ..بنشوف الامور بشكل اوضح وبنستغرب ازاى احنا بنفس العقول..تهنا قبل كدة بالشكل دة
ممكن تبصي للجانب الايجابي. ان التغير دليل على انك لسة عايشة حياتك
اعتقد المشكلة حتكون موجودة لما تبدأي تتقبلي حياتك من غير خوف و قلق او تتعودي على الي حوليكي بدون محاولة لتحسين الوضع
يعني ممكن تعتبريها مرحلة تغيرات وليست ازمة ثقة
تحياتي
بنت القمر
*********
علم..جهل..ندم...خيانه..وفاء...حزن ....فرح.......
انها مفردات الحياه التى نحياها..المهم اننا نتعلم و بكده تكون هى دى خبراتنا المكتسبه اللى تضاف لرصيدنا ما دمنا نحيا
تحياتى
ا
مرحبا
التغيير دائما مطلوب يا عزيزتي و ان لم بحدث هذا في اطوار مختلفة للحياه يكون الفرد ناقص قدرات و خبرات . اليوم نحب هذا و غدا لا نحب ذاك . نضج العقل يدعوا للتطور من وقت لأخر
الثقة لها معايير و اسس لو خرجنا عنها فقدناها .
لا تقلقي من التغيير اعتقد انه صحي للغايه . تحياتي
عزيزتي بنت القمر
اعتقد ان في كل مرحله من مراحل حياتنا فجاءه كده نوقف ونقول احنا عندنا ازمة ثقه في نفسنا في الناس في الدنيا كلها اعتقد انه اصبح شيء طبيعي في حياتنا لاسف يوم وراء يوم فعلا بنتغير المهم نتغير لاحسن مش لاسوء
حاسه بكلامك اوي عشان بيتكلم عني بشكل دقيق جدا اعتقد ان افكارنا متقاربه واحساسنا كمان صدفه حلوه اوي بالنسبه لي
دمتي بخير دائما تحياتي
أنا مش حاتفلسف و أقول أن أزمة الثقة بتولدها أخطائنا مع الأخرين و عدم فهمنا الجيد للأمور ..و أحيانا ظلم الأخرين لينا ... لكن حاقول
ان المسؤل عنها هوا أحنا بجهلنا وبعدم أستعدادنا لمواجهة الاخرين و احنا محملين بشتى انواع الدفاعات التى تقينا شر الوقوع فى مثل هذة الاذمة
فاهمة حاجة .. ههههه
تقبلى تحياتى
الغزالي
========
صدقت ولكن تبدو يا عزيزي الطوابق بلا نهايه...
تحياتي اشكر مرورك
اسكندراني في الغربه
======================
عدم محاوله تحسين الوضع... صعب اوي!!
:)
تحياتي
صباح الخير يا مصر
===============
تبدو بلا نهايه تلك الخبرات الواجب اكتسابها يا عزيزي
اشكرك
some one in life
====================
اشكرك يا عزيزتي... ما زلت اتعلم الكثير وما زال الكثير ينقصني
تحياتي
ايناس لطفي
===============
اشكر مرورك يا عزيزيتي
نورتي المدونه
تكلمنا قبل كده علي الميل
وسعيده بمرورك هذه المرة
سعيده كمان ان البوست عجبك
ولمس فيكي شيئ يا رب دايما عند حسن ظنك
تحياتي... ومودتي
خالد فرج
================
وليه بتعتبره فلسفه
ده جزء من الحقيقه مش فلسفه ابدا
جزء بنكون مسؤلين عنه وجزء يتحمل مسؤليته غموض البشر وظلمهم
اعتقد اني فهمت يا عزيزي
:))
ولا انت شايف غير كده
تحياتي
أنت في السليم ..لا يهمّك .
أصلاً لو لم تكوني كذلك لكنت رجوتك أن تذهبي إلى حكيم ( إن كان هناك من دكتور طبيعي و ينفع لهكذا حالات في هذا الزمن ) ..نحن في زمن تتغيّر فيه المفاهيم كل يوم و كل ساعة أحيانا ..المشكلة ليست فقط في تغيّر المفاهيم ..بل في تقبّل المجتمع بسرعة رهيبة لهذه التغيرات ..ما هو صالح الان ..قد يكون عكس ذلك غداً ..و لا أحد يسأل لماذا أصبح غير صالح بهذه السرعة ..نحن في زمن كل شي أصبح وجهة نظر مقبولة و مبررة و لا تستدعي نقاشا طويلا .. ألا تلاحظي معي أنه حتى الخيانة العظمى أصبحت ( وجهة نظر ) ؟ ..
ـ عندما كنا صغارا ..كان يـُشار للحرامي في الحي بالبنان ..و لا أحد يدخل بيته و لو وقف لدقيقة أمام باب بيتنا ..نعمد فورا إلى تنظيف مدخل البيت و نمنع أولادنا من السلام عليه فكيف بالحديث معه ..و لا أحد يزوّجه ابنته ..الان يقال على الحرامي ( إنسان ذكي و فهلوي و قبضاي ) .و يتسابق أهل الحي لتزويجه إحدى بناتهم ..حتى كلمة ( فلان طيب و ابن حلال ) أصبحت مسبّة ..و كأننا نقصد بها أن ( فلان غبي و حمار و مش عارف يمشّي أموره ) ..لذلك نحن نتغيّر كل يوم تجاه بعض الأمور و نراجعها دائما ..و نتعب كثيرا ( إن كان لدينا بقية ضمير ) في الحكم على الأشياء ..و خيبات أملنا لا تنتهي أبدا .. كل يوم هناك خيبة جديدة و تغيير جديد ..
إنها ليست أزمة ثقة يا صديقتي ..إنها أزمة ضمير ..الكارثة ( وعفوا على الوصف ) أن ضميرك موجود ..وهذه أزمة بحدّ ذاتها في هذا الزمن الأرعن .لذلك هناك تعب و تغيير دائم .
المشكلة ليست عندك أنت أبدا ..و إلا لكنتِ مرتاحة جدا و متوافقة مع المحيط و لن تكوني مضطّرة لكتابة هذا البوست .
يوم ورا يوم بحس بكل اللى انتى بتحسى بيه..
ويوم ورا يوم بقتنع ان هو ده الصح..
ويوم ورا يوم بقنع نفسى ان دى سنة الحياة..
ويوم ورا يوم بسأل نفسى.. يكونش هو ده النضوج؟
اذا كانت تجاربك بالحياة بتعلمك الخوف فهي تجارب غير مفيدو كفاية و لم تأتي بنتيجة مفيدة
كوني اكثر جرأة و اندفاع و الشر تحصيل حاصل
إرسال تعليق