السبت، يونيو 21، 2008

دماء علي الاسفلت


عبرت الشارع الضيق في الاتجاه الصحيح للسير حين وقفت سيارته في مواجهتي اربعيني بدين بشرته بيضاء مشربه بحمرة
تختفي رقبته بين راسه وجسده عيناه زجاجيتان بلا لون دعاني الي العودة للخلف ليعبر الطريق
كنت امشي في الاتجاه الصحيح ولا مبرر لي للتراجع سوي ان تراجعي اسهل من عودته امتار اطول

قال بصوت هادئ يشبه الفحيح مش ها ارجع... ارجعي انتي
صممت علي البقاء مكاني وتمسك هو ايضا بموقفه مرت دقائق طويله

تدخل رجلان ماران يرجواني ان اعود احدهما رجاني بشده الجو حر ومش مستاهله نعاند والناس لازم تتساهل مع بعضيها

دارت الحسبه في رأسي ما يضير ان اتراجع امتار قليله لتسير الحياه لا شيئ يستحق عدت وانحرفت يمينا بشده حتي اسمح للبدين بالعبور رغم عدم احقيته

وبعد عبورة {سب الدين لي ولامي اللي ركبتني عربيه}!!

تجمد الدم في عروقي... وانعصر قلبي بين اضلعي... لقد مر فعلا فلماذا تفوه بما قال..??!
.. كيف واري ما في نفسه حتي نال مني؟؟! كيف كمن كثعبان لزج يختبئ في شق حتي يطعن طعنته
انا المخطئه انا من سمحت له
انا من تنازلت... انا من كنت اكثر كرما... ام تراني كنت اكثر تساهلا وتفريطا واكثر غباءا؟؟!!
انا من اشتريت خواطر الاخرين وتوسلاتهم واحترمت اعتبارات السن...
لم يكن ما يزعجني حقا هو السباب علي قسوته... لكن حسابي لنفسي ما قد المني
تانيبي لذاتي واتهامي لها بالعبط والبلاهة... تحولت في لحظات الي كائن اخر قد يصنع ويقول كل الشرور... مرت سيارته وسط سباب المارة المتابعون للموقف وسط اسفهم لي... معلش يابنتي حقك عليا امسحيها فيا ..لم اعرف حقا كيف امسحها!!
كيف اعود بالزمن بضع دقائق للخلف لاصنع شيئا اخر... ربما اسلت دمه علي الاسفلت او اقتلعت عينيه.
. وربما تحولت الي مصاصه دماء قدلا تتركه الا جثه..
افكاري الشيطانيه تراقصت امامي مثل تراقص دوائر الدخان من سيجارة تشتعل تطحن عظامي وتصيبني بغصه في حلقي
تحركت بعد فترة من الجمود.... مشيت امتار قليله احدث نفسي لا بد ان اكون امرأه اخري!!

هناك 46 تعليقًا:

Sherif يقول...

ِavoid foolishness

كلمة تعلمتها من رئيسى الانجليزى حينما قدت لاول مرة بالرياض

ليس بالضرورة أن تكون انت المخطئ
فالحماقة من حولك على كل لون ..

هونى على نفسك .. كان هناك من يسبوننا .. وهناك ايضا فى مصر من يتنططون على سيارتى من مشجعى الكرة .. وهناك من يسد الشارع كلح احتفالا بالعروسة والعريس ..

وهؤلاء اسميهم الهمج .. فماذا افعل ؟

اما ان اتحول لهمجى انا الآخر .. او اتجاهل موقف خائب اذا امتلكت اعصابى ..

وانا معك فى انه موقف يفور الدم .. ولكنى لست معك فى ان نكون مثلهم ..

بالمناسبة .. كل الناس بتتشتم حتى الرؤساء والانبياء فماذا فعلوا؟

راجى يقول...

فى هذه المواقف يجب اطلاق الغضب فورا وعدم كتمانه
فى الشريعة وعاقبوا بمثل ما عوقبتم به
ويقول الله فى كتابه الكريم لا يحب الله الجهر بالسوء من القول الا من ظلم
هذا الموقف عدى على خير ولكن المرة القادمة على الاقل فلتصرخى باعلى صوتك فى وجهة المتعدى التلم البذىءفذلك افضل للسلامة النفسية والبدنية

A.SAMIR يقول...

كل اناء ينضح بما فيه
وهو خلاص عبر عن بيئته وبيته وتربيته
تحيااااتي

عدى النهار يقول...

لو تصرفتي بصورة مختلفة كان ممكن تتعرضي لإساءة أكبر

karakib يقول...

لا مش لازم تكوني امرأة اخري
ما فعلتيه كان الصواب
ربنا يسامحه

blackcairorose يقول...

صدقينى مش بقولها عشان اريحك لانك متضايقة من الموقف، لكن اللى انتى عملتيه صح صح صح صح من هنا لبكرة

الاخلاق العامة فى مصر تحت مستوى الصفر مع الاسف لدى الغالبية من الناس، وممكن الواحدة او الواحد يتشتم فى الشارع لاقل سبب واحيانا من غير سبب

البلطجة وقلة الادب لها ناسها اللى متمرسين فيها، وامام الانسان اختيار اما مبادلة البلطجة بالبلطجة او تجاهلها مهما الواحد شعر بحجم الاساءة

لو كنتى صممتى مين عارف يمكن كان قل أدبه اكتر وقال كلام فعلا بذىء ويمكن برضه كانت ايده طولت لانه شايفك ست ولوحدها والف سيناريو تانى كلهم أسوأ من مجرد سماع شتيمة

هل ترين هذا الرأى جبان؟ ربما ولكنه بالتأكيد فى الشارع المصرى ووسط الانحدار العام والسفالة المنتشرة أصبح تعريف الجبن مختلف

حين أكون مع أحد أولاد اختى وهو يقود السيارة فى مصر أظل أهدأ فيه فى المواقف المماثلة رغم انه شاب ودمه حامى ولكن انا لا اريد البهدلة له او لنفسى

للاسف واقعنا هكذا فلنحافظ على البقية الباقية من كرامتنا بتجنب والبعد عن هذه المواقف وليس بمواجهتها لأنه ببساطة ليس هناك قانون أو رادع لأمثال هذا الشخص، وسيد الموقف هو الشخص الاعلى صوتا والاقل أدبا

روقى، الزبالة حوالينا كتيرة هنعمل ايه؟؟

خمسة فضفضة يقول...

السلام عليكم ورحمة الله وبركاته


بنوتة القمر الجميله
هوني علي نفسك فامثال هذا الرجل حولك في كل مكان

طبقي المثل القائل "اعمل الخير وارميه البحر "

ومافيش حاجه كويسه عملتيها مهما طال الزمن هاتضيع

سلام

appy يقول...

يااااااااا انا مش عارفه انا كان زمانى اتحولت اكتر من كده بجد

بثينــــــة يقول...

معلش
ماكانش ممكن تعملي غير كدة
موقف بايخ بس انسيه بأة
لو كلب نبح ألقمته حجرا
مش هنخلص

someone in life يقول...

بنت القمر

متعاطفة معاكي جدا و معلش على سوء التربية بتاعة الراجل ده و غيره انت احترمتي سنه و خاطر الناس و هو مش احترم نفسه انه يقول الفاظ بذيئه في الشارع و كمان لواحدة ست
في الحالة دي انا باقفل زجاج العربية و ينبح هو برة و لا الكلاب

تحياتي

محمود المصرى يقول...

بسم الله الرحمن الرحيم

يبقى انت اكيد اكيد فى مصر

اسكندراني في الغربة يقول...

لو حتكوني امرأة اخري مش حيبقي في فرق بينك وبينة
خليكي كدة احسن
وكويس قوي انة مقلكيش انت مش عارفة انا مين
--
لو الموقف دة حصل تاني انزلي من العربية و افتحي الكابوت و قولي العربية عطلانة
ولو عاوزك ترجعي .. ينزل يزق

تحياتي

blue-wave يقول...

لا يجب ان تلومى نفسك
فأنتى لم تخطئى حين فعلتى الصواب ولا اظنك فعلتيه لتنتظرى شكرا
وللعلم يجب ان تشكريه فلقد تكرم باعطائك ثوابا كبيرا عند الله
تحياتى

اسكندراني اوي يقول...

ولما انتي كمان تتصرفي زي هو ما عمل
حيكون ايه الفرق
هو همجي متخلف ما عندوش دم
ومش حنقول اكتر من كده عشان الرقابه
لقد صنعتي معروفا وقوبلتي بالاساءه
ومن منا ليس هذا الانسان

بنت القمر يقول...

شريف
=======
اكيد انا وقعت في المطب ده بدون قصد
ِavoid foolishnessولكن الفوليشنيس وقله الادب حاوطتني... برغم اني حاولت اتفادها
يبدو ان مفيش غير ان الواحد ميعملش حاجه حل صعب وقاسي ووحيد
اشكرك

بنت القمر يقول...

راجي
====
اطلق الغضب ازاي شبيه الانسان ده عدي وقال كلمته وفص ملح وداب
مكنش ها يجدي اني ارد الشتيمه بشتيمه
طبعا مع استحاله اني اسب الدين ولو عدي بعربيته علي رقبتي
انا زعلانه بس اني اولا سبته يعدي وبعد ما عدي شتم!!
حسيت اني اتخدعت وده احساس وحش اوي انك تتخدع
وحش اوي...
لو كنت تمسكت بموقفي كان ها يضطر هو يرجع زي الكلب..
عشان كده دمي اتحرق
بس علي فكرة انت شرير شرير يعني
شرير اوريجنال
:)
نورتني

بنت القمر يقول...

A.SAMIR
========
فعلا هو عبر عن نفسه بس مش سهل انك تتأقلم مع سخافات الاخرين وشرورهم يا عزيزي... ببساطه!!
نورت المدونه

بنت القمر يقول...

عدي النهار
===========
لو كنت صممت اني مرجعش لان الطريق طريقي كان ها يضطر يرجع..
انا اتحديته لحظات وبعدين سبته يعدي
وبعد ما عدي انتقم مني!!
:((
اكيد انا غلطت
مش دايما الواحد لازم يتساهل مع الناس
ويفرط في حقوقه
كده كده الخطر موجود والاساءه لحقت بي
شرفتني

بنت القمر يقول...

كراكيب
=========
ربنا اكيد صبر جامد اوي علي حماقات الناس
واحنا خدنا علي كده:(
عشان ربنا ربنا ممكن يسامحه لكن انا مش ممكن!
عشان انا مش ربنا انا بشر!
واتوجعت اوي
شرفت المدونه يا هاني

بنت القمر يقول...

blackcairorose
==========
الموقف مختلط جدا يا عزيزتي
وبعدين ايه اللي انا عملته؟ ولا حاجه
انا تنازلت عن حقي في المرور
:(
زي المثل ما بيقول خالي الطيب كان حاضر
وبعدين جزاءي كان الاهانه!!
مكنش ممكن الاخر يشتبك معايا طول ما انا متمسكه بحقي لانه محتاجلي
لكن هو كا فئني بالشتيمه بدل الشكر!!في منتهي النداله
وده اللي زعلني
حسييت اني اكرمت من لا يستحق ويمكن انا اللي جبته لروحي
نورتيني بلاك كايرو

بنت القمر يقول...

فضفوضتي
========
ممكن ما يضعيش عند الله بس اكيد لو اعرف ان بدل ما اشكر ها اتشتم اكيد مكنتش عملت الخير ده!!
نورتي فضفوضه

بنت القمر يقول...

ابي
====
اكيد لازم كنتي ها تشكي في صوابع ايدك كمان
ويمكن تشكي في الحسنه اللي علي خدك
:))) منورة ابي هانم

بنت القمر يقول...

بثبوثه
=======
فعلا لازم انسي بس بعد ما اتعلم الدرس!
نورتي

بنت القمر يقول...

someone in life
================
= للاسف يا عزيزيتي
هو شتم وجري.... منتهي النداله وعدم المرجله... فاكرة الاغنيه بتاعه الشارع لنا بتاعه فيلم عودة الابن الضال
يا عزيزيتي يبدو ان الشارع بقا لهم مش لنا للبلطجه وقله الادب
نورتيني ومش عارفه اوصلك في الفيس بوك
انا من اصدقاء بثينه وفضفضه وشقير وراجي نفس صورة البروفيل بتاعتي
حاولي انتي تلاقيني
:)
نورتي

بنت القمر يقول...

محمود المصري
=========
فينك يا استاذنا؟؟!!
كتبت التدوينه القنبله ومرد يتش علي التعليقات واختفيت؟؟!!
لعل المانع خير
بخصوص مصر
دي مش مصر دي غابه
السياده فيها للبلطجه وقله الادب
للصوت العالي والفتونه
مصر اتسرقت يا استاذ محمود مصر مش هنا
لو كان في عسكري بربع جنيه ينظم المرور بدل ما يحرس موكب مش عارف مين
يعملوه مراسله لخدمه الرتب الكبيرة
مكنش كل ده حصل
بس معلش مصر اتخطفت
مصر مش كده
نورت المدونه

بنت القمر يقول...

اسكندراني في الغربة
=================
اعتقد يا عزيزي مفيش اسوأ من سب الدين وعموما الحل بتاعك هو اللي اكيد ها اعمله ومش ها اتنازل عن حقي تاني... علي الاقل برضه لو شتم متكونش خبطتين في الراس تنازل وشتيمه نورت يا عزيزي

بنت القمر يقول...

blue-wave
===========
انا فعلا يا عزيزي معملتش كده عشان الشكر بس اكيد مكنتش متوقعه الاهانه بدل الشكر!!:(
من يصنع المعروف في غير اهله... ياخد علي دماغه
اشكر مرورك واهلا بيك دايما

بنت القمر يقول...

اسكندراني اوي
===========
اكيد طبعا مش وارد نهائيا اني اشتم في الشارع ولا اسب الدين طبعا
لكن مكنش مفروض ارجع له واتنازل بس الواحد بيتعلم
بعد كل العمر والسنين لسه بتعلم
نورت المدونه يا سكندري

د\أسماء علي يقول...

بنت القمر
لمحة مجسدة بقسوة التفاصيل
منحنتني السخط على ذلك البدين الجبان
فهو حتى لم ينطق سوى عندما بدأ في طريق فراره
لكنني ساخبرك سرا تخبري به كل أبطالك
القيادة و الحياة تحتاج للكثير من البرود .. والتأمل الخارج بسخرية فقط ..
ذلك كل مايستحقه أي شيئ يفعله الأغبياء .. برود و سخرية ..
..
دمتِ متميزة.

الصارم الحاسم....يوما هل أكونه يقول...

حاسس بيكي جدا ومتحيل الموقف تماما...شخص جبان واطي حقير بمعنى الكلمة

حصلت معي مرة...ورجعت انقاذا للموقف...للاسف وانا راجع حكيت في عمود نور لم اتوقع ان يقيموه تحت الرصيف!!...وسائق التناكسي الذي كنت امرره لم يشعر بالنب...لكن نظرته كانت مليئة بسادية وشماته على الرغم من هذا..اون لم يتكلم

حسيت بشعورك...ومن وقتها مستحييييييييييل اعدي واحد جاي في اتجاه خطأ....الا ان تكون سيارة اسعاف مثلا وتنقل مريض بالفعل


المهم لكي تهداي اعلمي الآتي

ان الله يبتلينا بهكذا اشخاص مواقف...ليعلمنا شئ..وايضا هذه المواقف السخيفة فعلا من مكفرات الذنوب...ومن اسباب رفع الدرجات

لا تندمي ابدا على نيتك الطيبة...وفي نفس الوقت تعلمي ايضا الا تسامحي مخطئا...خاصة عند بروده وعدم اعترافه بالخطأ - هو قال لن ارجع صراحة ولم يستأنك حتى

لكن كما قلت لا تندمي على معروف..واعلمي ان الله مقتص منه في الدنيا وفي الآخرة سيكون امره بيدك....لا تقلقي

وعلى مستوى اكبر...لعلنا يثير اذهاننا ويدفعنا للتفكير في اهمية الفلسفة العقابية في الاسلام..وعدم قسوتها كما يدعي البعض - الحالم والواهم وغالبا الكاذب

أحمد كمال يقول...

ياه ! هي دي أول مرة تحصل لك ؟

في مواقف كثير مماثلة ممكن تلومي نفسك فيها لأنك كنتي محترمة أو متسامحة ، لكن الأكيد إن سلوكك بيعبر عنك ، و لا يمكن تعاملي الآخرين بالمثل دايما لأن منهم من هو منحط بما لا يقاس ! و لأننا مش ناقصين نبقى أوحش من كده ..

انت عارفة ، كام مرة جات لي الفرصة أرد على أمثال الراجل ده ، لكن تفتكري أنا ممكن أنزل لمستواه ؟ مستحيل ! لكن بالرغم من كده لسه بافتكر بعض المواقف دي من وقت للتاني و أقول لنفسي أنا لازم أبقى إنسان تاني :)

عيله مفتريه سابقا يقول...

آلمتنى

لو كنت مكانك لما تراجعت عن افكارى الشيطانيه

اننى لا احرضك
ولكن

ان فعلتى ما لا تفعلى فكيف ستكونين امرأة اخرى فى نظر من استسمحوك؟

لكِ طريقة بديعه

سلامى

الطائر الحزين يقول...

هذا ليس نتيجة تنازلك عن الحق لانه لو لم تفعلى لكانت النتيجة افظع

(اذا انت اكرمت الكريم ملكته واذا اكرمت اللئيم تمردا)

لا تغضبى من سفيه
يحسب انه انتصر احمق

وجهة نظري يقول...

مقابلة السفاله بسفاله حتخليكي تحسي بإحتقار نفس وحتضيع وقتك وجهدك وتفكيرك.

في ظل غياب القوانين والروادع الحل الأمثل هو عدم الدخول في مواجهات عقيمه لن تؤدي إلي نتائج إيجابيه, والتراجع خير وسيله في ذلك... ذلك أقرب إلي الإنسانيه في التعامل مع الحيوانات.

ومتقوليش لو كل واحد تراجع البلطجه حتزيد، في رأيي إن البلطجه زايده زايده ومفيش حد مسؤول عايز يوقفها، فالمطلوب تحديد عالم خاص بإحترامنا وعالم خاص بحدودنا وإغلاق الأذن والعين والفم لحد ما ربنا يزيح عننا الغمه دي.

تحياتي.

محض روح يقول...

الحمدالله انها جت على اد كده
ياعزيزتي انتي في مصر
من كام يوم كنت بسوق وحسيت اني مش في شارع
في غابه لزم اجري بسرعه
ولزم اقفل ازازي علشان مجبرش ودني انها تسمع كلمه تجرحها
علشان في كل الاحوال انا مش هعرف ارد
كل الي كنت بعمله اني بعيط
مممممممممممممم
متزعليش نفسك
:)
لنا الله

osama يقول...

كما ذكر الاستاذ شريف/ الا الحماقة اعيت من يداويها...
اعجبني طريقتكم في الحكي...
وذكرني تصرفه بقول الشاعر/
ومن يجعل المعروف في غير اهله... يكن حمده ذما عليه ويندم
.....

فهذا ما حدث ...
وأقول العفو افضل.. رغم أني بالتأكيد كنت ثأثور غيظاً...
دمت بكل ود...
خالص تحياتي...

دخل الشتا يقول...

مدونتك رائعة شدتنى بحق وأعد بالمتابعة المستمرة ، وليتك تشرفيننى فى دخل الشتا .

بنت القمر يقول...

د_ اسماء علي
===========
ذلك كل مايستحقه أي شيئ يفعله الأغبياء .. برود و سخرية ..
صدقتي يا عزيزتي
فقط التمس من الله القدرة علي ذلك
نورتيني وتحياتي

بنت القمر يقول...

الصارم الحاسم....يوما هل أكونه
====================
فعلا يا عزيزي قد يبدأ الخطأ من نقطه تنازلنا وتهاووننا
لا اشك للحظه في عبقريه الاسلام في العقاب مهما بدت قسوتها
كل ما يتطلبه الامر ان نكون في مكان الضحيه
اشكر مرورك يا عزيزي

بنت القمر يقول...

احمد كمال
=========
يا عزيزي انتشار الغلط والقبح والفساد بيخليك تشك في نفسك وتستخسر عمل الخير
وتعد صوابعك قبل ما تسلم علي حد
انت كمان فكرت تكون واحد تاني
بصره يا عزيزي

بنت القمر يقول...

عيله مفتريه سابقا
===================
اسفه يا عزيزيتي لايلامك لكن هكذا كان الموقف
اشكر مرورك واحساسك

بنت القمر يقول...

الطائر الحزين
======== اشكرك يا عزيزي
لكن زي ما قلت انتشار القبح والغلط والانحطاط
بيصيبنا بحاله ذهول وتشويش
ربنا يرحمنا بجد صعب اوي الواحد يحافظ علي هدوءه وادبه وباطه جأشه في كل ما يحيط بنا
اشكرك

بنت القمر يقول...

وجهه نظري
============ ندخل تلك القوقعه يوما عن يوما لنبتعد عن رذالات وسفالات واستفزازات الاخرين
اشكرك

بنت القمر يقول...

محض روح
============
نورتي المدونه يا عزيزيتي جدا ولو لاحظتي.. انتي منورة الريدر والسوبر بوست
بالنسبه لي لم اصل الي مرحله العياط
فقط بعض الضيق
وكثير من الغضب
اشكر مروروك

بنت القمر يقول...

اسامه
========= العفو
لم يكون في يدي حتي القدرة علي العقاب لاستطيع العفو.. يا عزيزي وذلك وا اغضبني والمني
اشكر مرورك

بنت القمر يقول...

دخل الشتا
============ ان شاء الله يا عزيزي