الاثنين، يونيو 16، 2008

رحيل غيمه


استلقيت علي ارضيه الصالون كسرا للملل

راقبت الغيوم واحده تلو الاخري يعبرن من امامي عبر النافذة المواجهه

عبرت واحده صغيرة ثم تلتها غيمه اخري اكبرحجما

تساءلت في نفس هل تستطيع احدي الغيمات حملي الي مكان اخر

كيف اتسلق تلك الغيمه؟ يظهر من النافذه سلك وصله الدش متدليا

هل اقدر ان اجعل حبلا امتطي به ظهر تلك الغيمه

ينغرس وبر السجاده الصوفيه في ظهري فاشعر بلسعه حارة

تعبر غيمه اكبر من الاخريات يبدو الحلم عصيا
فاكتفي ان اتابعها واسر لها بشيئ ما لم احدده بعد

اخرج نصف جسدي من النافذة لاقترب منها اكثر واكثر

لكن يحجبها عني طبق هوائي صدئ وتمر هي مسرعه

...اعود الي استلقائي ربما التقيها في وقت اخر

هناك 33 تعليقًا:

عدى النهار يقول...

إنتي رايقة :) والله ضحكتيني

طب فرضاً يعني إنك إتشعبطى فى السلك وهٌب وصلتى للغيمة وقعدتى عليها وبعد شوية الغيمة عملتها فيكي وقررت تغير جلدها وتبقى مطر.. تروحى فين إنتي بقى!! إوعي تقولي حاتنزلي مع المطر
:)

صباح الخير يا مصر يقول...

بنت القمر
************
جميل ان نحلم والجميل اكثر ان نحاول ان نحقق الحلم و لو بالصعود و التسلق على سلك الدش...ولكن عند اصطدامنا بالواقع الصدئ(الطبق الهوائى الصدئ) الذى يقف بيننا و بين ما نحلم به رغم اتخاذنا خطوات جاده فى اتجاه تحقيق الحلم...الاكثر جمالا الا نتوقف عن الحلم ونعاود المحاوله مرات و مرات


مع تحياتى لك بتحقيق كل احلامك انشاءالله

بنت القمر يقول...

عدي النهار
=========
طب كويس يا سيدي مبسوطه اني ضحكتك
وبعدين انت ليه بتكسر مقاديفي؟؟!!
وتعجزني
وبعدين دي كانت غيمه سوبر جامبو
:)
غيمه محمّله يعني.. وانا كمان خفيفه اوي
اطلع منها انت بس
:)))
يا ساتر علي المجتمع الذكوري لما يحط قدامنا العقبات ويحرمنا حتي من حق الهذيان الطفولي
:))
علي فكرة الخواطر دي مرت يبا انهارده والله
نورتني يا استاذنا

بنت القمر يقول...

صباح الخير
=======
سعيد انك حاولت تفك رموز الخاطرة
علي ما يبدو لاقت اعجابك
:))
يبدو يا عزيزي ان احلامي بيني ينها الكثير
اكتفيت اليوم
بانتظار الغد
اشكر مرورك

فاتيما يقول...

قمر
و حياتك لو جت تانى الغيمة الجامبو دى
إبقى إحجزلى جنبك مكان
و أنا مستعدة أقص شعرى كله و أعمل من حبل طويل
بس يوصلنى

حنين.. يقول...

عثل اوى الحلم دا. بس افرض انك اتشعبطتى على السسلك وطلعتى على الغيمه, هتنزلى من عليها بنفس السسلك, ولا هتقعدى على الغيمه كتير ولا قد ايه, وطيب لو قعدتى على الغيمه , تحبى الغيمه تروح بيكى على فين, ما هى مش هتفضل ثابته, وبا لليل هتفضلى لوحدك فى السماء بين الغيوم والنجوم , ومش هتخافى! انا لومنك اخاااااااف

osama يقول...

مزج نابض بوجدان يحن الى حلم ماطر...
الرائع هنا هو المزج بين الخيال الصرف والواقع المادي.. لتخرج صورة جديدة.. فبين الغيوم واسلاك الدش والطبق الصدء.. خرجت لنا سطور مست القلب ... وحتما ستلتقي بها مرة اخرى.. في شتاء قادم او مع طائر اراد ان يحتمي من مطرها فحط على نافذتك يغرد طالباً الدفء..

دمت بكل ود..
خالص تحياتي

الطائر الحزين يقول...

كلما تدخل الانسان فى الطبيعة افسدها

لولا هذا الطبق الصدىء لطالت مسافة رؤيتك للخيمة ولربما كانت هى واضعه لنفسه مدة رؤية معينة لتحملك معها

تحياتى

appy يقول...

اه الناس اللى بتحلم احلام تكسر الرجل دى هههههههههه
لا بجد حلوة قوى الحلم ده ومين فين مش بيحلم بكده انا عن نفسى بفكر اكون بحر طيب تعرفى ازاى مش عارفه هههههههههههههه او واحده جوة فقعه كبيررررررررررة قوى وطايرة

بثينــــــة يقول...

الشعبطة في الأحلام دي لعبتي
:D
أصل الواقع زي مانت 'هارشة' نيلة كحلي

مالي بقيت بيئة كدة
!!

nody_1987 يقول...

حلم حلو
بس ليس كل ما يتمناه المرء يدركه

Abdou Basha يقول...

فكرة طفولية.. بريئة جدا
:)

عاليا حليم يقول...

يا ريت يا بنت القمر
اممنية كم سرحت فيها و اتمنهتا بس ما ختش بالى من وصلة الدش
:)

أحمد كمال يقول...

عادة ما ترتبط أحلامنا بما لا تصل إليه أيدينا ، فتكون الغيمة رقيقة ، طائرة ، و حالمة ، أما مفردات حياتنا اليومية بما لها من خواص مادية مرعبة مثل وبر السجادة و الدش و غيرهما فلا يمكن أن تكون مادة لأحلامنا ، يكفي أنها جزء من أيامنا على الأرض !

ملاحظة : أرجو ألا تعتبري هذا التعليق أيضا ذكوري يصادر حق الهذيان الطفولي :) أنا مش راضي أفتح في الهذيان حتى الآن ..

blackcairorose يقول...

انا من هذا المنبر احب أن اوجه شكرى لكل من سلك الدش انه اداكى الامل فى الصعود للغيمة وكذلك لصحن الدش نفسه اللى خلاكى مدلدليش جسمك من الشباك اكتر من كده لحسن يخسر عالم التدوين مدونة مميزة جدا

وشكرا

راجى يقول...

طبعا لما حتيجى الغيمة تانى حتعرفيها بذاكرتك الفوتوغرافية الكمبيوترية الحديدية ، واكيد كمان سجلتى كام غيمة مرت ومعدل المرور كام غيمة فى الدقيقة
:)))
واضح ان هذا حلم من احلام اليقظة التى يحقق فيها الانسان ما لايقدر عليه فى الواقع ، وحيث انك اطلقتى العنان لخيالك بدافع الملل فنمسك الخشب لان الملل توأم الفراغ يعنى وقت طويل متاح ،ومن الواضح انك لازلت فى حالة من السيولة النفسية منذ انتهاء الامتحانات ونفسك تسافرى سفرية جديدةجامدة زى سفرية دبى الاخيرة، ومن المؤكد انك قد انتهيتى من التخطيط لها وفاضل بس تأشيرة ادم بالموافقة

اللهم اجعله قر موش حسد

خمسة فضفضة يقول...

السلام عليكم ورحمة الله وبركاته

كلنا نتمني نركب علي السحاب ويطير بينا بعيد بعيد ومانرجعش للارض تاني
بس منين نجيب سحابات تكفينا كلنا و منين نجيب سلوك دش تقدر تستحملنا واحنا طالعين وما تتقطعش


سلام

بنت القمر يقول...

فاتيما
=======
ربنا ما كتر الا الغيوم يا حيبيبتي بس الحلم يتحقق
:))
وتشرفي اكيد غيمتي الجامبو
نورتي

بنت القمر يقول...

حنين
= منورة تشريفك الاول
مش مهم تروح فين ولا انزل ازاي كل دي احلام يا حنين المهم اني اشوف العالم من فوق.... واطير واطير واعمل زي كيت وينسيلت في تليتانيك.. افتح رئتي للهوا وبس
نورتني

بنت القمر يقول...

اسامه
======\
كتبت بعفويه يا عزيزي ولم ابحث عن الصنعه الادبيه
ويمكن عشان كده عجبتكم
حضورك تشريف كبير

بنت القمر يقول...

الطائر الحزين
========
حيث تذهب الغيمه لا يوجد اطباق دش ولا سلوك ولا حياه اليكترونيه او صناعيه ابدا فقط ماء وبحر هواء طلق وبراح يساع الناس الطيبه كلهم
نورتني

بنت القمر يقول...

ابي
=====
ملكه الخيال ونبع الطفوله
فقعه كبيرة
:)))))
الله يحظك يا ابي
يعني ايه قوقعه حلزونه؟؟!!
::)
منورة

بنت القمر يقول...

بثبوثه
========
بعد الشر عليكي
انتي ست الستات
:))
هو الواقع كحلي؟؟!! غرييييييييبه كنت فاكره بني!!
:))
منورة

بنت القمر يقول...

نودي 87
=======
هكذا هي الحجياه يا عزيزتي وهكذا تكون الاحلام جميله
نورتي

بنت القمر يقول...

عبدو باشا
========
بمناسبه يوسف شاهين تعليقك فكرني فكرتني
بفيلم حدوته مصريه لما كان جوا يوسف شاهين طفل مجننه ومعذبه:)))
نورتني

بنت القمر يقول...

عاليا حليم
====
وصله دش
حبل غسيل
سلك التليفون
بس نطلع ربنا يحقق لك كل احلامك
:))

بنت القمر يقول...

احمد كمال
===========
والله انا لما كتبت الخاطرة لم اقصد استعمل التوريه والترميز
كنت اكتب ما جال في خاطري بكل عفويه
لم انوي ان اكتب خاطره ادبيه ولم اقصد الصنعه ابدا
بخصوص الهذيان الطفولي فلا يمنعه شيئ لا يحد الخيال شيئ ايضا يا عزيزي... ولا حتي المجتمع الذكوري بجبروته
:)))
ها تحاسبونا علي خيالنا في ايه كمان؟؟!!
:)
نورت وشرفت المدونه

بنت القمر يقول...

blackcairorose
===============
اشكرك يا عزيزي وبدوري اشكرهم برضه
واشكرك علي رقتك وزوقك المتناهي
:)
التميز ده عشانكم ويا رب عند حسن ظنكم دايما
تحياتي

بنت القمر يقول...

راجي
=====
بخصوص الذاكرة الحديديه,, قد تكون ثقلا علي النفس كثيرا يا عزيزي
وقد اشتهي احيانا نعمه النسيان
!!
بخصوص التخطيط والسيوله النفسيه
يا سيدي من ناحيه التخطيط فهو هوايتي المفضله ولكن يا عزيزي لا امسك دائما بكل الخيوط
:(
ولا احكم غالبا الا علي نفسي.. وان كنت احاول بالطبع ان اكتسب دوما مساحات جديده
نورتني.. قر يا سيدي ولا يهمك..

بنت القمر يقول...

فضفضه
=========
ايه ده هو كله ها يركب الغيمه
لا خلاص انا بقا ها اضحك عليكم اركبكم الغيمه
وقعد انا في الارض وحدي
:))
الغيمه لا عزيزتي للهروب من الاخرين
نجيب الاخرين معانا ليه بقا؟؟
:))))))
نورتي

كلام على بلاطة يقول...

خلى بالك من الغيمة
لو قربت من الشمس
الوضع يبقى خطر
تحياتى

محمد فكري يقول...

ياه...بجد لو نقدر نطير..
اهو كنا نشوف الدنيا من فوق ..بدل ما احنا يادوب بنبص لقدامنا بالعافية!!!
....................
حلم جميل بجد :)
بس عندي سؤال :)..
هيه الغيمة دي كام راكب :D ؟
أصل كل الناس ا للي دخلت هنا..عجبها الموضوع وعاوزة تجرب..وانا كمان :)
....................
شكراً على الموضوع الجميل ده
...........

.:.-=- ELGaZaLy-=-.:. يقول...

تساءلت في نفس هل تستطيع احدي الغيمات حملي الي مكان اخر
----------------------

ربما لا تاتى الغيمة ابدا..ولكننا سنظل ابدا فى الانتظار