الخميس، فبراير 05، 2009

قطة سيامي حرة

لم اهتم كثيرا بتحديد مشاعري نحو القطط.. لم اشعر برغبة حقيقه في اقتناء قطة يوما ما بل أن هذا الخاطر مرعب جدا بالنسبه لي , في حين تقتني امي قطة تلو الاخري منذ سنوات. وتحرص دوما علي إغوائي باقتناء واحدة
قطتها السياسيه السابقه التي جلبت "لها " العار حين حل وقت التزواج بطلب رفيق فاضطرت الي منحها وقتا خاصا في بيت احد المعارف لتعود حبلي بست قطط ثم لا تلبث ان تغادر  منزلنا نهائيا بلا رجعة..ينظر خالي المهاجر الي بلاد الثلج ان سلوك امي ذات الاصل الريفي أنه سلوك خواجاتي راقي. 
فامي تقدس قطتها و تطعمها معنا علي نفس السفرةوفي نفس الاطباق احياناتقبلها من فمها وتتركها علي حجرها بالساعات
..تسمح لها بالمبيت في سريرها وتشاركتها نفس الاغطية... تذهب بها الي طبيبة بيطريه وتحرص علي اعطاءها المطهرات وقطرة العينين
اقتناء قطه بالنسبه لي مسؤليه لا استطيع تحملها ابدا....ولا أرغب ايضا لم اعرف "خطورة" تحمل مسئولية كائن حي قبل ان احصل علي ابنتي... ولا ارغب في مزيد من تحمل مسئوليات كائنات اخري
الكائن الحي ليس كائنا فقط كماضي ولكنه يكون في الحاضر وسيكون في المستقبل...لا أتعامل معه ككائن بل كحي...حر..هكذا خلقه الله
 ولكن ليس هو فقط السبب الوحيد لرفضي اقتناء قطة او جوز عصافير اوسحلفاة اقتناها  لا يكلفني الاشوية"خضرة"
اعتقد ان اقتناء الحيوانات في البيوت هو نوع من السادية _وهو ما ارغب ان اقوله لخالي
... يا عزيزي في بلاد الثلج... وأنا اعلم انك تقرأ الان كلماتي وربما تندهش او تغضب لقد خلق الله القطط لتقفز فوق الاسوار  واتنام علي الارصفة لتتزواج وقت ما تشاء بمن تشاء
 رغم أنها مجرد حيوانات فقد خلقها الله حرة  تشرب من بركة مياه بفعل المطر اوتأكل بقايا وجبة سمك في المخلفات لكنها حرة
منتهي الانانية التي نمارسها ان نحبس  قطة لنستمتع بولاءها التام ونشعر باحتياجها لنا نستمتع باستسلامها للنوم تحت اقدامنا  ونخبر الاخرين دوما كم نجحنا في جعل تلك الحيوانات اسيرة لنا, ولاحتياجها ولخوفها من المجهول خارج جدران المنزل
 كيف انها لطيفة لاتطيق الابتعاد عنا دقائق ةغاية ما تتمني ان تتمسح في اقدامنا!
 بينما نري اسنانها تسقط مع الزمن لانها اعتادت علي طعام القطط المعلب, ان نداعب  العصافير الملونة بنتهي السعادة بينما اجنحتها تضعف من عدم الطيران ثم تموت من الاكتئاب بفعل الحبس في القفص..
 افضل ان امارس انسانيتي بترك القطط تقفز فوق الاسوار ومراقبه العصافير علي الاغصان حرة

هناك 25 تعليقًا:

Ahmed Shokeir يقول...

وجهة نظر جديرة بالملاحظة .. لم ينتبه لها كثيرين من قبل .. قد ننتقدها في من يهوى العصافير .. أما القطط فهذه جديدة حيث ان الشعور العام ان القطط ممتنة لنا لإقتنائها والإهتمام بها بدلا من محاولاتها الطليقة لمواجهة الحياة ومخاطرها بنفسها .. أعتقد انه يجب بالفعل إعادة النظر في تلك العادة

تحياتي

فاتيما يقول...

ملاحظاتك منتهى الحرية يا أمانى
المفروض مدونتك يبقى فى إسمها كلمة حرية
بس تعالى هنا و قوليلى ...
مين قال إن تربية الحيوانات مفيهوش صبغة الأنانية و التملك
بصفتى من هواة تربية القطط اقدر اقولك وجهة نظرى عن تجربة بقالها بتاع تلاتين سنة
فى صغرى كانت القطة مخلوق عجيب بحب ألعب بيه و معاه ..
مخلوق حى يتفاعل معايا مش زى العروسة البلاستيك الجامدة
شوية لما كبرت بقى نوع من الحنين للامومة ... مخلوق رقيق منتمى ليكى
و معتمد عليكى و يااااه لما تخلف و يبقى ولادها فرحتك مع إنك عارفة إنهم ماشيين بعد شوية ..
بس اهو فرحة عبيطة و خلاص
لما بقيت ام بقى حرصى على وجود قطة أكبر عشان تعلم يوسف الرحمة و العطف على الحيوانات ...
و كمان تعمله ازاى يكون مسئول عن مخلوق تانى و كمان الأهم عشان تلعب معاه فى وحدته ...
دلوقتى بعد رحيل يوسف ...
القطة موجودة عشان تونسنى و تيجى فى حضنى اكلمها عن يوسف و أى حاجة تانية و أخدها فى حضنى الفاضى
.. و امارس عليها بعض من أنانيتى و حبى للتملك ..
نفس تانى معايا و بيحسنى إنه محتاجلى عاطفياً و دون أن يأذينى ...
كل طلباتها الاكل و النضافة و بس
لكن احقاقا للحق ... بتمنى فى يوم يكون عندى بيت زى بتوع زمان ...
اللى هوه فيه جنينة أو حوش أو سلالم بتاعتنا و أسيب القطة براحتها تروح و تيجى زى ما هى عايزة
هيا مخلوقة للحريةزى ما قولتى تمام
و كما أتمنى الحرية لنفسى أتمناها لكل خلق الله
تعرفى إنك كنتى وحشانى بجد يا امانى
و كانت وحشانى أفكارك المحلقة
دى اللى بتجيبها من أبعد سما
خالص الحب ليكى

Jana يقول...

نظريتك فى القطط ..انا لسه مكتشفاها قريب اوى
كنت فاكرة زمان ان مشمش "القط بتاع ماما واخويا" يشعر بالفخر امام اقرانه قطط سلم العمارة كونه بياكل اكل القطط الجاهز وبينام فى الدفا
حتى اكتشفت مؤخرا انه بيحسد قطط السلم على السقعة لانه شيرازى ولابس بالطو صوف دائم حتى فى عز الحر ولان مشمشة قطة احد المعارف مش بتحبه ورفضت عرضه للزواج اكتر من مرة ...واكيد هو دلوقتى كان بيتمنى يكون قط شوارع مش حتى قط سلم

جدير بالذكر ..ان عندى فوبيا من القطط ..ولا اتعامل مطلقا مع مشمش ولا بوسى ولا حتى نورا...ده مجرد رأى من بعيد لبعيد..واحيانا معرفش اخرج من البيت لو فى قطة فى الجنينة ومافيش حد يهشها
:)

الخنساء يقول...

أعتقد أن القطط بالذات هي حيوانات تحب المنازل

على سبيل المثال لدينا قطة تسكن الفناء الخلفي هي وأطفالها قمنا بإبعادها هي وعائلتها إلى مناطق تبعد بضعة كيلو مترات عنا والمسألة أيام قليلة ونجدها قد عادت

عندي فوبيا من القطط ولا أجد أي متعة في اقتناء السلاحف ولا الطيور, يعجبني الببغاء ربما, لكن لدي فوبيا من جميع الحيونات تقريبا, والحيوان الذي استطعت تربيته هو السمك فقط !!

والجميل انك لاتهدر حريته حينما تضعه في زجاجة :)

karakib يقول...

اسمي معاني الحرية ... هي أن تكون حرا في من تحب .. و لمعلوماتك القطط و خصوصا القطط من الممكن أن تهرب من المنزل الذي تعيش فيه اذا لم تكن سعيدة ... بمعني أنها تكون حرة ... اما عن تلك القطط الشاردة ... فجربي أن تعطيها بعض الطعام أو حتي أن تربتي علي ظهرها و ستتبعك الي المنزل بالتأكيد ... فما قيمة الحرية ... بلا حب !؟ يا عزيزتي العلاقات بين الانسان و المخلوقات الأخري بالفعل جديرة بالاحترام ... و هي لا تحدد حرية ايا منهما ... معلش انت عارفه اني بحب الحيوانات جدا و باربيهم كمان

زمان الوصل يقول...

تجربتى الشخصيه فى اقتناء حيوان أليف تعتبر فقيره لحد كبير .. حين كنّا أطفالا وجدنا -أصدقائى و أنا- قطّه وليده فقرّرنا استضافتها فى البيت حتى تصبح حيواننا الأليف .. خاصة و تغذية القطّه بسيطه ولا تتطلّب سوى شراء كيس من اللبن المبستر -هكذا تصوّرنا- و محاولة إجبارها كل خمس دقائق على شرب اللبن !! و الاستغراب الشديد لماذا لا تشرب هذه القطّه الفقريه التى كانت منذ فتره وجيزه عرضه للتشرّد !! ولم تكن أسرتى فى الحقيقه متحمّسه لاقتناء حيوان أليف بالبيت لكن القطه صغيرة الحجم كان سهل جدّا إخفاءها عن العيون خاصة وهى لا تموء بصوت عال و كذلك بسبب صغر حجمها الشديد الذى كان يجعل حملها هو الحل الأمثل و افتراض أنّها لو تركت لنفسها فى الشارع سوف تأتى خلفنا باختيارها دون قيد أو شرط !! لا أذكر المصير الذى انتهت إليه القطه الرماديه الجميله و إن كنت أعتقد أن الحال انتهى بها فى بيت إحدى الصديقات ..

أى علاقه عاطفيه -حتى لو مع كائن غير بشرى- غالبا ما تحمل قدر من الأنانيه لكن يمكن اعتبارها أنانيه محبّبه أو مفهومة الأسباب و الدوافع .. يعنى حين تحبين شخصا ما تتوقّعى منه أشياء لا تتوقّعيها من غيره بسبب المشاعر المتبادله بينكما فهل يجعلك هذا أنانيه؟ ممكن تسمّيه عشم أو رد فعل طبيعى من كائن تمنحيه مشاعر فيكون طبيعى أن يرد عليكى بمشاعر مماثله .. يمكن يكون المحيّر فى الأمر هو أن الكائن البشرى بقدرته رفض مشاعرك و إنهاء أى عشم قد يكون لديك تجاهه لكن الكائنات الأخرى يصعب أخذ رأيها فى المسأله و معرفة هل تشعر بالقيد و تتوق للخلاص منه أم أنّها مستريحه للوضع الجديد !!


ملحوظه : مش عارفه يعنى إيه علاقه عاطفيه مع كائن غير بشرى دى !! بس مش لاقيه توصيف أنسب بس معتمده على تفهّمكم :)

Bastawisi يقول...

فعلا أسر الحيوانات شبىء غير اخلاقي
الحيوانات مفروض تعيش فى العراء تلعب ة تنبسط مش تعيش عيشتنا الشاذة.

بثينــــــة يقول...

رغم احترامي الشديد لوجهة نظرك فأنا أري ان العلاقة بين الإنسان والكائنات الأليفة علاقة أزلية واحتياج متبادل
وحاجة الإنسان لكائن أبكم يظل يحزر ماذا يريد حاجة أكيدة .. ربما لهذا تستمتع النساء بالأطفال حتي ينطقون
أنا أخاف القطط .. أحبها مرسومة فقط ولم أرغب يوما بقطة
وعذبتني العصافير فكنت كالعبد أحيا لتنظيف فضلاتها
اكتشفت ان انسب كائن يملأ فراغ احتياجي لوجود حيوان هو السلحفاة
صامتة .. تحتجب بالشهور .. أفرح لمجرد رؤيتها تتحرك .. ومع الوقت .. الطويل .. جدا .. تستطيع تمييز من يهتم بها
يقولون عنها في بيتنا أنها طوبة :) ولكن أحب فيها روقانها الذي هو امتداد لروقاني :)
‏..
أولادي يريدون هامستر .. مش يعتبر فأر الهامستر دة :) ثم إننا ماخدناهوش في المدرسة
أعلب الظن إنه مثل الكنتالوب .. شئ مستحدث
فأشرت أنهم يستطيعون .. عندما يمتلكون بيوتهم الخاصة
‏.. بس رغم اختلافي معاك انا محترمة وجهة نظرك
الناس فيما يعشقون مذاهب

خمسة فضفضة يقول...

السلام عليكم ورحمة الله وبركاته

مقتنعه جدا بوجهة نظرك دي ، وقلتها في بوست قبل كده لما جالي جوز عصافير وكنت حاسه بكم المسئوليه اللي وقعت علي عاتقي وكمان بالذنب اني حابسه عصفورتين مالهمش اي ذنب الا ان ربنا خلقهم شكلهم حلو
وفعلا اتخلصت منهم في اقرب فرصه ووقتها حسيت بالراحه


سلام

عاشــــــ النقاب ـقــــة"نونو" يقول...

وانا كمان

عدى النهار يقول...

شوفي هو لو مساحة مكان الإقامة والإمكانيات تسمح بالإحتفاظ بحيوان أو طائر مع وجود أنيس له ومن غير تقييد حريتهم يبقى مافيش مشكلة

عن نفسي ماقدرتش ألمس أياً من هذه الكائنات الجميلة أو أقترب منها بسبب فوبيا زايدة شويتين على حبة حساسية.. حاجة مزعجة خاصة فى بلد مجنونة بالكلاب والقطط. الغريب إنه سماع نباح كلب فى هذه البلد شىء نادر جداً وكأنهم خرس أو مٌدجَنين. وكمان الكلاب هنا على كل شكل ولون وأحياناً كثيرة أشكالهم بتكون غريبة ومتعرفيش هما نتاج إيه بالظبط

بنت القمر يقول...

احمد شقير
========
اشكرك...


فاتيما
=========
اشكر اطرائك يا فاتيما
فعلا ده اللي عاوزة اقوله منتهي الانانيه اننا نفرح ان القطه مش بتنام الا تحت رجلينا
ومشبتاكل لو غيبنا عن البيت
قطه امي طول النههار في الشباك مثلا بتبص علي القطط اللي بره وتصعب عليا اوي
بحس انها مسجونه مش مرفهه
تحياتي

بنت القمر يقول...

جانا
========
اكيد ربنا خلقه عشان يقعد علي السلالم يلعب وينط واللي يحبه يدي له اكل من غير ما يقايضه عليه بحريته
:(

بنت القمر يقول...

الخنساء
=========
السمك.... ممكن بشرط يكون مع اقرانه ولو انه طبعا حريه الزجاجه تختلف عن اتساع البحر
تحياتي يا صديقتي وانا كمان مش بحب السحالف لانها ببطئها بتقتلني

بنت القمر يقول...

هاني
=========
طيب جرب انت العكس افتح لها باب الشقه او باب القفص
وشوف ها تقعد ولا لأ؟؟
ولا عشان احنا صحاب عاوزني اغير كلامي وتبقي كوسة بشاميل:D
تربيه العصافير جناية كامله وتربيه القطط كمان... يعني ممكن اعتبر السمك جنحه بس:)

بنت القمر يقول...

زمان الوصل
==========
حبيبه قلبي متفهمة جدا كلامك
بقي كنتوا ها تموتوا القطه من شرب اللبن
:))
زي ما قلت لهاني تماما سيب للقطه باب الشقه وشوف هي قاعدة برغبتها ولا لأ
ممكن تدور علي اي قط من فصيلهتها او من فصيله تانيه احنا القط اللي عندنا راجل جبناه معتقدين انه مش بيصرخ في فصل التزاوج اكتشفنا كدب الفكرة دي بالعكس بيزن زن رخم وكئيب وبيخربش السلك بتاع الشباك بجنون لو شم ريحه قطه ست بره
يعني انا شايفه الموضوع سادي اوي يعني احرم قطه من حريتها عشان مجرد انها تتمسح في رجليا:)))
نورتيني

بنت القمر يقول...

بسطاويسي
============
علي رايك كفاية احنا مسجونين مش طالبة كمان يعني
تحياتي

بنت القمر يقول...

بثينه
==========
سحلفاة
!!!!!!!!!!!!!!
انا ممكن اموت موت بطيئ لو راقبت السحلفاة
يعني بجد بالنسبه لي عذاب حقيقي
بكره اي شيئ بطئ ممكن يعني اتابع نحله :))
نورتي

بنت القمر يقول...

فضفضه
========
وعليكم السلام يا دكتورة
الله ينور

بنت القمر يقول...

عاشقه النقاب
===============
برضه الله ينور
تحياتي

بنت القمر يقول...

مدحت
==========
طبعا كلاب متربيه علي الغالي وواخدين علي العز
يا باشا
مش كلاب بتنط في صناديق الزباله:))
انا كمان عندي نفس الحساسية علي نوع من الكششان والرفض النفسي
!!

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

على باب الله يقول...

متفق معاكي تماماً في شأن العصافير و متفق معاكي من حيث المبدأ بشكل عام بس هي المشكلة أن هل حياة القطة في الشارع ها تكون أفضل من حياتها في بيت ؟
ها تكون حرة أكيد بس ها تموت بسرعة لو رجلها أنكسرت و لا فعصتها عربية

و ده لأني بصراحة مش قادر أتخيل ال
( بيئة الطبيعية ) بتاعة القطط ها تكون أيه بالظبط في مصر, لكن هي أكيد مش الصحراء و هي للأسف البيئة المتوفرة بكثرة في مصر ....

عاشقة الحواديت يقول...

بسم الله الرحمن الرحيم

ارجو زيارة مدونتي

وشكرا