الثلاثاء، يناير 01، 2008

مكعبات الثلج


كل عام في نفس الوقت تقرع الجارة الجرس تطلب مكعبات الثلج لحفل رأس السنه الميلاديه
اعطيها لوحين كاملين
في داخلي عدم راحه الثلج للخمر
هل اشاركها اثمها
هي محرمه في كتابها
كما في كتابي
هل اؤذيها
هل يجب ان اقدم لها النصح
التزم الصمت
ربما تحتاجها لعصير
اقنع نفسي كل عام ربما للعصيرلا اريد فرض قيمي عليها ولا احراجها
مؤكد للعصير وكل عام في صباح ليله الميلاد
اجد زجاجات البيرة خارج شقتها
احزن وانسي
ربنا يحلها السنه الجايه
هذا العام لم تطلب شيئا
اضوائها مغلقه والظلام يلف بيتها اشعر بحزن و افتقاد لها
ربما حدث لها مكروه
وربما ماتت
ربما بسبب كأس
اه يا قسوة الشعور بالخوف والذنب
اتراجع عن قرع الجرس وانشغل ببقيه هموم النهار

هناك 44 تعليقًا:

mohand يقول...

السلام عليكم
لو طلبت منك سكينة
هل هتعرفي السكينة دي عشان تقطع بيها الكيك
ولا عشان تقتل بيها جوزها

دا ردي علي النقطة الاولي

النقطة التانيه اسالي عليها
ليها حق عليكي وهو حق الجار

--------------------
كنت بقولك في البوست اللي مشوفتهوش
لو دخلتي عندي هتغييري فكرتك عن موضوع فتحية خالص
تحياتي

اسكندراني اوي يقول...

بجد شيئ جميل ان يصل الجار جاره ويكون في عونه
انا مش حفتي واقول حلال ولا حرام عشان انا غير مؤهل لده

ولكن حننظر لمنطقيتها

طلبت تلج عشان عصير عشان تبرد بيه حرق في ايدها من الفرن
مش مشكلتنا المهم لو عندك تلج قدميه

وبعدين ما سالتيش عليها اليه دا انتي كلك واجب يعني

دقي الجرس
اطلبي شويه ملح
وسلمي وقوليلها كل سنه وهي طيبه


سعيد اوي اننا ببوست زي ده نصحي حبنا لبعضنا ولجيرانا ايا ما كان دينهم او مذهبهم

الله ينور

عدى النهار يقول...

شوفى هموم النهار بتنفع إزاى
:)

لو مكانك هافكر نفس تفكيرك بس ممكن أعتذر بإن ماعنديش مكعبات ثلج

المهم إنك تسألي عنها

مصطفى حسان يقول...

جميل قوي البوست ده

انتي اكيد عارفه حكاية الراجل اللي كان بيرمي القمامة بتاعتة قدام باب الرسول ص ولما في يوم ما رماهاش الرسول ص سأل عليه ولقاه مريض

متهيألي كده الموضوع خلص

تحياتي على الأسلوب الرائع جدا

Gid-Do - جدو يقول...

اول مرة فى حياتى اسمع من حد انه بيسلف جارة حاجة وبعدين يفكر ياترى جارى راح يعمل بيها اية ـ اسف اقول ان مصر بقى فيها هوس اسمه الحلال والحرام لم يمكن موجود على الاطلاق منذ ميلادى فى منتصف الاربعينات حتى هجرتى فى منتصف السبعينات من القرن الماضى مما يجعلنى اسال نفسى هل كنا نعيش لا نعرف الاسلام وبعد كدة المصريين اكتشفوا الاسلام
بكل اسف التشدد اصبح مرض مزمن فى بلدى اللى كانت مضرب المثل فى التسامح والعيش مع بعض فى سلام

ايه يهمنى لما ادى واحد طلب حسنه لله اللى فية النصيب انه يشترى وجبة طعام ولا قرش حشيش ولا حتى كاس خمر ـ انا غير مسئول عن تصرفاتة لان ربنا اعفانى من هذة المسئولية ـ وزى ما كتب معظم المعلقين قبلى مش كان من الاجدى انك تسالى على جارتك لان دة هو الاسلام

ربنا يسامحنا ويرجعنا لما كنا علية من فهم فطرى خالى من الفزلكة لهذا الدين الجميل

الطائر الحزين يقول...

يا نهار ابيض

ليه كدة

فيه شقين للموضوع

اولا سؤالك عنها هذا مفروغ منه لابد من السؤال

ثانيا لو عندك شك فى انها تأخذة لمحرم فاحتاطى لنفسك ادرأ لنفسك ودينك

انتظرى تدوينتى القادمة بها شىء من هذا المعنى

وتعالى قولى رأيك فى التدوينة الجديدة

بنت القمر يقول...

مهند
المشكله
انا عارفه التلج ليه
ومتأكده
بس بستعبط
عشان مش من حقي اتحشر وبشوف كل سنه تاني يوم الصبح التلج كان ليه
البوست الجديد ها اعلق عليه قريب وان كنت قريته اول ما نزل
اه مسألتش خوف عليها مش جمدان قلب لانها كبيرة في السن وخايفه افقدها فاهم؟؟

بنت القمر يقول...

اسكندراني
ما هي ذكيه وعمر ما حد بيطلب تلج يقول والنبي تلج عشان البيرة
يبقا اهبل
بس القزايز تاني يوم الصبح بتفضح
قزايز خضرا وبني وبيضا وكانز بيره
يعني مش محتاجه حداقه كمان ليله راس السنه اصلا مناسبه احتفال
اما حكايه الملح
مش محتاجه سبب اخبط انا بخبط علطول بس السنه دي قلبي اتقبض انها مختفيه وخفت اسمع خبر وحش
بس
منووووور دااااايما

بنت القمر يقول...

عدي النهار
ما هو موضوع زي ده احد هموم النهار
يعني بتهرب من المشكله الي المشكله الاخري
كأن ضغوط الحياه ناقصه اصلا انعي هم اللي شرب واللي سكر واللي مات ناقصه انا!!ا
الموضوع مش حلال وحرام
لاني معنديش يقين
لكن شبه يقين:)
شفت ازاي
يعني مفيش حوار صريح
لكن انا عارفه وبستعبط
ما بين تقول لنفسك لازم احترم حريه الاخر
ومابين تقول دي كبيره متستحملش كدا
وبقيه الهلاوس بقا
منور
واكيد فهمت قصدي

بنت القمر يقول...

دارش
اهلا
شكلي كدا لازم اسأل ايا كانت النتيجه
بس هو مش كسل ولا جمدان قلب مجرد الخوف ان تفقد ونس اتعودت عليه وده منتهي الحب
اهلاتاني

بنت القمر يقول...

جدو
وبعدين يا جدو بقا
انا بتفزلك برضه؟؟
دا انا اغلب من الغلب ياجدو
والحكايه مش هوس ولا حلال وحرام
خالص
خالص ياجدو
انا بس بحكي ما يدور في خاطري
اتفق معاك ان الناس اتغيرت وكمان للاسواء عن ايام ما حضرتك هاجرت
لكن البوست ده مش عشان اناقش ولا اطلب فتوي
دي مشاعر انسانيه انك بتحب حد وبتديله اللي انت تأكد انه ها يأذيه ومش قادر تزعله
زلما بطلت تطلب تلج خفت يكون جرا لها حاجه وده منتهي الحب
وممكن ده يحصل معاك
يعني حد يطلب منك جاتوة وهو مريض بالسكر لا انت قادر تقوله لا ولا تديله بضمير مرتاح وانت متأكده انه هايؤذي بيه نفسه
حط بقا فوقيها انه مش جاتوة لا دا كل انواع الخمور وهي جده
فهمت ياجدو
مش فذلكه والنعمه
وبعدين دا انا مليش في لون الحلال والحرام ده دا انا بسيطه جدا وكلي اخطاء وابعد ما اكون عن الوعظ والارشاد خالص
منورني اوي

بنت القمر يقول...

الطائر الحزين
متأااكده انك لو علقت هتقول كدا
اعرف ايمان حضرتك
عموما الموضوع مش سهل
اما تدوينه حضرتك الجديده
يسعدني اجي اشوفها واكتب رأيي
حاضر
منور

عين فى الجنة يقول...

على فكرة احنا بنجزع على انفسنا عندما يتغير روتين حياتنا باى صورة
وامام الموت فعندما فقدت امى اكتشفت انى ابكى على نفسى
وعندما يسافر البواب فى العيد لبلده اشعر كأنى عاجز عن الحركة واشعر بالكراهية الشديدة تجاهه لانه غير من روتين حياتى
فنحن نستيقظ فى الصباح وبرنامج اليوم مطبوع فى رؤوسنا و اى تغيير فى الاحداث المتوقعة يصبنا بالجزع
انظرى الى المصريين فى القاهرة يوم هطول المطر تعرفى ماذا اقصد

Unknown يقول...

اسألى عليها الراجل اليهودى الى كان بيقضى حاجته قدام بيت الرسول لما غاب راح الرسول لحد بيته و سال عليه راح الراجل اسلم ، أسألى يمكن فى سؤالك ثواب مستخبى

كل سنة و انتى بوستات كائن حى ينبض بالمشاعر

اسامة يس يقول...

بعيدا عن الحل واحرمة وجدت مذاق للروح والدفء في السطور وهذا هو المطلوب... اراك عبرت ببساطة عن موقفين معقدين عن العلاقة بين دينين وعن الافتقاد...
حين مرض اليهودي الذي كان يلقي القمامة امام بيت النبي محمد صلى الله عليه وسلم ولم يجد النبي القمامة المعتادة امام بيته سأل عنه قالوا مريض فعاده ...
لا اقصد قط تشبيها لكن هذا ما جال بخاطري كتداعي معاني عند فقد شعور معين ...
دمت بكل ود...
خالص تحياتي

الطائر الحزين يقول...

اختاه
شكر الله لك حسن ظنك
انا بقول الرأى الذى اراه مناسبا بصرف النظر عن كونى افعله ام لا
الاصعب من الوقوع فى الخطأ الا نعترف به

بارك الله فيك

يا مراكبي يقول...

أنا أعرف ناس كتير بتداري على ناس تانيين بيقعوا في غلط أكبر من كده .. الظاهر فيه عندنا عطف طبيعي على أصحاب الأخطاء لإدراكنا بحقيقة الضعف الإنساني .. وده موجود عندنا كلنا لكن في صور مختلفة

اللقطة فيها نوع من الفلسفة على فكرة

همسات دافئه يقول...

سلام عليكم
اولا كل سنه وانتى طيبه
ثانيا اعذرينى انى مش هعلق
انا جايه عشان عايزاكى تقرى بوست دا اللينك بتعه
http://ahsashay.blogspot.com/2007/11/582-1805-1938.html
أرجو انه يفيدك
شيماء

الربان يقول...

تحياتي

كل سنه و حضرتك و الجميع بخير و سلام..

اولا...لازم تسألي عن جارتك...يمكن تكون مريضة..يمكن يكون ألم بها مكروه لا سمح الله....
لو سمحتي لا تترددي في السؤال عنها و الاطمئنان عليها إبتغاء مرضاة الله.

ثانيا موضوع الثلج... بالتأكيد هي لديها ثلاجة و تستطيع ان تحصل منها علي ثلج يكفي للعصير...او لاي استخدام أخر...و انت تأكدتي انها تستخدمه في شيء محرم في دينك و أيضا في دينها...
لهذا اقول من المنطقي ( و ليس من باب الحرام و الحلال ، فهذا ليس مجالي او تخصصي)...اقول من المنطقي ان تعتذري لها بلطف ...
بالطبع الموضوع ليس سهلا او بسيطا كما يتخيل البعض و لكنه سيكون شديد الوقع علي نفسك و ستشعرين بالحرج...لكني اقول ان رضي الله اهم ..
وأن من يعظم شعائر الله ( فسر بعض العلماء الشعائر بسنن الله ) فانها من تقوي القلوب...

انار الله قلبك بتقواه و أعزك بهداه...

تحياتي و تقديري

Gid-Do - جدو يقول...

ابنتى العزيزية بنت القمر

لقد حاسبت نفسى ووجدت انى كتبت ردا قاسيا فى تعليقى على تدونتك ـ مكعبات الثلج ـ فارجو قبول اسفى على قسوتى تلك وارجو ان تسامحينى على اندفاعى الذى لم يكن له ما يبررة ـ اكرر اسفى ـ ولك تحياتى

Hypatia يقول...

قمر
كل سنه وانتى طيبه يعنى مجيش المدونه كام يوم الاقى كل البوستات الجميله دى
حابه اعلق على رسالتك لنفسك فى نهايه 2007 بجد جميله اوى ويارب تسمعى كلامك بقى وتنفزيه وتبصى لنفسك شويه وباذن الله ال3شهور اللى فاتو يكونو هم دول نصيبك فى العكننه واللى جاى كله يكون نصيبك فى راحه البال

مممممممممم
اتفق مع جدو اننا فعلا بنتغير للاسوأ وان عندنا حاله هوس بالحلال والحرام لكن اللى فهمتو منك انك بتتكلمى عن اللى بيدور فى دماغك بس وانتى بتديها التلج واحساسك انك لازم تنصحيها لكن بتتغلبى على الاحساس ده وبترضيها حتى لو كان ده بيخالف ضميرك

ملحوظه:اعتذار جدو رقيق قوى ياريت الناس تتعلم

تحياتى ليكى يا قمر

loumi يقول...

العزيزة بنت القمر
كل عام وانت بخير وبصحه وسعاده يا رب
أسعدني ما كتبتيه لنفسك
فمن أن لأخر نحتاج أن نهتم بأنفسنا أكثر مما يهتم بنا الأخرون

أما جارتك فلا بد
أن تكوني سألت عنها بعد كل هذه التوصيات

هو إنت عندك مكعبات ثلج في الثلج إللي إحنا فيه ده؟
:):):)

يعني أنا لو مكانك مش حيكون عندي مكعبات
بس أكيد حأسأل عليها
تحياتي يا قمر

ذو النون المصري يقول...

بصراحه هي امر محير فعلا
لكن السؤال و عدم الاحرج واجب و لا يجب ايضا ان نفرض عقائدنا علي الناس

بنت القمر يقول...

راجي
انا كمان يوم وفاه ابي بكيت بحرقه رغم انه كان بعيد عن الاسره سنوات طويله بس حسيت انه برضه اتسرق مني حاجه
وان ضهري اتكسر
رغم ان وجوده في حياتي كان رمزي وشكلي جدا لكن احساسي انه راح نهائيا تعبني لاني ايقنت انه انتهي وكان الاخرين يستغربوا بكائي الحار ولكنه كان علي نفسي اللي صعبت اوي عليا
فتحت جراح قديمه يا عزيزي
تحياتي

بنت القمر يقول...

عاليا حليم ملاك التدوين
اولا كل سنه وانتي طيبه
تانيا انا مش متأذيه منها خالص
بالعكس بحبها اوي وخفت افقدها وعموما هي خبطت انهارده
ولاني كنت مريضه ومطفيه نوري افتكرت اني عزلت لاني كنت انوي ذلك
وخافت برضه تصحي يوم متلاقنيش
بس منوورة

بنت القمر يقول...

اسامه
هي سبقت بالخير
وسألت انهارده
وكويس انك لمست اللخبطه لاني مكنتش بقصد اطلب فتوي زي ما البعض تصور
اقرا ردي السابق علي جدو من فضلك
منور دائما

بنت القمر يقول...

الطائر الحزين
انت دايما عند حسن ظننا جميعا
والكل عارفك
الاعتراف بالخطأاو الاحساس بالمشكله
وجهان متلازمان
منور
دايما

بنت القمر يقول...

يا مراكبي
اولا كل سنه وحضرتك طيب
تانيا انا والله كنت بحكي علي شعور انساني مكنتش بطلب فتوي ما بين الخوف والذنب والحيرة بس والحمدلله وصل لحد
تحياتي

بنت القمر يقول...

شيماء همسات دافئه قريت البوست ده كنت بقوله بس انتي زعلتي
يعني قلنا كدا قولتوا اطلعوا من البلد
وعموما مشكورة ومنورة
كل سنه وانتي طيبه

بنت القمر يقول...

الربان
اهلا مرورك الاول
التلج عزيز في الشتا والواحد بينساه الا لما يحتاجه
عشان كدا كان في مفارقه
تانياهي صدفت مرتين
تالتا الحمدلله هي سبقت بالخير وسألت
وعموما مشكور علي النصيحه
بس انا كنت بحكي عن شعور انساني
كل سنه وحضرتك بخير

بنت القمر يقول...

جدو
العفو يا جدو متقلش كدا طالما انا بنتك
يتهيألي ممكن
لاني 34 سنه يعني بنتي قد ياسمين
فالاب ما يعتذرش لولاده
انا مش زعلانه منك انا بس مش عارفه ليه فهمتني غلط حتي معظم المعلقي افتكروا اني بطلب فتوي رغم اني كنت بحكي عن شعور حيرة انساني اي حد ممكن يمر بيه
ممكن اكون مش واضحه لكن ساعتها يكون غلطي
سعيده اوي بمرورك التاني
منورني دايما

بنت القمر يقول...

نسرين بسيوني
اهلا بيك وكل سنه وانتي طيبه
اديني بحاول اتوصي بنفسي وادلع روحي
تقولي ايه بقا
خخخخخ
جدو انسان محترم اوي وكبر اوي في عيني بعد الاعتذار
كلكم زي اهيي والله وجدو زاد غلاوة واعتبرة اب بجد
منورة وكل سنه وانتي طيبه

بنت القمر يقول...

لومي
ههههههههههههههههههههههه
اولا كل سنه وانتي طيبه
تانيا التلج بجيبه لزوم السحلب
هههههههههه
قصدي لزوم الخبطات واللسعات انتي عارفه بقا الفرن وكدا
عموما هي سألت عني انهارده وسبقت بالخير
منورة دايما يا لومي

بنت القمر يقول...

نون المصري الحمد لله حد فهمني
دا انا حسيت اني كلامي موصلش خالص اهي الحيرة دي هدف البوست وسبب اني اشركتكم فيه
بس
اخيرا حد فهمني
كل سنه وانت طيب
منور

Tamer silit يقول...

بنت القمر

بعيد عن ان موضوع البوست حقيقى او لاء
لكن اسلوبك جميل بالفعل

والبوست بيطرح موقف وتساؤلات كتيرة

ترددنا وموجهتنا للى قدمنا ولنفسنا فى حد ذاته مشكلة

ووقف تالانسان مع ضميرة وقناعاته مشكلة تانيه

مشكله ملهاش اجابه فعلا لكن حلولها سهلة

بمعنى انا على قناعة ان الشئ رايح لحرام

وبقنع نفسى بالعكس وبعمل نفسى ماشفتش مع انى فى الحقيقة شايف كل حاجة وعلى يقين بيها كمان

حتى السؤال بيعتبر تبرير موقف لتحليل كلمة انا رضيت ضمير او وانا مالى

المشكلة اكبر بكتير من الحلال والحرام المشكلة مشكلة تخبط وعدم قدرة على المواجهة بيعانى ممنها كتير جدا من الشعب

تحت مليون شعار ممكن يرفعه

دخولى هنا كان صدفة اكيد جميلة بالنسبة لى لكن اكيد راجع

دمتى بخير

بنت القمر يقول...

تامر سليط
والله الموقف حقيقي
وسعيده ان البعض شعر بالحيرة والارتباك والتخبط
سهل اديها واسكت وسهل اقول مفيش الاصعب تفكر وتحاسب نفسك ايا كانت النتيجه
اهلا مرورك الاول
سنه سعيده عليك

خيرالدين يقول...

فى فتره من الفترات اشتغلت فى محل كبابجى0حاتى يعنى)وكان بيقدم بيره واول يوم شغل الرجل طلب من زميلى يروح يجيب البيره من المحل اللى جنبنا فرفض وقال له انا قايل لك من الاول مش شغلتى

تانى يوم حصل ظروف ومكملتش فى الشغل
انا كنت صغير جدا وقتها بس احترت هو لو انا مكانه هاعمل ايه

فى القلب يقول...

بصى يا قمر أنتى توفرى وقت وتتكلى على الله وتطلعله مع كيكه جاهزه من السوبر ماركت
وتعيدى عليا
وهى فرصه عشانلوطلبت الثلج العام القادم تكلميها بقلب

وأبقى بلغينى حصل أيه يا جميله

فى القلب يقول...

كان قصدى فوق تطلعلها و تعيدى عليها

أسفه خطاء مطبعى

Desert cat يقول...

انا شايفه طالما انتى مش متا:دة من السبب الحقيقى اللى بتاخد علشانه التلج يبقى هى وشأنها
وانتى مش ذنبك طبعا هى بتعمل بيه ايه
بالنسبة لعدم احتفالها هذا العيد
فانا شايفه ان حضرتك تسالى عليها
دمتى بكل ود

بنت القمر يقول...

احنا
رغم ان الموضوع مش حرمانيه وحل
لكن
شعور حيرة اكتر
لكن الحل والحرمانيه برضه داخلين
يمكن شعور اشفاق وحب ووحشه لها
ربنا يرحم ويعفو عن الجميع
كل سنه وحضرتك طيب

بنت القمر يقول...

في قلبي
حلوة كيكه جاهزة دي
يعني لزوم توفير الدماغ مثلا
طب وليه بقا المصاريف دي
عموما هي سئلت عني وانتهي الموضوع
كنت بس بوصف مشاعر حيره انسانيه ووصف لشعور الافتقاد بس
منوووورة

بنت القمر يقول...

ديزرت كات
منوورة
هو انا ما ينفعش اعرف اسمك
الاسم الحركي حتي ولا اسم الدلع؟؟
منورة يا ديزرت والله لم يدور في خاطري حكايه الحلال والحرام
لكن شعور بعدم الراحه والخوف علي الجارة بس
منورة
سنه حلوة عليكي

دينا فهمي يقول...

قال رسول الله صلى الله عليه وسلم : لُعِنَتِ الخمرة على عشرة وجوه : لُعِنَت الخمر بعينها وشاربها وساقيها وبائعها ومبتاعها وعاصرها ومعتصرها وحاملها والمحمولة إليه وآكل ثمنها . رواه الإمام أحمد وأبو داود وابن ماجه