حين افترقنا منذ سبع سنوات كامله
وقد اسقط الموت كل ديوني المعلقه لديه!!!
بقيت وحيده
مع اسئله بلا اجوبه..
تحاوطني بعض أمال تتبدد...
وألام تجدد....
.......................
مضيت وكل شيئ ورائي
والقيت ذكرياتي الملونة بالمرارة في بئر عميق.
حاولت جاهده
......
لم اعد اذكر شبحي بسوء ولا بخير!
كنت اخشي حتي من ذكراه
................
أوان اواجه اشباحا تثقل كاهلي
وتمنع عيوني من الانطلاق نحو سماوات بيضاء
وحين واجهت الحياة بعدها...
ولقيت عواصفها وغيومها
.........
اخرجت شبحي القديم من مرقده
عفوته من كل ديونه
طلبت له الرحمه
واهديته صك غفراني
وودعته بكل سلام
ومضيت في طريقي
.................
هناك 22 تعليقًا:
الله ؟ دا انت شاعرة باه و انا معرفش
اتاريكى بتمسكى القصايد عندى تفصصيها
هههههههههههههههههه
اخرجت شبحي القديم من سجنه
طلبت له الرحمه واهديته غفراني
وودعته بكل سلام
ومضيت الي سبيلي
عجبتنى اوى النهاية ، بس انا فهمت ان بطل القصيدة مات صح و لا انا الامر اختلط عليا ؟ و لا شعورك بيه هو الى مات
-----------------
ردا على ردك على تعليقى البوست الى فات اذا كان ع الغياب الكتير ما تخلنيش اكلم
فى احدى قصص الف ليلة الشهيرة ، يتمكن الجنى من ركوب كتفى الشاب بعد ان خدعه واوهمه انه شيخ عجوز لايستطيع الحركة ، بعدها رفض النزول واصبح الشاب عبدا لدي الجنى يذهب به حيث يأمره
ونحن دائما نحمل ماضينا بخيره وشره على عاتقنا مثل الجنى الذى لا فكاك منه فهو يتحكم فينا رغم انوفنا ويوجهنا الى طريق الندم ومن ثم التعاسة
ونمضى فى الحياة نتحسر على مافاتنا من اوهام الحب والسعادة ونجلد انفسنا على اخطائنا وذنوبنا ومعاصينا ونعيد فتح صفحات دفاتر الديون والمستحقات فى حسبة برما لانهائية بين حسابات المكسب والخسارة ، مع اننا ندرك بل نتيقن ان خطواتنا على هذا الدرب ما هى الا انتحار لحاضرنا وشطب لمستقبلنا
ولكن
فى بعض الاحيان تشف ارواحنا وتتسامى فى اشتياق الى العوالم النورانية فتمس قلوبنا وتفتحها للاشراقات المخلصة من العذاب الذى انقض ظهورنا
ونفتح عيوننا فاءذا الجنى قد تلاشى وتبخر ونستعيد البوصلة التى ترشدنا الى طريق السعادة وراحة البال
هو انتى صحيح بنت القمر
ولا النجوووم
ولا البشر
ولا انتى من كوكب تانى
ولا سفيرة الامانى
ولا احلى ما فى لقدر
مش عارف يا بنت القمر
مدونتك فوق الوصف والخيال ولسه هاجى تانى واقرا كتيييييييير عندك واطوف واشوف
واسافر بمركبة قلبى الفضائية ليكى
كريم بهي
بدعوك للزيارة جداااا
السلام عليكم
كويس
اخرجت شبحي القديم من مرقده
عفوته من كل ديونه
طلبت له الرحمه
واهديته صك غفراني
وودعته بكل سلام
ومضيت في طريقي
حسنا فعلتي..يابنوته
:)
أحياناً معايشة عواصف الحياة يٌلين الطباع ويدفع للتسامح وحتى التغاضي برضا عما يمكن إعتباره حقوق سٌلِبت
تلك الاشباح اللعينه تطاردنا
اشباح الذكريات
اشباح حب مات
اشباح كتير في حياه كل واحد فينا
اييييييييييييييه دونيا
خاطرة شعرية رائعة
تشبه معارك احلامى مع الموت
و تعرفين طبعا ان من يحارب المت ينهزم امامه دائما
..
اتمنى لكِ التوفيق
لا لا ..كلام جميل جدا خاصة السطور الأخيرة..الألفاظ فيها منتقاه بعنايةو التعاطي معاه جديد..لا بجد جميل جدا ومستنيين الجديد0
المهم فى النهاية اعفيته من الديون واعطيتيه صك الغفران
والتسامح هو اعلى مراتب الحب
مودتى
فكرة جميلة .. بتدور حوالين مجموعة من الأمثال والحكم المصرية القديمة زي: اللي تخاف منه ما يجيش أحسن منه .. وما عرفتش قيمة أمي إلا لما شفت مراة أبويا .. واللي يتقرص من التعبان يخاف من الحبل .. إلخ من الأمثلة اللي بتهون من الشيء اللي بنخاف منه لما نشوف الأسوأ بكتير
عاليا حليم
منورة ولا شاعرة ولا حاجه دي مجرد خواطر والخاطره دي بالذات عدتها وغيرت كلماتها اكتر من ميت مرة
الشبح مات فهلا موت معنوي ثم موت حقيقي
انا مقصرة معاكي في التعليق لكن متابعه جدا
لانك علي الريدر عندي وكل جديد ك بقراه طازة بطازة
تحياتي
راجي
التعليق افضل من البوست بتاعي
بجد والله انت استاذ وكلماتك لها وزنها دايما
الجني دايما علي ظهورنا.. وحينما نقرر ان نلقيه بنكون نستعد لحمل جني اخر اثقل وزنا لنكتشف ان الجني السابق كان بوزن الريشه
تعليقك دايما وسام ومحرك للتفكير ..
اشكرك
كريم بهي
اهلا بحضرتك بس مش ملاحظ ان اطرائك مبااااااالغ فيه جدااااااا!!!!ا
حتي لو كتبت كلمات من ذهب بأحرف من نور...
اشكرك
اختك بنت القمر
مهند
وعليكم السلام
اشكرك
وان كنت مش عارفه ايه هو اللي كويس
تحياتي
مي عمر
اطلقت سراحه لاطلق سراح نفسي
منورة يا مي وانا متابعاكي حتي لو معلقتش
اشكرك
عدي النهار
جايزة افضل زائر لحضرتك وافضل من يلتقط خيوط افكاري
ومن يتلقي فكرتي الاساسيه
دايما
تلقي بحملك القديم
حينما تحملك الحياه بأخر اثقل فتكتشف انك كنت لا تحمل الا اليسير
وتضطر للتغاضي والتسامح
فلا شيئ يستحق ان تجلد ذاتك وتنتظر تنتظر سداد ديون في حكم المعدومه
فتسقطها راضيا او يائسا
منور خاااالص
اسكندراني اوي
اشباحنا عذابنا..كل يوم يحمل شمس جديده... واشباح جديده
اشكرك
راين مان
من يحارب الموت ينهزم ...والموت يهزم الكل.. ويصفي حساباتك كلها اما بالسقوط او بالضياع...
اشكرك جدا
احمد المصري
اشكرك جدا اشكرك بجد
تحياتي
ديزرت كات
ازيك يا قطه؟؟
اعفيته اعفاء المضطر الموت لا يسقط الديون لالكن يجعلها في حكم المعدومه وحينما تواجههي مصاعب الحياة الاقسي والاعنف تترفقي وترحمي نفسك وتسامحي وتغفري
منورة يا كات
تحياتي
يا مركبي
امثلتك مظبوطه جدا وتنطبق بشكل او باخر علي فكرتي
بجد الاهالي دول عباقرة حين صاغوا خلاصه حكمتهم وتجاربهم في كلمات قصيرة وموجزة
اشكرك يا مراكبي
تحياتي
إرسال تعليق